ရုရှားသမ္မတဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ကြား၌ အလုပ်သဘောဆက်ဆံရေးကို ဆက်လက် ထိန်းသိမ်းထားနိုင်ကြောင်းနှင့် လိုရင်းကို ထိထိမိမိဆွေးနွေးနိုင်ကြောင်း နှစ်နိုင်ငံ ခေါင်းဆောင်များကြား ဖုန်းဆက်ဆွေးနွေး ပြီးနောက် ရုရှားနိုင်ငံခြားရေးဝန်ကြီး ဆာဂျီလက်ရော့က ဇွန်လ ၉ ရက်တွင် ပြောသည်။
အစ္စရေးစစ်တပ်က ၂၀၂၃ ခုနှစ်၊ အောက်တိုဘာ ၇ ရက်က အစ္စရေး တောင်ပိုင်း တိုက်ခိုက်မှုတွင် ပါဝင်ခဲ့သည့် ပါလက်စတိုင်း အကြမ်းဖက် အဖွဲ့တစ်ခု၏ ခေါင်းဆောင်ကို သုတ်သင်နိုင်ခဲ့သည်ဟု ထုတ်ပြန် လိုက်သည်။
ပါလက်စတိုင်း မုဂျာဟစ်ဒင်လှုပ်ရှားမှုနှင့် ၎င်း၏လက်နက်ကိုင် တပ်ဖွဲ့ ဖြစ်သော မုဂျာဟစ်ဒင်တပ်များ၏ ခေါင်းဆောင် အာဆာ့ဒ် အဘူရှာရီယာ ကို အစ္စရေး၏ Shin Bet လုံခြုံရေးအဖွဲ့နှင့် ပူးပေါင်းဆောင်ရွက်ကာ သုတ်သင်လိုက်ကြောင်း အစ္စရေးကာကွယ်ရေးတပ် (IDF) က စနေနေ့ (ဇွန် ၇) တွင် ကြေညာခဲ့သည်။
လျှပ်စစ်စွမ်းအင်သုံးယာဉ် (EV) များဆိုတာ ယနေ့အချိန်အခါမှာ လူစိတ်ဝင်စားမှု မြင့်တက်နေတဲ့ ယာဉ်အမျိုးအစားတစ်မျိုးဖြစ်လာနေတာကို တွေ့ရပါတယ်။ စိတ်ဝင်စားမှုမြင့်တက်ရတဲ့ အကြောင်းရင်းက နည်းပညာမြင့်မား မှုကို ရရှိခံစားနိုင်မယ်။ လျှပ်စစ်စွမ်းအင်ကို အသုံးပြုထားတဲ့အတွက် ကာဗွန်ထုတ်လွှတ်မှုကို လျှော့ချနိုင်မယ် အစရှိတဲ့ ကောင်းကျိုးများကြောင့်ဖြစ်ပါတယ်။
နစ်ဆန်းကုမ္ပဏီက ထုတ်လုပ်ထားတဲ့ Leaf ဆိုတဲ့ လျှပ်စစ်ကားက တစ်ချိန်တုန်းက လျှပ်စစ်ကား လောကကို ဦးဆောင်နိုင်ခဲ့သူဖြစ်ပါတယ်။ အခုဆိုရင် နစ်ဆန်းက သူတို့ရဲ့တတိယမြောက်မျိုးဆက်ဖြစ်တဲ့ Leaf လျှပ်စစ်ကားတစ်မျိုးကို အမြည်းပြသလိုက်ပါပြီ။ သူနဲ့ပတ်သက်တဲ့အသေးစိတ်အချက်အလက်များကိုတော့ ဒီလကုန် ပိုင်းမှာထုတ်ဖော်ပြသသွားဖွယ်ရှိတယ်လို့ မျှော်လင့်ရပါတယ်။