နယူးယောက် ဇွန် ၁၉

လူမှုရေးအရ အထီးကျန်မှုပြဿနာမှာ အများပြည်သူကျန်းမာရေးဆိုင်ရာ ပြဿနာတစ်ရပ်ဖြစ်သော်လည်း ၎င်းပြသနာနှင့် အရွယ်မတိုင်မီ သေဆုံးရနိုင်ခြေတို့ကြား ဆက်စပ်မှုမရှိကြောင်း ဇွန် ၁၈ ရက်သတင်းများအရ သိရသည်။

လူမှုရေးအရ အထီးကျန်မှုပြဿနာသည် နှလုံးရောဂါ၊ စိတ်ကျဝေဒနာ၊ ဦးနှောက်စွမ်းဆောင်ရည် ထိခိုက်ပျက်စီးမှုရောဂါ (Dementia) စသည့်ရောဂါများဖြစ်နိုင်ခြေ မြင့်တက်လာမှုများနှင့် ဆက်စပ်နေကြောင်း ဆေးပညာရှင်များက ပြောကြားထားသည်။

နမ်မီးဘီးယားနိုင်ငံအနောက်မြောက် ပိုင်း၌ ကာလဝမ်းရောဂါကူးစက်ပျံ့နှံ့မှု ဖြစ်ပွားနေပြီဖြစ်ကြောင်း အကြီးတန်း တာဝန်ရှိသူတစ်ဦးက ဇွန်လ ၁၉ ရက်တွင် ထုတ်ပြန်သည်။

အိုပူဝိုခရိုင်၌ ကာလဝမ်းရောဂါဖြစ်ပွားသူ ရှစ်ဦးကိုတွေ့ရှိကြောင်း၊ သေဆုံးသူ တစ်ဦးအပါအဝင် ခြောက်ဦးသည် မိသားစုတစ်စုတည်းမှဖြစ်ကြောင်း ကျန်းမာရေး နှင့်လူမှုရေးဝန်ကြီးကသတင်းစာရှင်းလင်း ပွဲ၌ပြောသည်။

ကမ္ဘာ့ကျန်းမာရေးအဖွဲ့၏ ထုတ်ပြန်ချက်တွင် ဒေသတွင်း၌ ကာလဝမ်းရောဂါ ကူးစက်ပျံ့နှံ့မှုတစ်ခုတွေ့လျှင်ပင် ကူးစက်ရောဂါပျံ့နှံ့နေပြီဟုကြေညာနိုင်ကြောင်း ဖော်ပြထားသည်။

အင်းတော် ဇွန် ၁၉ 

စစ်ကိုင်းတိုင်းဒေသကြီး ကသာခရိုင် အင်းတော်မြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ဟင်းသီးဟင်းရွက် ဧက ၁၄၀ဝ ထိ စိုက်ပျိုးပြီးစီးပြီဖြစ်ကြောင်း အင်းတော်မြို့နယ် စိုက်ပျိုးရေး ဦးစီးဌာနမှ သိရသည်။

ယခုနှစ် မိုးသီးနှံစိုက်ပျိုးရာသီ၌ အင်းတော်မြို့နယ်တွင် ဟင်းသီးဟင်းရွက် ၄ဝ၂၅ ကေ စိုက်ပျိုးရန် လျာထားပြီး အဆိုပါ ဟင်းသီးဟင်းရွက်စိုက်ပျိုးမှုကို ယခုနှစ်မေလမှ စတင်စိုက်ပျိုးခဲ့ရာ ယနေ့ တွင် ဧက ၁၄ဝဝ စိုက်ပျိုးပြီးစီးပြီဖြစ်ကြောင်း သိရသည်။

(မြန်မာစံတော်ချိန် ၁၈:၃၅ နာရီ အချိန်ထုတ်ပြန်ချက်)

၂၀၂၅ ခုနှစ်၊ ဇွန်လ ၁၉ ရက်နေ့၊ မြန်မာစံတော်ချိန် (၁၈) နာရီ၊ (၂၀)မိနစ်၊ (၀၅)စက္ကန့် အချိန်တွင် တမူးမြေငလျင်စခန်းမှ အရှေ့တောင်ဘက် (၄၄) မိုင်ခန့်ကွာဝေးသော မြန်မာနိုင်ငံပြည်တွင်း (မော်လိုက်မြို့၏ အရှေ့-အရှေ့မြောက်ဘက် (၁၅) မိုင်ခန့်အကွာ) မြောက်လတ္တီတွဒ် (၂၃.၆၇) ဒီဂရီ၊ အရှေ့လောင်ဂျီတွဒ် (၉၄.၆၅) ဒီဂရီ၊ အနက် (၁၀) ကီလိုမီတာကို ဗဟိပြု၍ အင်အားရစ်(ခ်)တာစကေး (၃.၁) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိပါသည်။

မိုးဇလ