အိန္ဒိယနှင့် ပါကစ္စတန်တို့သည် ဧပြီ ၂၅ ရက် ညပိုင်းတွင် ကက်ရှ်မီးယား ဒေသ၌ အပြန်အလှန် ပစ်ခတ်မှုများ ထပ်မံဖြစ်ပွားခဲ့ကြောင်း အိန္ဒိယ မီဒီယာ၏ ဧပြီ ၂၆ ရက် သတင်းဖော်ပြမှုအရ သိရသည်။ ပါကစ္စတန် မီဒီယာဘက်ကမူ လက်ရှိတွင် သက်ဆိုင်ရာ သတင်းထုတ်ပြန်မှုမရှိသလို ပါကစ္စတန်စစ်တပ်ဘက်ကလည်း သက်ဆိုင်ရာ ထုတ်ပြန်ချက် သို့မဟုတ် အကြောင်းကြားစာ မရှိသေးပေ။

ပြန်လည်ကျင်းပစစ်ဆေးမည့် တက္ကသိုလ်ဝင်စာမေးပွဲတွင် ကျောင်းသား၊ ကျောင်းသူများ အဆင်ပြေချောမွေ့အောင်မြင်စွာ ဖြေဆိုနိုင်ရန် အားလုံး ပူးပေါင်းပါဝင်ဆောင်ရွက်ရန် မန္တလေးတိုင်းဒေသကြီး ဝန်ကြီးချုပ် ဦးမျိုးအောင်က တိုက်တွန်းထားသည်။

ပြန်လည်ကျင်းပစစ်ဆေးမည့် တက္ကသိုလ်ဝင်စာမေးပွဲတွင် ကျောင်းသား၊ ကျောင်းသူများ အဆင်ပြေချောမွေ့ အောင်မြင်စွာ ဖြေဆိုနိုင်ရေး ကျောင်းသား၊ ကျောင်းသူများ၊ မိဘများနှင့် ကိုယ်ပိုင်ကျောင်း တည်ထောင်အုပ်ချုပ်သူများအား မန္တလေးတိုင်းဒေသကြီးအစိုးရအဖွဲ့ရုံး ဧည့်ခန်းမဆောင်၌ တွေ့ဆုံ ဆွေးနွေးစဉ် တိုက်တွန်းခဲ့ခြင်းဖြစ်သည်။

ရုရှားနိုင်ငံသည် လက်ရှိကာလနှင့် လာမည့်အနာဂတ်ကာလတို့တွင် ကာကွယ်ရေးနှင့် သက်ဆိုင်သည့် အရေးကိစ္စရပ်များတွင်   ဉာဏ်ရည်တုနည်းပညာကို အသုံးချခြင်းဖြင့် အသာစီးရယူနိုင်ရန် ရုရှားသမ္မတ ဗလာဒီမာပူတင်က တိုက်တွန်းလိုက်သည်ကို တွေ့ရသည်။

ရုရှားသမ္မတ ဗလာဒီမာပူတင်သည် အမေရိကန်သမ္မတ  ဒေါ်နယ်ထရမ့်၏ အထူးသံတမန် စတိဝှစ်ကော့နှင့် တွေ့ဆုံဆွေးနွေးခဲ့ကြောင်း သိရသည်။

သမ္မတပူတင်နှင့် စတိဝှစ်ကော့တို့သည် မော်စကိုမြို့တော်၌ ဧပြီလ ၂၅ရက်တွင် တွေ့ဆုံခဲ့ခြင်းဖြစ်ပြီး ၎င်းတို့၏ ဆွေးနွေးမှုသည် သုံးနာရီကြာမြင့်ခဲ့သည်။ ပူတင်နှင့် စတိဝှစ်ကော့တို့၏ ဆွေးနွေးပြောဆိုမှုသည် ချစ်ကြည်ရင်းနှီးမှုရှိပြီး ရုရှားနှင့် အမေရိကန်တို့အနေဖြင့် ယူကရိန်း အစိုးရပါဝင်ခြင်းမရှိဘဲ  ယူကရိန်းပဋိပက္ခကို အပြီးသတ်ရပ်တန့်စေရန် လုပ်ဆောင်နိုင်ကြောင်းကိုလည်း ပြသနိုင်ခဲ့ခြင်းလည်းဖြစ်သည်။

ပုပ်ရဟန်းမင်းကြီး ဖရန်စစ်၏ ဈာပန အခမ်းအနားကို ရောမမြို့တော်ရှိ ဆန်တာမာရီယာ မက်ဂီရော်၌  ဧပြီလ ၂၆ ရက်တွင် ကျင်းပခဲ့ကြောင်းသိရသည်။

