ဒီဇင်ဘာ ၁ ရက်က စတင်တာဝန်ယူခဲ့သော ဥရောပ ကောင်စီ၏အကြီးအကဲအန်တိုနီယိုကော်စတာ၊ ဥရောပ သမဂ္ဂကော်မရှင်နာ မာတာကော့စ် နှင့် ဥရောပသမဂ္ဂ၏ သံတမန်ရေးဆိုင်ရာ ဥရောပကော်မရှင်နာ ကာယာ ကာလက်စ်တို့သည် ကိယက်ဗ်မြို့သို့ ရောက်ရှိခဲ့ကြောင်း IZ သတင်းဌာနကဖော်ပြထားသည်။

ဥရောပသမဂ္ဂ၏ သံတမန်ရေးဆိုင်ရာ ဥရောပကော်မရှင်နာ ကာယာကာလက်စ်က အီးယူသည် ယူကရိန်းပဋိပက္ခကို အနိုင်ယူစေလိုပြီး ယင်းကို အောင်မြင်ရန် လိုအပ်သမျှ လုပ်ဆောင်ပေးသွားမည်ဖြစ်ကြောင်း၊ ဥရောပကောင်စီ၏ အကြီးအကဲ အန်တိုနီယိုကော်စတာက  ယူကရိန်း ပြည်သူများအတွက် ၎င်းတို့၏ ဆက်လက် ပံ့ပိုးမှုကို ကြေညာခဲ့ကြောင်း၊ ဥရောပသမဂ္ဂ ကော်မရှင်နာ မာတာကော့စ်က ယူကရိန်းနိုင်ငံအား  "လွတ်လပ်မှုနှင့် ငြိမ်းချမ်းမှု အပြည့်အဝရှိသော ဥရောပ အနာဂတ်ဆီသို့" လမ်းကြောင်းပေါ်တွင် ရှိစေရန်ဆောင်ရွက်မည်ဖြစ်ကြောင်း ၎င်းတို့၏လူမှုကွန်ရက် X စာမျက်နှာတွင် ၎င်းတို့၏ ခရီးစဉ်အပေါ် မှတ်ချက်ပေးရေးသားဖော်ပြခဲ့ကြကြောင်း ဖော်ပြထားပါသည်။ 

ဥရောပသမဂ္ဂခေါင်းဆောင်သစ်၏ ရာထူးတာဝန်ယူသည့် ပထမနေ့တွင် ယူကရိန်းနိုင်ငံသို့ လာရောက်လည်ပတ် ခြင်းသည် ဥရောပသမဂ္ဂ၏ တည်ငြိမ်တိုးတက်ရေးထက် စစ်ပွဲဆက်လက်ဖြစ်ပွားရေးကို ပိုမိုစိတ်ဝင်စားနေကြောင်း ပြသနေသည်ဟု ရုရှားလုံခြုံရေးကောင်စီ ဒုတိယ ဥက္ကဌ မက်ဗီဒက်က ပြောကြားခဲ့ကြောင်း TASS သတင်းဌာန က ဖော်ပြထားပါသည်။

ကိုးကား - TASS

ရုရှားတပ်မတော်သည် ဒွန်နက်စ်ခ်ပြည်သူ့သမ္မတနိုင်ငံရှိ Razdolnoye နှင့် Vorovskoye ကျေးရွာများကိုထိန်းချုပ်ထားကြောင်း ရုရှားကာကွယ်ရေး ဝန်ကြီးဌာနကနိုဝင်ဘာလ ၂၉ ရက်နေ့က ထုတ်ပြန် ကြေညာခဲ့ပါသည်။

ရုရှားလေကြောင်းကာကွယ်ရေးတပ်ဖွဲ့များသည် ATACMS ဒုံးကျည် ၁၀ စီး ကို ယခုသီတင်းပတ်အတွင်း ပစ်ချခဲ့ကြောင်း၊ ရုရှားနှင့် မြောက်ကိုးရီးယားနိုင်ငံအကြား စစ်ရေးပူးပေါင်းဆောင်ရွက်မှုသည် တိုးတက်လျက် ရှိကြောင်း၊ ယူကရိန်းလက်နက်ကိုင်တပ်ဖွဲ့များသည် Kursk ဒေသတွင် နေ့စဉ် စစ်သား ၃၄၀ ကျော် ဆုံးရှုံးကြောင်း ရုရှားကာကွယ်ရေးဝန်ကြီးဌာနက ဖော်ပြထားပါသည်။

