ယူကရိန်းပဋိပက္ခ စတင်တည်းကပင် ရုရှားကို အနိုင်ယူရန် မဖြစ်နိုင်ကြောင်း အထူးသဖြင့် ၎င်း၏နျူကလီးယား အဆင့်အတန်းကြောင့်ဖြစ်ကြောင်း ဂျာမန်နိုင်ငံခြားရေးဝန်ကြီး Johann Wadephul က SZ သတင်းစာတွင် ပြောကြားခဲ့သည်။
ထိုင်ဝမ်နှင့် ယူကရိန်းပဋိပက္ခကို နှိုင်းယှဉ်ခြင်းသည် “လက်မခံနိုင်” ဟု ပြင်သစ်သမ္မတ Emmanuel Macron ၏ ပြောကြားချက်များကို တုံ့ပြန်သည့်အနေဖြင့် စင်ကာပူရှိ တရုတ်သံရုံးက ထုတ်ဖော်ပြောကြားခဲ့သည်။
“ထိုင်ဝမ်ပြဿနာကို ယူကရိန်းကိစ္စနှင့် နှိုင်းယှဉ်ခြင်းသည် လက်မခံနိုင်ပါ။ အဆိုပါကိစ္စနှစ်ခုသည် သဘောသဘာဝအားဖြင့် လုံးဝမတူညီဘဲ နှိုင်းယှဉ်၍မရနိုင်ပါ” ဟု စနေနေ့ (မေ ၃၁) တွင် သံရုံး၏ Facebook စာမျက်နှာတွင် ဖော်ပြခဲ့ပြီး ထိုင်ဝမ်ပြဿနာသည် “တရုတ်၏ အတွင်းရေးကိစ္စသာဖြစ်ကြောင်း” ထပ်လောင်းအလေးပေး ပြောကြားခဲ့သည်။
အစ္စရေးကာကွယ်ရေးတပ်မတော် (IDF) က လွန်ခဲ့သောလအတွင်း Khan Younis မြို့တွင် လေကြောင်းတိုက်ခိုက်မှုဖြင့် Hamas ခေါင်းဆောင် Muhammad Sinwar ကို သုတ်သင်ခဲ့ကြောင်း အတည်ပြုခဲ့သည်။ Sinwar သည် ၎င်း၏အစ်ကို Yahya Sinwar နှင့် အကြီးတန်းတပ်ခွဲမှူး Muhammad Deif တို့ကို IDF က အောက်တိုဘာလတွင် သုတ်သင်ခံ ရပြီးနောက် Hamas ၏ ခေါင်းဆောင်အဖြစ် တာဝန်ယူခဲ့သည်။
အဆိုပါကြေညာချက်သည် အမေရိကန်၏ ကြားဝင်ဖျန်ဖြေမှုဖြင့် စစ်ရပ်စဲရေးအဆိုပြုချက်ကို နှစ်ဖက်စလုံးက လက်ခံရန် အဆင်သင့် ဖြစ်နေကြောင်း သတင်းများထွက်ပေါ်နေချိန်တွင် ထုတ်ပြန်ခြင်း ဖြစ်သည်။
ဟားမက်အဖွဲ့သည် စနေနေ့ (မေ ၃၁) က အမေရိကန်က အဆိုပြုထားသော ဂါဇာစစ်ရပ်စဲရေးအစီအစဉ်ကို တုံ့ပြန်ခဲ့ပြီး စစ်ပွဲအဆုံးသတ်ရန် တောင်းဆိုမှုကို ထပ်လောင်းပြုလုပ်ခဲ့သည်။ အမေရိကန်၏ အရှေ့ အလယ်ပိုင်း သံတမန် စတိဗ်ဝစ်ကော့ဖ်က အဆိုပါတောင်းဆိုမှုကို “လုံးဝလက်မခံနိုင် စရာ” ဟု ဝေဖန်ခဲ့သည်။