အမေရိကန် စစ်သင်္ဘောများနှင့် ကုန်တင်သင်္ဘောများအတွက် ပနားမားနှင့် စူးအက်တူးမြောင်းများကို အခမဲ့ဖြတ်သန်းခွင့်ပေးရန် အမေရိကန် သမ္မတ Donald Trump က တောင်းဆိုလိုက်သည်။

“စစ်ဘက်ရော စီးပွားရေးအရရော အမေရိကန်သင်္ဘောများကို ပနားမား နှင့် စူးအက်တူးမြောင်းများကိုဖြတ်ပြီး အခမဲ့ သွားလာခွင့်ပြုသင့်ပါသည်” ဟု ၎င်း၏ Truth Social စာမျက်နှာမှာ ရေးသားဖော်ပြထားပါသည်။

အိုမန်နိုင်ငံတွင် ကျင်းပခဲ့သည့် အီရန်-အမေရိကန် တတိယအကြိမ်မြောက် နျူကလီးယားအရေးဆွေးနွေးပွဲပြီးဆုံးကြောင်း အီရန်၏ အစိုးရရုပ်မြင်သံကြားနှင့် ရေဒီယိုဌာနက ကြေညာခဲ့ပါသည်။ 

ကျွမ်းကျင်သူအဆင့် ကိုယ်စားလှယ်အဖွဲ့များသည် အနာဂတ်သဘောတူညီချက်အတွက် အချို့သော အသေးစိတ်အချက်များကို ညှိနှိုင်းနိုင်ခဲ့ ကြပါသည်။

လက်ရှိအဆင့်ဆွေးနွေးမှုကို ယာယီရပ်နားထားပြီး နှစ်ဖက်စလုံးမှ အဖွဲ့ များသည် ၎င်းတို့၏ အစိုးရများထံမှ နောက်ထပ် ညွှန်ကြားချက်များရယူရန် သက်ဆိုင်ရာ နိုင်ငံသို့ ပြန်လည်ထွက်ခွာမည်ဖြစ်သည်။ 

ရုရှားစစ်ဦးစီးချုပ်ရုံး၏ အဓိကစစ်ဆင်ရေးဌာန ဒုတိယအကြီးအကဲ ဒုတိယ ဗိုလ်ချုပ်ကြီး Yaroslav Moskalik အား လုပ်ကြံသတ်ဖြတ်မှုအတွက် သံသယရှိသူ ယူကရိန်းအထူးတပ်ဖွဲ့၏ အေးဂျင့်တစ်ဦးကို FSB က ဧပြီ ၂၆ ရက်တွင် ဖမ်းဆီးလိုက်ပါသည်။

ဖမ်းဆီးခံရသူ အမည်မှာ အိဂ်နတ် ကုဇင် ဖြစ်ပြီး ယူကရိန်း နေထိုင်ခွင့် လက်မှတ်ကိုင်ဆောင်ထားသူ ၁၉၈၃ ခုနှစ်ဖွား ယူကရိန်းအထူးတပ်ဖွဲ့၏ အေးဂျင့်တစ်ဦးဖြစ်ကြောင်း FSB ပြည်သူ့ဆက်ဆံရေးဌာနက ကြေညာထား ပါသည်။

ပုပ်ရဟန်းမင်းကြီး ဖရန်စစ်၏ ဈာပနအခမ်းအနားတက်ရောက်ရန် အမေရိကန် သမ္မတဒေါ်နယ်ထရမ့်သည် ဇနီး မီလာနီယာ ထရမ့်နှင့်အတူ ရောမမြို့သို့ ရောက်ရှိလာပြီဖြစ်ပါသည်။ ဒေါ်နယ်ထရမ့်သည် ရောမ၌ အီတလီ ဝန်ကြီးချုပ် မီလိုနီ၊ ဗြိတိသျှဝန်ကြီးချုပ် ကိယာစတာမာနှင့် ယူကရိန်းသမ္မတ ဗလာဒီမာ ဇီလန်စကီးတို့နှင့် တွေ့ဆုံမည်ဖြစ်ကြောင်း La Repubblica သတင်းစာက ပြောကြားထားပါသည်။

ရုရှားသမ္မတ ဗလာဒီမာပူတင်သည် အမေရိကန်အထူးကိုယ်စားလှယ် စတိဗ်ဝစ်ကော့ဖ်နှင့် ဧပြီ ၂၅ ရက်တွင် တွေ့ဆုံစဉ် ယူကရိန်းနှင့် ကနဦး အခြေအနေများမပါဝင်ဘဲ ငြိမ်းချမ်းရေးဆွေးနွေးရန် မော်စကိုက အဆင်သင့်ဖြစ်သည်ဟု အတည်ပြုပြောကြားခဲ့ပါကြောင်း ကရင်မလင် ပြောရေးဆိုခွင့်ရှိသူ ဒမီထရီပက်စကိုဗ်က သတင်းထောက်များအား ပြောကြားလိုက်ပါသည်။ 

