ကုလသမဂ္ဂ၏ လူသားချင်းစာနာထောက်ထားရေး အကြီးအကဲ တွမ် ဖလက်ချာက “အကူအညီ ပိုမိုမရရှိပါက ဂါဇာတွင် လာမည့် ၄၈ နာရီအတွင်း ကလေးငယ် ၁၄,၀၀၀ ခန့် သေဆုံးနိုင်သည်” ဟု သတိပေး ပြောကြားခဲ့သည်။

အစ္စရေးသည် တနင်္လာနေ့ (မေ ၁၉) တွင် ဂါဇာသို့ အကူအညီပေးပို့ရန် ၁၁ ပတ်ကြာ ပိတ်ဆို့ထားမှုကို ရုပ်သိမ်းခဲ့သော်လည်း ဖလက်ချာက “လာရောက်နိုင်ခဲ့သည်မှာ ကုန်တင်ကား ၅ စီးသာရှိပြီး အကူအညီများ မည်သူ့ထံမှ မရောက်သေးပါ” ဟု ပြောကြားခဲ့သည်။

လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။

ကရင်မလင် ပြောရေးဆိုခွင့်ရှိသူ ဒီမီထရီ ပက်စ်ကော့ဗ်က ရိုမေးနီးယား ၏ မကြာသေးမီက သမ္မတရွေးကောက်ပွဲကို “ပုံမှန်မဟုတ်” ဟု သုံးသပ် ခဲ့ပြီး အနိုင်ရသူသည် အဓိကပြိုင်ဘက်မရှိဘဲ အနိုင်ရရှိခဲ့ကြောင်း ဖော်ပြ ခဲ့သည်။

တနင်္ဂနွေနေ့ (မေ ၁၈) တွင် ဥရောပသမဂ္ဂထောက်ခံသူ Nicusor Dan က ဥရောပသမဂ္ဂဆန့်ကျင်ရေး George Simion အား ရာခိုင်နှုန်းအနည်းငယ်ဖြင့် အနိုင်ရကာ ရိုမေးနီးယား သမ္မတအဖြစ် ရွေးချယ်ခံခဲ့ရသည်။

အမေရိကန်နှင့် ယူအေအီးနိုင်ငံတို့သည် အဓိကကာကွယ်ရေး မိတ်ဖက်နိုင်ငံများအဖြစ် ထူထောင်ကြရန် သဘောတူညီခဲ့ကြသည်ဟု အမေရိကန် နှင့် ယူအေအီးအစိုးရတို့က ထုတ်ပြန်ကြေညာခဲ့ပါသည်။