နယူးယောက် ဇွန် ၂၉

အမေရိကန်နိုင်ငံ အခြေစိုက် စပေ့စ်အိတ်စ်ကုမ္ပဏီသည် ဇွန် ၂၈ ရက် တစ်ရက်တည်းတွင် စတား လင့်ခ်ဂြိုဟ်တုမစ်ရှင် နှစ်ခုကို အောင်မြင်စွာ လွှတ်တင်ခဲ့ကြောင်း ယနေ့သတင်းများအရ သိရသည်။

ဇွန် ၂၈ ရုတ်၏ပထမမစ်ရှင် အဖြစ် စပေ့စ်အိတ်စ်ကုမ္ပဏီသည် ဖလော်ရီဒါပြည်နယ် ကိပ်ကာနေဗာရယ် အာကာသစခန်းမှတစ်ဆင့် ဖယ်လ်ကွန်-၉ ဒုံးပျံဖြင့် လွှတ်တင်ခဲ့ခြင်းဖြစ်သည်။

လွှတ်တင်ပြီး မိနစ် ၅၀ ခန့် အကြာတွင် ဖယ်လ်လွန်-၉ ဒုံးပျံ သည် အထက်ပါစတားလင့်ခ်ဂြိုဟ်တု ၂၇ စင်းကို သတ်မှတ်ပတ်လမ်းပေါ်သို့ ပို့ဆောင်ပေးနိုင်ခဲ့သည်။

စကားလင့်ခ်မစ်ရှင်ကို စပေ့စ်အိတ်စ်ကုမ္ပဏီသည် ကယ်လီဖိုးနီးယားပြည်နယ် ဗင်ဒန်ဘာ့ဂ် အာကာသစခန်းမှတစ်ဆင့် လွှတ်တင်ခဲ့သည်။

အဆိုပါ မစ်ရှင်အတွင်း ဖယ်လ်ကွန်-၉ ဒုံးပျံသည် လွှတ်တင်ပြီး တစ်နာရီခန့်အကြာ တွင် စတာလင့်ခ်ဂြိုဟ်တု ၂၆ သို့ ပို့ဆောင်ပေးနိုင်ခဲ့သည်။

အထက်ပါ မစ်ရှင်နှစ်ခု အောင်မြင်မှုကြောင့် စပေ့စ်အိတ် ကုမ္ပဏီ၏ စတားလင့်ခ်အင်တာ နက်ဂြိုဟ်တုကွန်ရက်၌ လုပ်ငန်းလည်ပတ်ဆဲ ဂြိုဟ်တုအရေ အတွက်မှာ ၇၉၀၀ ထိရှိလာမည် ဖြစ်ကြောင်း သိရသည်။

Ref: Russia Today

Photo - ssbcrack

ဝါရှင်တန် ဇွန် ၂၉

Ax-4 ပုဂ္ဂလိက အာကာသ မစ်ရှင်အရ Space X ကုမ္ပဏီက လွှတ်တင်ခဲ့သော Crew Dragon အာကာသ လူသယ်ယာဉ်သည် နိုင်ငံတကာ အာကာသစခန်းနှင့် ချိတ်ဆက်နိုင်ခဲ့ကြောင်း ဇွန် ၂၈ ရက် သတင်းများအရ သိရသည်။

ဂရေ့စ်ဟူ၍ အမည်ပေးထားသည့် Crew Dragon အာကာသ လူသယ်ယာဉ်သည် လွတ်တင်ပြီး ၂၈ နာရီအကြာတွင် နိုင်ငံတကာ အာကာသစခန်းနှင့် အောင်မြင်စွာ ချိတ်ဆက်နိုင်ခဲ့ကြောင်း သိရသည်။

ချိတ်ဆက်မှုပြုလုပ်နိုင်ခဲ့ပြီး နောက် Ax-4 ပုဂ္ဂလိက အာကာသ ယာဉ်မှူး လေးဦးတို့သည် နိုင်ငံတကာ အာကာသစခန်းပေါ်သို့ တက်ရောက်ခဲ့ကြသည်။

Ax-4 ပုဂ္ဂလိက အာကာသ ယာဉ်မှူး လေးဦးတို့သည် နိုင်ငံတကာ အာကာသစခန်းပေါ်၌ သီတင်းနှစ်ပတ်ကြာ နေထိုင်၍ သိပ္ပံပညာစမ်းသပ်မှုများ ပြုလုပ်မည်ဖြစ်သည်။

