09 August 2025

လက်နက်ကိုင်အကြမ်းဖက်အဖွဲ့များသည် တိုင်းဒေသကြီးနှင့် ပြည်နယ်များရှိ မြို့၊ ရွာများအတွင်း တိုက်ပွဲများဖော်ဆောင်ခြင်း၊ လက်နက်ကြီးများဖြင့် အဝေးမှ ပစ်ခတ်ခြင်း၊ Drone ဖြင့် Drop Bomb များ ပစ်ချတိုက်ခိုက်ခြင်း၊ လက်လုပ်ဗုံး၊ လက်လုပ်မိုင်းများဖြင့် မိုင်းထောင်ဖောက်ခွဲ တိုက်ခိုက်ခြင်းများအား လုပ်ဆောင်လျက်ရှိသည့်အပြင် အပြစ်မဲ့ အရပ်သားပြည်သူများကို ပစ်မှတ်ထားဖမ်းဆီး၍ ခြိမ်းခြောက်ငွေတောင်းခံခြင်း၊ သတ်ဖြတ်ခြင်းများစသော လူသားချင်းမစာနာသည့် လူမဆန်သော အကြမ်းဖက်မှုများနှင့် ရာဇဝတ်မှုများအား ကျူးလွန်လုပ်ဆောင်လျက်ရှိပါသည်။

 ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၈ ရက် ညနေ ၄ နာရီ ၃၀ မိနစ်တွင် မွန်ပြည်နယ်၊ သထုံမြို့နယ်၊ တောင်စွန်းကျေးရွာနေ ဦးမြင့်ဇော်(၅၂)နှစ်သည် ၎င်း၏နေအိမ်၌ ရှိနေစဉ် KNU အဖွဲ့မှ အကြမ်းဖက်မှုကို လိုလားသူများနှင့် PDF အမည်ခံ အကြမ်းဖက်သမားများ ပူးပေါင်းအဖွဲ့ အင်အား ခြောက်ဦးခန့်က မော်တော်ယာဉ် တစ်စီးဖြင့် ရောက်ရှိလာပြီး ဦးမြင့်ဇော်အား “မေးမြန်းစရာရှိကြောင်း” ပြောဆိုကာ လက်နောက်ပြန်လက်ထိပ်ခတ်ပြီး နေအိမ်အတွင်းမှ လက်ကိုင်ဖုန်း သုံးလုံးအား ယူဆောင်၍ အောင်းစိုင်ကျေးရွာဘက်သို့ ဖမ်းဆီးခေါ်ဆောင်သွားကြောင်း သိရသည်။

အထက်ပါဖြစ်စဉ်မှ အပြစ်မဲ့ အရပ်သားပြည်သူများအား ပစ်မှတ်ထားဖမ်းဆီး၍ ခြိမ်းခြောက်ငွေတောင်းခံခြင်း၊ သတ်ဖြတ်ခြင်းများစသော လူသားချင်းမစာနာသည့် လူမဆန်သော ရာဇဝတ်မှုများအား ကျူးလွန်လုပ်ဆောင်လျက်ရှိသည့် အကြမ်းဖက်သမားများအား ဖော်ထုတ်ဖမ်းဆီးအရေးယူနိုင်ရေးနှင့် ဖမ်းဆီးခံရသူအား ပြန်လည်ကယ်တင်နိုင်ရေး လုံခြုံရေးတပ်ဖွဲ့ဝင်များက လိုအပ်သည့် လုံခြုံရေးလုပ်ငန်းစဉ်များနှင့်အညီ ဆက်လက်ဆောင်ရွက်လျက်ရှိကြောင်း သတင်းရရှိပါသည်။

MOHA

အစ္စရေးဝန်ကြီးချုပ် နေတန်ယာဟု၏ အစိုးရအဖွဲ့လုံခြုံရေးကောင်စီမှ ဂါဇာမြို့တော်ကို သိမ်းပိုက်ရန် အစီအစဉ်အား အတည်ပြုပြီးနောက် ဂျာမနီအစိုးရသည် အစ္စရေးသို့ လက်နက်တင်ပို့မှုများကို ယာယီရပ်ဆိုင်း လိုက်ကြောင်း ဆုံးဖြတ်ချက်ချမှတ်ခဲ့သည်။

