ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌနှင့် နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ရုရှားသမ္မတ ဗလာဒီမာပူတင်၏ ဖိတ်ကြားချက်အရ ၂၀၂၅ ခုနှစ်၊ မေလ ၉ ရက်တွင် မော်စကို၌ ကျင်းပမည့် ဒုတိယကမ္ဘာစစ်အောင်ပွဲနေ့ (Victory Day) ၏ နှစ် ၈၀ ပြည့် အခမ်းအနားတက်ရောက်ရန် ရုရှားသို့ တရားဝင်ခရီးစဉ် လာရောက်မည်ဖြစ်ကြောင်း မြန်မာနိုင်ငံ အစိုးရပိုင်သတင်းဌာန MRTV က မေလ ၅ ရက်က သတင်းထုတ်ပြန်ထားကြောင်း ရုရှားအစိုးရပိုင် TASS သတင်းဌာနက ဖော်ပြထားပါသည်။

“မော်စကိုရှိရင်ပြင်နီ၌ ပြုလုပ်မည့် V- Day စစ်ရေးပြပွဲတွင် မြန်မာနိုင်ငံမှ စစ်ရေးပြအဖွဲ့ တစ်ဖွဲ့က ရုရှားတပ်များနှင့်အတူ ပူးပေါင်းချီတက်ရန် သဘောတူညီမှုရရှိခဲ့ပါကြောင်း၊ အဆိုပါအခမ်းအနားသို့ မြန်မာအကြီးအကဲနိုင်ငံတော်ဝန်ကြီးချုပ် တက်ရောက်ရန် မိမိ ဖိတ်ကြားထားပါကြောင်း” ရုရှားသမ္မတဗလာဒီမာပူတင်က မတ်လအတွင်း မြန်မာဝန်ကြီးချုပ်၏ မော်စကိုခရီးစဉ်၌ တရားဝင် ပြောကြားထားပါသည်။

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ဝါရှင်တန်၊ နိုင်ငံရေး

အမေရိကန်သမ္မတ  ဒေါ်နယ်ထရမ့်အနေဖြင့် ရုရှားသမ္မတ ဗလာဒီမာပူတင်နှင့် မေလလယ်ပိုင်းတွင် ဆော်ဒီအာရေဗျနိုင်ငံ၌ တွေ့ဆုံနိုင်ဖွယ်ရှိကြောင်း      ထရမ့်ကပြောကြားသည်။

ယူကရိန်းအရေးကိုဖြေရှင်းနိုင်ရေးအတွက် အမေရိကန်နှင့် ရုရှားတို့အနေဖြင့် ဆော်ဒီအာရေဗျနိုင်ငံသို့ မကြာမီသွားရောက်ရမည်ဖြစ်ကြောင်း၊ သို့သော် သမ္မတပူတင်နှင့်တွေ့ဆုံနိုင်မည်ဟုတ်၊မဟုတ်ကို အတိအကျမသိရသေးကြောင်း ထရမ့်က သတင်းထောက်များ၏ မေးမြန်းမှုကို ဖြေကြားရာတွင် ထည့်သွင်းပြောဆိုခဲ့ခြင်းဖြစ်သည်။

သို့ရာတွင် ယူကရိန်းအရေးကို ဖြေရှင်းနိုင်ရေးအတွက် အမေရိကန်နှင့် ရုရှားသမ္မတတို့ကြား    တွေ့ဆုံဆွေးနွေးရန် လိုအပ်ကြောင်း၊ ပူတင်နှင့်ထရမ့်တို့ကြား တယ်လီဖုန်းမှတစ်ဆင့် ဆွေးနွေးမှုများကို မတ်လ ၁၈ ရက်တွင် လုပ်ဆောင်ခဲ့ကြောင်း အမေရိကန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ တမ်မီဘရုစ်က အစောပိုင်းတွင်ပြောကြားထားသည်။

