လိုအပ်ပါက အီရန်နျူကလီးယားစက်ရုံများကို ထပ်မံတိုက်ခိုက်မည်ဟု ထရမ့်ပြော

saceditor

News Image

  • လိုအပ်ပါက အီရန်နျူကလီးယားစက်ရုံများကို ထပ်မံတိုက်ခိုက်မည်ဟု ထရမ့်ပြော

လိုအပ်ပါက အီရန်နျူကလီးယားစက်ရုံများကို ထပ်မံတိုက်ခိုက်ရန် အဆင်သင့်ဖြစ်နေပြီဟု အမေရိကန်သမ္မတ ဒေါ်နယ်ထရမ့်က ပြောကြား လိုက်ပါသည်။ အမေရိကန်တိုက်ခိုက်မှုကြောင့် အီရန်နျူကလီးယား နေရာများ ဆိုးရွားစွာ ပျက်စီးသွားခဲ့ကြောင်း အီရန်နိုင်ငံခြားရေးဝန်ကြီး Abbas Araghchi က ပြောကြားလိုက်ပြီးနောက်တွင် ဒေါ်နယ်ထရမ့်က ထိုသို့ ထုတ်ဖော်ပြောကြားလိုက်ခြင်း ဖြစ်ပါသည်။

"အီရန်နျူကလီးယားနေရာတွေ အပြင်းအထန် ဖျက်ဆီးခံလိုက်ရတာ အမှန်ပါပဲ၊ အရင်က ကျွန်တော်ပြောသလိုပါပဲ၊ လိုအပ်ရင် ထပ်လုပ်မှာပါ" ဟု ဒေါ်နယ်ထရမ့်က ၎င်း၏ Truth လူမှုစာမျက်နှာမှာ ရေးသား ဖော်ပြထားပါသည်။ 

အီရန်နျူကလီးယား စက်ရုံများသည် ပြင်းထန်စွာ ပျက်စီးသွားကြောင်း Fox News နှင့် အင်တာဗျူးတွင် အီရန်နိုင်ငံခြားရေးဝန်ကြီး အာရက်ချီက အစောပိုင်းတွင် ပြောကြားရာတွင် တီဟီရန်သည် မိမိတို့၏ကြွယ်ဝ ချမ်းသာမှုကို စွန့်လွှတ်ရန် အစီအစဉ်မရှိကြောင်း ထည့်သွင်း ပြောကြား ထားပါသည်။

ဇွန်လ ၂၁-၂၂ ရက်တို့တွင် အီရန်၏နျူကလီးယားစက်ရုံများ Fordow, Natanz နှင့် Isfahan တို့ကိုဖျက်ဆီးခဲ့သည်ဟုဆိုသော ထောက်လှမ်းရေး အချက် အလက်သစ်များကို ကိုးကား၍ ဇွန်လ ၂၅ ရက်က ထရမ့်နှင့် အမေရိကန် ကာကွယ်ရေးဝန်ကြီး Pete Hegseth တို့က ပြောကြားခဲ့ကြပါသည်။

ဝါရှင်တန်၏ သတင်းအချက်အလက်များအရ အီရန်သည် တိုက်ခိုက်မှု မပြုလုပ်မီ အဆိုပါနေရာများမှ နျူကလီးယားပစ္စည်းများကို ပြောင်းရွှေ့ ဖယ်ရှားရန် ပျက်ကွက်ခဲ့ကြောင်း အိမ်ဖြူတော်က ထပ်လောင်း အာမခံ ခဲ့ပါသည်။ 

သို့ရာတွင် အမေရိကန်တိုက်ခိုက်မှုများမှာ အီရန်နျူကလီးယားအစီအစဉ်၏ အဓိကအစိတ်အပိုင်းများကို အလုံးစုံ မဖျက်ဆီးနိုင်ခဲ့ကြောင်း အမေရိကန် ထောက်လှမ်းရေးအသိုင်းအဝိုင်းက ယုံကြည်နေကြောင်း သတင်းရင်းမြစ် များကို ကိုးကား၍ CNN သတင်းဌာနက ဇွန်လ ၂၄ ရက်တွင် ဖော်ပြခဲ့ ပါသည်။

ကိုးကား - TASS

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

တရားမဝင် လုပ်ငန်းသုံးပစ္စည်းများ၊ စားသောက်ကုန်ပစ္စည်းများ၊ လိုင်စင်မဲ့မော်တော်ယာဉ်များ၊ လိုင်စင်မဲ့မော်တော်ဆိုင်ကယ်များနှင့် တရားမဝင်ကုန်ပစ္စည်းတင်မော်တော်ယာဉ်များ ဖမ်းဆီးရမိ