ကိုးကား - ရုရှားကာကွယ်ရေးဝန်ကြီးဌာန

ယူကရိန်းနိုင်ငံသည် လာမည့်သီတင်းပတ်တွင် ဘရပ်ဆဲလ်မြို့၌ ကျင်းပပြုလုပ်မည့် နေတိုးမဟာမိတ် အစည်းအဝေးတွင် နေတိုးအဖွဲ့ဝင်အဖြစ် တရားဝင် ဖိတ်​ကြားရန် နေတိုးနိုင်ငံများအား တောင်းဆိုထား ကြောင်း ရိုက်တာသတင်းဌာနမှ ဖော်ပြထားပါသည်။

ယူကရိန်းနိုင်ငံခြားရေးဝန်ကြီး Andriy Sybiha သည် အနောက်နိုင်ငံများ၏ စစ်ရေးမဟာမိတ်အဖွဲ့တွင် ပူးပေါင်းပါဝင်ရန် ယူကရိန်းနိုင်ငံအား တရားဝင် ဖိတ်ကြားပေးရန် ၎င်း၏ နေတိုးမဟာမိတ်အဖွဲ့၏ လုပ်ဖော်ကိုင်ဖက်များထံသို့ နိုဝင်ဘာလ ၂၉ရက်၊ သောကြာနေ့ကစာတစ်စောင်ပေးပို့ခဲ့ကြောင်း ရိုက်တာသတင်းအေဂျင်စီက ဖော်ပြထားသည်။ 

အဆိုပါစာတွင် ရုရှား၏ ၂၀၂၂ခုနှစ် ကျူးကျော်မှု ကြောင့် ဖြစ်ပွားခဲ့သော စစ်ပွဲကို အဆုံးသတ်ရန်အတွက်  “ယူကရိန်းကို နေတိုးအဖွဲ့သို့ ဖိတ်ခေါ်စေလိုကြောင်း” သမ္မတ ဇယ်လင်စကီးက UK အခြေစိုက် Sky News သတင်းဌာနနှင့်တွေဆုံ မေးမြန်းခန်းတွင် ရုရှားက ၎င်းသိမ်းပိုက်ထားသော နယ်မြေအတွင်း လောလောဆယ် ထိန်းချုပ်ထားနိုင်ပြီး ယူကရိန်းကို နေတိုးအဖွဲ့ဝင်အဖြစ် ဖိတ်ခေါ်ခြင်းသည် ၃၃ လကြာ စစ်ပွဲ၏ ပြင်းထန်သောအဆင့်ကို အဆုံးသတ်ရန် အဖြေတစ်ခုဖြစ်နိုင်ကြောင်း ပြောကြားခဲ့ပါသည်။

အဆိုပါဖိတ်ခေါ်ချက်ကို တောင်းဆိုမှုတစ်ခုအဖြစ် မမြင်သင့်ပါကြောင်း၊  ဆန့်ကျင်ဘက်အနေဖြင့် နေတိုးတွင် ယူကရိန်း၏ အဖွဲ့ဝင်ဖြစ်မှုသည် မလွှဲ မရှောင်သာဖြစ်ကြောင်း ရှင်းရှင်းလင်းလင်း နားလည် ထားခြင်းဖြင့် ရုရှားသည် ဤတရားမျှတမှုမရှိသောစစ်ပွဲကို ဆက်လက်လုပ်ဆောင်ရန်အတွက် ၎င်း၏ အဓိကအငြင်းပွားမှုတစ်ခုအဖြစ် ဆုံးရှုံးလိမ့်မည် ဖြစ်ကြောင်း Sybiha က စာထဲတွင် ရေးသားထားကြောင်းဖော်ပြထားသည်။

