ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာက ယူကရိန်း၏ အနောက်ဥရောပ မဟာမိတ်များ၏ ထုတ်ပြန်ချက်ကို နာဇီ စနစ်ကို ပြန်လည်အသက်သွင်းလိုနေသော ထုတ်ပြန်မှုအဖြစ် ပြင်းပြင်း ထန်ထန် ဝေဖန်ခဲ့ပြီး သူမသည် ပြင်သစ်၊ ဂျာမနီ၊ ဗြိတိန်၊ ပိုလန်၊ အီတလီ နှင့် ဖင်လန်ခေါင်းဆောင်များနှင့် ဥရောပကော်မရှင်ဥက္ကဋ္ဌ Ursula von der Leyen တို့မှ ယူကရိန်းအတွက် ငြိမ်းချမ်းရေး အစီရင်ခံစာကို တုံ့ပြန်ခဲ့ ခြင်းဖြစ်သည်။ ၎င်းသည် ဩဂုတ်လ ၁၅ ရက်နေ့တွင် ရုရှားသမ္မတ ဗလာဒီမာ ပူတင်နှင့် အမေရိကန်သမ္မတ ဒေါ်နယ်ထရမ့်တို့ အလက်စကာ တွင်ပြုလုပ်မည့် ထိပ်သီးအစည်းအဝေးကို ရည်ညွှန်းထားခြင်းဖြစ်သည်။

အမေရိကန်သမ္မတ ဒေါ်နယ်ထရမ့်သည် ၎င်း၏ နိုင်ငံရေးပြိုင်ဘက်များ ဖြစ်သော သမ္မတဟောင်း ဘာရက်အိုဘားမားနှင့် ဂျော့ခ်ျ ဒဗလျူ ဘုရှ် တို့ ၏ ပုံတူများကို အိမ်ဖြူတော်၏ ဝင်ပေါက်မှ ဖယ်ရှားကာ လှေကားထစ် အပေါ်ထပ်ရှိ လူသူမသွားသောနေရာသို့ ရွှေ့ပြောင်းခဲ့သည်။ ထိုသို့ပြု လုပ်ခြင်းဖြင့် နေ့စဉ်လာရောက်လည်ပတ်သူများအတွက် ထိုပုံတူများကို မြင်တွေ့နိုင်မည် မဟုတ်တော့ပေ။

အမေရိကန်ဒုတိယသမ္မတ JD Vance သည် Jeffrey Epstein ဆိုင်ရာ မထုတ်ပြန်ရသေးသော စာရွက်စာတမ်းများနှင့်ပတ်သက်၍ Trump အစိုးရ၏ လုပ်ဆောင်ချက်များကို ဝေဖန်သူများအား ပြန်လည်တုံ့ပြန်ခဲ့ပြီး ဒီမိုကရက်များအား နိုင်ငံရေးအခွင့်အရေးယူခြင်းနှင့် အာဏာရှိစဉ်က လုံလောက်သော အရေးယူမှုမရှိခြင်းတို့ဖြင့် စွပ်စွဲခဲ့သည်။

အမေရိကန်သမ္မတ ဒေါ်နယ်ထရမ့်က မြို့တော်ကို ပိုမိုလုံခြုံစိတ်ချရပြီး သန့်ရှင်းစေမည်ဟု ကတိပြုလျက် ဝါရှင်တန်ဒီစီရှိ အိမ်ခြေရာမဲ့များအား ချက်ချင်းထွက်ခွာရန် တိုက်တွန်းလိုက်သည်။ ဖက်ဒရယ်အဆင့် ဝင်ရောက် စွက်ဖက်မှုများ မြင့်တက်လာချိန်တွင် ၎င်း၏ထုတ်ဖော်ပြောဆိုမှုများသည် မှုခင်းဆိုင်ရာ စိုးရိမ်မှုများနှင့်အတူ ထွက်ပေါ်လာခြင်းဖြစ်သည်။

ရုရှား၏ ဖက်ဒရယ်လုံခြုံရေးဝန်ဆောင်မှု (FSB) က ယူကရိန်းနိုင်ငံ၏ လုံခြုံရေးနှင့် ထောက်လှမ်းရေးအဖွဲ့အစည်းများသည် ရုရှားနိုင်ငံသား များကို အသုံးပြုကာ မိမိကိုယ်ကို အဆုံးစီရင်စေသည့် တိုက်ခိုက်မှုများ ဆောင်ရွက်စေခဲ့သည်ဟု ထုတ်ပြန်ခဲ့သည်။ အထူးသဖြင့် အသက်အရွယ် ကြီးရင့်သည့် အမျိုးသမီးများပါဝင်ပြီး လတ်တလောအချိန်အတွင်းအနည်းဆုံး ငါးဦးကို ပစ်မှတ်ထားခဲ့သည်ဟု FSB က တနင်္လာနေ့ (ဩဂုတ် ၁၁) တွင် ထုတ်ပြန်ခဲ့သည်။

