အာမခံအလုပ်သမားများ မကျန်းမာမှု၊ ကိုယ်ဝန်ဆောင်မှု၊ မီးဖွားမှုနှင့် အလုပ်တွင် ထိခိုက်မှုတို့ကြောင့် ဆေးကုသမှုခံယူရန် လိုအပ်ချိန်များတွင် လူမှုဖူလုံရေးဆေးခန်းများ၊ ဆေးရုံကြီးများ၍ အခမဲ့ ဆေးကုသမှုခံယူခွင့်ရှိပါ သည်။ ကျန်းမာရေးစောင့်ရှောက်မှုလုပ်ငန်းများကို ပိုမိုထိရောက်စွာ ဆောင်ရွက်နိုင်ရန်အတွက် အောက်ဖော်ပြပါ အစီအစဉ်များအတိုင်း စီမံဆောင်ရွက်လျက်ရှိပါသည်-
(က) အာမခံအလုပ်သမားများ အလွယ်တကူဆေးကုသမှုခံယူနိုင်ရေးအတွက် ပုဂ္ဂလိကဆေးရုံ၊ ဆေးခန်းများနှင့် စာချုပ်ချုပ်ဆို၍ ကျန်းမာရေးစောင့်ရှောက်မှုပေးခြင်း၊

အလုပ်ရှင်က မိမိလုပ်ငန်းဌာနမှ အလုပ်သမားများအား လူမှုဖူလုံရေးအဖွဲ့တွင် မှတ်ပုံတင်ပြီးသည်နှင့် ထည့်ဝင်ကြေးကာလအပိုင်းအခြား သတ်မှတ်ချက်မရှိသော်လည်း ဆေးကုသမှုခံစားခွင့်၊ ယာယီမသန်စွမ်းမှုအကျိုး ခံစားခွင့်၊ အမြဲတမ်းမသန်းစွမ်းမှုအကျိုးခံစားခွင့်၊ အလုပ်တွင်ထိခိုက်မှုကြောင့် သေဆုံးရခြင်းအတွက် ကျန်ရစ်သူ အကျိုးခံစားခွင့်၊ မည့်သည့် အကြောင်းကြောင့်မဆို သေဆုံးခြင်းအတွက် နာရေးစရိတ်တို့ကို ခံစားခွင့်ရှိမည် ဖြစ်ပါသည်။
မှတ်ပုံတင်ကာလ ၆ လ အတွင်း ထည့်ဝင်ကြေးပေးသွင်းသည့်ကာလ ၄ လ ရှိပါက မကျန်းမာမှု ငွေကြေးအကျိုး ခံစားခွင့်ကို ရရှိမှာ ဖြစ်ပါသည်။

မည်သည့်အကြောင်းကြောင့်မဆို နာမကျန်းဖြစ်သည့်အခါ အခမဲ့ဆေးကုသမှုခံစားခွင့်ရှိသည့်အပြင် အောက်ပါ ငွေကြေးခံစားခွင့်များကိုလည်း ခံစားခွင့်ရှိပါသည်-
(က) ကျန်းမာရေးနှင့် လူမှုရေးစောင့်ရှောက်မှု အာမခံစနစ်
(၁) ဆေးကုသမှုခံစားခွင့်၊
(၂) မကျန်းမာမှု အကျိုးခံစားခွင့်၊
(၃) မီးဖွားမှု အကျိုးခံစားခွင့်၊ မီးဖွားစရိတ်၊
(၄) ကိုယ်ဝန်ပျက်မှုအတွက် ငွေကြေးအကျိုးခံစားခွင့်၊
(၅) တစ်နှစ်အောက် ကလေးမွေးစားမှုအတွက် အကျိုးခံစားခွင့်၊
(၆) ဖခင်ဘဝဖြစ်မှုအကျိုးခံစားခွင့်၊ ဖခင်ဘဝဖြစ်မှုအတွက် မီးဖွားစရိတ်၊