ဂျာမနီသို့ ရုရှားဓာတ်ငွေ့တင်ပို့မှုဆိုင်ရာ ကန့်သတ်ချက်များမှာ အဓိပ္ပာယ်မရှိသဖြင့် ပယ်ဖျက်ရမည်ဖြစ်ကြောင်း၊ အဆိုပါ ကန့်သတ်ချက်များကြောင့် ဂျာမနီသည် ရုရှားဓာတ်ငွေ့များကို အခြားနိုင်ငံမှတစ်ဆင့် ဈေးကြီးပေး၍ ဝယ်ယူနေရကြောင်း ဂျာမနီပါလီမန်အမတ် Matthias Moosdorf က TASS သတင်းဌာနကို ပြောကြားခဲ့သည်။

မြန်မာနိုင်ငံအတွင်းမှ တရားမဝင်အွန်လိုင်းလိမ်လည်မှုများ လုပ်ဆောင်နေသည့်နေရာတစ်ခုတွင် အလုပ်ခိုင်းခံခဲ့ရသည်ဟု ယူဆရသော အသက် ၁၆ နှစ်အရွယ် ဂျပန်လူငယ်တစ်ဦးသည် ဆက်သွယ်ရေးအက်ပလီကေးရှင်းမှတစ်ဆင့် ၎င်း၏တည်နေရာအချက်အလက်ကို ဂျပန်နိုင်ငံမှ မိသားစုများဆီ ပေးပို့နိုင်ခဲ့ပြီးနောက် ပြန်လည်လွတ်မြောက်လာခဲ့သည်ဟု သိရှိရသည်။

ဂျပန်နိုင်ငံအလယ်ပိုင်း အိုင်းချိခရိုင်မှ အဆိုပါအထက်တန်းကျောင်းသားသည် ယခုလအစောပိုင်းတွင် မြန်မာနိုင်ငံ၏အိမ်နီးချင်း ထိုင်းနိုင်ငံ အာဏာပိုင်များက ၎င်းကို ထိန်းသိမ်းထားခဲ့ပြီးသည့်နောက် နေအိမ်သို့ ပြန်လည်ရောက်ရှိလာခဲ့ပါသည်။

မြန်မာနိုင်ငံအတွင်းသို့ဝင်ရောက်ကာ ဖုန်းနှင့်လိမ်လည်မှုများအပါအဝင် အခြားတရားမဝင်လုပ်ဆောင်မှုများ ကျူးလွန်ခဲ့ကြောင်း စွပ်စွဲခံထားရသည့် တရုတ်ရာဇ၀တ်ဂိုဏ်းတစ်ခု၏ အဖွဲ့ဝင်များကို တရုတ်နိုင်ငံ အရှေ့ပိုင်းရှိ တရားရုံးတစ်ခု၌ တံခါးဖွင့်ရုံးတင်စစ်ဆေးမှုများ ပြီးဆုံးခဲ့ကြောင်း သိရှိရပါသည်။

ရုရှားနှင့် အီသီယိုးပီးယားတို့သည် “ငြိမ်းချမ်းရေးရည်ရွယ်ချက်များ” အတွက် နျူကလီးယားနည်းပညာများအသုံးပြုရာတွင် ပူးပေါင်းဆောင်ရွက်မှုများ ဖွံ့ဖြိုးတိုးတက်စေရန် သဘောတူညီခဲ့ကြောင်း ဖေဖော်ဝါရီ ၁၉ ရက်နေ့တွင် ရုရှားအစိုးရ၏ Telegram ချန်နယ်တွင် ဖော်ပြထားချက်အရ သိရသည်။

အရှေ့အာဖရိကနိုင်ငံ၏ မြို့တော် အဒီစ်အဘာဘာတွင် ရုရှား၏ စီးပွားရေး ဖွံ့ဖြိုးတိုးတက်မှုဝန်ကြီး Maksim Reshetnikov နှင့် အီသီယိုးပီးယား၏ ဆန်းသစ်တီထွင်မှုနှင့်နည်းပညာဆိုင်ရာဝန်ကြီး Belete Molla တို့အကြား ဆွေးနွေးမှုများပြုလုပ်ခဲ့စဉ် ထိုသဘောတူညီချက်ကို ရရှိခဲ့သည်။

AUKUS မိတ်ဖက်သဘောတူညီချက်အရ ဩစတြေးလျနှင့် နျူကလီးယား ရေငုပ်သင်္ဘောသဘောတူညီချက်အတွက် အမေရိကန်နိုင်ငံကို မြောက် ကိုရီးယားအစိုးရက ပြစ်တင်ဝေဖန်ခဲ့ကြောင်း သိရပါသည်။ အမေရိကန် နိုင်ငံသည် AUKUS မိတ်ဖက်သဘောတူညီမှု၊ အမေရိကန်၊ တောင် ကိုရီးယား၊ ဂျပန် သုံးနိုင်ငံ ပူးပေါင်းဆောင်ရွက်မှုတို့နှင့် ပတ်သက်ပြီးနောက်ဆက်တွဲအကျိုးဆက်များကို သတိထားသင့်သည်ဟု မြောက်ကိုရီးယားအစိုးရက သတိပေးပြောကြားခဲ့ပါသည်။

