အီရန်နျူကလီးယားပြဿနာကို အားလုံးညီညွတ်မှုရှိက သံတမန်ရေးနည်းလမ်းဖြင့် ဖြေရှင်းနိုင်ကြောင်း ကရင်မလင်ပြောခွင့်ရပုဂ္ဂိုလ် ဒမ်မီထရီပက်စ်ကော့ဖ် က ပြောကြားလိုက်ပါသည်။ 

ဖေဖော်ဝါရီ ၁၂ ရက်က ဒေါ်နယ်ထရမ့်နှင့် ပူတင်တို့ ဖုန်းဆက်သွယ်ပြောကြားကြရာ၌ အီရန်နျူကလီးယားအစီအစဉ်ကို ဆွေးနွေးခဲ့ကြသော်လည်း ၎င်းမှာ အဓိကအကြောင်းအရာမဟုတ်ကြောင်း ရုရှား-အမေရိကန် ဆက်ဆံရေးကို အဓိကထား ဆွေးနွေးခဲ့ကြခြင်းဖြစ်ကြောင်း ၎င်းက ဆက်လက်ပြောကြားထားပါသည်။

အမေရိကန်သမ္မတဒေါ်နယ်ထရမ့်၏ ဒုတိယသမ္မတသက်တမ်းရက် ၁၀၀ အတွင်း ဂရင်းလန်းကို ဝယ်ယူရန် စတင်လုပ်ဆောင်လာနိုင်ဖွယ်ရှိပြီး အောင်မြင်ပါက ထိုလုပ်ငန်းစဉ်ကို တစ်ခါတည်း လုပ်ဆောင်မည်မဟုတ်ဘဲ နောက်ပိုင်းတွင် ရေရှည်အကောင်အထည်ဖော် လုပ်ဆောင်သွားမည်ဖြစ်ကြောင်း စိန့်ပီတာစ်ဘာ့ဂ်မြို့ရှိ အာတိတ်ရေးရာကော်မတီ၏ ပြည်သူ့ကောင်စီဒုတိယဥက္ကဋ္ဌနှင့် စီးပွားရေးပညာရှင် ဒေါက်တာ အလက်ဆီဖာဒေးဗ်က TASS သတင်းဌာနကို ပြောကြားလိုက်ပါသည်။

ကုမ္ပဏီပေါင်း ၃,၄၆၇ ခုဖြင့် တရုတ်ကုမ္ပဏီများသည် ဥဇဘက်ကစ္စတန် ၏ နိုင်ငံခြားရင်းနှီးမြှုပ်နှံမှုကဏ္ဍတွင် ထိပ်ဆုံးမှ ဦးဆောင်နေကြောင်း ဥဇဘက်ကစ္စတန်နိုင်ငံ စာရင်းအင်းဌာန၏ အချက်အလက်များအရ သိရှိရပါသည်။ 

စာရင်းအင်းဌာန၏အစီရင်ခံစာအရ ယခုနှစ် ဖေဖော်ဝါရီ ၁ ရက်အထိ လာရောက်ရင်းနှီးမြှုပ်နှံသည့် တရုတ်နိုင်ငံ ကုမ္ပဏီနှင့် လုပ်ငန်းစုစုပေါင်းသည် ၁၅,၁၆၃ ဖြင့် ပထမနေရာမှ ဦးဆောင်နေပြီး ရုရှားနိုင်ငံက ကုမ္ပဏီပေါင်း ၂,၉၇၃ ခုဖြင့် ဒုတိယနေရာတွင်လည်းကောင်း၊ တူရကီနိုင်ငံက ကုမ္ပဏီပေါင်း ၁,၈၆၉ ဖြင့် တတိယနေရာတွင် ရှိနေကြောင်း သိရှိရ ပါသည်။