တရားမဝင် လုပ်ငန်းသုံးပစ္စည်းများ၊ စားသောက်ကုန်ပစ္စည်းများ၊ လိုင်စင်မဲ့မော်တော်ယာဉ်များ၊ လိုင်စင်မဲ့မော်တော်ဆိုင်ကယ်များနှင့် တရားမဝင်ကုန်ပစ္စည်းတင်မော်တော်ယာဉ်များ ဖမ်းဆီးရမိ
နေပြည်တော် ဇူလိုင် ၂၂တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီ၏ ကြီးကြပ်ကွပ်ကဲမှုဖြင့် တရားမဝင်ကုန်သွယ်မှုများကို ဥပဒေနှင့်အညီ ထိရောက်စွာတားဆီးအရေးယူနိုင်ရေး ဆောင်ရွက်လျက်ရှိသည်။အကောက်ခွန်ဦးစီးဌာန၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ဇူလိုင် ၁၉ ရက်တွင် ပဲခူးတိုင်း ဘုရားကြီးမြို့ ဘုရားလေးကျေးရွာ ZTH ဆီဆိုင်အနီး၌ မြဝတီမြို့မှ ရန်ကုန်မြို့သို့ မောင်းနှင်လာသည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်း ၁၆ မျိုး (ခန့်မှန်းတန်ဖိုးငွေကျပ် ၄၆၄၈၇၂၈၀) နှင့် အဆိုပါပစ္စည်းများတင်ဆောင်လာသည့် Toe 12 Wheels Truck တစ်စီး (ခန့်မှန်းတန်ဖိုးငွေကျပ် ၃၅၀၀၀၀၀၀)ကိုလည်းကောင်း၊ ဇူလိုင် ၂၁ ရက်တွင် မြန်မာ့ စက်မှုဆိပ်ကမ်း၌ ကုန်သေတ္တာ ၂၁ လုံးအတွင်းမှ တရားဝင်စာရွက် စာတမ်းအထောက်အထားတင်ပြနိုင်ခြင်းမရှိသည့် လုပ်ငန်းသုံးပစ္စည်းတစ်မျိုး (ခန့်မှန်တန်ဖိုးငွေကျပ် ၇၅၁၀၉၃၅၆၀) ကိုလည်းကောင်း၊ အေးရှားဝေါလ်ဆိပ်ကမ်း၌ ကုန်သေတ္တာ ၁၈ လုံးအတွင်းမှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် လုပ်ငန်းသုံးပစ္စည်းတစ်မျိုး (ခန့်မှန်းတန်ဖိုးငွေကျပ် ၆၄၆၃၈၀၀၀၀)ကိုလည်းကောင်း၊ စုစုပေါင်းခန့်မှန်းတန်ဖိုးငွေကျပ် ၁၄၇၈၉၆၀၈၄၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။ထို့အပြင် ဇူလိုင် ၂၁ ရက်တွင် ကချင်ပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ ဝိုင်းမော်မြို့နယ် မိုင်းနားကျေးရွာ နိုင်းစတားစက်သုံးဆီဆိုင်အနီး၌ ရပ်တန့်ထားသော မော်တော်ယာဉ်တစ်စီးပေါ်မှ တရားဝင်စာရွက်စာတမ်းအထောက်အထားတင်ပြနိုင်ခြင်းမရှိသည့် တရုတ်နိုင်ငံထုတ် စားသောက်ကုန်ပစ္စည်းခုနစ်မျိုး (ခန့်မှန်းတန်ဖိုးငွေကျပ် ၁၆၀၄၀၀၀၀)နှင့် အဆိုပါပစ္စည်းများ တင်ဆောင်လာသည့် Dong Feng Truck တစ်စီး (ခန့်မှန်းတန်ဖိုးငွေကျပ် ၄၀၀၀၀၀၀၀) စုစုပေါင်း ခန့်မှန်းတန်ဖိုးငွေကျပ် ၅၆၀၄၀၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။ထို့အတူ မန္တလေးတိုင်းဒေသကြီး တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများဆောင်ရွက်ခဲ့ရာ အမရပူရမြို့နယ် ရွှေကြက်ယက်ဆိပ်ကမ်းအနီး၌ မန္တလေးမြို့မှ မိုးညှင်းမြို့သို့သွားရောက်မည့် မော်တော်ယာဉ်တစ်စီးပေါ်မှ တရားဝင်စာရွက်စာတမ်း အထောက်အထားတင်ပြနိုင်ခြင်းမရှိသည့် စားသောက်ကုန်ပစ္စည်း ၃၁ မျိုး၊ လူသုံးကုန်ပစ္စည်းနှစ်မျိုး (ခန့်မှန်းတန်ဖိုးငွေကျပ် ၈၄၂၂၉၂၄၀) နှင့် အဆိုပါပစ္စည်းများ တင်ဆောင်လာသည့် Nissan Condor Truck တစ်စီး (ခန့်မှန်းတန်ဖိုးငွေကျပ် ၂၅၀၀၀၀၀၀)၊ စုစုပေါင်း ခန့်မှန်းတန်ဖိုးငွေကျပ် ၁၀၉၂၂၉၂၄၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူဆောင်ရွက်လျက်ရှိသည်။အလားတူ ရှမ်းပြည်နယ် တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ခဲ့ရာ တာချီလိတ်မြို့နယ် တာချီလိတ်-ဝမ်ပုံ ကားလမ်းမဘေး စွတ်ဆိုင်ကျေးရွာရှိ ခြံဝင်းတစ်ခုအတွင်း၌ စုပုံထားသော အကောက်ခွန်မဲ့စားသောက်ကုန်ပစ္စည်းတစ်မျိုး (ခန့်မှန်းတန်ဖိုးငွေကျပ် ၃၄၆၈၀၀၀၀) ကိုလည်းကောင်း၊ တာချီလိတ်မြို့နယ် တာချီလိတ်-ဝမ်ပုံ ကားလမ်းမဘေး ပါခါကျေးရွာရှိ ခြံဝင်းတစ်ခုအတွင်း၌ စုပုံထားသော အကောက်ခွန်မဲ့စားသောက်ကုန်ပစ္စည်းတစ်မျိုး (ခန့်မှန်းတန်ဖိုးငွေကျပ် ၃၈၂၅၀၀၀၀)ကိုလည်းကောင်း၊ တာချီလိတ်မြို့နယ် တာချီလိတ်-ဝမ်ပုံကားလမ်းမဘေး ပါခုတ်နိုကျေးရွာရှိ ခြံဝင်းတစ်ခုအတွင်း၌ စုပုံထားသော အကောက်ခွန်မဲ့စားသောက်ကုန်ပစ္စည်းတစ်မျိုး (ခန့်မှန်းတန်ဖိုး ငွေကျပ် ၂၉၀၇၀၀၀၀)ကို လည်းကောင်း စုစုပေါင်းခန့်မှန်းတန်ဖိုးငွေကျပ် ၁၀၂၀၀၀၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံး လုပ်နည်းများနှင့်အညီ အရေးယူဆောင်ရွက်လျက်ရှိသည်။ထို့အပြင် ဇူလိုင် ၂၁ ရက်တွင် ပြည်ထဲရေးဝန်ကြီးဌာန မြန်မာနိုင်ငံရဲတပ်ဖွဲ့၏ ဖမ်းဆီးရမိမှုစာရင်းများအရ လိုင်စင်မဲ့မော်တော်ယာဉ် ၁၄ စီးနှင့် လိုင်စင်မဲ့မော်တော်ဆိုင်ကယ် ၁၇ စီး ဖမ်းဆီးရမိခဲ့ပြီး သက်ဆိုင်ရာလုပ်ထုံးလုပ်နည်း၊ ဥပဒေများနှင့်အညီ အရေးယူဆောင်ရွက်လျက်ရှိသည်။ဇူလိုင် ၁၉ ရက်နှင့် ၂၁ ရက်တို့တွင် ဖမ်းဆီးရမိမှုစုစုပေါင်းမှာအမှုတွဲ ၁၂ မှု (ခန့်မှန်းတန်ဖိုးငွေကျပ် ၁၇၄၆၂၃၀၀၈၀)ကို ဖမ်းဆီးရမိခဲ့သည်။ နိုင်ငံတော်၏ စီးပွားရေးဦးတည်ချက်များနှင့်အညီ ကုန်သွယ်မှုကဏ္ဍ ဖွံ့ဖြိုးတိုးတက်အောင် ဆောင်ရွက်ရာတွင် တရားမဝင်ကုန်သွယ်မှုများသည် အဓိကအဟန့်အတားဖြစ်ပေါ်စေပြီး လူမှုစီးပွားရေးကဏ္ဍအပေါ် များစွာဆိုးကျိုးသက်ရောက်ခြင်းများကြောင့် ၎င်းတရားမဝင်တင်သွင်းမှုများအား သက်ဆိုင်ရာတာဝန်ရှိသူများက ယခုထက်ပိုမို၍ တားဆီးစစ်ဆေးကြပ်မတ်ဆောင်ရွက်သွားမည်ဖြစ်ကြောင်း တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီမှ သတင်းရရှိသည်။MOI
