သီရိလင်္ကာနိုင်ငံ အလယ်ပိုင်းက သားရိုင်းတိရစ္ဆာန် ထိန်းသိမ်းရေးစခန်းတစ်ခုအနားတွင် ခရီးသည်တင်ရထားတစ်စင်းသည် ဆင်အုပ်နှင့် တိုက်မိပြီး လမ်းချော်မှု ဖေဖော်ဝါရီ ၂၀ ရက် (ကြာသပတေးနေ့) နံနက် အစောပိုင်း က ဖြစ်ပွားခဲ့ပါသည်။

ရထားပေါ်ပါ ခရီးသည်များ ထိခိုက်ဒဏ်ရာရမှု မရှိသော်လည်း ကိုလံဘို မြို့တော် အရှေ့ပိုင်း ဟာဘာရန အရပ်တွင် ဖြစ်ပွားခဲ့သည့် အဆိုပါ ဖြစ်ရပ်ကြောင့် ဆင် ၆ ကောင် သေဆုံး သွားပါသည်။

ပြင်သစ်သည် Cote d’Ivoire (အိုင်ဗရီကိုစ့်) ရှိ ၎င်း၏ တစ်ခုတည်းသော စစ်အခြေစိုက်စခန်းကို ယင်းနိုင်ငံ၏ အာဏာပိုင်များထံ လွှဲပြောင်းပေးအပ်လိုက်ပြီဖြစ်သည်။ အိုင်ဗရီကိုစ့်သမ္မတ Alassane Ouattara က ပြင်သစ်စစ်တပ်များ ရုပ်သိမ်းမည်ဟု ကြေညာပြီးနောက် ရက်သတ္တပတ် အနည်းငယ်အကြာတွင် ဆောင်ရွက်ခဲ့ခြင်းဖြစ်သည်။ ဤသည်မှာ ယခင်ကိုလိုနီနိုင်ငံများက ပြင်သစ်နှင့် ကာကွယ်ရေးဆိုင်ရာ ဆက်ဆံရေး များကို ဖြတ်တောက်လိုက်သည့် ဒေသတွင်းလားရာတစ်ခု ဖြစ်သည်။

ဧရာဝတီ - ကျောက်ဖရား - မဲခေါင် စီးပွားရေးပူးပေါင်းဆောင်ရွက်မှု မဟာဗျူဟာ (ACMEC) အလှည့်ကျဥက္ကဋ္ဌ အဖြစ် တာဝန်ယူထားသော မြန်မာနိုင်ငံအနေဖြင့် (၁၁) ကြိမ်မြောက် အက်ခ်မက်ထိပ်သီးအစည်းအဝေးကို ဦးဆောင်ကျင်းပသွားရမည်ဖြစ်ကြောင်း သိရသည်။

မြန်မာနိုင်ငံအနေဖြင့် ပထမအကြိမ်အက်ခ်မက် ထိပ်သီးအစည်းအဝေးကို ၂၀၀၃ ခုနှစ်က ပုဂံမြို့တွင် ကျင်းပခဲ့သလို (၆) ကြိမ်မြောက် အက်ခ်မက်ထိပ်သီးအစည်းအဝေးကိုလည်း ၂၀၁၅ ခုနှစ်တွင် နေပြည်တော်၌ အိမ်ရှင်အဖြစ် လက်ခံကျင်းပခဲ့ပြီးဖြစ်သည်။

၂၀၂၅ ခုနှစ်၊ ဖေဖော်ဝါရီ ၁၇ ရက်တွင် ရှမ်းပြည်နယ်(တောင်ပိုင်း)၊ ကွန်ဟိန်းမြို့နယ်၊ ဆီဆိုင်မြို့နယ်နှင့် ရှမ်းပြည်နယ်(အရှေ့ပိုင်း)၊ မက်မန်းမြို့နယ်၊ မိုင်းပျဉ်းမြို့နယ်တို့၌ ရဲတပ်ဖွဲ့ဝင်များ၊ နယ်မြေခံတပ်မတော်သားများပါဝင်သော ပူးပေါင်းအဖွဲ့က ဘိန်းခင်းဖျက်ဆီးခြင်းများ ဆောင်ရွက်ခဲ့ကြောင်း သိရသည်။

၂၀၂၅ ခုနှစ်၊ ဖေဖော်ဝါရီ ၁၆ ရက်က ရှမ်းပြည်နယ်(တောင်ပိုင်း)၊ ကလောမြို့နယ်၌ ခနောက်စိမ်းသတ္တုရိုင်းများ တရားမဝင်သယ်ဆောင်လာသူ လေးဦးအား ဖမ်းဆီးအရေးယူထားကြောင်း သိရသည်။

အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူ သွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများ အသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။

အကြမ်းဖက်အုပ်စုအဖြစ်ကြေညာထားသည့် CRPH၊ NUG နှင့် ယင်းတို့၏ လက်ဝေခံ အဖွဲ့အစည်းများ၊ ယင်းတို့နှင့် ဆက်နွှယ်နေသော အဖွဲ့အစည်းများ၊ လူပုဂ္ဂိုလ်များသည် နိုင်ငံတော်တည်ငြိမ်အေးချမ်းရေးကို ပျက်ပြားစေရန်နှင့် အစိုးရယန္တရားများ ပျက်ပြားစေရန် ရည်ရွယ်လျက် လှုံ့ဆော်ခြင်း၊ ဝါဒဖြန့်ခြင်းများ ပြုလုပ်ခဲ့မှုအပေါ် ဥပဒေနှင့်အညီ ထိရောက်စွာ အရေးယူသွားမည်ဖြစ်ကြောင်းနှင့် ထိုသို့ လှုံ့ဆော်သူ၊ ဝါဒဖြန့်သူများအား ဆက်လက်ဖော်ထုတ်အရေးယူသွားမည်ဖြစ်ကြောင်း မိဘပြည်သူများသိရှိနိုင်ရေး အသိပေးသတင်းထုတ်ပြန်ပြီးဖြစ်သည်။

ဥရောပနိုင်ငံများက အရေအတွက်အားဖြင့် ၃၀၀၀၀ မကျော်သည့် ငြိမ်းချမ်းမှုထိန်းသိမ်းရေး တပ်ဖွဲ့ဝင်များကို ယူကရိန်းနိုင်ငံအတွင်း ဖြန့်ကြက်မည့် အစီအစဉ်အား အမေရိကန်အစိုးရထံ  ကမ်းလှမ်းမည်ဖြစ်ကြောင်း ဗြိတိန်သတင်းစာကြီး တစ်စောင်က ဖော်ပြသည်။

အမေရိကန်လေတပ်မှ ကမ္ဘာလုံးဆိုင်ရာ တိုက်ခိုက်ရေးစစ်ဌာနချုပ်သည်    ၎င်းတို့၏ Minuteman III တိုက်ချင်းပစ်ဒုံးကျည်တစ်စင်းအား ကယ်လီဖိုးနီးယား ပြည်နယ်တွင် စမ်းသပ်ပစ်ခတ်ခဲ့ကြောင်း သိရသည်။

ကမ္ဘာလုံးဆိုင်ရာတိုက်ခိုက်ရေး စစ်ဌာနချုပ်သည်  အဆိုပါတိုက်ချင်းပစ် ဒုံးကျည်အား ဖေဖော်ဝါရီလ ၁၉  ရက်  ပစိဖိတ်စံတော်ချိန် နံနက် ၁ နာရီ ခန့်က ကယ်လီဖိုးနီးယားပြည်နယ်ရှိ ဗန်ဒါဘာ့ အာကာသတပ်ဖွဲ့၏ အခြေစိုက်စခန်းတွင် ပစ်ခတ်စမ်းသပ်ခြင်းဖြစ်ကြောင်း  စစ်ဌာနချုပ်၏ ဝက်ဆိုက်တွင်  ဖော်ပြထားသည်။

ရုရှားနှင့်အမေရိကန်တို့ကြား သံတမန်ဆက်ဆံရေး ပြန်လည်စတင်ရန်အတွက် နှစ်နိုင်ငံစလုံးမှ သံအမတ်များက ၎င်းတို့၏ လုပ်ငန်းများကို မကြာမီပြန်လည်စတင်မည်ဟု ရုရှားလွှတ်တော်မှ အရင်းအမြစ်တစ်ခုက ပြောသည်။

ရုရှားနှင့်အမေရိကန် သံအမတ်များက ၎င်းတို့၏တာဝန်များကို အပြည့်အဝပြန်လည်ထမ်းဆောင်မည်ဖြစ်သောကြောင့် ၎င်းအချက်သည် နှစ်နိုင်ငံကြား သံတမန်ဆက်ဆံရေး ပုံမှန်ပြန်ဖြစ်စေရေးအတွက် အလွန်အရေးပါကြောင်း အဆိုပါ သတင်းအရင်းအမြစ်က ဆက်ပြောသည်။