တရုတ်ပြည်သူ့သမ္မတနိုင်ငံနှင့် ကွတ်ခ်ကျွန်းစု အစိုးရတို့အကြား ပြီးခဲ့သည့် အပတ်တွင် မဟာဗျူဟာမြောက်ပူးပေါင်းဆောင်ရွက်မှု လုပ်ငန်းစီမံချက် ကို သဘောတူလက်မှတ်ရေးထိုးခဲ့ကြောင်း တရုတ် နိုင်ငံခြားရေးဝန်ကြီး က ဖေဖော်ဝါရီ ၁၇ ရက်နေ့တွင် ပြောကြားခဲ့ပါသည်။ 

ကွတ်ခ်ကျွန်းစုမှာ ကိုယ်ပိုင်အုပ်ချုပ်ခွင့်ရ ပြည်နယ်တစ်ခုဖြစ်ပြီး ကွတ်ခ် ကျွန်းစုနှင့် နယူးဇီလန်နိုင်ငံသည် မူလကပင် ဖွဲ့စည်းပုံအခြေခံဥပဒေချင်း ဆက်နွှယ်မှုရှိပါသည်။ ကွတ်ခ်ကျွန်းစုသည် နယူးဇီလန်နိုင်ငံ၏ နယ်ပယ်အစိတ်အပိုင်းတွင် တည်ရှိသော ကျွန်းစု ဖြစ်ပါသည်။ 

ဂျပန်အစိုးရသည် နိုင်ငံအတွက် အခြေခံစွမ်းအင်အစီအစဉ်သစ်ကို အတည်ပြုလိုက်ပြီး လေ၊ နေရောင်ခြည်နှင့် အခြားပြန်လည်ပြည့်ဖြိုးမြဲ စွမ်းအင်များကို ၂၀၄၀ ဘဏ္ဍာရေးနှစ်မကုန်မီ နိုင်ငံ၏အဓိက လျှပ်စစ် အရင်းအမြစ်အဖြစ်အသုံးပြုနိုင်ရေး ဆောင်ရွက်မည်ဟု ဆိုထားပါသည်။

အဆိုပါဘဏ္ဍာရေးနှစ်ကာလမကုန်မီတွင် ပြန်လည်ပြည့်ဖြိုးမြဲ စွမ်းအင်များသည် စွမ်းအင်အမျိုးအစားအားလုံး၏ ၄၀% မှ ၅၀%အထိ ရှိမည်ဟု ခန့်မှန်းရပါသည်။

လွန်ခဲ့သော ၄ နှစ်ကချမှတ်ခဲ့သည့် ယခင်ရည်မှန်းချက်သည် ၂၀၃၀ ဘဏ္ဍာရေး နှစ်မကုန်မီ၌ ၃၆ % မှ ၃၈%အထိ ရှိစေရေး ဖြစ်ပါသည်။

Tesla သည် အိန္ဒိယနိုင်ငံ၌ လုပ်ငန်းများစတင်နိုင်ရန်နှင့် အစီအစဉ်များ အကောင်အထည်ဖော်နိုင်ရေးအတွက် အိန္ဒိယနိုင်ငံတွင် ဝန်ထမ်းခန့်အပ်မှု လုပ်ငန်းစဉ်ကို စတင်ခဲ့သည်ဟု သိရသည်။ နည်းပညာဘီလီယံနာ Elon Musk ဦးဆောင်သော ကုမ္ပဏီသည် ဝန်ထမ်းရာထူး ၁၃ နေရာအတွက် ဝန်ထမ်းများခန့်အပ်ရန် ရှာဖွေနေကြောင်း အိန္ဒိယမီဒီယာများကဖေဖော်ဝါရီ ၁၈ ရက်နေ့တွင် ဖော်ပြခဲ့သည်။ ထိုရာထူးများတွင် ဖောက်သည်များနှင့် တိုက်ရိုက်ဆက်ဆံရသော ရာထူးများနှင့် နောက်ကွယ်မှ ပံ့ပိုး ဆောင်ရွက်ပေးရမည့် လုပ်ငန်းတာဝန်များ ပါဝင်သည်။

