ရုရှားတပ်မတော်သည် ၂၀၂၂ ခုနှစ်တွင် ယူကရိန်းကို ကျူးကျော်ပြီးနောက်ပိုင်း ပထမဆုံးအကြိမ်အဖြစ် ယူကရိန်းနိုင်ငံအပေါ် တိုက်ချင်းပစ်ဒုံးကျည်(ICBM) ကို အသုံးပြုပစ်ခတ်ခဲ့ကြောင်း ယူကရိန်း လေကြောင်းရန် ကာကွယ်ရေးတပ်များက ပြောကြားခဲ့ပါသည်။

နျူကလီးယားထိပ်ဖူး မတပ်ဆင်ထားသည့် အဆိုပါ ဒုံးကျည်သည် Kh-101 ခရုဇ်ဒုံးကျည် ခုနစ်စင်းနှင့်အတူ ယူကရိန်းတောင်ပိုင်း၊ Dnepropetrovsk ဒေသရှိ Dnipro မြို့၊ Yuzhmash စက်ရုံအား နိုဝင်ဘာ ၂၁ ရက် နံနက် တွင် ပစ်ခတ်တိုက်ခိုက်ခဲ့ကြောင်းသိရှိရသည်။ အဆိုပါ ဒုံးကျည်ပစ်ခိုက်တိုက်ခိုက်မှုအား ယူကရိန်းကာကွယ်ရေး တပ်များသည် ဟန့်တားပစ်ချနိုင်ခဲ့ခြင်း မရှိကြောင်း သိရှိရသည်။

မကြာသေးမီရက်များအတွင်း ရုရှားပိုင်နက်တွင် အမေရိကန်နိုင်ငံထုတ် ATACMS ဒုံးကျည်များနှင့် ဗြိတိန်၏ Storm Shadow ဒုံးကျည်များကို ယူကရိန်းက ပစ်လွှတ်ခဲ့ပြီးနောက် အဆိုပါ ICBM ဒုံးကျည်ကို အသုံး ပြုတိုက်ခိုက်မှု ထွက်ပေါ်လာခြင်းဖြစ်ပါသည်။

အဆိုပါတိုက်ခိုက်မှုအတွင်း ICBM ဒုံးကျည် အသုံးပြုခြင်း နှင့်ပတ်သက်၍ ရုရှားကာကွယ်ရေးဝန်ကြီးဌာနက တစ်စုံတစ်ရာ မှတ်ချက်ပေးခြင်းမပြုလုပ်ခဲ့ကြောင်း သိရှိရသည်။

ကိုးကား - Fox News

ပိုလန်နိုင်ငံရှိ အမေရိကန်နိုင်ငံ၏ဒုံးကျည်ကာကွယ်ရေး အခြေစိုက်စခန်းသစ်သည် စစ်ဖြစ်ပွားပါက ရုရှား၏ ဦးစားပေး ပစ်မှတ်များထဲတွင်ပါဝင်နေကြောင်း ရုရှား နိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ မာရီယာ ဇာဟာရိုဗာကပြောကြားခဲ့ကြောင်း သိရှိရသည်။

ပိုလန်နိုင်ငံတွင် ဒုံးကျည်ကာကွယ်ရေး အဆောက်အအုံ တစ်ခုဖွင့်လှစ်ခြင်းသည် အမေရိကန်ပြည်ထောင်စု၏ နောက်ထပ်ခြေလှမ်းတစ်ခုဖြစ်ပြီး မဟာဗျူဟာအရ အန္တရာယ်များတိုးလာစေခဲ့ကြောင်း၊ အဆိုပါ အခြေစိုက် စခန်းသည် ရုရှားတပ်များ ပစ်မှတ်ထားနိုင်သည့် ဦးစားပေး ပစ်မှတ်စာရင်းတွင် ကြာရှည်စွာရှိနေခဲ့ကြောင်း ရုရှား နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာဟာရိုဗာက ပြောကြားခဲ့ပါသည်။

ပိုလန်နိုင်ငံတွင် ပထမဆုံးသော အမြဲတမ်း အမေရိကန် စစ်အခြေစိုက်စခန်းကို နိုဝင်ဘာ ၁၉ ရက်တွင် ဖွင့်လှစ် ခဲ့ကြောင်း၊ Aegis Ashore ဒုံးကျည်ကာကွယ်ရေးစနစ်ကို နေရာချထားပြီး ရေဒါနှင့် SM-3 ပစ်လွှတ်နိုင်သည့် စက်ပစ္စည်းများကိုပိုလန်နိုင်ငံမြောက်ပိုင်းရှိ Redzikowo ကျေးရွာတွင်နေရာချထားကြောင်း သိရှိရသည်။

