ဧရာဝတီတိုင်းဒေသကြီး ၊ လပွတ္တာမြို့နယ်ထွက် ပင်လယ် ငါးခြောက်များ အရောင်းအဝယ်ကောင်းမွန်နေကြောင်း ငါးခြောက်ရောင်းဝယ်ရေးပွဲရုံပိုင်ရှင်များ၏ ပြောပြချက်အရ သိရသည်။
လပွတ္တာမြို့နယ်တွင် ၂၀၂၅ ခုနှစ် ဖေဖော်ဝါရီလ ဒုတိယပတ်မှစတင်ပြီး ပင်လယ်ငါးခြောက်များ အရောင်းအဝယ်ကောင်းမွန်လျက်ရှိသည့်အပြင် ရန်ကုန်ဈေးကွက်မှလည်း ဝယ်ယူမှုများလာခြင်းကြောင့် အရောင်းအဝယ်ပိုမိုကောင်းမွန်နေကြောင်း သိရသည်။
အဆိုပါ ပင်လယ်ငါးခြောက်အစုံကို တစ်ရက်လျှင် ပိဿာ ချိန် (၅၀၀) မှ (၂၅၀၀)ထိ အရောင်းအဝယ်ဖြစ်နေကြောင်း သိရသည်။
ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့မီးရထား၏ ရန်ကုန်-တောင်ငူ-မန္တလေးရထားလမ်းပိုင်းတွင်ပြေးဆွဲနေသည့် အမြန်နေ့ရထားများဖြစ်သော အမှတ်-၁၁ အဆန်နှင့် အမှတ်-၁၂ အစုန်တို့ သည် ဖေဖော်ဝါရီ ၁၇ ရက်မှစတင်၍ ပြေးဆွဲချိန်များကိုပြောင်းလဲခဲ့ကြောင်း သိရသည်။
ဖေဖော်ဝါရီ ၁၈
၂၀၂၅ ခုနှစ်၊ ဖော်ဖော်ဝါရီလ ၅ ရက်မှစ၍ တရားမဝင်အွန်လိုင်းလောင်းကစားနှင့် ငွေကြေး လိမ်လည်မှုလုပ်ငန်းများ လုပ်ကိုင်နေသည့် မြန်မာနိုင်ငံအတွင်းမှ နေရာ ၅ ခုအား လျှပ်စစ်မီး၊ လောင်စာဆီနှင့် အင်တာနက်ဝန်ဆောင်မှုများ ဖြတ်တောက်ခြင်းလုပ်ငန်းစဉ်ကို ဆက်လက်လုပ်ဆောင်သွားရန် ထိုင်းနိုင်ငံအား တရုတ်နိုင်ငံမှ တိုက်တွန်းခဲ့ပါသည်။
ဖေဖော်ဝါရီ ၁၈
ထိုင်း-မြန်မာနယ်စပ်ရှိ တရားမဝင်အွန်လိုင်းငွေကြေးလိမ်လည်မှုလုပ်ငန်းများကို နိုင်ငံစုံ ပူးပေါင်းဖြိုခွင်းခြင်း လုပ်ငန်းစဉ်၏ အစိတ်အပိုင်းတစ်ရပ်အနေဖြင့် တရုတ်နိုင်ငံက အဆိုပါလုပ်ငန်းများမှ ထိန်းသိမ်းထားရှိသည့် ၎င်းတို့၏နိုင်ငံသား ၂၀၀ ခန့်ကို ပြန်လည်ခေါ်ဆောင်သွားမည် ဖြစ်ကြောင်း ထိုင်းနိုင်ငံလုံခြုံရေးဆိုင်ရာ အရာရှိ တစ်ဦးက ထုတ်ဖော်ပြောကြားခဲ့ပါသည်။
ဖေဖော်ဝါရီ ၁၈
အစ္စရေးဓားစာခံ ၆ ဦးအား ဖေဖော်ဝါရီ ၂၂ ရက်(စနေနေ့)တွင် ပြန်လည်လွှဲပြောင်းပေးရေးနှင့် အခြား ၈ ဦး၏ ရုပ်အလောင်းများအား ယခုသီတင်းပတ်နှင့် လာမည့်သီတင်းပတ်အတွင်း လွှဲပြောင်း ပေးရေး အစ္စရေးနှင့် ဟားမက်စ် တို့အကြား သဘောတူညီမှုရရှိခဲ့ပါသည်။
အဆိုပါသဘောတူညီချက်ကို ဖေဖော်ဝါရီ ၁၈ ရက်(အင်္ဂါနေ့)က ကိုင်ရိုမြို့တွင် ချမှတ်နိုင်ခဲ့ကြောင်း အစ္စရေး ဝန်ကြီး ချုပ်ရုံးက အတည်ပြုပြောကြားခဲ့ပါသည်။
