ရုရှားရေတပ်မှ အကြီးစားကမ်းထိုးရေ ယာဉ်တစ်စင်းဖြစ်သည့် Admiral Nevelskoy  သည် အရှေ့ပင်လယ် သို့မဟုတ် ဂျပန် ပင်လယ်အတွင်း၌ အမြောက်ပစ်လေ့ကျင့်မှုတစ်ရပ်ကိုလုပ်ဆောင်ခဲ့ကြောင်း Interfax သတင်းအေဂျင်စီက ဖေဖော်ဝါရီလ  ၁၇ ရက်တွင် ဖော်ပြသည်။

အဆိုပါစစ်ရေး လေ့ကျင့်မှုအတွင်း ရုရှား စစ်ရေယာဉ်သည် ၎င်း၏လေကြောင်း ကာကွယ်ရေး စွမ်းဆောင်ရည်ကို စမ်းသပ်ရန်အတွက် သရုပ်သကန် အမှန်ဖန်တီးထားသည့် လေကြောင်းပစ်မှတ်များကို အမြောက်ဖြင့်ပစ်ခတ်၍ လေ့ကျင့်ခဲ့ခြင်းဖြစ်သည်။

      ရုရှားနှင့်အမေရိကန်တို့အနေဖြင့် ယခုအချိန်မှစ၍ ငြိမ်းချမ်းရေးကိုသာ အာရုံစိုက်လုပ်ဆောင်မည်ဖြစ်ကြောင်း ရုရှားအစိုးရအဖွဲ့မှ  ပြောရေးဆိုခွင့်ရှိသူ   ဒီမီထရီ ပက်စကော့က ဖေဖော်ဝါရီလ ၁၆ ရက်တွင် ပြောသည်။

     အာဖဂန်နစ္စတန်နိုင်ငံရှိ ဝန်ကြီးဌာန တစ်ခုအား အသေခံဗုံးခွဲတိုက်ခိုက်ခဲ့ခြင်းသည် ၎င်းတို့၏ လက်ချက်ဖြစ်သည်ဟု IS စစ်သွေးကြွအဖွဲ့က ထုတ်ဖော်ပြောကြားခဲ့ကြောင်း သိရသည်။

      ဘရာဇီးနိုင်ငံမှ အသက် ၁၀၀ ကျော်အရွယ်ရှိ အဘိုးအိုဇနီးမောင်နှံသည် ကမ္ဘာပေါ်တွင်  နှစ်အရှည်ကြာဆုံး  လက်ထပ်ထိမ်းမြားသူဇနီးမောင်နှံအဖြစ် ဂင်းနစ်စံချိန်တင်နိုင်ခဲ့ကြောင်း သိရသည်။