Wed, 23-Jul-2025
ကာကွယ်ရေးစွမ်းရည် တိုးမြှင့်ရေးရည်ရွယ်သည့် ပူးတွဲစစ်ရေး လေ့ကျင့်မှု တစ်ရပ် အီရန်နှင့်ရုရှား စတင်ကျင်းပ
ကာကွယ်ရေးစွမ်းရည် တိုးမြှင့်ရေးရည်ရွယ်သည့် ပူးတွဲစစ်ရေး လေ့ကျင့်မှု တစ်ရပ် အီရန်နှင့်ရုရှား စတင်ကျင်းပ
အီရန်နှင့်ရုရှားနိုင်ငံတို့အကြား ကာကွယ်ရေးစွမ်းရည် တိုးမြှင့်ရေးအတွက် ရည်ရွယ်သည့်  ပူးတွဲစစ်ရေးလေ့ကျင့်မှု တစ်ရပ်ကို နှစ်နိုင်ငံ ရေတပ်မတော်များက ဇူလိုင်လ ၂၁ ရက်တွင် စတင်ခဲ့ကြောင်း သိရသည်။CASAREX 2025 ဟုအမည်ပေးထားသည့် နှစ်နိုင်ငံ ပူးတွဲစစ်ရေးလေ့ကျင့်မှုကို အီရန်နိုင်ငံက အိမ်ရှင်အဖြစ် လက်ခံကျင်းပခြင်းဖြစ်ပြီး အဆိုပါစစ်ရေးလေ့ကျင့်မှုကို ကက်စပီယံပင်လယ် အတွင်း၌ သုံးရက်ကြာ ကျင်းပ သွားမည်ဖြစ်သည်။ အဆိုပါပူးတွဲ စစ်ရေးလေ့ကျင့်မှုတွင် အီရန်နှင့်ရုရှားနိုင်ငံတို့မှ ရေတပ်မတော်များ အပါအဝင် အစ္စလာမ်မစ်တော်လှန်ရေး အစောင့်တပ်ဖွဲ့မှ တပ်ဖွဲ့ဝင်များလည်း ပါဝင်လျက်ရှိကြောင်း သိရသည်။CASAREX 2025 ပူးတွဲစစ်ရေးလေ့ကျင့်မှုသည် အဓိကအားဖြင့် ရေကြောင်းလုံခြုံရေးကို တိုးမြှင့်ရန်၊  ကမ်းလွန်ရေပြင်ပိုင်နက်များကို ကာကွယ်ရန်နှင့် ကယ်ဆယ်ရေး လုပ်ငန်းများကို ပူးတွဲလုပ်ဆောင်နိုင်ရန်အတွက် ရည်ရွယ်ထားခြင်းဖြစ်သည်။ အီရန်နှင့်ရုရှားနှစ်နိုင်ငံအကြား ကာကွယ်ရေးဆိုင်ရာ   ပူးပေါင်းဆောင်ရွက်မှုသည် ဆက်လက် မြင့်တက်လာမည်ဖြစ်ကြောင်း ရုရှားရေတပ်မတော်မှ တပ်မှူးတစ်ဦးက ပြောကြားသည်။ယခုစတင် လုပ်ဆောင်ခဲ့သည့် ပူးတွဲစစ်ရေး လေ့ကျင့်မှုသည် အီရန်နှင့်ရုရှားနှစ်နိုင်ငံ ရေတပ်မတော်များ အနေဖြင့် ရေကြောင်းလုံခြုံရေးနှင့် ဒေသတွင်းအင်အား တိုးချဲ့ရေး လုပ်ဆောင်နိုင်စွမ်း ရှိကြောင်းကို ဖော်ပြသည့်   ပူးတွဲလေ့ကျင့်မှု တစ်ရပ်အဖြစ် ကက်စပီယံဒေသတွင်း နိုင်ငံများက ရှုမြင်ထားကြောင်း သိရသည်။MWD Web Portal
Tue, 22-Jul-2025
စစ်ပွဲအတွင်း ပျက်စီးသွားသည့် လေကြောင်းရန်ကာကွယ်ရေး စနစ်များအား အီရန်ပြန်လည် အစားထိုး
စစ်ပွဲအတွင်း ပျက်စီးသွားသည့် လေကြောင်းရန်ကာကွယ်ရေး စနစ်များအား အီရန်ပြန်လည် အစားထိုး
