ရုရှားနိုင်ငံ၏ လုံခြုံရေးကောင်စီဒုဥက္ကဋ္ဌ ဒမီထရီ မက်ဗ်ဒက်ဗ်သည် ယူကရိန်းသမ္မတ ဗလာဒီမာ ဇီလန်စကီးအား အမေရိကန်သမ္မတ ထရမ့် ၏ လုပ်ရပ်များကို ဝေဖန်ရာတွင် “ကျေးဇူးရှင်ကို ပြန်ပြီး ရန်လုပ်သည်” (သို့မဟုတ် ကူညီသူကို မထီမဲ့မြင်ပြုသည်) ဟု ဝေဖန်ခဲ့ပါသည်။ 

အစောပိုင်းက ဇီလန်စကီးက သမ္မတ ပူတင်နှင့် အမေရိကန် သမ္မတ ထရမ့်တို့၏ ဖုန်းပြောဆိုမှုသည် အမေရိကန်အတွက် အထူးအန္တရာယ် မရှိသော်လည်း ကမ္ဘာ့ကျန်ဒေသများအတွက်မူ ထိုသို့မပြောနိုင်ကြောင်း ထုတ်ဖော်ပြောကြားခဲ့ပါသည်။ 

ရုရှားသမ္မတ ဗလာဒီမာ ပူတင်သည် ယူကရိန်းဆိုင်ရာဆွေးနွေးပွဲအတွက် 'အတွေ့အကြုံရင့်ကျက်သောပုဂ္ဂိုလ်များ' အဖွဲ့ကို ဖွဲ့စည်းနေကြောင်း သိရှိရပါသည်။

ယူကရိန်းဆိုင်ရာကိစ္စရပ်များတွေ့ဆုံဆွေးနွေးရန် မော်စကိုသို့လာရောက်ရန်အသင့်ရှိကြောင်း အမေရိကန် ဒုတိယသမ္မတ ဂျေဒီ ဗန့်စ် က ပြောကြားခဲ့ပါသည်။

မြူးနစ်ညီလာခံတွင် ၎င်း၏မိန့်ခွန်းအတွင်း ယူကရိန်းနှင့် ရုရှားစစ်ပွဲဆိုင်ရာ သီးသန့်အချက်အလက်များကို ပြောကြားခဲ့ခြင်းမရှိကြောင်း အမေရိကန် ဒုသမ္မတ ဗန့်စ် ကထုတ်ဖော်ပြောကြားခဲ့ပါသည်။

ကိုးကား - Izvestia

ယူကရိန်းပဋိပက္ခဖြေရှင်းပြီးနောက် ရုရှားသည် ကမ္ဘာ့စီးပွားရေးစနစ်နှင့် ဥရောပလုံခြုံရေးတို့တွင် ပြန်လည်ပါဝင်လာမည်ဖြစ်ကြောင်း ဟန်ဂေရီ ဝန်ကြီးချုပ် ဗစ်တာအိုဗန် က ပြောကြားခဲ့ပါသည်။

ဟန်ဂေရီဝန်ကြီးချုပ် ဗစ်တာ အိုဗန်က Kossuth ရေဒီယိုနှင့် တွေ့ဆုံမေးမြန်းခန်းတွင် ယူကရိန်းပဋိပက္ခအပြီးသတ်ပြီးနောက် ရုရှားအား ကမ္ဘာ့ စီးပွားရေးစနစ်နှင့် ဥရောပလုံခြုံရေးတို့တွင် အပြည့်အဝပြန်လည် ပေါင်းစည်းနိုင်မည်ဟု ထုတ်ဖော်ပြောဆိုခဲ့ပါသည်။