Apple ကုမ္ပဏီသည် AI နည်းပညာများပါဝင်၍ Flagship ဖုန်းအမျိုးအစားထက် စျေးနှုန်းချိုသာသည့် iPhone အသစ်တစ်မျိုးကို မိတ်ဆက်လိုက်သည်။

iPhone 16e ကို iPhone 16 ၏ Processor နှင့် Storage အတိုင်း ထုတ်လုပ်ထားပြီး ကင်မရာအရေအတွက်နှင့် အခြား Specification အနည်းငယ်သာ လျှော့ချထားကြောင်း Apple က ပြောကြားထားသည်။

ပြီးခဲ့သည့်နှစ်ကုန်ပိုင်းတွင် iPhone ရောင်းအားများ ကျဆင်းခဲ့ပြီး သုံးစွဲသူများ အကြိုက်တွေ့စေမည့် ထုတ်ကုန်အသစ်များ ထုတ်လုပ်နိုင်ရန် Apple အနေဖြင့် ကြိုးစား ရုန်းကန်နေရသည်။

မိမိနိုင်ငံ အကျိုးအမြတ်ရှိမည်ဆိုပါက နိုင်ငံခြားကုမ္ပဏီများနှင့် ရင်းနှီးမြှုပ်နှံ သူများကိုရုရှားသို့ ပြန်လည်ဝင်ရောက်ခွင့်ပြုမည်ဖြစ်ကြောင်း ရုရှားနိုင်ငံ ဒုတိယဝန်ကြီးချုပ် အလက်ဇန်ဒါးနိုဗက်က ရုရှားနိုင်ငံပိုင်သတင်းဌာန ဖြစ်သည့် TASS ကို ပြောကြားလိုက်သည်။ 

BRICS နိုင်ငံများအနေဖြင့် မိမိတို့၏ အမေရိကန်ဒေါ်လာကို ဖျက်ဆီးကာ ငွေကြေးအသစ်တစ်ခု ဖန်တီးချင်နေကြကြောင်း” အမေရိကန်သမ္မတ ဒေါ်နယ်ထရမ့်က ဖေဖော်ဝါရီ ၂၀ ရက် (ကြာသပတေးနေ့) တွင် ဝါရှင်တန်၊ ရီပတ်ဘလီကန်ရှိ ပြည်နယ်အုပ်ချုပ်ရေးမှူးများအဖွဲ့ကို ပြောကြား သည့် မိန့်ခွန်းထဲတွင် ထည့်သွင်းသတိပေးလိုက်ပါသည်။ 

ဖေဖော်ဝါရီ ၂၀ ရက်တွင် တောင်တရုတ်ပင်လယ်အတွင်း၌ရှိသော စပရက်တလီကျွန်းစုများအနီးရှိ လေပိုင်နက်အတွင်းသို့ တရားမဝင် ကျူးကျော်ဝင်ရောက်လာသောဖိလစ်ပိုင်လေယာဉ်သုံးစင်းကို သတိပေးမှုများလုပ်ဆောင်ကာ မောင်းထုတ်ပစ်ခဲ့ကြောင်း တရုတ်စစ်တပ်က ထုတ်ပြန်ပြောဆိုခဲ့သည်။

သဘောထားချင်းတူညီသည့် နိုင်ငံများနှင့်အတူ ယူကရိန်းကို ဆက်လက် ထောက်ပံ့မည်ဟု နိုင်ငံ၏သန္နိဋ္ဌာန်ကို ဂျပန်နိုင်ငံခြားရေးဝန်ကြီးက ပြောဆိုခဲ့ပြီး ကူညီမှုများ၌ ကာလလတ်မှ ကာလရှည် ပြန်လည်ထူထောင်ရေးနှင့် ပြန်လည်တည်ဆောက်ရေး လုပ်ငန်းများအတွက်အကူအညီများပါဝင်ကြောင်း Iwaya Takeshi က ဖေဖော်ဝါရီ ၂၀ ရက်နေ့တွင် တောင်အာဖရိက၌ စတင်ခဲ့သည့် G20 နိုင်ငံခြားရေးဝန်ကြီး များ၏ ဆွေးနွေးပွဲတွင် ပြောကြားခဲ့ခြင်းဖြစ်ပါသည်။