ထရမ့်အနေဖြင့် အရှေ့အလယ်ပိုင်းဒေသသို့ သွားရောက်ပြီးနောက် သမ္မတပူတင်နှင့် တွေ့ဆုံဆွေးနွေးဖွယ်ရှိသည်ဟုပြောကြားခဲ့သော်လည်း လက်ရှိအချိန်အထိ တွေ့ဆုံခြင်းမရှိသေးကြောင်းသိရသည်။

Ref: RT,TNA

Source: https://myawady.net.mm/

ဘရာဇီးသမ္မတ Luiz Inacio Lula da Silva သည် မေလ ၉ ရက် မော်စကိုတွင် ကျင်းပမည့် ဒုတိယကမ္ဘာစစ်အောင်ပွဲနေ့၏ ၈၀ နှစ်မြောက် အခမ်းအနားတက်ရောက်ရန် ရုရှားသို့မဝင်မီ ယူကရိန်းအစိုးရ၏ ကိယက်သို့ ဦးစွာ လာရောက်ရန် တောင်းဆိုချက်ကို လျစ်လျူရှုလိုက်ကြောင်း Metropoles သတင်းစာ၏ အရင်းအမြစ်များအရ သိရပါသည်။ 

ထိုအခြေအနေအရ ယူကရိန်းသည် ဘရာဇီးနှင့် သံတမန်ဆက်ဆံရေး အဆင့်လျှော့ချရန် ရွေးချယ်စရာများကို စတင်စဉ်းစားနေပြီဖြစ်ကြောင်း Metropoles ၏ ဖော်ပြချက်အရ သိရပါသည်။

ရုရှားခရီးစဉ်အတွင်း ဘရာဇီးသမ္မတ Luiz Inacio Lula da Silva က ငြိမ်းချမ်းရေးသံတမန်အဖြစ် ဆောင်ရွက်ကာ ပဋိပက္ခဖြေရှင်းရေး စကားဝိုင်းစတင်ရန် ရည်ရွယ်ထားခဲ့ကြောင်း အစောပိုင်းက ဘရာဇီးသမ္မတ၏ အကြံပေးချုပ် Celso Amorim က Lula da Silva က ပြောကြားထားပါသည်။

ကိုးကား- TASS

Photo: iz.ru

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ဂျာမနီဝန်ကြီးချုပ်ရာထူးအတွက် ခရစ်ယာန် ဒီမိုကရက်တစ်သမဂ္ဂ (CDU) ခေါင်းဆောင် Friedrich Merz အား ဘန်ဒက်စတက်လွှတ်တော်တွင် မဲခွဲဆုံးဖြတ်ကြမည်ဖြစ်ပါသည်။ 

ဂျာမနီတွင် အစိုးရခေါင်းဆောင်ရာထူးဖြစ်သည့် ဝန်ကြီးချုပ်နေရာကို သမ္မတ အဆိုပြုချက်အပေါ် အခြေခံ၍ လွှတ်တော်ကိုယ်စားလှယ်များက ကြိုတင်တိုင်ပင်ဆွေးနွေးခြင်းမရှိဘဲ လျှို့ဝှက်မဲဖြင့် ရွေးချယ် တင်မြှောက် ကြရပါသည်။ ပုံမှန်အားဖြင့် ရွေးကောက်ပွဲတွင် မဲအများဆုံးရရှိသည့် ပါတီမှ ကိုယ်စားလှယ်ကို ရွေးချယ်လေ့ရှိပါသည်။ ယခုမဲအများဆုံး ရရှိ သည့် ပါတီမှာ Friedrich Merz ၏ CDU ဖြစ်နေပါသည်။