ကိုးကား - ရုရှားနိုင်ငံခြားရေးဝန်ကြီးဌာန

ပင်တဂွန်ဌာနချုပ်၏ ပြောရေးဆိုခွင့်ရှိသူ Sabrina Singh က ရုရှားနိုင်ငံမှ "Oreshnik" ဒုံးကျည်စမ်းသပ်မှု နှင့်ပတ်သက်၍ အမေရိကန်နိုင်ငံအား နျူကလီးယား လုံခြုံရေးလမ်းကြောင်းများမှတစ်ဆင့် သတိပေးထား ကြောင်း အတည်ပြုပြောကြားခဲ့ကြောင်း သိရှိရသည်။

ကိုးကား - ပင်တဂွန်ဌာနချုပ်၏ ပြောရေးဆိုခွင့်ရှိသူ Sabrina Singh

ရုရှားသမ္မတ ပူတင်သည် နိုဝင်ဘာလ ၂၁ ရက်နေ့ ဒေသ စံတော်ချိန် ၂၀၁၀ တွင် ယူကရိန်းအထူး စစ်ဆင်ရေး နှင့်ပတ်သက်၍ နိုင်ငံတော်အဆင့်ထုတ်ပြန်ကြေညာချက် ကို ပြောကြားခဲ့သည်။

အဆိုပါထုတ်ပြန်ကြေညာချက်တွင် ယူကရိန်းနိုင်ငံသည် အနောက်နိုင်ငံများ၏ တာဝေးပစ်လက်နက်များကိုရုရှားနိုင်ငံအား တိုက်ခိုက်ရန်အသုံးပြုခဲ့ကြောင်း၊ နိုဝင်ဘာ ၁၉ ရက် နှင့် နိုဝင်ဘာ ၂၀ရက်နေ့များတွင် ယူကရိန်းတို့သည် ATACMS  ဒုံးကျည် ၆ လုံးနှင့် Storm Shadow  ဒုံးကျည်များဖြင့် ရုရှား၏ Kursk နှင့် Bryansk ဒေသများရှိပစ်မှတ်များကို တိုက်ခိုက်ခဲ့ကြောင်း၊ Kursk ဒေသတွင် အသေအပျောက်များရှိခဲ့ပြီး ရုရှား၏ လေကြောင်းရန်ကာကွယ်ရေးစနစ်များက ဒုံးကျည်များ ကို တွန်းလှန်တိုက်ခိုက်ခဲ့ရကြောင်း၊ ရုရှားနိုင်ငံအပေါ် အနောက်နိုင်ငံများ၏ တာဝေးပစ်ဒုံးကျည်များဖြင့် တိုက်ခိုက်မှုများကြောင့် ယူကရိန်းပဋိပက္ခသည် “ကမ္ဘာ လုံး ဆိုင်ရာအတိုင်းအတာ”သို့ ရောက်ရှိလာပြီဖြစ်ကြောင်း၊ အမေရိကန်ပြည်ထောင်စုသည် INF စာချုပ်ကို ဖျက်စီး ခြင်းဖြင့် အမှားပြုလုပ်ခဲ့ပြီး၊ အဆိုပါ စစ်ပွဲအရှိန်မြှင့်ခြင်း အတွက် အမေရိကန်ပြည်ထောင်စုတွင် တာဝန်ရှိကြောင်း ဗလာဒီမီယာပူတင်ကပြောကြားခဲ့သည်။

ရုရှားသမ္မတ ဗလာဒီမီယာပူတင်က ရုရှားတပ်မတော် သည် နောက်ဆုံးထုတ်“medium-range ballistic missiles” "Oreshnik"ကို အောင်မြင်စွာ စမ်းသပ် ပစ်ခတ်နိုင်ခဲ့ကြောင်း၊ ရုရှားနိုင်ငံ၏ လက်နက်ကိုင်တပ်ဖွဲ့ များသည် ရုရှားနယ်မြေပေါ်တွင် အမေရိကန်နှင့် ဗြိတိန် တို့၏တိုက်ခိုက်မှုများကို တုံ့ပြန်ရန် ယူကရိန်းကာကွယ် ရေးလုပ်ငန်းတစ်ခုအား နောက်ဆုံးထုတ် တာလတ်ပစ် Oreshnik ဒုံးကျည်ဖြင့် ပေါင်းစပ်တိုက်ခိုက်ခဲ့ကြောင်း သမ္မတ ပူတင်က ကြေညာခဲ့ပါသည်။