အစ္စရေးဝန်ကြီးချုပ်ရုံးက ယင်းအစီအစဉ်ကို ဟားမက်အဖွဲ့ကို လက်နက် ဖျက်သိမ်းရန်၊ ဂါဇာကိုစစ်ဘက်သိမ်းပိုက်မှုဖယ်ရှားရန်နှင့် အစ္စရေးပြန်ပေးဆွဲ ခံအကျဉ်းသားများအား ပြန်လည်ရရှိရန်အတွက် စီမံချက်၏ တစ်စိတ် တစ်ပိုင်းအဖြစ် ကြေညာခဲ့သည်။ မကြာသေးမီကပင် နေတန်ယာဟုက ဂါဇာဒေသကို အပြည့်အဝစစ်ရေးထိန်းချုပ်ရန် ရည်မှန်းထားကြောင်း ပြောကြားခဲ့သည်။ သို့သော် အဆိုပါလုပ်ရပ်သည် ဂါဇာရှိ အစ္စရေးအကျဉ်းသားများအား အန္တရာယ်ဖြစ်စေနိုင်သည်ဟု ဝေဖန်မှုများရှိခဲ့သည်။

ဂျာမနီဝန်ကြီးချုပ် Friedrich Merz က "ဂျာမနီသည် အစ္စရေး၏ ဟားမက် အကြမ်းဖက်မှုကို တိုက်ဖျက်ရေးနှင့် အကျဉ်းသားများ ပြန်လည် ရရှိရေး ကို ထောက်ခံသော်လည်း၊ အဆိုပါစစ်ဆင်ရေးအသစ်က ထိုရည်မှန်းချက် များကို မည်သို့အောင်မြင်စွာရရှိမည်ဆိုသည်မှာ မရှင်းလင်းသေးပါ" ဟု ပြောကြားခဲ့သည်။

၎င်းက "ယခုအခြေအနေတွင် ဂျာမနီအစိုးရအနေဖြင့် ဂါဇာစစ်မြေပြင် တွင် အသုံးပြုနိုင်သည့် စစ်လက်နက်ပစ္စည်းများတင်ပို့မှုအား ထပ်မံ ကြေညာချက် တစ်စုံတစ်ရာ မရရှိမချင်း ခွင့်ပြုမည်မဟုတ်ပါ" ဟု သောကြာနေ့ (ဩဂုတ် ၈) ဖက်ဒရယ်အစိုးရဝက်ဘ်ဆိုက်၏ ထုတ်ပြန် ချက်တွင် ဖော်ပြခဲ့သည်။

ထို့အပြင် ၎င်းက "ဂျာမနီအစိုးရအနေဖြင့် ဂါဇာရှိ ပါလက်စတိုင်းတို့၏ ဆင်းရဲဒုက္ခများနှင့် ပတ်သက်၍ အလွန်ပင်စိုးရိမ်နေရပြီး အစ္စရေး၏ စစ်ဆင်ရေးအသစ်ကြောင့် ပါလက်စတိုင်းအရပ်သားများ လူသားချင်း စာနာထောက်ထားမှုဆိုင်ရာ အကူအညီများရရှိရေး အာမခံချက်ကို ပိုမို တာဝန်ယူရမည်" ဟု အားလုံးသိရှိစေရန် ထပ်လောင်းပြောကြားခဲ့သည်။

ကုလသမဂ္ဂသည် ဂါဇာဒေသရှိ အစားအသောက်ပြတ်လတ်မှု အခြေအနေ အလွန်ဆိုးရွားလာနေကြောင်း သတိပေးနေပြီး အစ္စရေးနိုင်ငံအား လူသားချင်း စာနာထောက်ထားမှုဆိုင်ရာ အထောက်အပံ့များ စီးဆင်းမှုကို ဟန့်တား နေသည်ဟု စွပ်စွဲထားသည်။

အစ္စရေးဝန်ကြီးချုပ်ရုံးက နေတန်ယာဟုသည် ဂျာမနီခေါင်းဆောင်နှင့် ဖုန်းဆက်ပြီး "အစ္စရေးသို့ လက်နက်တင်ပို့မှုကို ပိတ်ပင်ရန် Merz ၏ ဆုံးဖြတ်ချက်နှင့် ပတ်သက်၍ စိတ်ပျက်မိကြောင်း" ပြောကြားခဲ့သည်ဟု ဆိုသည်။ "ဟားမက်အဖွဲ့ကို တရားမျှတစွာတိုက်ခိုက်နေသည့် အစ္စရေး ကို ထောက်ခံမည့်အစား" ဂျာမနီသည် "အစ္စရေးသို့ လက်နက် တင်ပို့မှု ကိုပိတ်ပင်ခြင်းဖြင့် ဟားမက်၏ အကြမ်းဖက်မှုကို ချီးမြှင့်နေခြင်း" ဖြစ်သည်ဟု ဝန်ကြီးချုပ်ရုံးက သောကြာနေ့ (ဩဂုတ် ၈) တွင် X လူမှု ကွန်ယက် ထုတ်ပြန်ချက်၌ ဖော်ပြခဲ့သည်။ 

