ဇွန်လ ၁ ရက်နေ့က ဂါဇာတောင်ပိုင်းရှိ အစားအစာဖြန့်ဝေသည့်နေရာအနီး အစ္စရေးကတိုက်ခိုက်မှု၌ ဒေသခံ ပြည်သူ ၃၀ ဦးထက်မနည်း သေဆုံးခဲ့ကြောင်း ဂါဇာကျန်းမာရေးအာဏာပိုင်များက စွပ်စွဲပြောကြားခဲ့ပြီး အဆိုပါ စွပ်စွဲချက်ကို အစ္စရေးက ငြင်းဆိုခဲ့သည်။
ရုရှားနိုင်ငံခြားရေးဝန်ကြီး Sergey Lavrov သည် အမေရိကန်နိုင်ငံခြားရေးဝန်ကြီး Marco Rubio နှင့် ဇွန် ၁ ရက်က ဖုန်းဖြင့် ဆက်သွယ်၍ ယူကရိန်းအကျပ်အတည်းနှင့်စပ်လျဉ်းသည့် အခြေအနေ တိုးတက်မှုများအား နှစ်ဖက်ကြား ဆွေးနွေးခဲ့ကြောင်း ရုရှားနိုင်ငံခြားရေးဝန်ကြီးဌာနက ယင်းနေ့ ညပိုင်းတွင် သတင်းထုတ်ပြန် ပြောကြားခဲ့သည်။
တနင်္လာနေ့ (ဇွန် ၂) တွင် ထုတ်ပြန်ခဲ့သော အင်ဒိုနီးရှားနိုင်ငံ၊ စာရင်းအင်းဌာနမှ အချက်အလက်များအရ ၂၀၂၀ ပြည့်နှစ်၊ ဧပြီလတွင် နိုင်ငံ၏ ကုန်သွယ်ရေး ပိုငွေပြမှုသည် အမေရိကန်ဒေါ်လာ ၁၆၀ မီလီယံဝန်းကျင် တွင် ရှိခဲ့ပါသည်။
၂၀၂၅ ခုနှစ်၊ မတ်လတွင် နိုင်ငံ၏ ကုန်သွယ်ရေးပိုငွေပြမှုသည် အမေရိကန် ဒေါ်လာ ၄.၃၃ ဘီလီယံ အထိ မြင့်တက်ခဲ့ပါသည်။
အရှေ့တောင်အာရှနိုင်ငံများသည် ၎င်းတို့၏ ရောင်းလိုအား ကွင်းဆက် များ (Supply Chain) ကို ဒေသတွင်း နှင့် ကမ္ဘာတစ်ဝှမ်းရှိ နိုင်ငံများနှင့် ချိတ်ဆက်ပြီး ဆောင်ရွက်နိုင်ရန်နှင့် ကြီးမားသော ဈေးကွက်ကို ချိတ်ဆက်နိုင်ပြီး စီးပွားရေးအကျိုးကျေးဇူးများရရှိရန် ဆောင်ရွက်သင့်ကြောင်း ထိုင်း နိုင်ငံခြားရေးဝန်ကြီးက ပြောကြားခဲ့သည်။