ဂျပန်ဝန်ကြီးချုပ် Shigeru Ishiba က အမေရိကန်နှင့် ကုန်သွယ်ရေးနှင့် လုံခြုံရေးဆိုင်ရာကိစ္စများကို ဆက်နွှယ်၍ ဆွေးနွေးရန် မသင့်တော်ဟု ထင်မြင်ယူဆမိကြောင်း ပြောကြားလိုက်ပါသည်။

“လုံခြုံရေးနှင့်ကုန်သွယ်ရေးကိစ္စများကို အတူတကွ ဆွေးနွေးရန် သင့်တော်မှု မရှိဟု ထင်ပါကြောင်း၊ ထိုအကောက်ခွန်ကိစ္စနှင့် ပတ်သက်ခြင်း မရှိဘဲ လုံခြုံရေးကိစ္စများကို ဆွေးနွေးဖြေရှင်းလိုပါကြောင်း” NHK ရုပ်သံ လိုင်းမေးမြန်းခန်းအစီအစဉ်တွင် ပြောကြားထားပါသည်။

တရုတ်နိုင်ငံသည် ၂၀၂၄ ခုနှစ်၊ ဧပြီလ ၁၈ ရက် (စနေ) တွင် Shiyan-27 စမ်းသပ်ဂြိုဟ်တု ၆ လုံးကို နေနှင့်သက်ဆိုင်သော ပတ်လမ်း (Sun-Synchronous Orbit - SSO) သို့ အောင်မြင်စွာ လွှတ်တင်နိုင်ခဲ့ကြောင်း တရုတ်နိုင်ငံ အာကာသသိပ္ပံနှင့် နည်းပညာကော်ပိုရေးရှင်း (CASC) ၏ ထုတ်ပြန်ချက်အရ သိရပါသည်။

အဆိုပါဂြိုဟ်တုများ လွှတ်တင်ရန် CZ-6A (Chang Zheng 6A) ဒုံးပျံကို အသုံးပြုခဲ့ပြီး၊ Taiyuan ဂြိုဟ်တုလွှတ်တင်ရေးစင်တာမှ ပေကျင်း စံတော်ချိန် ဧပြီ ၁၈ ရက် နံနက် ၆:၅၁ လွှတ်တင်ခဲ့သည်။ 

အီရန်နှင့် အမေရိကန်ကြား နျူကလီးယားဆိုင်ရာ ဒုတိယအကြိမ် ဆွေးနွေးပွဲကို ဧပြီ ၁၉ ရက်တွင် အီတလီနိုင်ငံ ရောမမြို့၌ အိုမန်၏ ကြားဝင်စေ့စပ်မှုဖြင့် ပြုလုပ်ခဲ့ပါသည်။ 

၄ နာရီကြာ ဆွေးနွေးမှုအပြီးတွင် အီရန်နိုင်ငံခြားရေးဝန်ကြီး အရာချီက နှစ်ဖက်ကြား အရေးပါသောကိစ္စရပ်များတွင် နားလည်မှု ပိုမိုနက်ရှိုင်းလာ၍ တိုးတက်မှုရှိကြောင်း အပြုသဘောဆောင် ပြောကြားခဲ့ပြီး၊ အသေးစိတ်ကို ထုတ်ဖော်ပြောကြားခြင်း မရှိချေ။

ရုရှားနိုင်ငံတွင် တာလီဘန်များ၏ လှုပ်ရှားမှုများကို တားမြစ်ပိတ်ပင်ခြင်းအား ဆိုင်းငံ့ရန် တရားလွှတ်တော်ချုပ်၏ ဆုံးဖြတ်ချက်အတွက် ရုရှားကို ကျေးဇူးတင်ကြောင်း မော်စကိုမြို့ရှိ အာဖဂန်နစ္စတန်သံရုံးက TASS သတင်းဌာနကို ပြောကြားလိုက်ပါသည်။