နေပြည်တော် ဇူလိုင် ၂၆

ရှမ်းပြည်နယ် (မြောက်ပိုင်း)၊ နောင်ချိုမြို့၌ အကြမ်းဖက်သောင်းကျန်းသူများကြောင့် တစ်နှစ်နီးပါးပိတ်ထားခဲ့ရသည့် အခြေခံပညာကျောင်းများကို အမြန်ဆုံးပြန်လည်ဖွင့်လှစ်ပြီး ပညာသင်ကြားနိုင်ရေးအတွက် ကျောင်းအပ်လက်ခံခြင်းကို ဇူလိုင် ၂၂ ရက်မှ ဆောင်ရွက်ပေးလျက်ရှိသည်။

ပြည်ထောင်စုသမ္မတ မြန်မာနိုင်ငံတော်အစိုးရ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနသည် ၂၀၁၈ ခုနှစ်တွင် ပြဋ္ဌာန်းထားသည့် သစ်တောဥပဒေ ပုဒ်မ ၆၊ ပုဒ်မခွဲ(င)အရ အပ်နှင်းထားသော လုပ်ပိုင်ခွင့်များကိုကျင့်သုံးလျက် တနင်္သာရီတိုင်းဒေသကြီး မြိတ်ခရိုင် ကျွန်းစုမြို့နယ်အတွင်း ကျရောက်နေသည့် ဧရိယာအကျယ်အဝန်း ဧက ၂၃၃၇၀ ရှိသောနယ်မြေကို “ခိုကျွန်းဒီရေတောကြိုးပြင် ကာကွယ်တော” အဖြစ် အမိန့်ကြော်ငြာစာအမှတ်(၇၁/၂၀၂၅) အရ ၁၃၈၇ ခုနှစ် ဝါဆိုလပြည့်ကျော် ၁၃ ရက် (၂၀၂၅ ခုနှစ် ဇူလိုင်လ ၂၂ ရက်)မှစ၍ သတ်မှတ်ကြောင်း ကြေညာလိုက်သည်။

နေပြည်တော် ဇူလိုင် ၂၅

၂၀၂၅ ခုနှစ် တက္ကသိုလ်ဝင်စာမေးပွဲ အောင်စာရင်းများကို တစ်ပြည်လုံးအတွက် တစ်ပြိုင်တည်းတစ်ရက်တည်းဖြင့် အပြီးထုတ်ပြန်ကြေညာ သွားမည်ဖြစ်ရာ လမ်းပန်းဆက်သွယ်ရေးခက်ခဲသော တိုင်းဒေသကြီးနှင့် ပြည်နယ်များရှိ စာစစ်ဌာနများ၏ အောင်စာရင်းများကို ဇူလိုင်လ ၂၇ ရက်နေ့နံနက် ၆ နာရီတွင် မြန်မာ့အသံ(ရေဒီယို) တိုင်းရင်းသား အစီအစဉ်များမှ စတင်ထုတ်လွှင့်ကြေညာပေးသွားမည်ဖြစ်သည်။

ပြင်ဦးလွင် ဇူလိုင် ၂၅

တိုးတက်ခိုင်မာအားကောင်းသည့် လူမှုအသိုက်အဝန်းဖော်ဆောင်ရေး ဆွေးနွေးပွဲတစ်ရပ်ကို ယနေ့မွန်းလွဲပိုင်းတွင် မန္တလေးတိုင်းဒေသကြီး ပြင်ဦးလွင်မြို့ရှိ မြို့တော်ခန်းမ၌ ကျင်းပရာ တိုးတက်ခိုင်မာအားကောင်းသည့် လူမှုအသိုက်အဝန်းဖော်ဆောင်ရေးလုပ်ငန်းကော်မတီ ဒုတိယဥက္ကဋ္ဌ ပြန်ကြားရေးဝန်ကြီးဌာန ပြည်ထောင်စုဝန်ကြီး ဦးမောင်မောင်အုန်း တက်ရောက်ဆွေးနွေးပြောကြားသည်။

တံတားဦး ၊ ဇူလိုင် - ၂၅

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် ပြည်သူများသို့ အခြေခံ စားသောက်ကုန်များ များအား ယနေ့နံနက် (၇) နာရီက တံတားဦးမြို့ စည်ပင်သာယာရေးအဖွဲ့ပိုင် မြို့မဈေး တောင်ဘက်လမ်းတွင် သက်သာသောဈေးနှုန်းဖြင့် ပြည်သူများလက်ဝယ်အရောက် ရောင်းချပေးကြောင်းသိရသည် ။

