ဒေလီ ဇွန် ၁၆

အိန္ဒိယနိုင်ငံ အနောက်ပိုင်း မဟာရက်ရှ်တြပြည်နယ် ပူနေးမြို့ ၌ ဇွန် ၁၅ ရက်က မြစ်ကူးတံတား တစ်စင်းပြိုကျခဲ့ရာ အနည်းဆုံး လူနှစ်ဦး သေဆုံးခဲ့ရကြောင်း ပြည်နယ်တာဝန်ရှိသူများက ပြော ကြားခဲ့သည်။

ပြိုကျခဲ့သည့်တံတားမှာ အင်ဒရာ ယာနီအမည်ရှိမြစ်ကို ဖြတ်ကျော် တည်ဆောက်ထားသည့် မြစ်ကူး တံတားဖြစ်သည်။

တံတားပြိုကျစဉ်အတွင်း လူ အချို့မြစ်ထဲပြုတ်ကျခဲ့ရာ ရှာဖွေ ရေးလုပ်ငန်းများ လုပ်ဆောင်နေ ကြောင်း မဟာရက်ရှိကြပြည်နယ် တာဝန်ရှိသူများက ပြောကြားခဲ့သည်။

ဖနွမ်းပင် ဇွန် ၁၆

ထိုင်းနိုင်ငံအနေဖြင့် နယ်စပ် အဝင်အထွက်ကန့်သတ်ချက်များ ကို ပြန်လည်ရုပ်သိမ်းခြင်းမရှိခဲ့ပါ က ထိုင်းသစ်သီးဝလံနှင့်ဟင်းသီး ဟင်းရွက်သွင်းကုန်များကို ပိတ်ပင် မည်ဖြစ်ကြောင်း ကမ္ဘောဒီးယား အမျိုးသား လွှတ်တော်ဥက္ကဋ္ဌ ဟွန်ဆန်က ယနေ့တွင် သတိပေး လိုက်သည်။

ပြီးခဲ့သည့်လအတွင်းပေါ်ပေါက် ခဲ့သည့် နယ်စပ်ပြဿနာတစ်ရပ် ကြောင့် ထိုင်းနှင့် ကမ္ဘောဒီးယား တို့ကြား ဆက်ဆံရေးတင်းမာ နေစဉ် ကမ္ဘောဒီးယားအမျိုးသား လွှတ်တော်ဥက္ကဋ္ဌ၏ အဆိုပါ သတိပေးချက် ပေါ်ထွက်လာခြင်း ဖြစ်သည်။

စင်ကာပူ ဇွန် ၁၆ 
အစ္စရေးနှင့် အီရန်တို့ကြား လက်ရှိဖြစ်ပွားနေသည့် စစ်ရေး  ပဋိပက္ခများကြောင့် ယနေ့တွင် ကမ္ဘာ့ရေနံဈေးကွက်၌ ရေနံ ဈေးနှုန်းများ မြင့်တက်လာခဲ့ ပြုကြောင်း သိရသည်။ အစ္စရေးနှင့် အီရန်တို့ကြား ဇွန် ၁၅ ရက်တွင် တတိယမြောက်နေ့အဖြစ် အပြန်အလှန်တိုက်ခိုက်ခဲ့ကြပြီးနောက် ယနေ့တွင် ကမ္ဘာ့ ရေနံဈေးကွက်၌ ရေနံဈေးနှုန်းများ မြင့်တက်လာခြင်း ဖြစ်ကြောင်း သိရသည်။

နယူးယောက် ဇွန် ၁၆

အမေရိကန်ရေတပ်မှ ယူအက်စ် အက်စ်နီမစ်ဇ် လေယာဉ်တင် သင်္ဘောသည် ယနေ့တွင် တောင် တရုတ်ပင်လယ်ဒေသမှ အရှေ့ အလယ်ပိုင်းဒေသဘက်သို့ ထွက်ခွာ သွားပြီဖြစ်သည်။

ပင်လယ်ရေကြောင်းသွားလာမှု စောင့်ကြည့်ရေးဝက်ဘ်ဆိုက်များ ၏အဆိုအရ ယူအက်စ်အက်စ်နီ မစ်ဇ်လေယာဉ်တင်သင်္ဘောသည် တောင်တရုတ် ပင်လယ်ဒေသမှ တစ်ဆင့် အရှေ့အလယ်ပိုင်းဒေသ တည်ရှိရာ အနောက်ဘက်သို့ ဦးတည်မောင်းနှင်နေသည်။

ယူအက်စ်အက်စ်နီမစ်ဇ်လေယာဉ် တင်သင်္ဘောသည် ဗီယက်နမ်နိုင်ငံ အလယ်ပိုင်း ဒါနန်းဆိပ်ကမ်း၌ ဆိုက်ကပ်မည့်အစီအစဉ်ကို ဖျက်သိမ်း၍အရှေ့အလယ်ပိုင်းဒေသသို့ ထွက်ခွာသွားခြင်းဖြစ်သည်။