အီရန်နိုင်ငံသည် အစ္စရေးနှင့်ဖြစ်ပွားသည့်  စစ်ပွဲအတွင်း ပျက်စီးသွားသည့် လေကြောင်းရန်ကာကွယ်ရေး စနစ်များအား ပြန်လည်အစားထိုး တပ်ဆင်လိုက်ပြီဖြစ်ကြောင်း အီရန်နိုင်ငံပိုင် မီဒီယာတစ်ခုက ဖော်ပြသည်။အီရန်နိုင်ငံ၏လေကြောင်းရန်ကာကွယ်ရေး စနစ်များသည် အစ္စရေးနိုင်ငံနှင့် ဇွန်လအတွင်းက ဖြစ်ပွားခဲ့သည့်စစ်ပွဲအတွင်း ပျက်စီးသွားခြင်းဖြစ်သည်။ အဆိုပါစစ်ပွဲအတွင်း အစ္စရေးလေတပ်မတော်သည် အီရန်၏ ဝေဟင် အတွင်း လွှမ်းမိုးထားနိုင်ခဲ့ပြီး အီရန်နိုင်ငံ၏ လေကြောင်းကာကွယ်ရေးစနစ်များအား အထိနာစေခဲ့ကြောင်း သိရသည်။သို့သော် အစ္စရေးလေတပ်မတော်၏ တိုက်ခိုက်မှုအတွင်း လေကြောင်းကာကွယ်ရေး စနစ်အချို့ ပျက်စီးသွားခဲ့သော်လည်း အီရန်နိုင်ငံအနေဖြင့် ၎င်းတို့ကြိုတင်ပြင်ဆင်ထားသည့် လက်နက်စနစ်များဖြင့် ပြန်လည်အစားထိုး၍ နိုင်ငံ၏ဝေဟင် ကာကွယ်ရေးကို ပြန်လည်လုပ်ဆောင်နိုင်ခဲ့ကြောင်း သိရသည်။အစ္စရေးနိုင်ငံနှင့်  စစ်မက်မဖြစ်ပွားမီ အီရန်နိုင်ငံတွင် ရုရှားနိုင်ငံလုပ် S-300 အမျိုးအစား လေကြောင်းကာကွယ်ရေးစနစ် အပြင် ပြည်တွင်းဖြစ် Bavar-373 ဒုံးခွင်းဒုံးစနစ်ကိုပါ ပိုင်ဆိုင်ထားခဲ့သည်။ ပြီးခဲ့သည့် လအတွင်းက ဖြစ်ပွားခဲ့သည့် စစ်ပွဲတွင် အစ္စရေးလေတပ်မတော်က အီရန်ပိုင်နက်တွင်းသို့  ထိုးဖောက်ဝင်ရောက်၍ တိုက်ခိုက်ခဲ့ပြီး အီရန်တပ်မတော်ကမူ ၎င်းတို့၏ ရာပေါင်းများစွာသော ဒုံးကျည်များဖြင့် အစ္စရေးပိုင်နက်အတွင်းသို့  ပစ်ခတ်တိုက်ခိုက်ခဲ့ခြင်း ဖြစ်ကြောင်း သိရသည်။ MWD Web Portal
Tue, 22-Jul-2025
လိုအပ်ပါက အီရန်နျူကလီးယားစက်ရုံများကို ထပ်မံတိုက်ခိုက်မည်ဟု ထရမ့်ပြော
လိုအပ်ပါက အီရန်နျူကလီးယားစက်ရုံများကို ထပ်မံတိုက်ခိုက်မည်ဟု ထရမ့်ပြော
လိုအပ်ပါက အီရန်နျူကလီးယားစက်ရုံများကို ထပ်မံတိုက်ခိုက်ရန် အဆင်သင့်ဖြစ်နေပြီဟု အမေရိကန်သမ္မတ ဒေါ်နယ်ထရမ့်က ပြောကြား လိုက်ပါသည်။ အမေရိကန်တိုက်ခိုက်မှုကြောင့် အီရန်နျူကလီးယား နေရာများ ဆိုးရွားစွာ ပျက်စီးသွားခဲ့ကြောင်း အီရန်နိုင်ငံခြားရေးဝန်ကြီး Abbas Araghchi က ပြောကြားလိုက်ပြီးနောက်တွင် ဒေါ်နယ်ထရမ့်က ထိုသို့ ထုတ်ဖော်ပြောကြားလိုက်ခြင်း ဖြစ်ပါသည်။"အီရန်နျူကလီးယားနေရာတွေ အပြင်းအထန် ဖျက်ဆီးခံလိုက်ရတာ အမှန်ပါပဲ၊ အရင်က ကျွန်တော်ပြောသလိုပါပဲ၊ လိုအပ်ရင် ထပ်လုပ်မှာပါ" ဟု ဒေါ်နယ်ထရမ့်က ၎င်း၏ Truth လူမှုစာမျက်နှာမှာ ရေးသား ဖော်ပြထားပါသည်။ အီရန်နျူကလီးယား စက်ရုံများသည် ပြင်းထန်စွာ ပျက်စီးသွားကြောင်း