လွှတ်တော်ရွေးကောက်ပွဲပြီးနောက် ၁၀ ပတ်အကြာတွင် ဂျာမနီ ဆိုရှယ်ဒီမိုကရက်တစ်ပါတီ (SPD) နှင့် CDU/CSU ၏ ကွန်ဆာဗေးတစ်အဖွဲ့တို့သည် ညွန့်ပေါင်းအစိုးရသဘောတူညီချက်ကို လက်မှတ်ရေးထိုးခဲ့ပြီး Friedrich Merz အား ဝန်ကြီးချုပ်အဖြစ် တင်မြှောက်ရန် လမ်းစဖွင့်ပေးခဲ့ကြပါသည်။ အစိုးရခေါင်းဆောင်ဖြစ်လာရန် Friedrich Merz သည် လွှတ်တော်ကိုယ်စားလှယ် ၆၃၀ ဦးအနက် ၃၁၆ ဦး၏ ထောက်ခံမဲရရှိရန် လိုအပ်ပါသည်။

ကိုးကား- TASS 

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ရုရှားသမ္မတ ဗလာဒီမာပူတင်၏ ဖိတ်ကြားချက်အရ လာအိုသမ္မတ Thongloun Sisoulith သည် ၂၀၂၅ ခုနှစ်၊ မေလ ၉ ရက်တွင် ကျင်းပမည့် V- Day နှစ် ၈၀ ပြည့်အခမ်းအနားတက်ရောက်ရန် ရုရှားနိုင်ငံ မော်စကိုသို့ မေလ ၈ မှ ၁၀ ရက်အထိ တရားဝင်ခရီးစဉ် သွားရောက်မည်ဖြစ်ကြောင်း လာအိုနိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရှိရပါသည်။

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

မော်စကိုမြို့တွင် ကျင်းပမည့် 9 May Victory Day အောင်ပွဲခံချီတက်ပွဲသို့ ပါဝင်တက်ရောက်မည့် ကမ္ဘာ့ခေါင်းဆောင်များအရေအတွက်မှာ အယောက် ၃၀ အထိ ရှိလာပြီဖြစ်ကြောင်း RT သတင်းကဖော်ပြသည်။

ကိုးကား-RT

ဘင်္ဂလားဒေ့ရှ်နိုင်ငံ ယာယီအစိုးရအကြံပေးချုပ် ယူနွတ်၏ အနီးကပ် အကြံပေး တစ်ဦးဖြစ်သော အငြိမ်းစား စစ်ဗိုလ်ချုပ် (Major General –Retd) ဖြစ်သူ ALMFazlur Rahman က ကက်ရှ်မီးယား ပါဟယ်ဂမ် အကြမ်းဖက်တိုက်ခိုက်မှုအား အကြောင်းပြု၍ အိန္ဒိယက ပါကစ္စတန်ကို တိုက်ခိုက်ပါက ဘင်္ဂလားဒေ့ရှ်သည် တရုတ်နှင့် ပူးပေါင်း၍ အိန္ဒိယ၏ အရှေ့မြောက်ပိုင်း ပြည်နယ် ၇ ခုကို သိမ်းပိုက်သင့်ကြောင်း ၎င်း၏ လူမှု မီဒီယာမှတစ်ဆင့် ဧပြီ ၂၉ ရက်(အင်္ဂါနေ့)က အဆိုပြုရေးသားဖော်ပြခဲ့ ပါသည်။ 

“အိန္ဒိယက ပါကစ္စတန်ကို တိုက်ခိုက်ပါက ဘင်္ဂလားဒေ့ရှ်က အိန္ဒိယ အရှေ့မြောက်ပိုင်း ပြည်နယ် ၇ ခုကို သိမ်းပိုက်သင့်ပါသည်။ အဆိုပါကိစ္စ နှင့်ပတ်သက်ပြီး တရုတ်နှင့်ပူးပေါင်းကာ စစ်ရေးစီမံချက်များ ဆွေးနွေးရန် လိုအပ်သည်ဟု မိမိ ထင်မြင်မိပါသည်” ဟု Rahman က ဘင်္ဂါလီ ဘာသာ ဖြင့် ရေးသားထားသော ၎င်း၏ ပို့စ်တွင် ဖော်ပြထားပါသည်။