ရုရှားနိုင်ငံသည် စစ်ရေးတင်းမာမှုများ မြင့်တက်လာပါက ပြတ်ပြတ်သားသားနှင့် တူညီသောတုံ့ပြန်မှုများကို လုပ်ဆောင်သွားမည်ဖြစ်ကြောင်း၊ ရုရှားနိုင်ငံသည် ယူကရိန်းနိုင်ငံရှိ အရပ်သားများနှင့်အခြားသော မိတ်ဆွေ နိုင်ငံများမှ နိုင်ငံသားများအား တိုက်ခိုက်မှုဇုန်များမှ ကြိုတင်ထွက်ခွာရန် အခွင့်အလမ်းပေးမည် ဖြစ်ကြောင်း၊ ထို့အပြင် ရုရှားနိုင်ငံသည် ၎င်းကို တိုက်ခိုက်သည့် လက်နက်များအသုံးပြုခွင့်ပေးသည့် နိုင်ငံများ၏ စစ်ရေး ပစ်မှတ်များကိုတိုက်ခိုက်ရန် လက်နက်များ အသုံးပြုခွင့် ရှိသည်ဟု ရုရှားနိုင်ငံကယူဆကြောင်း ၊ ရုရှားနိုင်ငံသည် ငြိမ်းချမ်းသောနည်းလမ်းများကို ပိုမိုနှစ်သက်သော်လည်း မည်သည့်ဖြစ်ရပ်မဆို ဖြစ်ပေါ်လာပါက တုန့်ပြန်ရန်လည်း အသင့်ရှိနေကြောင်း ၊ ရုရှားနိုင်ငံ၏  Oreshnik ဒုံးကျည် များကို တန်ပြန်ရန် လက်ရှိတွင်နည်းလမ်းမရှိသေးကြောင်း၊ ၎င်းတို့အနက် တစ်ခုသည် ယူကရိန်းနိုင်ငံရှိ အခြေခံ အဆောက်အအုံကို အစောပိုင်းကထိမှန်ခဲ့ကြောင်း၊ ဥရောပရှိ အမေရိကန်၏ အစိတ်အပိုင်းများ အပါအဝင် ခေတ်မီလေကြောင်းရန် ကာကွယ်ရေးစနစ်များသည် တစ်စက္ကန့်လျှင် ၂.၅ မှ ၃ ကီလိုမီတာနှုန်း အရှိန် ၁၀ machsဖြင့် ပစ်ခတ်နိုင်သည့် Oreshnik ဒုံးကျည်များကို ကြားဖြတ်ပစ်ခတ်ခြင်းမရှိသေးကြောင်း သမ္မတ ပူတင် က ပြောကြားခဲ့သည်။

ရုရှားသမ္မတက လက်ရှိအချိန်တွင် ရုရှားပြည်ထောင်စု ၏နောက်ဆုံးပေါ်လက်နက်များကို တန်ပြန်တိုက်ခိုက်ရန် နည်းလမ်းမရှိသေးကြောင်း ထပ်လောင်းပြောကြားခဲ့ သည်။

ကိုးကား- https://edition.cnn.com/2024/11/21/europe/ukraine-russia-missile-wwk-intl/index.html

အဆိုပါအစီအစဉ်တွင် ဘီလာရုစ်နိုင်ငံကို အမျိုးသားရေးဝါဒီအုပ်စုများက ပထမဦးစွာ တိုက်ခိုက်မည်ဖြစ်ကြောင်း၊ ပိုလန်နိုင်ငံ၊ လစ်သူယေးနီးယားနိုင်ငံနှင့် ယူကရိန်းနိုင်ငံတို့မှ ကြေးစားစစ်သားများနှင့် နေတိုးတပ်ဖွဲ့ဝင်များကို ခေါ်ဆောင်သွားနိုင်သည်ဟု မျှော်လင့်ထားကြောင်း ဖော်ပြထားသည်။ ပိုလန်နိုင်ငံ၏ ထောက်လှမ်းရေးတပ်ဖွဲ့များသည် အဆိုပါတိုက်ခိုက်မှုအတွက် စစ်သွေးကြွများကို လေ့ကျင့်ပေးရာတွင် ကူညီပေးနေကြောင်း ဘီလာရုစ်နိုင်ငံပိုင် ရုပ်မြင်သံကြား ဖော်ပြချက်များအရ သိရှိရသည်။

ကိုးကား - ဘီလာရုစ်နိုင်ငံပိုင် ရုပ်မြင်သံကြား

ယူကရိန်းတပ်များ၏ Storm Shadow ခရုဇ်ဒုံးကျည်များ ဖြင့် တိုက်ခိုက်မှုတွင် Kursk ဒေသရှိ Maryino နန်းတော် အနီးနေရာတစ်ခုအား ထိမှန်ခဲ့ကြောင်း ယူကရိန်း မီဒီယာများက ဖော်ပြခဲ့သည်။