အီဂျစ်အစိုးရသည် ဂါဇာကို ပြန်လည်တည်ဆောက်ရန် အစီအစဉ်တစ်ရပ်ကို ရေးဆွဲလျက်ရှိပြီး ထိုသို့ ပြန်လည်တည်ဆောက်ရာတွင် ဂါဇာမှ ပါလက်စတိုင်းလူမျိုးများကို ဖယ်ရှားခြင်းမပြုဘဲ ဆောင်ရွက်ရန် ရည်ရွယ် ထားသည်။ အဆိုပါ အစီအစဉ်သည် အမေရိကန်သမ္မတ ဒေါ်နယ်ထရမ့်၏ “ဂါဇာနယ်မြေကို ထိန်းချုပ်ပြီး ပါလက်စတိုင်းများကို ဖယ်ရှားပစ်မည်”ဟူသည့် ပြောဆိုချက်ကို တုံ့ပြန်ရန်ရည်ရွယ်သည့် ကြိုးပမ်းမှုတစ်ရပ်လည်း ဖြစ်သည်။
ရုရှားဖက်ဒရေးရှင်းကောင်စီဥက္ကဋ္ဌ Valentina Matviyenko ဦးဆောင်သော အဆင့်မြင့် ကိုယ်စားလှယ်အဖွဲ့သည် အီသီယိုးပီးယား နိုင်ငံသို့ ဖေဖော်ဝါရီ ၁၉ ရက်မှ စတင်၍ ၃ ရက်ကြာ ခရီးစဉ်တစ်ခု သွားရောက်နေကြောင်း၊ ခရီးစဉ်အတွင်း အီသီယိုးပီးယား ဝန်ကြီးချုပ် Ably Ahmed Ali နှင့် တွေ့ဆုံဆွေးနွေးခဲ့ကြောင်း သိရပါသည်။
အဆိုပါအဆင့်မြင့်ကိုယ်စားလှယ်အဖွဲ့တွင် Matviyenko နှင့်အတူ ရုရှား စီးပွားရေးဝန်ကြီး၊ ကျန်းမာရေးဝန်ကြီးနှင့် အဆင့်မြင့်အရာရှိကြီးများ လိုက်ပါသွားကြပါသည်။
အမေရိကန် လေကြောင်းတပ်ဖွဲ့ Global Strike Command သည် ကယ်လီဖိုးနီးယားပြည်နယ် Vandenberg လေတပ်အခြေစိုက်စခန်းမှ Minuteman III အမည်ရှိ တိုက်ချင်းပစ် ဒုံးကျည် (ICBM) တစ်ခုကို စမ်းသပ်ပစ်လွှတ်ခဲ့သည်ဟု စခန်း၏ ဝဘ်ဆိုဒ်တွင် ဖော်ပြထားသည်။
အမေရိကန်သို့ တင်သွင်းလာသည့် မော်တော်ကားများ၊ လျှပ်ကူးပစ္စည်းများနှင့် ဆေးဝါးများအားလုံးကို လာမည့် ဧပြီ ၂ ရက်နေ့မှစတင်၍ အခွန် ၂၅ ရာခိုင်နှုန်း သို့မဟုတ် ၎င်းအထက် စည်းကြပ်သွားလိုကြောင်း ဖေဖော်ဝါရီ ၁၈ ရက်တွင် အမေရိကန်သမ္မတ ဒေါ်နယ်ထရမ့်က ဖလော်ရီဒါပြည်နယ်ရှိ ၎င်း၏ မာအလာဂို အပန်းဖြေစခန်း၌ သတင်းထောက်များကို ပြောကြားလိုက်ပါသည်။
ဒေါ်နယ်ထရမ့်အစိုးရအဖွဲ့အနေဖြင့် လာမည့် ဧပြီ ၁ ရက်တွင် အမေရိကန် ပြည်ထောင်စု၏ စီးပွားရေးမူဝါဒများကို ပြန်လည်သုံးသပ်ခြင်း ပြီးမြောက် မည်ဟု မျှော်မှန်းထားကြောင်း သိရှိရပါသည်။
အမေရိကန်သမ္မတဒေါ်နယ်ထရမ့်၏ ယူကရိန်းဆိုင်ရာ အထူးကိုယ်စားလှယ် Keith Kellogg သည် ဖေဖော်ဝါရီ ၁၉ ရက်တွင် ယူကရိန်းနိုင်ငံ၊ ကိယက်ဗ်မြို့သို့ ရောက်ရှိနေပြီဖြစ်ကြောင်း ယူကရိန်းမီဒီယာ Obshchestvennoye က ဖော်ပြထားပါသည်။
အထူးကိုယ်စားလှယ် Keith Kellogg သည် မြို့တော်ကိယက်ဗ်တွင် ဖေဖော်ဝါရီ ၂၂ ရက်အထိ နေထိုင်မည်ဖြစ်ကြောင်း ယူကရိန်းသမ္မတ ဇီလန်စကီးက အစောပိုင်းတွင် ပြောကြားထားပါသည်။