ဘင်္ဂလားဒေ့ရှ်ယာယီအစိုးရသည် Rahman ကို ၂၀၀၉ ခုနှစ်တွင် ဘင်္ဂလားဒေ့ရှ်ရိုင်ဖယ်တပ်ဖွဲ့ ပုန်ကန်မှုအတွင်း ဖြစ်ပွားခဲ့သော သတ်ဖြတ်မှု များကို စုံစမ်းစစ်ဆေးရန် အမျိုးသားလွတ်လပ်သော ကော်မရှင် ဥက္ကဋ္ဌ အဖြစ် ၂၀၂၄ ခုနှစ်၊ ဒီဇင်ဘာလတွင် ခန့်အပ်တာဝန်ပေးခဲ့ပါသည်။ 

ဘင်္ဂလားဒေ့ရှ်နိုင်ငံခြားရေးဝန်ကြီးဌာနက မေ ၂ (သောကြာနေ့)တွင် ထုတ်ပြန်သော သတင်းထုတ်ပြန်ချက်အရ အဆိုပါ အငြိမ်းစား ဗိုလ်ချုပ်၏ ပြောကြားချက်များမှာ ဘင်္ဂလားဒေ့ရှ်အစိုးရ၏ ရပ်တည်ချက် သို့မဟုတ် မူဝါဒများနှင့် ကိုက်ညီမှု မရှိပါကြောင်း ရှင်းလင်းဖော်ပြထားပါသည်။

အဆိုပါဖြစ်စဉ်မတိုင်မီ ၂၀၂၅ ခုနှစ်၊ မတ်လအတွင်းက ဘင်္ဂလားဒေ့ရှ် အကြံပေးချုပ် ယူနွတ်သည် တရုတ်နိုင်ငံသို့ သွားရောက်ခဲ့သည့် ခရီးစဉ် အတွင်း ဘင်္ဂလားဒေ့ရှ်နှင့် နယ်နိမိတ်ထိစပ်နေသော မိုင် ၁,၆၀၀ ခန့် ရှိသော အိန္ဒိယ၏ အရှေ့မြောက်ပိုင်း ပြည်နယ် ၇ ခုသည် ကုန်းတွင်းပိတ် ဒေသများဖြစ်ပြီး ၎င်းတို့နိုင်ငံမှတစ်ဆင့်သာ အိန္ဒိယသမုဒ္ဒရာသို့ သွားရောက် ရာ ထွက်ပေါက်ရှိကြောင်း မှတ်ချက်ပြုဖူးပါသည်။

ထို့ပြင် တရုတ်နိုင်ငံ၌ ပြုလုပ်သော စီးပွားရေးဖိုရမ်တစ်ခုတွင် အကြံပေး Rahman က ဘင်္ဂလားဒေ့ရှ်သည် အိန္ဒိယသမုဒ္ဒရာ၏ တစ်ခုတည်းသော စောင့်ရှောက်သူဖြစ်ကြောင်း ပြောကြားပြီး တရုတ်နိုင်ငံအား ကမ္ဘာတစ်ဝှမ်း သို့ ကုန်ပစ္စည်းများ ပို့ဆောင်ရာတွင် ဘင်္ဂလားဒေ့ရှ်မှတစ်ဆင့် အသုံးပြုရန် ဖိတ်ခေါ်ခဲ့ပါသည်။

ကိုးကား- Indian Express

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

မေလလယ်တွင် ဆော်ဒီအာရေဗျနိုင်ငံသို့ လာရောက်လည်ပတ်စဉ်အတွင်း ရုရှားသမ္မတ ဗလာဒီမာပူတင်နှင့် တွေ့ဆုံဖွယ်ရှိကြောင်း အမေရိကန် သမ္မတ Donald Trump က ပြောကြားလိုက်ပါသည်။ 

ဆော်ဒီအာရေဗျ၊ ကာတာနှင့် အာရပ်စော်ဘွားများပြည်ထောင်စုသို့ မေ ၁၃ ရက်မှ ၁၆ ရက်အထိ သွားရောက်မည့် အရှေ့အလယ်ပိုင်း ခရီးစဉ်အပြီးတွင် ရုရှားခေါင်းဆောင်နှင့် တွေ့ဆုံနိုင်ကြောင်း ထရမ့်က ယခင်ကလည်း ပြောပြဖူးပါသည်။

ကိုးကား- TASS

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

မော်စကို၊ သံတမန်ဆက်ဆံရေး

ရုရှားနှင့် တရုတ်နိုင်ငံတို့ကြား ဆက်ဆံရေးသည် လက်ရှိတွင် မဟာဗျူဟာမြောက်ဆက်ဆံရေးတစ်ရပ်ဖြစ်ကြောင်း   ရုရှားသမ္မတ ဗလာဒီမာပူတင်က မေလ ၄ ရက်တွင် ပြောကြားသည်။

ကမ္ဘာလုံးဆိုင်ရာမငြိမ်မသက်ဖြစ်ပွားနေစဉ်အတွင်း   ရုရှားနှင့်တရုတ်နိုင်ငံတို့သည်      ကမ္ဘာ့တည်ငြိမ်ရေးအတွက် အထောက်အကူပြုလျက်ရှိကြောင်း သမ္မတပူတင်က ပြောကြားခဲ့ကြောင်း ရုရှားရုပ်သံတစ်ခုဖြစ်သည့် Rossiya ကဖော်ပြသည်။

ရုရှားနှင့် တရုတ်နိုင်ငံတို့သည် အိမ်နီးချင်းများဖြစ်ပြီး နှစ်နိုင်ငံစလုံး၏ဖွံ့ဖြိုးတိုးတက်ရေးအတွက်   အဓိကအချက်ဖြစ်သည့်ဆက်ဆံရေးကောင်းမွန်မှုကို ထိန်းသိမ်းထားရမည်ဖြစ်ကြောင်း ၎င်းက ဆက်လက်ပြောကြားသည်။    ထို့ပြင် ကမ္ဘာပေါ်တွင် မငြိမ်မသက်မှုများ ပိုမိုတိုးတက်လာနေစဉ် အတွင်း နှစ်နိုင်ငံစလုံးကြားရှိ ဆက်ဆံရေးကောင်းမွန်ခြင်းသည်  ကမ္ဘာလုံးဆိုင်ရာ တည်ငြိမ်ရေးအတွက်    ထိရောက်စွာ အထောက်အကူပြုလျက်ရှိကြောင်း ပူတင်၏ပြောကြားချက်ကိုကိုးကား၍ ရုပ်သံကဖော်ပြသည်။

ထို့ပြင် လာမည့် ၂၅ နှစ်တွင် ဂျီ-၇ နိုင်ငံ၏ ကမ္ဘာ့စီးပွားရေးတွင်   ပါဝင်မှုနှုန်းသည် ဆက်လက်ကျဆင်းလာသောကြောင့် ယင်းနိုင်ငံများ၏ ကမ္ဘာ့အရေးကိစ္စများတွင် ပါဝင်နိုင်သည့် အလားအလာမှာလည်း ကျဆင်းလာနိုင်ပြီး ရုရှားနှင့် တရုတ်နိုင်ငံတို့ပါဝင်သည့် BRICS နိုင်ငံများ၏ အခန်းကဏ္ဍမှာ  ပိုမိုကြီးထွားလာနိုင်ကြောင်း ပူတင်ကဆက်လက်ပြောကြားသည်။