အစ္စရေးဝန်ကြီးချုပ် ဘင်ဂျမင်နေတန်ယာဟုသည် ဖေဖော်ဝါရီ ၂၀ ရက်နေ့ညက တယ်လ်အဗီးမြို့ရှိ ကားပါကင်များတွင် ဘတ်စ်ကား အလွတ်သုံးစီး ချိတ်ဆက်ပေါက်ကွဲမှုများ ဖြစ်ပွားပြီးနောက် အနောက်ဘက် ကမ်းခြေသို့ စစ်ဆင်ရေးပြုလုပ်ရန် အမိန့်ပေးခဲ့သည်။

ပနားမားတူးမြောင်းကို တရုတ် ထိန်းချုပ်မှုမှ ပြန်လည်ရယူမည်ဟု အမေရိကန်သမ္မတ ဒေါ်နယ်ထရမ့် က ကြေညာပြီးနောက် တူးမြောင်းအား တရုတ်လွှမ်းမိုးမှုမှ ထိန်းချုပ်ရန်နှင့် လုံခြုံရေး ပူးပေါင်းဆောင်ရွက်မှု ဆွေးနွေးရန် ဖေဖော်ဝါရီ ၁၉ ရက်မှ ၂၀ အထိ အမေရိကန်စစ်တပ်၏ တောင်ပိုင်းစစ်ဌာနချုပ်မှ တပ်မှူး က ပနားမား သို့ သွားရောက်ခဲ့သည်။

တရုတ်သည် တူးမြောင်းစီမံခန့်ခွဲမှုနှင့် လည်ပတ်မှုတွင် မည်သည့်အခါမျှ ပါဝင်ပတ်သက်ခြင်းမရှိကြောင်းနှင့် တူးမြောင်းကိစ္စများတွင်လည်း ဝင်ရောက် စွက်ဖက်ခြင်း မရှိကြောင်း ဖေဖော်ဝါရီ ၂၀ တွင် တရုတ်က ပြောကြားသည်။

နာမည်ကျော် ဂန္တဝင်အဆိုတော်ကြီး ခင်ညွန့်ရီ ကင်ဆာရောဂါဖြင့် ကွယ်လွန်ခဲ့ကြောင်း မြန်မာနိုင်ငံဂီတအစည်းအရုံးထံမှ သိရသည်။

အသက်(၇၅)နှစ်ရှိပြီဖြစ်သည့် တေးသံရှင် ဒေါ်ခင်ညွန့်ရီသည် ဖေဖော်ဝါရီ ၂၀ ရက်၊ ည ၁၁ နာရီ ၅ မိနစ်တွင် ရန်ကုန်ပြည်သူ့ဆေးရုံကြီး ကင်ဆာကုသဆောင်တွင် တက်ရောက်ကုသနေစဥ် ကွယ်လွန်ခဲ့ခြင်း ဖြစ်ကြောင်း သိရသည်။

ဘရပ်ဆဲလ်မြို့အခြေစိုက် အီးယူဆိုင်ရာ အာဆီယံသံအမတ်ကြီးများ ပါဝင်သည့် အာဆီယံ-ဘရပ်ဆဲလ် ကော်မတီ (ASEAN Brussels Committee - ABC) နှင့် ပင်လယ်ကွေ့ ပူးပေါင်းဆောင်ရွက်ရေးကောင်စီ (Gulf Cooperation Council - GCC) အဖွဲ့ဝင်နိုင်ငံများမှ သံအမတ်ကြီး များအကြား အလုပ်သဘော နေ့လယ်စာစားပွဲကို ဖေဖော်ဝါရီ ၁၉ ရက်တွင် ABC ၏ အလှည့်ကျဥက္ကဋ္ဌဖြစ်သည့် ဖိလစ်ပိုင်သံရုံးနှင့် မြန်မာသံရုံးတို့က ဘရပ်ဆဲလ်မြို့၌ ပူးပေါင်းစီစဉ် ကျင်းပခဲ့ကြသည်။ 

Microsoft သည် ၎င်း၏ Majorana 1 stable quantum processor အသစ်ကို ထုတ်ဖော်ပြသခဲ့ပြီး ၎င်းကို လက်တွေ့ကျသော Quantum Computing ဆီသို့ ဦးတည်သည့် ကျယ်ပြန့်သော ခြေလှမ်းတစ်ခုအဖြစ် ကြေညာခဲ့သည်။ Pentagon ၏ Defense Advanced Research Projects Agency (DARPA) သည် ၎င်း၏သုတေသနကို ပရိုဂရမ်တစ်ခုတွင် ထည့်သွင်းထားကြောင်း ကုမ္ပဏီမှ ဖြည့်စွက်ပြောကြားခဲ့သည်။