ရုရှားနှင့် အမေရိကန် ထိပ်တန်းသံတမန်များသည် ရုရှားသမ္မတ ဗလာဒီမာ ပူတင်နှင့် အမေရိကန်သမ္မတ ဒေါ်နယ်ထရမ့် တို့အကြား ထိပ်သီး အစည်းအဝေးကျင်းပရန်နှင့် ယူကရိန်းပဋိပက္ခကို ဖြေရှင်းနိုင်ရေး လမ်းခင်းပေးနိုင်ရန်အတွက် သံတမန်ဆက်ဆံရေးကို ပြန်လည်ထူထောင်ရန် ဆော်ဒီအာရေးဗီးယားနိုင်ငံ၊ ရီယာ့ဒ်မြို့တွင် တွေ့ဆုံ ဆွေးနွေးခဲ့ကြသည်။

ကနေဒါနိုင်ငံ တိုရွန်တိုပီယာဆင်လေဆိပ်၌ ဖေဖော်ဝါရီ ၁၇ ရက်နေ့တွင် ဒဲလ်တာအဲယားလိုင်း ဒေသဆိုင်ရာဂျက်လေယာဉ်တစ်စင်း ပျက်ကျပြီး ပြေးလမ်းချော်ကာ မီးလောင်မှုဖြစ်ပွားခဲ့ပါသည်။ လေယာဉ်ပေါ်ပါခရီးသည် ၇၆ ဦးနှင့်လေယာဉ်အမှုထမ်း ၄ ဦး၊ စုစုပေါင်း ၈၀ ဦး တွင် ၁၈ ဦး ဒဏ်ရာရခဲ့ကြောင်း တာဝန်ရှိသူများက အတည်ပြုပြောကြားခဲ့ပါသည်။

လေယာဉ်သည် ဒေသစံတော်ချိန် မွန်းလွဲ ၂ နာရီ ၄၅ မိနစ်ခန့်တွင် လေဆိပ်သို့ ဆင်းသက်စဉ် ပျက်ကျခဲ့ခြင်းဖြစ်သည်ဟု ဖက်ဒရယ် လေကြောင်း အုပ်ချုပ်ရေးအဖွဲ့က ပဏာမထုတ်ပြန်ချက်တစ်ခုတွင် ပြောကြားခဲ့ပါသည်။ 

ရုရှားကိုတိုက်ခိုက်ရန် အမေရိကန်နိုင်ငံလုပ် လက်နက်များကိုဝယ်ယူပြီး ယူကရိန်းကို ထောက်ပံ့လိုပါက ဝယ်ယူနိုင်သည်ဟူသော ခွင့်ပြုချက်ကို အမေရိကန်သမ္မတ ဒေါ်နယ်ထရမ့်က လက်မှတ်ထိုးပြီး ခွင့်ပြုလိုက်ပြီး ယူကရိန်း၏ စွပ်စွဲချက်တစ်ခုဖြစ်သည့် ရုရှားက နေတိုးကို စစ်ရေးအရ ခြိမ်းခြောက်မှုများ ပြုလုပ်နေသည်ဟု ပြောဆိုချက်ကို ပယ်ချလိုက်ပါသည်။ 

ကမ္ဘာလုံးဆိုင်ရာနည်းပညာဆိုင်ရာ ဆန်းစစ်လေ့လာမှုကုမ္ပဏီ Canalys ၏ အဆိုအရ ၂၀၂၄ ခုနှစ်တွင် Oppo သည် အရှေ့တောင်အာရှဒေသ၏ ထိပ်တန်းစမတ်ဖုန်းအမှတ်တံဆိပ်ဖြစ်လာခဲ့ပြီး ဈေးကွက်ရှယ်ယာ ၁၈% ရရှိခဲ့သည်။

အရှေ့တောင်အာရှဒေသ၏ စမတ်ဖုန်းဈေးကွက်သည် နှစ်နှစ်ဆက်တိုက် ကျဆင်းခဲ့ပြီးနောက် ၂၀၂၄ ခုနှစ်တွင် ပြန်လည်ကောင်းမွန်လာကာ စမတ်ဖုန်းတင်ပို့မှု စုစုပေါင်း ၉၆.၇ သန်း အထိရှိခဲ့သည်။