Ref: Iz

Source: https://myawady.net.mm/

သိမ်းပိုက်ခံထားရသော ပါလက်စတိုင်းနယ်မြေများဆိုင်ရာ ကုလသမဂ္ဂ အထူးကိုယ်စားလှယ် ဖရန်ဆက်ကာ အယ်လ်ဘားနီးစ်က ဂါဇာတွင် အစ္စရေး၏ “စစ်ရာဇ၀တ်မှုများ” ကို ပံ့ပိုးပေးသည့်အတွက် ဥရောပသမဂ္ဂ (အီးယူ) ခေါင်းဆောင်ပိုင်းကို တာဝန်ယူသင့်ကြောင်း ပြောကြားခဲ့သည်။

စနေနေ့ (မေ ၄) က ထုတ်ဝေသော The Intercept သတင်းဌာနနှင့် အင်တာဗျူးတွင် အယ်လ်ဘာနီးစ်သည် ဥရောပကော်မရှင်ဥက္ကဋ္ဌ အာဆူ လာဗွန်ဒါလီယန် နှင့် EU ၏ထိပ်တန်းသံတမန် ကာဂျာ ကောလက်စ် တို့ကို ရည်စူးပြီးပြောခဲ့ခြင်း ဖြစ်ပါသည်။

“အီးယူ၏ အမြင့်ဆုံးပုဂ္ဂိုလ်နှစ်ဦးက အစ္စရေးနှင့် ပုံမှန်အတိုင်း ဆက်ဆံမှုများ ဆက်လုပ်နေသည်ဆိုသည့်အချက်က စိတ်ပျက်ဖွယ်ကောင်းလောက် အောင်ပါ” ဟု သူမက ပြောကြားခဲ့သည်။

“သမိုင်းက ၎င်းတို့ကို တရားစီရင်လိမ့်မည်။ ထို့ထက်စောပြီး ၎င်းတို့ကို တရားစီရင်ရမှာပါ။ ပြီးတော့ လွတ်ငြိမ်းချမ်းသာခွင့်နှင့် အပြစ်ပေးမှု မညီမျှဘူးဆိုသည်ကိုလည်း ၎င်းတို့ နားလည်ရလိမ့်မည်” ဟု ကုလသမဂ္ဂ ကျွမ်းကျင်သူက ပြောကြားခဲ့သည်။

ဂါဇာကမ်းမြောင်ဒေသရှိ ပါလက်စတိုင်းတို့အပေါ် အစ္စရေးက ရာဇ၀တ်မှုများ ကျူးလွန်နေခြင်းနှင့်ပတ်သက်ပြီး အယ်လ်ဘန်နီစ်က ဘဏ်များ၊ ပင်စင်ရန်ပုံငွေများ၊ နည်းပညာကုမ္ပဏီများနှင့် တက္ကသိုလ်များပါဝင်သည့် အင်စတီကျူးရှင်းများနှင့် အဖွဲ့အစည်းများ၏ အခန်းကဏ္ဍကို ဖော်ထုတ်သည့် အစီရင်ခံစာတစ်ခုကို လုပ်ဆောင်နေသည်ဟု ဆိုသည်။

“တရားမ၀င် အလုပ်အကိုင်နှင့် ပတ်သက်ဆက်နွှယ်နေသည့်သူများအားလုံးက အထောက်အပံ့ပေးရာမှာ နိုင်ငံတကာဥပဒေချိုးဖောက်မှုများနှင့် လူ့ အခွင့်အရေးချိုးဖောက်မှုများကို ကူညီပေးနေပြီး ရာဇ၀တ်မှုများအတွက် အများအပြား ပါဝင်နေပါသည်” ဟု အယ်လ်ဘာနီစ်က ပြောကြားခဲ့သည်။ “ထိုကဲ့သို့သော ရာဇ၀တ်မှုများကို ကူညီဆောင်ရွက်ပေးနေသူများ သို့မဟုတ် ထောက်ပံ့ပေးကမ်းနေသူများအတွက် တစ်ဦးချင်းတာဝန် ယူကိုယူရပါလိမ့်မည်” ဟု ပြောသွားပါသည်။

ကိုးကား-Myanmar National Post

Photo: RFI