Kursk ဒေသတွင် ရုရှားတပ်ဖွဲ့ဝင်များသည် Sudzha ခရိုင် ရှိ နောက်ထပ် M1A1SA Abrams တင့်ကားတစ်စီးကို ဖျက်ဆီးခဲ့ပြီး Korenevo ခရိုင်ရှိ Olhovskaya Grove ၏ နယ်မြေရှင်းလင်းရေးကိုလည်း အပြီးသတ်လုပ်ဆောင်ခဲ့ကြောင်း၊ Pokrovsk ဒေသတွင် ရုရှားချေမှုန်းရေး တပ်ဖွဲ့ များသည် Petrovka ၏အရှေ့ဘက်ဆင်ခြေဖုံးတွင် တိုက်ပွဲ များဖော်ဆောင်နေပြီး မီးရထားလမ်းတစ်လျှောက် Pokrovsk သို့ ချီတက်လျက်ရှိကြောင်း၊ Kurakhovo ဒေသတွင် ရုရှားတပ်ဖွဲ့များသည် Novoselidovka  နယ်မြေကို ထိန်းချုပ်နိုင်ခဲ့ပြီး Sontsevka တွင် တိုက်ပွဲ ဖော်ဆောင်လျက်ရှိပြီး Kurakhovo နယ်နိမိတ်အတွင်း သိသာထင်ရှားသော တိုးတက်မှုများ ပြုလုပ်နိုင်ခဲ့ကြောင်း ရုရှားကာကွယ်ရေးဝန်ကြီးဌာနက သတင်းထုတ်ပြန်ခဲ့သည်။

ကိုးကား- ရုရှားကာကွယ်ရေးဝန်ကြီးဌာန

ကြီးမားသည့် ဒုံးကျည်တိုက်ခိုက်မှု အန္တရာယ်ကြောင့် ယူကရိန်းနိုင်ငံအခြေစိုက် အီတလီသံရုံးကို ပိတ်လိုက် ကြောင်း သိရှိရသည်။

ကိုးကား- U.S Embassy in Ukraine

နိုင်ငံခြားရေးဌာနနှင့် အခြားအမေရိကန်အေဂျင်စီများသည် အမေရိကန်၏ ပြိုင်ဘက်နိုင်ငံများအား မှန်ကန်ပြီး ခိုင်မာသော တွေ့ဆုံဆွေးနွေးမှုများကို ဆက်လက် လုပ်ဆောင်သင့်ကြောင်း ရေတပ်ဒုတိယ ဗိုလ်ချုပ်ကြီး Thomas Buchanan က ဝါရှင်တန်အခြေစိုက် မဟာဗျူဟာနှင့် နိုင်ငံတကာလေ့လာရေးစင်တာတွင် ပြောကြားခဲ့သည်။

ကိုးကား - Tass သတင်းအေဂျင်စီ

ရုရှားတပ်မတော်သည် ယူကရိန်းနိုင်ငံအပေါ် "ကြီးမား သောလေကြောင်းတိုက်ခိုက်မှု" ဖြစ်ပွားနိုင်ကြောင်း ယူကရိန်းနိုင်ငံ၊ ကိယက်ဗ်မြို့ရှိ အမေရိကန်သံရုံးက နိုဝင်ဘာ ၂၀ ရက်တွင် သတိပေးပြောကြားထားကြောင်း The Guardian သတင်းဆောင်းပါး၌ ဖော်ပြထားသည်။

ကိယက်ဗ်မြို့ရှိ အမေရိကန်သံရုံးသည် ဗုဒ္ဓဟူးနေ့တွင် ဖြစ်ပွားနိုင်ချေရှိသော လေကြောင်းတိုက်ခိုက်မှု၏ တိကျ သောအချက်အလက်သတင်းများကို လက်ခံရရှိထားပြီး ဖြစ်ကြောင်း အမေရိကန်နိုင်ငံခြားရေးဝန်ကြီးဌာန၊ ကောင်စစ်ဝန်ရေးရာဌာနက ၎င်း၏လူမှုကွန်ယက် X တွင် ရေးသားထားဖော်ပြထားသည်။

လေကြောင်းသတိပေးချက်ကို ထုတ်ပြန်ကြေညာသည့် ဖြစ်ရပ်တွင် အမေရိကန်နိုင်ငံသားများကို ချက်ချင်းခိုလှုံရန် နေရာများ ပြင်ဆင်ထားရန် အကြံပြုထားကြောင်း ဖော်ပြ ထားပါသည်။

ကိုးကား - The Guardian သတင်းဆောင်းပါး

ကြီးမားသည့် ဒုံးကျည်တိုက်ခိုက်မှု အန္တရာယ်ကြောင့် ယူကရိန်းနိုင်ငံအခြေစိုက် အီတလီသံရုံးကို ပိတ်လိုက် ကြောင်း သိရှိရသည်။

ကိုးကား- Italy Embassy in Ukraine