Fox News နှင့် အင်တာဗျူးတွင် အီရန်နိုင်ငံခြားရေးဝန်ကြီး အာရက်ချီက အစောပိုင်းတွင် ပြောကြားရာတွင် တီဟီရန်သည် မိမိတို့၏ကြွယ်ဝ ချမ်းသာမှုကို စွန့်လွှတ်ရန် အစီအစဉ်မရှိကြောင်း ထည့်သွင်း ပြောကြား ထားပါသည်။ဇွန်လ ၂၁-၂၂ ရက်တို့တွင် အီရန်၏နျူကလီးယားစက်ရုံများ Fordow, Natanz နှင့် Isfahan တို့ကိုဖျက်ဆီးခဲ့သည်ဟုဆိုသော ထောက်လှမ်းရေး အချက် အလက်သစ်များကို ကိုးကား၍ ဇွန်လ ၂၅ ရက်က ထရမ့်နှင့် အမေရိကန် ကာကွယ်ရေးဝန်ကြီး Pete Hegseth တို့က ပြောကြားခဲ့ကြပါသည်။ဝါရှင်တန်၏ သတင်းအချက်အလက်များအရ အီရန်သည် တိုက်ခိုက်မှု မပြုလုပ်မီ အဆိုပါနေရာများမှ နျူကလီးယားပစ္စည်းများကို ပြောင်းရွှေ့ ဖယ်ရှားရန် ပျက်ကွက်ခဲ့ကြောင်း အိမ်ဖြူတော်က ထပ်လောင်း အာမခံ ခဲ့ပါသည်။ သို့ရာတွင် အမေရိကန်တိုက်ခိုက်မှုများမှာ အီရန်နျူကလီးယားအစီအစဉ်၏ အဓိကအစိတ်အပိုင်းများကို အလုံးစုံ မဖျက်ဆီးနိုင်ခဲ့ကြောင်း အမေရိကန် ထောက်လှမ်းရေးအသိုင်းအဝိုင်းက ယုံကြည်နေကြောင်း သတင်းရင်းမြစ် များကို ကိုးကား၍ CNN သတင်းဌာနက ဇွန်လ ၂၄ ရက်တွင် ဖော်ပြခဲ့ ပါသည်။ကိုးကား - TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Tue, 22-Jul-2025
ပင်တဂွန်မှ လော့စ်အိန်ဂျလိစ်တွင် တပ်စွဲထားသော မရိန်းတပ်ဖွဲ့ဝင် ၇၀၀ ကို ရုပ်သိမ်း
ပင်တဂွန်မှ လော့စ်အိန်ဂျလိစ်တွင် တပ်စွဲထားသော မရိန်းတပ်ဖွဲ့ဝင် ၇၀၀ ကို ရုပ်သိမ်း
အမေရိကန် ကာကွယ်ရေးဝန်ကြီးဌာနက လော့စ်အိန်ဂျလိစ်မြို့ ပြန်လည် အေးချမ်းတည်ငြိမ်လာသည့်အတွက် မရိန်းတပ်ဖွဲ့ဝင် ၇၀၀ အား ပြန်လည် ရုပ်သိမ်းမည်ဟု ကြေညာခဲ့သည်။"လော့စ်အိန်ဂျလိစ်မြို့ ပြန်လည်အေးချမ်းသွားပါပြီ၊ ကာကွယ်ရေးဝန်ကြီး Peter Hegseth က ရေတပ်တပ်ဖွဲ့ဝင် ၇၀၀ အား အခြားနေရာသို့ ပြန်လည်စီစဉ်ရန် ညွှန်ကြားခဲ့ပါသည်" ဟု ပင်တဂွန် ပြောရေးဆိုခွင့်ရှိသူ Sean Parnell က ဇူလိုင် ၂၁ ရက်တွင် ပြောကြားခဲ့သည်။ ထို့အပြင် Parnell က ဇွန်လအတွင်း ကယ်လီဖိုးနီးယားပြည်နယ်၊ လော့စ်အိန်ဂျလိစ်သို့ မရိန်းတပ်ဖွဲ့များ စေလွှတ်ရန်ဆုံးဖြတ်ချက်မှာမှန်ကန်သောလုပ်ဆောင်မှုဖြစ်ပြီး အမြန်ဆုံးနှင့် စည်းကမ်းပြည့်ဝစွာ ဆောင်ရွက်ခဲ့ကြောင်း၊ ၎င်းတို့ရှိနေမှုသည် မြို့တွင် တည်ငြိမ်အေးချမ်းရေး နှင့် ဥပဒေစိုးမိုးရေး ပြန်လည်ထူထောင်ရာတွင် အရေးပါသော အခန်း ကဏ္ဍ မှ ပါဝင်ခဲ့ကြောင်း ထပ်လောင်းပြောကြားခဲ့သည်။လော့စ်အိန်ဂျလိစ်မှ မရိန်းတပ်ဖွဲ့များ ရုပ်သိမ်းရန် ဆုံးဖြတ်ချက်ကို လွန်ခဲ့သည့် သီတင်းပတ်နှောင်းပိုင်းတွင် ချမှတ်ခဲ့ကြောင်း ဝါရှင်တန်ပို့စ် သတင်းစာက ဖော်ပြခဲ့သည်။ ယခုအချိန်တွင် တပ်ဖွဲ့များ မြို့မှ မထွက်ခွာ သေးသော်လည်း လာမည့်ရက်အနည်းငယ်အတွင်း လော့စ်အိန်ဂျလိစ်မှ မိုင် ၁၅၀ ခန့်အကွာ Twentynine Palms စခန်းသို့ ပြောင်းရွှေ့ရန် စီစဉ်နေကြောင်း သိရသည်။ဇွန်လအတွင်း အမေရိကန် ပြည်ထဲရေး လုံခြုံရေးဌာန၏ Immigration and Customs Enforcement (ICE) အေဂျင်စီမှ ဦးဆောင်သော တရားမဝင် ရွှေ့ပြောင်းနေထိုင်သူများအား စစ်ဆင်ရေးများကြောင့် လော့စ်အိန်ဂျလိစ်တွင် ဆန္ဒပြမှုများ ပေါ်ပေါက်ခဲ့သည်။ ဆန္ဒပြမှု အများစု သည် အေးချမ်းသော်လည်း မြို့လယ်တွင် ဆန္ဒပြသူများနှင့် ဖက်ဒရယ် တပ်ဖွဲ့များအကြား အချို့သော တိုက်ခိုက်မှုများသည် အကြမ်းဖက်မှု အထိ မြင့်တက်သွားခဲ့သည်။သမ္မတ Donald Trump သည် လော့စ်အိန်ဂျလိစ်မှ ဆန္ဒပြသူများအား အကြမ်းဖက်သမားများနှင့် ပြစ်မှုကျူးလွန်သူများအဖြစ် ရှုတ်ချခဲ့သည်။ ၎င်းသည် ကယ်လီဖိုးနီးယား အမျိုးသားကာကွယ်ရေးတပ်ဖွဲ့ (National Guard) မှ တပ်ဖွဲ့ဝင် ၄,၈၀၀ ကို မြို့တော်သို့ စေလွှတ်ခဲ့ပြီး နောက်ပိုင်း တွင် ပင်တဂွန်မှ မရိန်းတပ်သား ၇၀၀ ထပ်မံဖြည့်တင်းခဲ့သည်။ အဆိုပါ တပ်ဖွဲ့များသည် အဓိကအားဖြင့် ဖက်ဒရယ်အဆောက်အအုံများကို ကာကွယ်ရန်နှင့် ICE အား ရွှေ့ပြောင်းနေထိုင်သူများအား ဖမ်းဆီးရန် ကူညီဆောင်ရွက်ပေးရန် ဖြစ်သည်။လွန်ခဲ့သည့် ရက်သတ္တပတ်အနည်းငယ်အတွင်း အမေရိကန် အမျိုးသား ကာကွယ်ရေးတပ်ဖွဲ့သည် လော့စ်အိန်ဂျလိစ်မှ ၎င်း၏ တပ်ဖွဲ့အချို့ကို ရုပ်သိမ်းခဲ့ပြီး ၂,၀၀၀ ခန့်သာ ကျန်ရှိခဲ့သည်။ ကယ်လီဖိုးနီးယား အုပ်ချုပ်ရေးမှူး Gavin Newsom သည် သမ္မတ Trump အား ကျန်တပ်ဖွဲ့များကို မြို့တော် မှ ရုပ်သိမ်းရန် အဆက်မပြတ်တောင်းဆိုနေဆဲဖြစ်သည်။ပင်တဂွန်၏ အဆိုအရ အမျိုးသား ကာကွယ်ရေးတပ်ဖွဲ့ စေလွှတ်ရန် ဆုံးဖြတ်ချက်သည် ရက် ၆၀ အထိ အာဏာသက်ရောက်သော်လည်း ဝန်ကြီး Hegseth တွင် "မြေပြင်အခြေအနေအရ ပြောင်းလဲမှုများကို လိုက်လျောညီထွေတုံ့ပြန်နိုင်ရန် “အဆိုပါကာလကို လျှော့ချခြင်း သို့မဟုတ် တိုးချဲ့ခြင်းပြုလုပ်နိုင်သည့် လုပ်ပိုင်ခွင့်ရှိသည်” ဟု သိရှိရပါသည်။ကိုးကား- VN Expressဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Tue, 22-Jul-2025
