ဆီးရီးယားနိုင်ငံသည် အမျိုးသမီးများအား အများပြည်သူဆိုင်ရာ ကမ်းခြေများတွင် ဘစ်ကီနီ (သို့) ကိုယ်ခန္ဓာအား အပြည့်အဝ ဖုံးအုပ်ထားသော ရေကူးဝတ်စုံများ ဝတ်ဆင်ရန် စည်းမျဉ်းသစ် ထုတ်ပြန်ခဲ့သည်။ ယခုအမိန့်သည် အစ္စလာမ်မစ်အကြမ်းဖက်သမားများ ဦးဆောင်သော သူပုန်များက ဒီဇင်ဘာလတွင် အာဏာရှင် ဘာရှာ အယ်လ်-အာဆက် အစိုးရကို ဖြုတ်ချပြီးနောက် ယဉ်ကျေးမှုအပြောင်းအလဲ၏ နောက်ဆုံးအဆင့်ဖြစ်သည်။ ခရီးသွားလာရေးဝန်ကြီးဌာနက အဆိုပါစည်းမျဉ်းသစ် များကို ပြည်သူ့အကျိုးစီးပွားလိုအပ်ချက်များအရ ပြုလုပ်ခဲ့သည်ဟု ဆိုသည်။

အတ္တလန္တိတ်သမုဒ္ဒရာရှိ အရေးပါသော ရေစီးကြောင်း ကွန်ရက် ပျက်စီးပါက ကမ္ဘာ၏အချို့ဒေသများသည် ဆောင်းရာသီတွင် အနုတ် ၅၅ ဒီဂရီ ဖာရင်ဟိုက်အထိ ကျဆင်းကာ ပြင်းထန်သော ရာသီဥတုနှင့် လူမှုရေးဆိုင်ရာအကျိုးသက်ရောက်မှုများ ဖြစ်ပေါ်လာနိုင်ကြောင်း လေ့လာမှုအသစ်တစ်ခုက သတိပေးထားသည်။ 

မက္ကဆီကို၏ အစိမ်း၊ အဖြူနှင့် အနီရောင်အလံသည် လော့စ်အိန်ဂျယ်လိစ် မြို့ရှိ ဆန္ဒပြပွဲများ၏ အထင်ကရသင်္ကေတ ဖြစ်လာခဲ့သည်။

ဆန္ဒပြသူများသည် လူဝင်မှုကြီးကြပ်ရေးနှင့် သမ္မတ Trump အစိုးရ၏ လူမဆန်စွာ ဖမ်းဆီးမှုများကို ကန့်ကွက်ရန်နှင့် ရွှေ့ပြောင်းနေထိုင်သူများနှင့် သံတမန်ရေးအရ စည်းလုံးမှုပြသရန် မက္ကဆီကိုအလံ၊ အမေရိကန်အလံနှင့် အခြားလက်တင်အမေရိကနိုင်ငံများ၏ အလံများကို လွှင့်ထူခဲ့ကြသည်။ ထိုအချက်သည် သမ္မတ၏ ထောက်ခံသူများကို အမျက်ထွက်စေခဲ့သည်။

အမေရိကန်သမ္မတ ဒေါ်နယ်ထရမ့်သည် ဇွန်လ ၁၀ ရက်နေ့တွင် မြောက် ကာရိုလိုင်းနားပြည်နယ် Fort Bragg တွင် အမေရိကန်စစ်တပ်၏ ၂၅၀ နှစ်ပြည့် အထိမ်းအမှတ်အခမ်းအနားသို့ တက်ရောက်လာသော စစ်သည် များအား မိန့်ခွန်းပြောကြားခဲ့သည်။ ၎င်း၏မိန့်ခွန်းပြီးဆုံးသွားချိန်တွင် ၎င်းကြိုက်နှစ်သက်သော YMCA သီချင်းသံနှင့်အတူ ကပြခဲ့ရာ ပရိသတ်များက လှိုက်လှဲစွာ ဩဘာပေးခဲ့ကြပြီးနောက် ၎င်းက နောက်သို့လှည့်ကာ ချီးမြှောက်သည့်အမူအရာဖြင့် စင်နောက်တွင် ထိုင်နေသော စစ်သည် များအား ကျေးဇူးတင်စကား ပြန်လည်ပြောကြားခဲ့သည်။