ကျောက်ဆည်၊ဇူလိုင်-၂၅

ကမ္ဘောဒီးယားနှင့် ဖြစ်ပွားနေသော ပဋိပက္ခကို အဆုံးသတ်ရန် တတိယ နိုင်ငံမှ ကြားဝင်ဖျန်ဖြေရေး ကြိုးပမ်းမှုကို ထိုင်းနိုင်ငံက ပယ်ချလိုက်ပါသည်။ တိုက်ခိုက်မှုများ ရပ်တန့်ကာ နှစ်နိုင်ငံ ဆွေးနွေးပွဲပြုလုပ်၍အခြေအနေကို ဖြေရှင်းရန် တောင်းဆိုခဲ့ကြောင်း ထိုင်းနိုင်ငံခြားရေး ဝန်ကြီးဌာနက ဇူလိုင် ၂၅ ရက်တွင် ထုတ်ဖော်ပြောကြားထားပါသည်။ 

သမ္မတ ဒေါ်နယ်ထရမ့်သည် ဖက်ဒရယ်အေဂျင်စီများအား မူးယစ် ဆေးစွဲခြင်း နှင့် စိတ်ကျန်းမာရေးပြဿနာရှိသည့် အိမ်ခြေရာမဲ့များကိုအတင်းအကျပ်ကုသနိုင်ရေး နည်းလမ်းများရှာဖွေရန်၊ ပြည်နယ်နှင့်မြို့တော်အစိုးရများအား လမ်းဘေးနှင့် ပန်းခြံများရှိ အိမ်ခြေရာမဲ့တဲ များကို ဖျက်သိမ်းရန် အမိန့်တစ်ရပ်ကို လက်မှတ်ရေးထိုးခဲ့သည်။

ထိုအမိန့်တွင် အိမ်ခြေရာမဲ့စခန်းများကို ပြင်းထန်စွာကိုင်တွယ်ရာတွင် အစိုးရများအား ကန့်သတ်ထားသည်ဟု ယူဆရသော တရားရုံးမှ ဆုံးဖြတ် ချက်များနှင့် ဥပဒေဆိုင်ရာ သဘောတူညီချက်များကို ပယ်ဖျက်ရန် ရှေ့နေချုပ် ပမ်ဘွန်ဒီ အား ညွှန်ကြားထားသည်။

အမေရိကန်နိုင်ငံခြားရေးဝန်ကြီး မာကိုရူဘီယိုက ပြင်သစ်သမ္မတ အီမန် နျူရယ်လ် မက်ခရွန်၏ ကုလသမဂ္ဂအထွေထွေညီလာခံတွင် ပါလက်စတိုင်း နိုင်ငံကို အသိအမှတ်ပြုရန် အစီအစဉ်ကို "ပြင်းပြင်းထန်ထန် ပယ်ချကြောင်း" ကြာသပတေးနေ့ (ဇူလိုင် ၂၄) တွင် ပြောကြားခဲ့သည်။

"အဆိုပါ မဆင်မခြင်ဆုံးဖြတ်ချက်သည် ဟားမက်တို့၏ ဝါဒဖြန့်ချိရေး ကိုသာ အထောက်အကူဖြစ်စေပြီး ငြိမ်းချမ်းရေးလုပ်ငန်းစဉ်ကို နောက်ပြန် ဆုတ်သွားစေသည်" ဟု ရူဘီယိုက X တွင် ရေးသားခဲ့သည်။ "အဆိုပါ ဆုံးဖြတ်ချက်သည် အောက်တိုဘာ ၇ ရက်နေ့တွင် သေဆုံးခဲ့ရသူများကို ထပ်ဆင့် လုပ်ကြံလိုက်ခြင်းနှင့် တူသည်"ဟု ဖြည့်စွက်ခဲ့သည်။

အမေရိကန်နိုင်ငံသည် ဂါဇာစစ်ပွဲအပစ်ခတ်ရပ်စဲရေးဆွေးနွေးပွဲများ ကျင်းပခဲ့သော ကာတာနိုင်ငံ ဒိုဟာမြို့မှ ၎င်း၏ညှိနှိုင်းဆွေးနွေးရေး အဖွဲ့ ကို ပြန်လည်ခေါ်ယူလိုက်ပြီး အထူးကိုယ်စားလှယ် Steve Witkoff က ဟားမက်၏ နောက်ဆုံးတုံ့ပြန်ချက်သည် "အပစ်ခတ်ရပ်စဲရေးရရှိရန် ဆန္ဒ မရှိဟု ထင်ရှားစွာပြသနေသည်" ဟု ပြောကြားခဲ့သည်။

Witkoff က အမေရိကန်သည် "ယခုအခါ ဓားစာခံများအား အိမ်ပြန် ရောက်ရှိစေရန်နှင့် ဂါဇာပြည်သူများအတွက် ပိုမိုတည်ငြိမ်သော အခြေအနေ ဖန်တီးပေးရန် အခြားရွေးချယ်စရာများကို စဉ်းစားသွားမည်" ဟု ဖြည့်စွက် ပြောကြားခဲ့သည်။