ရုရှားကာကွယ်ရေးဝန်ကြီးဌာနက ယူကရိန်း၏ ကာကွယ်ရေး စက်မှု လုပ်ငန်းအခြေစိုက်နေရာများကို ဟိုက်ပါဆောနစ်ဒုံးပျံများဖြင့် တိုက်ခိုက်ခဲ့ကြောင်း အတည်ပြု
ရုရှားကာကွယ်ရေးဝန်ကြီးဌာနက ယူကရိန်း၏ ကာကွယ်ရေး စက်မှု လုပ်ငန်းအခြေစိုက်နေရာများကို ဟိုက်ပါဆောနစ်ဒုံးပျံများဖြင့် တိုက်ခိုက်ခဲ့ကြောင်း အတည်ပြု
မော်စကိုရှိ ကာကွယ်ရေးဝန်ကြီးဌာနက ရုရှားတပ်ဖွဲ့များသည် ယူကရိန်း၏ စစ်ဘက်ဆိုင်ရာစက်မှုလုပ်ငန်းစုများနှင့် လေယာဉ်ကွင်းအခြေခံ အဆောက်အအုံများကို ညအချိန်တွင် ပေါင်းစပ်တိုက်ခိုက်မှုများ ပြုလုပ် ခဲ့ကြောင်း ပြောကြားခဲ့သည်။တနင်္လာနေ့ (ဇူလိုင် ၂၁) က ဝန်ကြီးဌာန၏ထုတ်ပြန်ချက်တွင် Kinzhal ဟိုက်ပါဆောနစ်ဒုံးပျံများနှင့် တိုက်ခိုက်ရေးဒရုန်းများဖြင့် ပစ်ခတ် တိုက်ခိုက် ခြင်းများအပါအဝင် ကြည်း၊ ရေ၊ လေ ပေါင်းစပ်တိုက်ခိုက်မှုများဖြင့် တိုက်ခိုက်ခဲ့ကြောင်းနှင့် အဆိုပါ တိုက်ခိုက်မှု၏ ရည်မှန်းချက် အောင်မြင် ပြီး သတ်မှတ်ထားသော ပစ်မှတ်အားလုံးကို ထိမှန်ခဲ့ပါသည်ဟု ဝန်ကြီး ဌာနက ဖော်ပြခဲ့သည်။ယူကရိန်းခေါင်းဆောင် ဗလာဒီမာ ဇီလန်စကီးကလည်း Kiev နှင့် အနီး ဝန်းကျင်ဒေသများ၊ Kharkov နှင့် Ivano-Frankivsk တို့တွင် ပျက်စီးမှု များရှိကြောင်း အတည်ပြုခဲ့သည်။ ထို့အပြင် Sumy ၊ Khmelnitsky ၊ Kirovograd ၊ Nikolayev နှင့် Poltava ဒေသများအပြင် Kherson ဒေသ ၏ Kiev ထိန်းချုပ်နယ်မြေတွင်လည်း ယူကရိန်းလေကြောင်းရန် ကာကွယ်ရေး တပ်ဖွဲ့များက ဒရုန်းများကို ပစ်ချခဲ့ကြောင်း ဆိုသည်။ဇီလန်စကီး၏ပြောကြားချက်အရ ညလုံးပေါက်ကြာမြင့်ခဲ့သည့် အဆိုပါ တိုက်ခိုက်မှုတွင် ဒရုန်း ၄၂၀ ကျော်နှင့် ဒုံးကျည် ၂၀ ကျော်ပါဝင်ခဲ့ပြီး လူနှစ်ဦးသေဆုံးကာ ၁၅ ဦးဒဏ်ရာရခဲ့သည်ဟု သိရှိရသည်။ရုရှားအရာရှိများက အဆိုပါတိုက်ခိုက်မှုများသည် စစ်ရေးဆိုင်ရာနှင့် သက်ဆိုင်သော အဆောက်အဦများကိုသာ ဦးတည်သည်ဟုဆိုကာ ၎င်းတို့ သည် ပြည်သူများကို မည်သည့်အခါမျှ ပစ်မှတ်မထားဟု ပြောဆိုခဲ့သည်။ မော်စကိုကလည်း အဆိုပါတိုက်ခိုက်မှုများသည် ရုရှားနိုင်ငံအတွင်းပိုင်းရှိ နေအိမ်အဆောက်အဦများနှင့် အရေးကြီးအခြေခံအဆောက်အအုံများကို မကြာခဏ ပစ်မှတ်ထားတိုက်ခိုက်လေ့ရှိသည့် ကိယက်ဗ်၏ တိုက်ခိုက်မှုများကို ပြန်လည်တုံ့ပြန်ခြင်းဖြစ်သည်ဟု ဆိုသည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
Tue, 22-Jul-2025
© Copyright 2024 SAC All Rights Reserved.