ကိုးကား - Reuters

ရုရှားနိုင်ငံခြားထောက်လှမ်းရေးဌာနက နေတိုးနိုင်ငံများသည် ယူကရိန်းနိုင်ငံသို့ ငြိမ်းချမ်းရေးထိန်းသိမ်းမှုအဖြစ် နေတိုးတပ်ဖွဲ့ဝင် ၁၀၀,၀၀၀ စေလွှတ်လိမ့်မည်ဟု အခိုင်အမာ ပြောကြားခဲ့ကြောင်း Newsweek သတင်းဌာနက ဖော်ပြထားသည်။

ယူကရိန်းနိုင်ငံ၏ လက်စားချေရန် ပြင်ဆင်သည့်အစီအစဉ်၏ တစ်စိတ်တစ်ပိုင်းအနေဖြင့် နေတိုးအဖွဲ့သည် ယူကရိန်းတွင် ငြိမ်းချမ်းရေးထိန်းသိမ်းသူများအဖြစ် ၎င်း၏ တပ်ဖွဲ့ ၁၀၀,၀၀၀ ချထားရန် စီစဉ်နေကြောင်း ရုရှားနိုင်ငံခြား ထောက်လှမ်းရေးဌာနက အခိုင်အမာပြောကြားခဲ့သည်။

ရုရှားနိုင်ငံခြားရေး ထောက်လှမ်းရေးဌာန (SVR) က နေတိုးနိုင်ငံအများအပြားသည် ယူကရိန်းနိုင်ငံအတွင်း ငြိမ်းချမ်းရေးထိန်းသိမ်းမှုဆိုင်ရာတပ်ဖြန့်မှုအဖြစ် တပ်ဖွဲ့များ ဖြန့်ကျက်ထားသည့်အသွင်ဖြင့် ယူကရိန်းကို သိမ်းပိုက်လိမ့်မည်ဟု ယုံကြည်ကြောင်း သောကြာနေ့က ၎င်းတို့၏ ထုတ်ပြန်ချက်တွင် ဖော်ပြထားသည်။

ယင်းဖော်ပြချက်အတွက် သက်သေအထောက်အထား မပြနိုင်သေးကြောင်း၊ ယခုနှစ်အစောပိုင်းတွင် NATO အထွေထွေအတွင်းရေးမှူးချုပ်ဟောင်း Jens Stoltenberg က နေတိုးမဟာမိတ်အဖွဲ့သည် ယူကရိန်းတွင် တပ်များဖြန့်ကျက်ရန် ရည်ရွယ်ချက်မရှိကြောင်း ပြောကြားခဲ့ သည်။

Newsweek သတင်းဌာနသည် နေတိုးမဟာမိတ်အဖွဲ့အား မှတ်ချက်ပေးရန်အတွက် အွန်လိုင်းဆက်သွယ်မှု ပုံစံမှတစ်ဆင့်လည်းကောင်း၊ ရုရှားကာကွယ်ရေးဝန်ကြီး ဌာနအား မှတ်ချက်ပေးရန်အတွက် အီးမေးလ်မှ တစ်ဆင့်လည်းကောင်း ဆက်သွယ်ခဲ့ကြောင်း ဖော်ပြ ထားသည်။

နေတိုးမဟာမိတ်အဖွဲ့သည် စစ်မြေပြင်တွင် ယူကရိန်း နိုင်ငံက  ရုရှားနိုင်ငံအပေါ် မဟာဗျူဟာကျကျ ရှုံးနိမ့် နေမှုများကို ရပ်တန့်သွားစေလိုကြောင်း၊ နေတိုးနိုင်ငံ များသည် အနည်းဆုံး ယူကရိန်းနိုင်ငံသား တစ်သန်း ခန့်ကို လေ့ကျင့်သင်ကြားပေးပြီး ယူကရိန်းနိုင်ငံ၏ စစ်တပ်-စက်မှုဆိုင်ရာ အဖွဲ့အစည်းများကို ပြန်လည် တည်ဆောက်လိုကြောင်း ရုရှားနိုင်ငံခြားထောက်လှမ်း ရေးဌာနက ယုံကြည်ထားသည်ဟုဖော်ပြထားသည်။