ကိုးကား- RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

အမေရိကန်သမ္မတ ဒေါ်နယ်ထရမ့်သည် လက်တင်အမေရိက မူးယစ် ဆေးကုန်သည်အဖွဲ့များကို တပ်မတော်အင်အား အသုံးပြု၍ တိုက်ခိုက်ရန် လျှို့ဝှက်အမိန့်ထုတ်ပြန်ခဲ့ကြောင်း The New York Times သတင်းစာက သောကြာနေ့ (ဩဂုတ် ၈) တွင် ထုတ်ပြန်ခဲ့သည်။ ယခင်က ထိုအဖွဲ့ များအား "အကြမ်းဖက်အဖွဲ့အစည်းများ" အဖြစ် သတ်မှတ်ခဲ့သည်။

သမ္မတ၏ အဆိုပါအမိန့်ညွှန်ကြားချက်သည် အခြားနိုင်ငံ၏မြေပေါ်နှင့် ပင်လယ်ပြင်တွင် မူးယစ်ဆေးကုန်သည်အဖွဲ့များကို တိုက်ခိုက်ရန် အမေရိကန်စစ်တပ်အား တရားဝင်အသုံးပြုနိုင်ရန် အခြေခံဥပဒေအဖြစ် ပံ့ပိုးပေးထားသည်။ NYT ၏ အရင်းအမြစ်များအရ ပင်တဂွန်သည် ထိုအဖွဲ့များအား လိုက်လံတိုက်ခိုက်ရန် စစ်ဆင်ရေးနည်းဗျူဟာများကို ယခုပင် ရေးဆွဲနေပြီဖြစ်သည်။

သို့ရာတွင် အဆိုပါ ညွှန်ကြားချက်နှင့်ပတ်သက်၍ အိမ်ဖြူတော်၊ ပင်တဂွန် နှင့် နိုင်ငံခြားရေးဝန်ကြီးဌာနတို့မှ ဥပဒေအကြံပေးများ၏ တုံ့ပြန်ချက်ကို ချက်ချင်းမသိရှိရသေးပေ။ မူးယစ်ဆေးကုန်သည်အဖွဲ့ဝင်များကို အရပ်သား များအဖြစ် သတ်မှတ်ထားဆဲဖြစ်သောကြောင့် စစ်တပ်မှ ထိုသူများအား ဖယ်ရှားခြင်းသည် ဥပဒေဆိုင်ရာ အငြင်းပွားဖွယ်ရာများစွာကို ဖြစ်ပေါ်စေ နိုင်သည်။

ဖေဖော်ဝါရီလအတွင်းက ထရမ့်အစိုးရသည် နိုင်ငံခြားမူးယစ်ဆေးကုန်သည် အဖွဲ့များနှင့် အဖွဲ့အစည်းများအား "နိုင်ငံခြားအကြမ်းဖက်အဖွဲ့များ" (FTOs) နှင့် "အထူးသတ်မှတ်ထားသော ကမ္ဘာလုံး ဆိုင်ရာ အကြမ်းဖက် သမားများ" (SDGTs) အဖြစ် သတ်မှတ်ခဲ့သည်။ မက္ကဆီကိုအခြေစိုက် Sinaloa Cartel နှင့် Jalisco New Generation Cartel အပါအဝင် အဓိကရာဇဝတ်ဂိုဏ်းများလည်း ပါဝင်သည်။ အမေရိကန်တွင် လှုပ်ရှား နေသော Mara Salvatrucha (MS-13) (အဓိကအားဖြင့် အယ်ဆာဗေးဒိုး လူမျိုးများပါဝင်သည့် အဖွဲ့) နှင့် ဗင်နီဇွဲလားအခြေစိုက် Tren de Aragua အဖွဲ့တို့လည်း အဆိုပါစာရင်းတွင် ပါဝင်နေသည်။

ပြီးခဲ့သည့်လက ထရမ့်အစိုးရသည် ဗင်နီဇွဲလားအခြေစိုက် Cartel de los Soles ကို အကြမ်းဖက်အဖွဲ့စာရင်းတွင် ထည့်သွင်းခဲ့ပြီး ထိုရာဇဝတ်ဂိုဏ်း ကို ဗင်နီဇွဲလားသမ္မတ Nicolas Maduro ကိုယ်တိုင်ဦးဆောင်ကာ အစိုးရ နှင့် စစ်တပ်အကြီးအကဲများပါ ပါဝင်နေကြောင်း စွပ်စွဲခဲ့သည်။ ၂၀၂၀ ပြည့်နှစ် က ထရမ့်၏ ပထမသက်တမ်းအတွင်း အမေရိကန်တရားရုံးက Maduro အား ဖက်ဒရယ်မူးယစ်ဆေးမှုဖြင့် စွဲချက်တင်ခဲ့ဖူးသည်။ ဗင်နီဇွဲလား သမ္မတက ယင်းစွပ်စွဲချက်များကို အကြိမ်ကြိမ်ငြင်းဆိုခဲ့ပြီး ၎င်းတို့သည် ဝါရှင်တန်၏ ဗင်နီဇွဲလားအစိုးရကို ဖယ်ရှားရေးလုပ်ငန်းစဉ်၏ အစိတ်အပိုင်း ဖြစ်ကြောင်း ပြောကြားခဲ့သည်။

