ကနေဒါမြို့တော် တိုရွန်တိုရှိ ဘားတစ်ခုတွင် ပစ်ခတ်မှုဖြစ်ပွားပြီး လူ ၁၂ ဦး ဒဏ်ရာရရှိခဲ့ပြီးနောက် သံသယရှိသူသုံးဦးသည် လက်ရှိတွင်ထွက်ပြေး လွတ်မြောက်နေဆဲဖြစ်ကြောင်း ရဲတပ်ဖွဲ့က ပြောကြားခဲ့သည်။
ဒေသစံတော်ချိန် သောကြာည ၂၂း၃၉ (GMT စနေနေ့ ၀၃း၃၉) တွင် တိုရွန်တိုအရှေ့ပိုင်း Scarborough မြို့လယ်နှင့် နီးသောနေရာ၌ ပစ်ခတ်မှုဖြစ်ပွားခဲ့ခြင်းဖြစ်သည်။
အီတလီဝန်ကြီးချုပ် Giorgia Meloni က ယူကရိန်းသည် အမေရိကန် ဦးဆောင်သော စစ်ဘက်ဆိုင်ရာအဖွဲ့တွင် တရားဝင်မပါဝင်သော်လည်း NATO အဆင့်လုံခြုံရေးအာမခံချက်များ ရရှိသင့်ကြောင်းအဆိုပြုခဲ့ပြီးဥရောပငြိမ်းချမ်းရေးတပ်ဖွဲ့များစေလွှတ်ရန် အကြံပြုချက်ကို ပယ်ချခဲ့ကာ ရေရှည်အတွက် ပိုမိုတည်တံ့စေမည့်ဖြေရှင်းနည်းကိုသာ ထောက်ခံကြောင်း ပြောကြားခဲ့သည်။
ဝါရှင်တန်သည် ရုရှားနှင့် ယူကရိန်းအကြား ဖြစ်ပွားနေသော စစ်ရေးပဋိပက္ခကို အမြန်ဖြေရှင်းရန် ကြိုးပမ်းနေချိန်တွင် Meloni ၏ မှတ်ချက်များ ထွက်ပေါ်လာခြင်း ဖြစ်သည်။
အမေရိကန်နှင့် ဂျပန်နိုင်ငံကြား မဟာမိတ်စာချုပ်သည် မျှတမှုမရှိကြောင်း အမေရိကန်သမ္မတ ဒေါ်နယ်ထရမ့်က ထုတ်ဖော်ပြောဆိုလိုက်သည်။ ဒေါ်နယ်ထရမ့်က “ကျွန်တော်တို့ဟာ ဂျပန်နိုင်ငံနဲ့ အလွန်ကောင်းမွန်တဲ့ ဆက်ဆံရေး ရှိတယ်။ ဒါပေမဲ့ ကျွန်တော်တို့ဟာ ဂျပန်နိုင်ငံနဲ့ ပတ်သက်ရင် သူတို့ကိုကာကွယ်ပေးရပေမယ့် သူတို့ကတော့ ကျွန်တော်တို့နိုင်ငံကို ကာကွယ်ပေးစရာမလိုဘူး။ တစ်နည်းအားဖြင့် သူတို့က ငါတို့နဲ့ စီးပွားရေး အရ ချမ်းသာတယ်။ တကယ်မေးတာပါ။ ဒီသဘောတူညီချက်တွေကို ဘယ်သူလုပ်တာလဲ၊ မျှတမှုရှိရဲ့လား” ဟု ပြောသည်။
အမေရိကန်သည် တောင်အာဖရိကသို့ ထောက်ပံနေသော ဖက်ဒရယ် ရန်ပုံငွေအားလုံးကို ရပ်တန့်သွားမည်ဖြစ်ကြောင်း သမ္မတ ဒေါ်နယ်ထရမ့် က မတ်လ ၇ ရက်(သောကြာ)နေ့တွင် ကြေညာခဲ့ပြီး နေထိုင်ရန် မသင့်သော နေရာဟုခေါ်ဆိုကာ ယခုအချိန်၌ ထွက်ခွာလိုသူမည်သူမဆို အမြန်ရွှေ့ပြောင်းနိုင်ရန် ကမ်းလှမ်းခဲ့သည်။