အမေရိကန်သမ္မတ ဒေါ်နယ်ထရမ့်က အစ္စရေး၏ အီရန်အပေါ် စစ်ဆင်ရေး တွင် တိုက်ရိုက်ပါဝင်ရန် စဉ်းစားနေစဉ် ထိုသို့ဝင်ရောက်တိုက်ခိုက်မှုက တီဟီရန်တွင် အစိုးရအပြောင်းအလဲကို ဖြစ်စေနိုင်ခြေရှိမရှိ မေးခွန်းများ မြင့်တက်လာနေသည်။ ထိုသို့ဖြစ်ပါက အီရန်နိုင်ငံ ပြိုကွဲသွားခြင်း နှင့် ဒေသတစ်ခွင်လုံးသို့ ရိုက်ခတ်မှုများ ဖြစ်နိုင်သည်ဟု ဆိုသည်။

အာဏာနှင့် လွတ်လပ်ရေးအတွက် ကြာမြင့်စွာ တိုက်ပွဲဝင်နေသော ခွဲထွက်ရေး လှုပ်ရှားမှုများ ရှိသည့် အီရန်သည် အစိုးရပြိုလဲပါက နိုင်ငံတွင်း ကွဲပြားမှုနှင့် ကပ်ဘေးဆိုးများ ရင်ဆိုင်ရနိုင်သည်ဟု ကျွမ်းကျင်သူများက သတိပေးထားသည်။

ကုလသမဂ္ဂဆိုင်ရာ အမေရိကန်သံအမတ် Dorothy Shea သည် သောကြာနေ့ (ဇွန် ၂၀) က ကုလသမဂ္ဂ လုံခြုံရေးကောင်စီ အစည်းအဝေးတွင် IAEA ၏ညွှန်ကြားရေးမှူးချုပ် Rafael Grossi က တီဟီရန် သည် နျူကလီးယားလက်နက်ထုတ်လုပ်နိုင်ရန် ကြိုးပမ်းနေသည့် အထောက်အထားမတွေ့ရကြောင်း ပြောကြားခဲ့သော်လည်း အီရန်ကို နျူကလီးယား ထပ်တိုးသန့်စင်မှုမှ တားဆီးရမည်ဟု ပြောကြားခဲ့သည်။ လေ့လာသူများက ဝါရှင်တန်၏ထုတ်ပြန်ချက်သည် အရှေ့အလယ်ပိုင်း တွင် အုပ်ချုပ်သူပြောင်းလဲရန် အကြောင်းပြချက်များနှင့် ဆင်တူသည်ဟု ဆိုသည်။

သမ္မတ ဒေါ်နယ်ထရမ့်က ဟားဗတ်တက္ကသိုလ်နှင့် သောကြာနေ့ (ဇွန် ၂၀) က ညှိနှိုင်းဆွေးနွေးပွဲများ ဆောင်ရွက်ခဲ့ကြောင်း ပြောကြားခဲ့ပြီး သဘောတူညီချက်တစ်ခု မကြာမီ ရရှိနိုင်ကြောင်း ဖော်ပြခဲ့သည်။ ထိုအချက်သည် ၎င်း၏အစိုးရအဖွဲ့၏ တက္ကသိုလ်ကို ဦးတည်ထားသော လုပ်ဆောင်ချက်များတွင် ကြီးမားသော ပြောင်းလဲမှုတစ်ခု ဖြစ်နိုင်ကြောင်း ညွှန်းဆိုနေသည်။

အမေရိကန်သမ္မတ ဒေါ်နယ်ထရမ့်သည် ရုရှား-ယူကရိန်းအကြား ညှိနှိုင်း ဆွေးနွေးမှုမှတစ်ဆင့် သဘောတူညီချက်ရယူခြင်းသည်သာ ပဋိပက္ခကို အဆုံးသတ်နိုင်မည့် တစ်ခုတည်းသော လမ်းကြောင်းဖြစ်ကြောင်း ယုံကြည် ထားသည်ဟု အမေရိကန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ တမ်မီဘရုစ်က ပြောကြားခဲ့သည်။

ထရမ့်၏ ရုရှား-ယူကရိန်းအကြား စစ်ပြေငြိမ်းရေး ညှိနှိုင်းမှုအားထုတ်မှု များကြောင့် လွန်ခဲ့သည့်လက တူရကီနိုင်ငံတွင် တိုက်ရိုက်ဆွေးနွေးပွဲများ ပြန်လည်စတင်နိုင်ခဲ့ခြင်းဖြစ်သည်။