ကြာသပတေးနေ့ (ဩဂုတ် ၇) က အမေရိကန်တရားရုံးနှင့် နိုင်ငံခြားရေး ဝန်ကြီးဌာနတို့က Maduro အား ဖမ်းဆီးရန် သတင်းအချက်အလက် ပေးသူအတွက် ဆုငွေကို ဒေါ်လာ သန်း ၅၀ အထိ တိုးမြှင့်မည်ဟု ကြေညာ ခဲ့သည်။ ထို့ပြင် ဗင်နီဇွဲလားသမ္မတသည် Tren de Aragua နှင့် Sinaloa Cartel တို့နှင့်လည်း ပူးပေါင်းဆောင်ရွက်နေကြောင်း စွပ်စွဲခဲ့သည်။

မက္ကဆီကိုသမ္မတ Claudia Sheinbaum က ယခုစွပ်စွဲချက်များကို စိန်ခေါ် ခဲ့ပြီး ဗင်နီဇွဲလားသမ္မတနှင့် မူးယစ်ဆေးဝါးဂိုဏ်းများကြား ထိုသို့ဆက်စပ်မှု ရှိကြောင်း သက်သေအထောက်အထား မက္ကဆီကိုနိုင်ငံတွင် မတွေ့ရကြောင်း ပြောကြားခဲ့သည်။

ကိုးကား- RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂

ဩဂုတ် ၉ ရက်(စနေနေ့)တွင် ကမ္ဘောဒီးယားနှင့် နယ်စပ်အနီး တာဝန် ထမ်းဆောင်နေသော ထိုင်းစစ်သား သုံးဦး မြေမြှုပ်မိုင်း ပေါက်ကွဲမှုကြောင့် ထိခိုက်ဒဏ်ရာရရှိခဲ့ကြောင်း ထိုင်းစစ်တပ်က ထုတ်ပြန်ချက်တစ်ရပ်တွင် ဖော်ပြထားပါသည်။

ယခုဖြစ်စဉ်မှာ မကြာသေးမီက ငါးရက်ကြာ ပြင်းထန်သော ပဋိပက္ခအပြီး နှစ်နိုင်ငံအကြား အပစ်အခတ်ရပ်စဲရေး သဘောတူညီချက် ရရှိပြီးနောက် ရက်ပိုင်းအတွင်း ဖြစ်ပွားခြင်းဖြစ်ပါသည်။ 

ထိုင်းနိုင်ငံ Sisaket နှင့် ကမ္ဘောဒီးယားနိုင်ငံ Preah Vihear ခရိုင်အကြား နယ်စပ်တစ်လျှောက် စစ်ကင်းလှည့်လည်စဉ် စစ်သားတစ်ဦး မြေမြှုပ် မိုင်းပေါ်သို့ နင်းမိခဲ့သဖြင့် ၄င်းမှာ ခြေတစ်ဖက် ဆုံးရှုံးကာ အခြားနှစ်ဦး ဒဏ်ရာရရှိခဲ့ပါသည်။ စစ်သားများအား ဆေးရုံတွင် ကုသမှုပေးနေပြီ ဖြစ်ကြောင်း စစ်တပ်က ပြောကြားထားပါသည်။

ကိုးကား- South China Morning Post

ဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃

နေပြည်တော် ဩဂုတ် ၈

ထိုင်းနိုင်ငံအပါအဝင် အိမ်နီးချင်းနိုင်ငံအချို့ကို တစ်ဆင့်ခံဖြတ်သန်း၍ မြန်မာနိုင်ငံအတွင်းသို့ နယ်စပ်လမ်းကြောင်းများမှ တရားမဝင် ဝင်ရောက်လာပြီး ကရင်ပြည်နယ်၊ မြဝတီမြို့-ရွှေကုက္ကိုလ်၊ မဲ့ထော်သလေး(KK Park)နှင့် ကျောက်ခတ်နယ်မြေများတွင် အွန်လိုင်းလောင်းကစားမှုများ၊ အွန်လိုင်းလိမ်လည်မှုများ အပါအဝင် ဒုစရိုက်မှုများကျူးလွန်ခဲ့ကြသည့် ဖိလစ်ပိုင်နိုင်ငံသား ၁၉ ဦးနှင့် ပါကစ္စတန်နိုင်ငံသား တစ်ဦး၊ စုစုပေါင်း ၂၀ အား ယနေ့တွင် မြန်မာ - ထိုင်း အမှတ်(၂) ချစ်ကြည်ရေးတံတားမှတစ်ဆင့် သက်ဆိုင်ရာနိုင်ငံများသို့ လူသားချင်းစာနာထောက်ထားမှုနှင့် နိုင်ငံအချင်းချင်း ချစ်ကြည်ရင်းနှီးမှုတို့ကို ရှေးရှု၍ ဥပဒေလုပ်ထုံးလုပ်နည်းများနှင့်အညီ ပြည်နှင်လွှဲပြောင်းပေးအပ်ခဲ့ပြီး ပြည်ပနိုင်ငံသား ၁၀ ဦးကို ထပ်မံစစ်ဆေးဖော်ထုတ်ထိန်းသိမ်းနိုင်ခဲ့သည်။