၂၀၂၂ ခုနှစ် ရွေးကောက်ပွဲတွင် ရှုံးနိမ့်ခဲ့သော်လည်း သမ္မတဟောင်း ဂျားဘော်ဆိုနာရိုကို အာဏာဆက်လက်ရယူရန် ကြိုးပမ်းမှုဖြင့် ဘရာဇီး အစိုးရရှေ့နေချုပ်က စွဲချက်တင်ထားသည်။ အဆိုပါစွဲချက်များတွင် ၎င်း၏ နေရာကိုဆက်ခံသူ သမ္မတ လူဝစ်အင်နာစီယိုလူလာဒါဆီဗာ ကို လုပ်ကြံရန် ကြံစည်မှုလည်းပါဝင်နေပါသည်။

ဘင်္ဂလားဒေ့ရှ်နိုင်ငံ၏ ယာယီအစိုးရကို “အကြမ်းဖက်သမား” တစ်ဦးက ဦးဆောင်နေပြီး ထိုသူသည် “အကြမ်းဖက်သမားများ” ကို လွှတ်ပေးကာ နိုင်ငံတွင် “ဥပဒေမဲ့အခြေအနေ” ကို အားပေးနေသည်ဟု ဝန်ကြီးချုပ်ဟောင်း ရှိတ်ဟာဆီနာက ပြင်းထန်စွာဝေဖန်ခဲ့သည်။ ဆန္ဒပြမှုများကြောင့် ဩဂုတ်လတွင် နှုတ်ထွက်ခဲ့ရပြီး ယခုအခါ အိန္ဒိယနိုင်ငံတွင် ခိုလှုံနေရသည့် ရှိတ်ဟာဆီနာက ဘင်္ဂလားဒေ့ရှ်နိုင်ငံသို့ ပြန်လာပြီး အာဏာပြန်လည်ရယူမည်ဟု ကတိပြုထားသည်။

ရဝမ်ဒါနိုင်ငံသည် ဘယ်လ်ဂျီယံနှင့် ငါးနှစ်ကြာပူးပေါင်းဆောင်ရွက်မှု သဘောတူညီချက်ကို ယာယီရပ်ဆိုင်းလိုက်ပြီး ဘယ်လ်ဂျီယံ အား ကွန်ဂိုဒီမိုကရက်တစ်သမ္မတနိုင်ငံ (DRC) အရှေ့ပိုင်းတွင် ဖြစ်ပွားနေသော လက်နက်ကိုင်ပဋိပက္ခတွင် တစ်ဖက်မှ ရပ်တည်နေသည်ဟုလည်းကောင်း၊ “ဖွံ့ဖြိုးရေးကို နိုင်ငံရေးအရ အသုံးချနေသည်ဟုလည်းကောင်း” စွပ်စွဲခဲ့ သည်။

ရာထူးမှဖြုတ်ချခံခဲ့ရသည့် တောင်ကိုရီးယားသမ္မတ ယွန်းဆက်ယိုးလ် သည် ရာဇဝတ်မှုဆိုင်ရာ ရုံးတင်စစ်ဆေးမှုခံရမည့် တောင်ကိုရီးယား၏ ပထမဆုံးသမ္မတဖြစ်လာခဲ့သည်ဟု သိရပါသည်။ယွန်းဆက်ယိုးလ်သည် စစ်အုပ်ချုပ်ရေးဥပဒေ ပြဋ္ဌာန်းခဲ့ခြင်းနှင့်ပတ်သက်၍ စစ်ဆေးမေးမြန်းမှုများလုပ်ဆောင်ရန်အတွက် တောင်ကိုရီးယားအာဏာပိုင်များ၏ ဖမ်းဆီးထိန်းသိမ်းမှုကို ခံခဲ့ရခြင်းလည်းဖြစ်ပါသည်။ ပြီးခဲ့သည့်နှစ် ဒီဇင်ဘာလ ၃ ရက်တွင် ယွန်းဆက်ယိုးလ်က စစ်အုပ်ချုပ်ရေးဥပဒေကို ပြဋ္ဌာန်းခဲ့ခြင်း ဖြစ်သည်ဟုလည်း သိရပါသည်။

၂၀၂၅ ခုနှစ်အတွင်း ထိုင်းနိုင်ငံ၌ တုပ်ကွေးရောဂါဖြစ်ပွားသူ စုစုပေါင်း ၁၀၇,၅၇၀ ဦး ရှိပြီး ကိုးဦး သေဆုံးသွားခဲ့ကြောင်း ပြည်သူ့ကျန်းမာရေး ဝန်ကြီးဌာနက ဖေဖော်ဝါရီလ ၁၈ ရက်တွင် ထုတ်ပြန်ခဲ့ပါသည်။