ပြည်ထဲရေးဝန်ကြီးဌာန အတွင်းဝန် Kristi Noem က ဗုဒ္ဓဟူးနေ့ (မေ ၂၁) ညနေပိုင်းတွင် ဝါရှင်တန်ဒီစီမြို့ရှိ Capital Jewish Museum အနီးတွင် အစ္စရေးသံရုံးမှ ဝန်ထမ်း ၂ ဦး ပစ်ခတ်သတ်ဖြတ်ခံခဲ့ရကြောင်း ထုတ်ပြန် ကြေညာခဲ့သည်။ 

“ဝါရှင်တန်ဒီစီရှိ ဂျူးပြတိုက်အနီးတွင် အစ္စရေးသံရုံးဝန်ထမ်း ၂ ဦး အကြောင်းမဲ့ ပစ်ခတ်ခံခဲ့ရပါသည်။ မိမိတို့အနေဖြင့် ဖြစ်စဉ်အား ပိုမို သိရှိ နိုင်ရန် စုံစမ်းစစ်ဆေးမှုများ အပြင်းအထန် ဆောင်ရွက်လျက်ရှိပါသည်” ဟု Noem က X တွင် ရေးသားခဲ့သည်။

ယခင် ယူကရိန်း ဥပဒေပြုအမတ်နှင့် သမ္မတ၏ အကြံပေးဖြစ်သူ Andrey Portnov ကို မေလ ၂၁ ရက် (ဗုဒ္ဓဟူးနေ့) တွင် စပိန်နိုင်ငံ၏ မြို့တော် Madrid ဆင်ခြေဖုံးဒေသ၌ သေနတ်ဖြင့် ပစ်သတ်ခံခဲ့ရသည်ဟု ဒေသခံ မီဒီယာများ၏ ဖော်ပြချက်အရ သိရှိရသည်။

ရုရှားလူမျိုး စွန့်ဦးတီထွင်သူစီးပွားရေးလုပ်ငန်းရှင်နှင့် ပရဟိတ ဆောင်ရွက်သူ Moshe (Vyacheslav) Kantor သည် ဗုဒ္ဓဟူးနေ့ (မေ ၂၁) က ဂျေရုဆလင်မြို့တွင် ကျင်းပသော အထွေထွေညီလာခံတွင် မဲအရေအတွက် သုံးပုံနှစ်ပုံနီးပါးရရှိခဲ့ပြီး ဥရောပဂျူးလူမျိုးများ ကွန်ဂရက် (EJC) ဥက္ကဋ္ဌအဖြစ် ပြန်လည်ရွေးချယ်ခံရသည်။

အစ္စရေးတပ်ဖွဲ့ဝင်များသည် ဗုဒ္ဓဟူးနေ့ (မေ ၂၁) က ဂါဇာ အနောက်ဘက်ခြမ်း (ဝက်စ်ဘဂ်) ရှိ ဂျနင်းဒုက္ခသည်စခန်းသို့ လာရောက် လည်ပတ်နေသည့် နိုင်ငံခြားသံတမန်အဖွဲ့အနီးတွင် ပစ်ခတ်မှုပြုခဲ့ပြီး နိုင်ငံပေါင်း ၂၀ ကျော်မှ ကိုယ်စားလှယ်များနှင့် သတင်းထောက်များ ထိတ်လန့် တုန်လှုပ်စွာ ထွက်ပြေးနေကြသည့် မြင်ကွင်းကို ဖြစ်စဉ်နေရာမှ ဗီဒီယို မှတ်တမ်းများတွင် မြင်တွေ့ရသည်။