အဆိုပါ ပြည်နှင်လွှဲပြောင်းပေးမှုလုပ်ငန်းများ စနစ်တကျရှိစေရေးနှင့် အဆင်ပြေချောမွေ့စေရေးအတွက် လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ကရင်ပြည်နယ် ဒုတိယညွှန်ကြားရေးမှူး ဦးမြင့်ဘုန်းနှင့် တာဝန်ရှိသူများက ဌာနဆိုင်ရာများနှင့်တွေ့ဆုံကာ စာရင်းဇယား၊ အချက်အလက်များ ကိုက်ညီမှုရှိရေးနှင့် ပြည့်စုံမှန်ကန်မှုရှိရေးတို့ကို လိုက်လံကြည့်ရှုစစ်ဆေးပြီး လိုအပ်သည်များ ပေါင်းစပ်ညှိနှိုင်း ဆောင်ရွက်ပေးသည်။

ဆက်လက်၍ ပြည်နှင်လွှဲပြောင်းပေးအပ်ပွဲကို ကျင်းပခဲ့ရာ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ကရင်ပြည်နယ်၊ ဒုတိယညွှန်ကြားရေးမှူး ဦးမြင့်ဘုန်းနှင့် တာဝန်ရှိသူများ၊ ထိုင်းနိုင်ငံဆိုင်ရာ ပါကစ္စတန်နိုင်ငံသံရုံးမှ Assistant/ official Mr. Muhammad Umar နှင့် တာဝန်ရှိသူများ၊ ထိုင်းနိုင်ငံဆိုင်ရာ ဖိလစ်ပိုင်နိုင်ငံသံရုံးမှ Attache and Assistance to Nationals Officer Ms. Musetar C. Moso တာဝန်ရှိသူများ၊ ထိုင်းနိုင်ငံ တာ့ခ်ခရိုင် လူဝင်မှုကြီးကြပ်ရေးဦးစီးဌာနမှ တာဝန်ရှိသူများတက်ရောက်ခဲ့ကြပြီး မြန်မာနိုင်ငံမှတာဝန်ရှိသူတို့က သက်ဆိုင်ရာနိုင်ငံများမှ တာဝန်ရှိသူများထံသို့ ပြည်နှင်လွှဲပြောင်းလက်ခံရေးဆိုင်ရာ အထောက်အထား စာရွက်စာတမ်းများကို စနစ်တကျလွှဲပြောင်းပေးအပ်သည်။

ထို့အတူ မြဝတီမြို့- ရွှေကုက္ကိုလ်၊ မဲ့ထော်သလေး(KK Park) နယ်မြေသို့ တရားမဝင်လမ်းကြောင်းများမှတစ်ဆင့် ဝင်ရောက်နေကြသည့် တောင်အာဖရိက နိုင်ငံသား ၁ ဦး၊ နိုင်ဂျီးရီးယားနိုင်ငံသား ၁ ဦး၊ ဖိလစ်ပိုင်နိုင်ငံသား ၂ ဦး၊ တရုတ်နိုင်ငံသား ၅ ဦးနှင့် မလေးရှားနိုင်ငံသား ၁ ဦး စုစုပေါင်းပြည်ပနိုင်ငံသား ၁၀ ဦး ယနေ့တွင် ထပ်မံစစ်ဆေး ဖော်ထုတ်ထိန်းသိမ်းနိုင်ခဲ့ပြီး ၂၀၂၅ ခုနှစ်၊ ဇန်နဝါရီလ ၃၀ ရက်မှ ဩဂုတ်လ ၈ ရက်အထိ မြန်မာနိုင်ငံအတွင်းသို့ တရားမဝင် ဝင်ရောက်လာသည့် ပြည်ပနိုင်ငံသား စုစုပေါင်း ၉၃၃၁ ဦး စစ်ဆေးဖော်ထုတ် ထိန်းသိမ်းနိုင်ခဲ့ကာ ၎င်းတို့အနက်မှ ၉၀၉၈ ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံးလုပ်နည်းများနှင့်အညီ စနစ်တကျပြည်နှင်လွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား ၂၃၃ ဦးကို သက်ဆိုင်ရာနိုင်ငံများသို့ လွှဲပြောင်းပေးရန် အသင့်ဖြစ်နေပြီဖြစ်ကြောင်းနှင့် ၎င်းတို့ကို ကောင်းမွန်စွာထိန်းသိမ်းစောင့်ရှောက်ထားရှိသည်။