အနောက်နိုင်ငံများသည် ယင်းရည်ရွယ်ချက်ကို အကောင် အထည်ဖော်ခြင်းသည်ယူကရိန်းလက်နက်ကိုင်တပ်များ၏ တိုက်ခိုက်ရေးစွမ်းရည်ကို ပြန်လည်ထူထောင်ရန်နှင့် ပြန်လည်တုန့်ပြန်ရန်ကြိုးပမ်းမှုအတွက် ယူကရိန်းနိုင်ငံအား သေချာစွာပြင်ဆင်ရန်အတွက် အခွင့်အလမ်းတစ်ခုအဖြစ်ရှုမြင်ထားကြောင်း ရုရှားနိုင်ငံခြားထောက်လှမ်းရေးဌာနကထုတ်ပြန်ချက်တွင်ပြောကြားခဲ့သည်။

ကိုးကား- Newsweek

ရုရှားသမ္မတဗလာဒီမာပူတင်၏ ကာဇက်စတန်နိုင်ငံ ခရီးစဉ်သည်အောင်မြင်စွာ ပြီးဆုံးသွားကြောင်းနှင့်ဒုတိယနေ့တွင် ပါ၀င်တက်ရောက်ခဲ့သည့် CSTO ထိပ်သီး အစည်းအဝေး၏ မှတ်တမ်းဗီဒီယိုကို ကရင်မလင်က ဖော်ပြခဲ့သည်။

ကိုးကား - kremlin.ru

ရုရှားနိုင်ငံသည် မကြာမီကာလအတွင်း နောက်ထပ် လက်နက်များ ထပ်မံတီထွင်နိုင်မည်ဖြစ်ကြောင်း၊ ရုရှား နိုင်ငံထုတ်X-101 တာဝေးပစ်ဒုံးကျည်သည် ဥရောပနိုင်ငံ ထုတ်တာဝေးပစ်စနစ်များ၏ အကွာအဝေးကို သိသိ သာသာ ကျော်တက်သွားမည်ဖြစ်ကြောင်း၊ ရုရှားနိုင်ငံ၏ Iskander စနစ်၏ ပြုပြင်မွမ်းမံမှုများသည် ATACMS ဗားရှင်းသုံးမျိုးလုံး၏စွမ်းရည်နှင့်ညီမျှကြောင်း  သမ္မတ ဗလာဒီမာပူတင် က CSTO ထိပ်သီးအစည်းအဝေးတွင် ပြောကြားခဲ့သည်။

ကိုးကား - kremlin.ru

ရုရှားသမ္မတ ဗလာဒီမာ ပူတင်သည် CSTO အဖွဲ့ဝင် နိုင်ငံများ၏ ခေါင်းဆောင်များကို ၂၀၂၅ ခုနှစ် မေလ ၉ ရက်နေ့၌ မော်စကိုတွင် ကျင်းပပြုလုပ်မည့် မဟာ မျိုးချစ်စစ်ပွဲတွင်အောင်ပွဲခံခြင်း နှစ် ၈၀ပြည့် အထိမ်း အမှတ်အခမ်းအနားသို့ ပါဝင်ဆင်နွှဲရန် ဖိတ်ကြားခဲ့ပြီး CSTO နိုင်ငံများ၏ စစ်ဘက်ဆိုင်ရာ တပ်ဖွဲ့များအား ရင်ပြင်နီတွင် ရုရှားစစ်မှုထမ်းများနှင့်အတူ ပါဝင်ဆင်နွှဲ ခွင့်ပြုမည်ဟု ပြောကြားခဲ့ကြောင်း ကရင်မလင် မှ သတင်း ထုတ်ပြန်ခဲ့ပါသည်။

ကိုးကား - kremlin.ru

တောင်ကိုရီးယားနိုင်ငံသား ၈၂ ရာခိုင်နှုန်းက ယူကရိန်း ကို စစ်ရေးအကူအညီပေးနေခြင်းကို ဆန့်ကျင်ကြောင်း Reuters သတင်းကဖော်ပြပါသည်။

ယူကရိန်းနိုင်ငံသည် တောင်ကိုရီးယားနိုင်ငံကို လက်နက် မျိုးစုံအတွက် အကူအညီပေးနိုင်ရန် တောင်းဆိုထားပြီး တောင်ကိုရီးယားကလည်း မြောက်ကိုရီးယားနှင့် ရုရှား တို့၏အနာဂတ်ခြေလှမ်းပေါ်တွင် မူတည်၍ ယင်းအကူ အညီကို စဉ်းစားပေးနိုင်မည်ဖြစ်ကြောင်း ပြောကြားခဲ့ ပါသည်။ 