ရုရှားနှင့်ယူကရိန်းတို့ကြား အပစ်အခတ်ရပ်စဲရေးသဘောတူညီချက်တစ်ရပ်ချမှတ်မည်ဆိုပါက    ဗြိတိန်နိုင်ငံအနေဖြင့် ၎င်းတို့၏ တပ်ဖွဲ့ဝင်များကို ယူကရိန်းသို့ စေလွှတ်မည့် အစီအစဉ်ကို ဖျက်သိမ်းမည်ဖြစ်ကြောင်း အမည်မဖော်လိုသူအရင်းအမြစ်များ၏ ပြောကြားချက်ကို ကိုးကား၍ The  Times  သတင်းစာကဖော်ပြသည်။

အီရန်နိုင်ငံတောင်ပိုင်းရှိ ဆိပ်ကမ်းတစ်ခုတွင် ဧပြီလ၂၆ ရက်က ပေါက်ကွဲမှုဖြစ်ပွားရာ အနည်းဆုံး လူလေးဦးသေဆုံးပြီး ၅၀၀ ကျော်ဒဏ်ရာရရှိသွားကြောင်း သိရသည်။

ပေါက်ကွဲမှုသည် ဟော်မော့ဂန်ပြည်နယ် ဘန်ဒါအားဘတ်မြို့ရှိ ရှာဟစ်ရာဂျီးဆိပ်ကမ်းတွင် ဖြစ်ပွားခဲ့ခြင်းဖြစ်သည်။ အဆိုပါပေါက်ကွဲမှုအတွင်း ဒဏ်ရာရရှိခဲ့သည့် လူ ၅၁၆ ဦးအား အာဏာပိုင်များက အနီးရှိ ဆေးရုံများသို့ ပို့ဆောင်ခဲ့သည်။

ဗီယက်နမ်နိုင်ငံအနေဖြင့်   ပြည်ပမှ ရင်းနှီးမြှုပ်နှံမှုများကို ဆွဲဆောင်နိုင်ရန်နှင့် နိုင်ငံ၏ ယှဉ်ပြိုင်နိုင်စွမ်းကို တိုးမြှင့်နိုင်ရန်အတွက် နိုင်ငံအတွင်းရှိ အဓိကစီးပွားရေးဒေသများအတွင်း၌ လွတ်လပ်စွာ ကုန်သွယ်ရေးဇုန်များနှင့် အကောက်ခွန်ကင်းလွတ်ခွင့်ပြုသည့် ဆိပ်ကမ်းများ တည်ဆောက်ရန် ဝန်ကြီးချုပ် ဖန်မင်းချင်က  တိုက်တွန်းလိုက်ကြောင်း ဗီယက်နမ်သတင်းအေဂျင်စီက ဧပြီလ ၂၆ ရက်တွင် ဖော်ပြသည်။

ရုရှားသမ္မတဗလာဒီမာ ပူတင်နှင့် အမေရိကန်အထူးကိုယ်စားလှယ်စတီဗ် ဝစ်ကော့ဖ်တို့သည် မော်စကိုရှိ ကရင်မလင်နန်းတော်၌ စတင်တွေ့ဆုံချိန်တွင် အင်္ဂလိပ်ဘာသာဖြင့် စတင်နှုတ်ဆက်ခဲ့ပါသည်။

အမေရိကန်ကိုယ်စားလှယ် ဝစ်ကော့ဖ်က “How are you, Mister President?” ဟု မေးမြန်းရာ “Fine, just fine. Thank you. How are you?” ဟု ပူတင် က ဖြေကြားကာ လက်ဆွဲနှုတ်ဆက်ခဲ့ကြပါသည်။

ရုရှားသမ္မတ ဗလာဒီမာ ပူတင်နှင့် အမေရိကန်အထူးကိုယ်စားလှယ် စတီဗင် ဝစ်ကော့ဖ်တို့၏ ဧပြီ ၂၅ တွေ့ဆုံမှုမှာ ထိရောက်ပြီး တိုးတက်မှု ရှိကြောင်း ရုရှားတိုက်ရိုက်ရင်းနှီးမြှုပ်နှံမှု ရန်ပုံငွေ၏ အကြီးအကဲနှင့် ပူတင်၏ အထူး စီးပွားရေးအကြံပေး ကီရီလ် ဒီမီထရီဗ်က ထုတ်ဖော်ပြောဆိုခဲ့သည်။ 

ပူတင်နှင့် ဝစ်ကော့ဖ်တို့ ယခုတွေ့ဆုံမှုမှာ ၃ နာရီကြာပြီး ဧပြီ ၁၁ ရက်က စိန့်ပီတာစဘတ်မြို့၌ ၄ နာရီကျော်ကြာ တွေ့ဆုံ ဆွေးနွေးခဲ့ပါသည်။