နိုင်ငံတော်အစိုးရအနေဖြင့် အွန်လိုင်းအသုံးပြုလိမ်လည်မှု (Online Scam) နှင့် အွန်လိုင်းလောင်းကစားမှု (Online Gambling) လုပ်ဆောင်နေသူများ၊ ပါဝင်ပတ်သက်သူများအားလုံးကို စုံစမ်းဖော်ထုတ်လျက်ရှိပြီး အိမ်နီးချင်းနိုင်ငံများအပါအဝင် နိုင်ငံတကာမှ အဖွဲ့အစည်းများနှင့် စဉ်ဆက်မပြတ် တက်ကြွစွာ ဖော်ထုတ်အရေးယူဆောင်ရွက်လျက်ရှိသည့်အပြင် အဆိုပါလုပ်ငန်းများတွင် ဆက်စပ်ပါဝင်ခဲ့ကြသည့် ပြည်ပနိုင်ငံသားများကို သက်ဆိုင်ရာနိုင်ငံများသို့ စနစ်တကျပြည်နှင်လွှဲပြောင်းပေးလျက်ရှိကြောင်း သတင်းရရှိသည်။

MOI

ဗြိတိန်ကြေးစားစစ်သားတစ်ဦးသည် ယူကရိန်းတပ်မတော်နှင့် စာချုပ် ချုပ်ဆိုပြီး တစ်လအတွင်း ယူကရိန်းနိုင်ငံ ခါခို့ဗ်ဒေသတွင် ကျဆုံး သွားကြောင်း The Daily Telegraph သတင်းစာက ဖော်ပြထားပါသည်။

အလန် ရောဘတ် ဝီလီယမ် အမည်ရှိ အဆိုပါ ကြေးစားစစ်သားသည် ဇွန်လ ၁၀ ရက်က ယူကရိန်းတပ်မတော်နှင့် စာချုပ်ချုပ်ဆိုခဲ့ပါသည်။ ဝီလီယမ်သည် ဩဂုတ်လ ၂ ရက်တွင် တိုက်ပွဲတစ်ခု၌ ၎င်း၏ တပ်ဖွဲ့နှင့် အဆက်အသွယ် ပြတ်တောက်သွားခဲ့ပြီး၊ ခါခို့ဗ်ဒေသရှိ လစ်စ်မြို့တွင် ကျဆုံးခဲ့ပြီး ယခုအချိန်ထိ ၎င်း၏ ရုပ်အလောင်းကို ရှာမတွေ့သေးသဖြင့် ပျောက်ဆုံးသူစာရင်းတွင် ပါဝင်နေသော်လည်း ၎င်းနှင့်အတူ တိုက်ပွဲဝင် ခဲ့သူများက ဝီလီယမ် သေဆုံးမှုကို အတည်ပြုခဲ့ကြကြောင်း The Daily Telegraph သတင်းစာက ရှင်းလင်းဖော်ပြထားပါသည်။

အသက် ၃၅ နှစ်ရှိ ဝီလီယမ်သည် အင်္ဂလန်နိုင်ငံ အနောက်မြောက်ပိုင်းရှိ မာစီဆိုက်ဒ်နယ်၊ မိုရ်တန်မြို့ ဇာတိဖြစ်ပြီး အလုပ်လက်မဲ့ဖြစ်ပြီးနောက် မတ်လ ၇ ရက်နေ့က ယူကရိန်းသို့ ထွက်ခွာလာခဲ့ကြောင်း၊ ၎င်းတွင် ယခင်က စစ်မှုထမ်းအတွေ့အကြုံ မရှိခဲ့ကြောင်း၊ ဗြိတိန်တွင် ၎င်း အလုပ် လုပ်သည့်နေရာမှ အလုပ်ထုတ်ခံရပြီးနောက် စိတ်ကျန်းမာရေး ပြဿနာ များကြောင့် ဆေးရုံတက်ခဲ့ရသည်ဟု သိရပါသည်။

The Daily Telegraph ၏ ဖော်ပြချက်အရ အသက် ၄၀ အရွယ်ဇနီးနှင့် ၁၂ နှစ်အရွယ်သမီးလေးတို့က ၎င်းကို ယူကရိန်းသို့မသွားရန် တောင်းပန် ခဲ့ကြောင်း သိရပါသည်။

