အမေရိကန်သမ္မတ ဒေါ်နယ်ထရမ့်၏ကုန်သွယ်ဖက်နိုင်ငံများအပေါ် အပြန်အလှန် အကောက်ခွန် စည်းကြပ်ခြင်းအစီအစဉ်သည် စည်းကြပ်ခွန်များ လျော့ပါးစေရေးကို ဖော်ဆောင်နိုင်မည့် စေ့စပ်ညှိနှိုင်းမှုများကို ကယောက်ကယက် ဖြစ်စေနိုင်သော်လည်း အလားတူ ပြင်းထန်သည့် လက်တုန့်ပြန်မှု ဖြစ်စေကြောင်းကို လေ့လာသူများက သတိပေးလျက်ရှိပါသည်။
အမေရိကန်အစိုးရက မက္ကဆီကိုရှိ မူးယစ်ဂိုဏ်းအဖွဲ့များကို အကြမ်းဖက်အုပ်စုများအဖြစ် သတ်မှတ်ပါက အမေရိကန်လက်နက် ထုတ်လုပ်သူများအား မက္ကဆီကိုနိုင်ငံတွင် ဖြစ်ပွားသည့် ရာဇဝတ်မှုများတွင် ပါဝင်သူများ အဖြစ် တရားစွဲဆိုသွားမည်ဖြစ်ကြောင်း မက္ကဆီကိုသမ္မတ Claudia Shein က ဖေဖော်ဝါရီ ၁၄ ရက်တွင် ပြုလုပ်သည့် နေ့စဉ် သတင်းစာ ရှင်းလင်းပွဲတွင် ပြောကြားခဲ့သည်။
မက္ကဆီကိုရှိ ရာဇဝတ်မှုကျူးလွန်သူအဖွဲ့များ အသုံးပြုသော လက်နက် များ၏ ၇၄% သည် နယ်စပ်ဒေသမြောက်ပိုင်းမှလာသည်ကို အမေရိကန် တရားရေးဌာနကပင် တရားဝင်အသိ အမှတ်ပြုထားကြောင်း သူမက ဆက်လက်ပြောကြားထားပါသည်။
ယူကရိန်းပဋိပက္ခအဆုံးသတ်ရေးနှင့်ပတ်သက်၍ ဥရောပကို စေ့စပ်ညှိနှိုင်းဆွေးနွေးပွဲများမှ ချန်လှပ်ထားမည်ဆိုပါက ဥရောပနှင့် အမေရိကန်တို့၏ ဆက်ဆံရေးမှာ ပြောင်းလဲသွားနိုင်ပြီး သမိုင်းတွင်မည့် ပြောင်းလဲမှုတစ်ခုဖြစ်နိုင်ကြောင်း ဂျာမနီ ကာကွယ်ရေးဝန်ကြီး Boris Pistorius က ပြောကြားလိုက်ပါသည်။
အမေရိကန်သမ္မတဒေါ်နယ်ထရမ့်က ရုရှားကို G8 အဖွဲ့သို့ ပြန်လည်ဝင်ရောက်ရန် ပြောကြားမှုမှာ ရုရှားနှင့် ၂၁ ရာစု မဟာစီးပွားရေး ပြိုင်ဘက် တရုတ်တို့၏ မိတ်ဖက်ဆက်ဆံရေးကို အားပျော့သွားစေရန် ရည်ရွယ် ထားခြင်းဖြစ်ကြောင်း ရုရှားဆီးနိတ်အမတ် Alexey Pushkov က ပြောကြားလိုက်ပါသည်။