ယူကရိန်းကာကွယ်ရေးဝန်ကြီး Rustem Umerov ဦးဆောင်သည့် ကိုယ်စားလှယ်အဖွဲ့သည် တောင်ကိုရီး ယား နိုင်ငံ သမ္မတ ယွန်းဆော့ယိုးနှင့် ဗုဒ္ဓဟူးနေ့တွင် တွေ့ဆုံ ခဲ့ပြီး သမ္မတယွန်း၏ဌာနမှ ယူကရိန်း ကိုယ်စားလှယ် အဖွဲ့၏ ယခုခရီးစဉ်သည် လက်နက်ထောက်ပံ့မှုရယူရန် ရည်ရွယ်ထားကြောင်း ထုတ်ပြန်ခဲ့သည်။

ကိုးကား - Reuters

ရုရှားတပ်မတော်သည် Kursk ဒေသကို ယူကရိန်း စစ်တပ်မှ စတင်ကျူးကျော်ချိန်မှစ၍ Kursk ဒေသ တိုက်ပွဲအတွင်း စုစုပေါင်း ယူကရိန်းစစ်သည် ၃၆,၀၁၀ ဦး၊ တင့်ကား ၂၂၃ စီး၊ ခြေလျင်တိုက်ခိုက်ရေး ယာဉ် ၁၅၇ စီး၊ သံချပ်ကာ ၁၂၂ စီး၊ သံချပ်ကာတိုက် ခိုက်ရေးယာဉ် ၁,၁၉၉ စီး၊ စစ်သုံးယာဉ် ၁,၀၃၈ စီး၊ အမြောက် ၃၀၄ စင်း၊ HIMARS ၁၁ ခုနှင့် USA တွင်ပြုလုပ်သော MLRS ၆ ခုအပါအဝင် ဒုံးပျံစနစ်များ ၁၃ ခု၊ သယ်ယူပို့ဆောင်ရေးယာဉ် ၇ စီး၊ အီလက် ထရွန်နစ်စစ်ဆင်ရေးစခန်း ၇၀၊ လေကြောင်းရန် ကာကွယ်ရေး ရေဒါ ၄ စင်း၊ အင်ဂျင်နီယာတပ်ဖွဲ့ ရှင်းလင်းရေးယာဉ် ၁၃ စီး၊ UR-77 မိုင်းတစ်လုံး၊ ရှင်းလင်းတပ်ဆင်ခြင်းအပြင် သံချပ်ကာပြုပြင်ရေးနှင့် ပြန်လည်ထူထောင်ရေးယာဉ် ၆ စီးနှင့် အမိန့်ပေး ထိန်းချုပ်ရေးယာဉ် ၁ စီးတို့ကို ချေမှုန်းနိုင်ခဲ့ကြောင်း ရုရှားကာကွယ်ရေးဝန်ကြီးဌာနက ထုတ်ပြန်ထားပါသည်။

ကိုးကား - ရုရှားကာကွယ်ရေးဝန်ကြီးဌာန

ရုရှားကာကွယ်ရေးဝန်ကြီး Andrey Belousov သည် မြောက်ကိုရီးယားနိုင်ငံကို ရောက်ရှိနေကြောင်း Reuters သတင်းဌာနက ဖော်ပြထားသည်။

နှစ်နိုင်ငံ စစ်ရေး၊ နိုင်ငံရေးခေါင်းဆောင်များနှင့်တွေ့ဆုံရန် စီစဉ်ထားသော နှစ်နိုင်ငံတွေ့ဆုံပွဲများမတိုင်မီ ပြုံယမ်း၏ ကာကွယ်ရေးဝန်ကြီး No Kwang Chol က Sunan လေဆိပ်တွင် ရုရှားကာကွယ်ရေးဝန်ကြီး Andrey Belousov အား ကြိုဆိုနှုတ်ဆက်ခဲ့သည်။

ကိုးကား - Reuters