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃

08 August 2025

အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်များ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၇ ရက် မွန်းလွဲ ၁ နာရီ ၄၀ မိနစ်တွင် တနင်္သာရီတိုင်းဒေသကြီး၊ တနင်္သာရီမြို့နယ်၊ ရမ်းဖိုကျေးရွာသို့ PDF အမည်ခံ အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ Drone ဖြင့် Drop Bomb များ ပစ်ချတိုက်ခိုက်ခဲ့ရာ အဆိုပါကျေးရွာရှိ ဘုန်းကြီးကျောင်းရှေ့လမ်းမပေါ်သို့ Drop Bomb များ ကျရောက်ပေါက်ကွဲခဲ့မှုကြောင့် လမ်းမပေါ်၌ သွားလာလျက်ရှိသော ရမ်းဖိုကျေးရွာနေသူများဖြစ်ကြသည့် မနှင်းအိဖြူ(၁၄)နှစ်၊ ဒေါ်စန္ဒာဝင်း(၃၈)နှစ်နှင့် မနှင်းလဲ့ဌေး(၁၄)နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများ ရရှိခဲ့၍ ဆေးကုသနိုင်ရေး မြိတ်မြို့နယ်ပြည်သူ့ဆေးရုံသို့ ပို့ဆောင်ထားကြောင်း သိရသည်။
ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်၊ Drop Bomb များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့် အပြစ်မဲ့ အရပ်သားပြည်သူများ ထိခိုက်ဒဏ်ရာ ရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။

MOHA

08 August 2025

အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်များ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၇ ရက် မွန်းလွဲ ၂ နာရီတွင် ကချင်ပြည်နယ်၊ ဖားကန့်မြို့နယ်အတွင်းရှိ အေးမြသာယာရပ်ကွက်၊ ယူမာကျေးရွာ၊ မှော်စီစာကျေးရွာနှင့် ဆိပ်မူကျေးရွာတို့၌ KIA လက်နက်ကိုင်သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများ ပူးပေါင်းအဖွဲ့က ပစ်ခတ်လိုက်သည့် လက်နက်ကြီးဗုံးသီးများ ကျရောက်ပေါက်ကွဲခဲ့မှုကြောင့် ကျောင်းသူ နှစ်ဦး သေဆုံးကာ သုံးဦး ထိခိုက်ဒဏ်ရာရရှိခဲ့ကြောင်း သတင်းအရ လုံခြုံရေးတပ်ဖွဲ့ဝင်များက ဖြစ်စဉ်အား စိစစ်ခဲ့ရာ ဩဂုတ် ၄ ရက်နှင့် ၅ ရက်တို့တွင် အဆိုပါရပ်ကွက်/ကျေးရွာများအတွင်းသို့ KIA လက်နက်ကိုင်သောင်းကျန်းသူအဖွဲ့နှင့် PDF အမည်ခံ အကြမ်းဖက်သမားများ ပူးပေါင်းအဖွဲ့က အများပြည်သူ ထိခိုက်စေရန် ရည်ရွယ်၍ လက်နက်ကြီးများဖြင့် ဆင်ခြင်တုံတရားမဲ့စွာ ပစ်ခတ် တိုက်ခိုက်ခဲ့မှုကြောင့် ဖားကန့်အခြေခံပညာအထက်တန်းကျောင်းမှ Grade-10 ကျောင်းသူများ ဖြစ်ကြသည့် ယူမာကျေးရွာနေ မရွှေသဇင်ဝင်း(၁၅)နှစ်၊ တစ်ရွာတည်းနေ မနီနီဝင်း(၁၈)နှစ်နှင့် ဆိပ်မူကျေးရွာနေ မခေတ်သစ်ဦး(၁၈)နှစ်၊ ငှက်ပျောတောအခြေခံပညာအလယ်တန်းကျောင်းခွဲမှ အေးမြသာယာရပ်ကွက်နေ Grade-4 ကျောင်းသူ မဟန်သူဇာထွန်း(၉)နှစ်၊ ကုဋေအခြေခံပညာမူလတန်းလွန်ကျောင်းမှ Grade-9 ကျောင်းသူ မဇွန်ရတီထက်(၁၄)နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများ ရရှိခဲ့ပြီး မရွှေသဇင်ဝင်းနှင့် မနီနီဝင်းတို့ နှစ်ဦးမှာ ရရှိထားသော ထိခိုက်ဒဏ်ရာများဖြင့် သေဆုံးသွားခဲ့ပြီး မဟန်သူဇာထွန်းနှင့် မခေတ်သစ်ဦးတို့မှာ ဆိပ်မူကျေးရွာရှိ မှော်ရှန်ဆေးရုံ၌ လည်းကောင်း၊ မဇွန်ရတီထက်မှာ ဖားကန့်မြို့နယ်ပြည်သူ့ဆေးရုံ၌ လည်းကောင်း အသီးသီးဆေးကုသမှုခံယူလျက်ရှိကြောင်း သိရသည်။
ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်၊ Drop Bomb များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့် အပြစ်မဲ့ ကျောင်းသူများ သေဆုံး/ထိခိုက်ဒဏ်ရာ ရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။