ထိုင်းအစိုးရသည် ကမ္ဘောဒီးယားနှင့် နယ်စပ်တင်းမာမှုများကြောင့် အိုးအိမ်စွန့်ခွာတိမ်းရှောင်ရသူများအတွက် လျှပ်စစ်နှင့်ရေဖိုးငွေကို နှစ်လ ကြာ ကင်းလွတ်ခွင့်ပေးခြင်းအပါအဝင် အကူအညီများ ဆောင်ရွက်ပေး လျက်ရှိသည်။ ပြည်ထဲရေးဝန်ကြီးဌာန အတွင်းဝန်နှင့် ဖက်ဒမ်မီဒီယာ တာဝန်ခံ Chanin Rungthanakiat က နယ်စပ်တိုက်ပွဲများ လျော့ပါး သွားပြီဖြစ်သောကြောင့် အစိုးရအနေဖြင့် ပြည်သူများအား ကူညီရေး လုပ်ငန်းများကို အဓိကထား ဆောင်ရွက်နေကြောင်း ပြောကြားခဲ့သည်။ စနေနေ့ (ဩဂုတ် ၉) တွင် ယာယီဝန်ကြီးချုပ် Phumtham Wechayachai သည်  Surin သို့သွားရောက်ကာ ရွှေ့ပြောင်းနေထိုင်ရသူများအတွက် ခိုလှုံရာ နေရာများက

NATO သည် အဖွဲ့ဝင်နိုင်ငံများ၏ စစ်မြေပြင်စောင့်ကြည့်ရေး စွမ်းရည် မြှင့်တင်ရန် Skydio X10D ဒရုန်းကို ရွေးချယ်လိုက်သည်။ အမေရိကန်နှင့် ဘယ်လ်ဂျီယမ်ကုမ္ပဏီများမှ ထုတ်လုပ်သည့် အဆိုပါဒရုန်းသည် ၂.၂ ကီလိုဂရမ်သာ အလေးချိန်ရှိပြီး AI နည်းပညာ၊ GPS မလိုအပ်သော လမ်းကြောင်းရှာဖွေနိုင်မှု နှင့် အီလက်ထရွန်းနစ် အနှောင့်အယှက်ဒဏ် ခံနိုင်မှုတို့ဖြင့် ခေတ်မီစစ်ဆင်ရေးများအတွက် ဒီဇိုင်းထုတ်ထားသည်။

ဝါရှင်တန်သည် ယူကရိန်းကို နောက်ထပ်ငွေကြေးထောက်ပံ့မည် မဟုတ် ကြောင်း အမေရိကန်ဒုတိယသမ္မတ J.D. Vance က တနင်္ဂနွေနေ့ (ဩဂုတ် ၁၀) က Fox News သို့ ပြောကြားခဲ့သည်။

ယူကရိန်း၏ ဥရောပမဟာမိတ်များသည် Kyiv ကို ဆက်လက် ထောက်ပံ့ လိုပါက အမေရိကန်ထုတ် လက်နက်များဝယ်ယူနိုင်ပြီး အမေရိကန် အနေဖြင့် ၎င်းကို သဘောတူညီကြောင်း Vance က ဖြည့်စွက် ပြောကြား ခဲ့သည်။ "သို့သော် မိမိတို့ကိုယ်တိုင် နောက်ထပ် ထောက်ပံ့မည် မဟုတ်ပါ" ဟု ဖြည့်စွက်ပြောကြားခဲ့သည်။

ဩစတြေးလျဝန်ကြီးချုပ် Albanese က စက်တင်ဘာလတွင် ကျင်းပမည့် ကုလသမဂ္ဂ အထွေထွေ ညီလာခံတွင် ပါလက်စတိုင်းနိုင်ငံအဖြစ် အသိအမှတ်ပြုရန် သဘောတူညီထားကြောင်း ပြောကြား လိုက်သည်။"ငြိမ်းချမ်းရေးသည် ယာယီသာဖြစ်ပြီး အစ္စရေးနိုင်ငံနှင့် ပါလက်စတိုင်းနိုင်ငံတို့ အမြဲတည်ရှိ မှသာ တည်တံ့နိုင်မည်။ ဩစတြေးလျနိုင်ငံသည် ပါလက်စတိုင်းလူမျိုးများ၏ နိုင်ငံတည်ထောင်ရေး အခွင့်အရေးကို အသိအမှတ်ပြုပါမည်" ဟု ဝန်ကြီးချုပ် Anthony Albanese က ယနေ့ (ဩဂုတ် ၁၁) တွင်ပြောကြားခဲ့သည်။ ပါလက်စတိုင်းအာဏာပိုင်များက ၎င်းအား ဟားမက်သည် အနာဂတ် ပါလက်စတိုင်း နိုင်ငံတွင် "အခန်းကဏ္ဍမရှိစေရ"

အစ္စရေး လေတပ်၏ ဂါဇာရှိ သတင်းထောက်များရှိနေသည့် စခန်းကို ဗုံးကြဲတိုက်ခိုက်မှုတွင် Al Jazeera သတင်းဌာနမှ သတင်းထောက် အနည်းဆုံး ၅ ဦး သေဆုံးခဲ့သည်။ သေဆုံးသူများတွင် ဒေသတွင်း လူသားချင်းစာနာမှု အကျပ်အတည်းဆိုင်ရာ သတင်းများဖြင့် ကျော်ကြား ခဲ့သော အမည်ကျော် သတင်းထောက် Anas al-Sharif လည်း ပါဝင် ခဲ့သည်။