Ax-4 ပုဂ္ဂလိက အာကာသယာဉ်မှူး လေးဦးထပ်မံရောက်ရှိလာမှုကြောင့် နိုင်ငံတကာ အာကာသစခန်းပေါ်၌ နိုင်ငံပေါင်းခြောက် နိုင်ငံတို့မှ အာကာသယာဉ်မှူး ၁၁ ဦးထိ ရှိလာခဲ့ပြီဖြစ်သည်။

Space X ကုမ္ပဏီသည် Ax-4 Crew Dragon အာကာသလူသယ်ယာဉ်ကို ဇွန် ၂၅ ရက်တွင် ဖယ်လ်ကွန်-၉ ဒုံးပျံဖြင့် လွှတ်တင်ခဲ့ခြင်း ဖြစ်ကြောင်း သိရသည်။

Ref: Sputnik News

Trs: KKO

YDNB Newspaper

ဝါရှင်တန် ဇွန် ၂၉ 
Rocket Lab ကုမ္ပဏီသည် ဗာဂျီးနီးယားပြည်နယ် အခြေစိုက် ဟော်ကီယေး ၃၆ဝ အမည်ရှိ ပုဂ္ဂ လိက ကုမ္ပဏီတစ်ခု၏ ဂြိုဟ်တု လေးစင်းကို ဇွန် ၂၇ ရက်တွင်

အောင်မြင်စွာ လွှတ်တင်ပေးခဲ့ ကြောင်း ဇွန် ၂၈ ရက် သတင်းများ အရ သိရသည်။

Rocket Lab ကုမ္ပဏီသည် ဟော်ကီလေး ၃၆၀ ကုမ္ပဏီ ဂြိုဟ် တု လေးစင်းကို အီလက်ထရွန်ဒုံးပျံဖြင့် နယူးဇီလန်နိုင်ငံမှ တစ်ဆင့် လွှတ်တင် ခဲ့ခြင်းဖြစ်ကြောင်း သိရသည်။

လွှတ်တင်ပြီး တစ်နာရီအကြာ တွင် အီလက်ထရွန်ဒုံးပျံသည် သယ်ဆောင်ထားသည့် ဂြိုဟ်တုလေးစင်းကို ကမ္ဘာမြေပြင်အထက် မိုင် ၃၂ဝ အကွာရှိ ပတ်လမ်းပေါ် သို့ ပို့ဆောင်ပေးနိုင်ခဲ့ကြောင်း သိရသည်။

ဇွန် ၂၇ ရက် မစ်ရှင်သည် Rocket Lab  ကုမ္ပဏီက ဟော်ကီယေး ၃၆ဝ ကုမ္ပဏီ အတွက် လွှတ် တင်ပေးခဲ့သော ဒုတိယမြောက် မစ်ရှင်ဖြစ်သည်။

ဟော်ကီယေး ၃၆ဝ ကုမ္ပဏီ အတွက် ပထမဆုံးမစ်ရှင်ကို Rocket Lab ကုမ္ပဏီက ၂၀၂၃ ခုနှစ် ဇန်နဝါရီလတွင် အီလက်ထရွန်ဒုံးပျံနှင့်ပင် လွှတ်တင်ပေးခဲ့သည်။

ဇွန် ၂၇ ရက် မစ်ရှင်သည် Rocket Lab  ကုမ္ပဏီ၏ ၂၀၂၅  ခုနှစ်အတွက် ကိုးခုမြောက်မစ်ရှင် ဖြစ်ပြီး အီလက်ထရွန်ဗုံးပျံများ၏ ၆၇ ကြိမ်မြောက် မစ်ရှင်ဖြစ် ကြောင်း သိရသည်။

Ref: Russia Today

Trs: KKO

YDNB Newspaper

ဂျပန်နိုင်ငံသည် နိုင်ငံ၏ထင်ရှားသော အာကာသယာဉ်လွှတ်တင်ရေးဒုံးပျံဖြစ်သည့် H2A အမျိုးအစားဒုံးပျံကို အကြိမ် (၅၀) မြောက်အဖြစ် ဇွန်လ ၂၉ ရက်နံနက် အစောပိုင်းတွင် အောင်မြင်စွာလွှတ်တင်လိုက်ကြောင်းသိရသည်။