MOHA

08 August 2025

အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများ ထိခိုက်ဒဏ်ရာ ရရှိစေရန်နှင့် အကြောက်တရားများ လွှမ်းမိုးစေရန် ရည်ရွယ်ချက်များဖြင့် ဖမ်းဆီးသတ်ဖြတ်ခြင်း၊ ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်များ၊ Drone ဖြင့် Drop Bomb များ ပစ်ချတိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်လျက်ရှိသည်။
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၇ ရက် ည ၈ နာရီ ၃၀ မိနစ်တွင် မန္တလေးတိုင်းဒေသကြီး၊ မိတ္ထီလာမြို့နယ်ရှိ မိတ္ထီလာခရိုင်ပြည်သူ့ဆေးရုံ၌ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသမီး တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ဩဂုတ် ၆ ရက် ည ၇ နာရီတွင် မန္တလေးတိုင်းဒေသကြီး၊ တောင်သာမြို့နယ်၊ ကျောင်းရင်းကျေးရွာနေ ဒေါ်အေးလှ(၅၀)နှစ်သည် ၎င်း၏နေအိမ်၌ ရှိနေစဉ် နေအိမ်ပေါ်သို့ PDF အမည်ခံ အကြမ်းဖက်အဖွဲ့က အများပြည်သူ ထိခိုက်စေရန် ရည်ရွယ်၍ ပစ်ခတ်လိုက်သည့် လက်နက်ကြီးဗုံးသီး တစ်လုံး ကျရောက်ပေါက်ကွဲခဲ့မှုကြောင့် ၎င်းတွင် ဗုံးသီးပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော ရပ်ကွက်/ကျေးရွာများအတွင်းသို့ လက်နက်ကြီး၊ လက်နက်ငယ်၊ Drop Bomb များဖြင့် ပစ်ခတ်တိုက်ခိုက်ခြင်းများအား ဆင်ခြင်တုံတရားကင်းမဲ့စွာ ပြုလုပ်နေမှုများကြောင့်  အပြစ်မဲ့ အရပ်သားပြည်သူများ ထိခိုက်ဒဏ်ရာ ရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်းရရှိပါသည်။

MOHA

07 August 2025

တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားများ လွှမ်းမိုးစေရန်လည်းကောင်း၊ ၎င်းတို့နှင့်အမြင်အယူအဆ မတူသူ အပြစ်မဲ့ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။

ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၆ ရက် ည ၈ နာရီ ၅ မိနစ်တွင် မွန်ပြည်နယ်၊ သံဖြူဇရပ်မြို့နယ်၊ လင်မသာကျေးရွာအနီး၌ သေနတ်ဖြင့် ပစ်ခတ်ခံရ၍ အမျိုးသား တစ်ဦးနှင့် အမျိုးသမီး တစ်ဦး သေဆုံးသွားကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါကျေးရွာအနီးရှိ ဇရပ်ပေါ်၌ သံဖြူဇရပ်မြို့နယ်၊ ထင်းရူးကျေးရွာနေ ဦးဇော်သိန်းမြင့်(ခ)ကိုဇော်(၄၀)နှစ်နှင့် ၎င်း၏ဇနီးဖြစ်သူ ဒေါ်မူယာစန်း(ခ)မဉာဏ်(၄၀)နှစ်တို့ နှစ်ဦးအား ကျည်ထိမှန် ဒဏ်ရာများဖြင့် သေဆုံးနေသည်ကို တွေ့ရှိရသဖြင့် ဖြစ်စဉ်အား စိစစ်ခဲ့ရာ KNU အဖွဲ့မှ အကြမ်းဖက်မှုကို လိုလားသူများနှင့် PDF အမည်ခံ အကြမ်းဖက်သမားများ ပူးပေါင်း အဖွဲ့ အင်အား(စိစစ်ဆဲ)က “ဒလန်” ဟုစွပ်စွဲပြောဆို၍ သေနတ်ဖြင့် ပစ်ခတ်သတ်ဖြတ်သွားခဲ့ခြင်းကြောင်း သိရသည်။

ထိုသို့ အပြစ်မဲ့ အရပ်သားပြည်သူ နှစ်ဦးအား “ငါနှင့်မတူ၊ ငါ့ရန်သူ” ဟူသည့် တစ်ဖက်သတ် အစွန်းရောက် ဂိုဏ်းဂဏစွဲအပေါ် အခြေခံကာ သေနတ်ဖြင့် ပစ်ခတ်သတ်ဖြတ်မှု ကျူးလွန်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက် ဆောင်ရွက်လျက်ရှိကြောင်း သတင်းရရှိပါသည်။

MOHA