အမေရိကန်သမ္မတ ဒေါ်နယ်ထရမ့်သည် မေလ ၁၄ရက် နံနက်ပိုင်းက ဆော်ဒီအာရေဗျနိုင်ငံ ရီယက်မြို့တွင် ဆီးရီးယား သမ္မတသစ် အာမက် အယ်လ်ရှာရာနှင့် တွေ့ဆုံခဲ့သည်ဟု အိမ်ဖြူတော်အရာရှိတစ်ဦးက ပြောကြောင်း The New York Times သတင်းတွင် ဖော်ပြထားသည်။

ထရမ့်သည် အာရပ်နိုင်ငံ ၆ နိုင်ငံမှ ခေါင်းဆောင်များနှင့် ထိပ်သီး အစည်းအဝေးမတိုင်မီ ဆီးရီးယားသမ္မတသစ်နှင့် နာရီဝက်ခန့် စကားပြောဆိုခဲ့သည်ဟုဆိုသည်။

အမေရိကန်သမ္မတ ဒေါ်နယ်ထရမ့်က ဆော်ဒီအာရေဗျနှင့် ကြီးမားသည့် ရင်းနှီးမြှုပ်နှံမှု သဘောတူညီချက်ကို လုပ်ဆောင်နိုင်ခဲ့သည်။ အဆိုပါဝယ်ယူမှု သဘောတူညီချက်တွင် အမေရိကန်နိုင်ငံထုတ် စစ်လက်နက်ပစ္စည်းများအား ဝယ်ယူမှုမှာ အများဆုံး ဖြစ်သည်။

တရုတ်နိုင်ငံက လက်တင်အမေရိကနှင့် ကာရေဘီယံနိုင်ငံ ၅ နိုင်ငံပေါ် ဗီဇာကင်းလွတ်ခွင့်မူဝါဒ ကျင့်သုံးရန် ဆုံးဖြတ်ထားကြောင်း၊ ထို့ပြင် အဆိုပါ မူဝါဒလွှမ်းခြုံသော ဒေသတွင်းနိုင်ငံ အတိုင်းအတာကို အလျဉ်းသင့်သလို တိုးချဲ့သွားမည်ဖြစ်ကြောင်း တရုတ်နိုင်ငံ သမ္မတ ရှီကျင့်ဖျင်က မေ ၁၃ ရက်တွင် ပြောကြားခဲ့သည်။