အဆိုပါလွှတ်တင်မှုကို ကာဂိုရှီးမား စီရင်စုရှိ တာနေဂါရှီးမားအာကာသစခန်းမှနံနက် ၁ နာရီ ၃၃ မိနစ်တွင်လုပ်ဆောင်ခြင်းဖြစ်ပြီး ထိုဒုံးပျံက Ibuki GW ဂြိုဟ် တုကိုသယ်ဆောင်သွားခြင်းဖြစ်သည်။

ယင်းဂြိုဟ်တုကို ပတ်ဝန်းကျင်ထိန်းသိမ်းရေး၀န်ကြီးဌာန၊ ပတ်ဝန်းကျင် လေ့လာရေးအဖွဲ့နှင့် ဂျပန်လေကြောင်း အာကာသလေ့လာရေး အေဂျင်စီတို့က ဖန်တီးထားခြင်းဖြစ်ပြီး အာကာသမှနေ၍ ဖန်လုံအိမ်ဓာတ်ငွေ့များကို စောင့်ကြည့်သွားမည်ဖြစ်သည်။

ဂျပန်နိုင်ငံက H2A ဒုံးပျံကို ၂၀၀၁ ခုနှစ် ကတည်းက စတင်အသုံးပြုလာခြင်းဖြစ် ပြီး ဂျပန်နိုင်ငံ၏သိပ္ပံနှင့်အာကာသ လေ့လာရေးလုပ်ဆောင်ချက်များတွင် အရေးပါသောအခန်းကဏ္ဍမှ ပါဝင်ခဲ့ခြင်း ဖြစ်ကြောင်းသိရသည်။ 

Ref. Xinhua

MWD Daily Newspaper

Photo - Nippon

ဩစတြေးလျ သိပ္ပံပညာရှင်များသည် အီလက်ထရွန်နစ် အမှိုက်များမှ ရွှေကိုရေ ရှည်ထုတ်ယူနိုင်မည့် နည်းလမ်းတစ်ခုကို တီထွင်လိုက်ကြောင်း သိရသည်။ အဆိုပါ နည်းလမ်းကြောင့် တစ်ဖက်တွင် ရွှေကို အလွယ်တကူ ထုတ်ယူနိုင်မည်ဖြစ်သည့်အပြင် အခြားတစ်ဖက်တွင်လည်း သဘာဝပတ်ဝန်းကျင်အပေါ် ထိခိုက်မှုကိုလျှော့ချ နိုင်စေမည်ဖြစ်သည်။

၂၀၂၂ ခုနှစ်တွင် အီလက်ထရွန်နစ်သုံးပစ္စည်းများမှ ထွက်ရှိသည့် အမှိုက်တန်ချိန် ၆၂ သန်းအထိ ရောက်ရှိခဲ့ကြောင်း၊ ယခု နည်းလမ်းအသစ်သည် ရွှေကိုပြန်လည် ဆယ်ယူရေးနှင့် ပတ်ဝန်းကျင်ကို ထိခိုက်မှုရှိစေသော ရွှေတူးဖော်ရေးအပေါ် မှီခိုနေရမှုကိုလျှော့ချနိုင်ရေး အလွန်ကောင်းမွန်သည့် နည်းလမ်းတစ်ခုဖြစ်ကြောင်း တောင်ဩစတြေးလျပြည်နယ်ရှိ ဖလင်ဒါတက္ကသိုလ်က ယခုသီတင်းပတ်အတွင်းထုတ် ပြန်သောထုတ်ပြန်ချက်တွင် ဖော်ပြထားသည်။

ထိုနည်းလမ်းမှာ အလွယ်တကူရရှိနိုင်သည့် ပိုးသတ်ပစ္စည်း တစ်မျိုးဖြစ်သော ထရိုင်ကလိုရိုင်ဆိုဆိုင်ရာ နောရစ်အက်စစ် အသုံးပြုပြီး ရွှေကိုအရည်ပျော်အောင် လုပ်ဆောင်ခြင်းဖြစ်ကြောင်း၊ ယင်းနည်းလမ်းမှနေ၍ ဆိုင်ရာနိုက် သို့မဟုတ် မာကျူရီ များထွက်ပေါ်လာစေခြင်း မရှိကြောင်း၊ ထိုနည်းလမ်းကို ရွှေသန့်စင်ရာတွင်လည်း အသုံးပြုနိုင်ကြောင်း ထုတ်ပြန်ချက်တွင် ဖော်ပြထားသည်ဟု သိရသည်။

MWD Portal