နေပြည်တော်အပါအဝင် တိုင်းဒေသကြီးနှင့် ပြည်နယ်(၆)ခုတို့တွင် ဘိလပ်မြေအပါအဝင် အိမ်ဆောက်ပစ္စည်းများကို ဝယ်ရင်းဈေးထက် ဈေးနှုန်းမြင့်မားစွာ မြှင့်တင်ရောင်းချနေသည့် အရောင်းဆိုင် (၆၀)ကျော် ကို စစ်ဆေးတွေ့ရှိခဲ့ပြီး အရေးယူရန် ဆောင်ရွက်လျက်ရှိကြောင်း ပြန်ကြားရေး ဝန်ကြီးဌာနမှ သိရသည်။ ၂၀၂၅ ခုနှစ်၊ မတ်လ ၂၈ ရက်တွင် ဖြစ်ပွား ခဲ့သည့် မန္တလေးမြေငလျင်ကြီး လှုပ်ခတ်မှုနှင့်ဆက်စပ်၍ ဈေးကွက်တွင် ဘိလပ်မြေဝယ် လိုအားမြင့်တက်ခဲ့ခြင်းကြောင့် ဈေးနှုန်းအဆမတန် မြှင့်တင် ရောင်းချခြင်းမရှိစေရေးအတွက် ပူးပေါင်းအဖွဲ့များဖြင့် စစ်ဆေးလျက် ရှိကြောင်း၊ စစ်ဆေးမှုကို နေပြည်တော်ကောင်စီနယ်မြေ၊ ရန်ကုန်တိုင်းဒေ

ဘိလပ်မြေကို ကျောက်မှုန့်များနှင့် ရောစပ်ပြီးရောင်းချနေသူကို တောင်ကြီးမြို့နယ်၊ အေးသာယာမြို့တွင် ဧပြီ ၂၃ ရက်က ဖမ်းဆီးလိုက်ကြောင်း ဒေသခံများထံမှသိရသည်။ ဧပြီ ၂၃ ရက်နေ့တွင် သုံးစွဲသူများ၏ တိုင်ကြားမှု အရ အေးသာယာ မြို့၊ ရပ်ကွက် (၅) ရှိ ပြည့်စုံအောင် အိမ်ဆောက် ပစ္စည်းအရောင်းဆိုင်၏ ဘိလပ်မြေဂိုထောင်ကို တာဝန်ရှိသူများကသွားရောက်စစ်ဆေးခဲ့ရာ ဘိလပ်မြေကို ကျောက်မှုန့်များ ရောစပ်နေကြောင်း တွေ့ရှိခဲ့သဖြင့် ဖမ်းဆီးထိန်းသိမ်းခဲ့ကြောင်းသိရသည်။

အာရေဗီယံပင်လယ်အတွင်းရှိ အိန္ဒိယစစ်သင်္ဘောများက ပင်လယ်အတွင်းမှ ဒုံးကျည်များကိုပစ်လွှတ်ပြကာ စစ်ပွဲအတွက် အဆင်သင့်ဖြစ်ပြီ ဖြစ်ကြောင်းပြသခဲ့ပါသည်။ စစ်သင်္ဘောများမှ ရေပြင်မှ ဝေဟင်ပစ်၊ ရေပြင်မှ မြေပြင်ပစ်နှင့် စစ်သင်္ဘောဖျက် ဒုံးများကို ပစ်ပြခတ်ပြခဲ့ခြင်း ဖြစ်သည်။ 

တာဝေးပစ်ဒုံးများပစ်လွှတ်မှုနှင့် ပတ်သက်၍ လေ့ကျင့်ခန်းများကိုလည်း လုပ်ဆောင်ခဲ့သည်။ လတ်တလော စစ်ရေးတင်းမာမှု ဖြစ်နေသည့် ပါကစ္စတန်နှင့် ပတ်သက်သော နိုင်ငံရေး အခြေအနေကို ဖိအားပေးသည့် သဘောကို ဆောင်နေပါသည်။ 

နေပြည်တော် တည်ဆောက်ရေးတွင် ပါဝင်ခဲ့ကြသည့် ကုမ္ပဏီများအနေဖြင့် နေပြည်တော်စည်ပင်သာယာရေးကော်မတီသို့ ဆက်သွယ်ရန် ကြေညာထားကြောင်း သိရသည်။

ရုရှားနိုင်ငံ၏ မော်စကိုမြို့တော်က ကိုရီးယားသမ္မတနိုင်ငံ (မြောက်ကိုရီးယား) ၏ “ခိုင်မာသောညီညွတ်မှု” အား Kursk ဒေသ လွတ်မြောက်ရေး လှုပ်ရှားမှု တွင် အထူးကျေးဇူးတင်စကား ပြောကြားခဲ့သည်။

Kursk ဒေသတွင် လက်ရှိဖြစ်ပွားနေသော စစ်ရေးအခြေအနေများနှင့်ပတ်သက်၍ မြောက်ကိုရီးယားက ရုရှားဘက်မှ ပြည့်ပြည့်ဝဝ ထောက်ခံမှုပေးခဲ့ကြောင်း ရုရှားနိုင်ငံခြားရေးဝန်ကြီးဌာနမှ ထုတ်ပြန်ချက်တွင် ဖော်ပြ ထားသည်။