စက်ရုပ်နည်းပညာတွေ အဆင့်မြင့်မားလာတဲ့ အထဲမှာ ခွဲစိတ်ခန်းသုံးစက်ရုပ်တွေ လည်းပါဝင်ပါတယ်။ အရင်တုန်းက ခွဲစိတ်ခန်းသုံး စက်ရုပ်တွေကို လူသားခွဲစိတ်ဆရာ ဝန်တွေရဲ့ အထောက်အပံ့ပေးရေး ကိရိယာတစ်ခုအဖြစ် အသုံးပြုခဲ့တာပါ။ အခုလက်ရှိမှာတော့  ခွဲစိတ်ခန်းသုံး စက်ရုပ်တွေက ခွဲစိတ်ဆရာဝန်တွေရဲ့ ကြားဝင်ကူညီပေး မှုတောင်မလိုတော့ဘဲနဲ့ အလိုအလျောက် ခွဲစိတ်မှုများကို လုပ်ဆောင်လာနိုင်နေပါပြီ။ ဒါက ခွဲစိတ်ခန်းသုံး စက်ရုပ်တွေရဲ့စွမ်းရည်ကို တစ်ခေတ်ဆန်းသစ် လာစေတာပါ။

အမေရိကန်အစိုးရက ငွေကုန်ကြေးကျခံပြီး ဂျွန်ဟော့ကင်းတက္ကသိုလ်က ထုတ်လုပ်ထားတဲ့ ခွဲစိတ်ခန်းသုံး စက်ရုပ်တစ်မျိုးဟာ လူနာရဲ့သည်းခြေအိတ်ကို ဖယ်ရှားရာမှာ လူသားခွဲစိတ်ဆရာဝန်ရဲ့ အကူအညီမပါဘဲ အလိုအလျောက်စနစ်နဲ့ လုပ်ငန်း အဆင့်ဆင့်ကို တစ်ချက်မမှား ဆောင်ရွက် သွားနိုင်တာ တွေ့ရပါတယ်။

အခုစက်ရုပ်ကိုတော့ SRT-H အမျိုးအစားလို့ ခေါ်ပါတယ်။ သူက သည်းခြေ အိတ်ကိုဖယ်ရှားရာမှာ လုပ်ဆောင်ရမယ့် အရေးကြီးအဆင့်ပေါင်း ၁၇ ဆင့်ကို ကိုယ် တိုင် လုပ်ဆောင်သွားတာပါ။ အဲဒီအဆင့်တွေထဲမှာ ခန္ဓာကိုယ်ရှိ အရည်သယ်ပြွန်နဲ့ သွေးကြောများကိုခွဲခြားသိရှိခြင်း၊ ညှပ်ကို အသုံးပြုခြင်း၊ ကတ်ကြေးနဲ့ညှပ်ခြင်းတို့ ပါဝင်ပါတယ်။

MWD Web Portal

အင်္ဂတေဆိုတာက ခေတ်ဟောင်းကာလမှသည် ခေတ်သစ်ကာလအထိ တည်ဆောက်ရေးလုပ်ငန်းတွေမှာ မဖြစ်မနေ အသုံးပြုနေရတဲ့ အရာတစ်ခုဖြစ်ပါတယ်။ ဒါ့အပြင် အရေးကြီးတဲ့ အရာတစ်ခုလည်း ဖြစ်ပါတယ်။ တစ်ဖက်မှာကောင်းကျိုးရှိ သလို တစ်ဖက်မှာကျတော့ ပတ်ဝန်းကျင်ကို ညစ်ညမ်းစေတဲ့ ဆိုးကျိုးလည်း ရှိနေပြန်ပါတယ်။ အခုအမေရိကန် သိပ္ပံပညာရှင်များက အင်္ဂတေအမျိုးအစား တစ်မျိုးကို ဆန်းသစ် တီထွင်လိုက်ပါတယ်။ အဲဒီအမျိုးအစားက ကျောက်ဖြစ်ရေညှိတွေကို သရီးဒီပရင်တာနဲ့ ပေါင်းစပ်ပြီး အင်္ဂတေရဲ့အတွင်းပိုင်း ပုံစံကိုပြန်လည် ပြင်ဆင် ထားတာဖြစ်ပါတယ်။ သူကအလေးချိန် ပေါ့ပါးတယ်။ ဘိလပ် မြေပါဝင်မှု နည်းတယ်။ ခိုင်ခံ့မှုက အရင်လိုပဲ ရှိပေမယ့် ကာဗွန်စုပ်ယူမှုမှာတော့ ၁၄၂ ရာခိုင်နှုန်း ပိုများပါတယ်။

MWD Web Portal

အမေရိကန်နိုင်ငံ ဗာဂျီးနီးယားအခြေစိုက် ကာကွယ်ရေးကုမ္ပဏီ တစ်ခုဖြစ်တဲ့ RTX က အသေခံလက်နက်များကိုအဆင့်မြှင့်တင်မှုများ လုပ်ဆောင်နေပါတယ်။ အဲဒီလိုအဆင့်မြှင့်တင်မှုမှာ အသေခံလက်နက်များအနေနဲ့ ပစ်မှတ်မျိုးစုံကို ချေမှုန်းနိုင်ဖို့ အတွက် အလိုအလျောက်စနစ် အသုံးပြုမှုလည်း ပါဝင်ပါတယ်။

ဒီအတွက် RTX က Shield AI နဲ့ လက်တွဲလာတာဖြစ်ပါတယ်။ အထူးသဖြင့် Shield AI ရဲ့ Hivemind ကို အသုံးပြုထားတာပါ။ Hivemind ဆိုတာက AI စွမ်းရည် သုံးစနစ်တစ်ခုဖြစ်ပြီး အသေခံလက်နက်များရဲ့  မောင်းသူမဲ့စွမ်းဆောင်ရည်ကို တိုးမြင့်စေပါတယ်။

ပူးပေါင်းလေကြောင်းရန် ကာကွယ်ရေးကို ချိုးဖောက်ဝင်ရောက်မှု၊ SCUD ဒုံးကျည်ကို ရှာဖွေချေမှုန်းမှု၊ သတ်မှတ်နယ်မြေထဲ ကင်းထောက်မှု၊ လေကြောင်းရန်တုံ့ပြန်မှု၊ မိုးကုပ်စက်ဝိုင်းအလွန် တိုက်ခိုက်မှု အစရှိတဲ့ များပြားလှစွာသော စစ်ဆင်ရေးများကို ဆင်နွှဲနိုင်စေဖို့အတွက်  ဒီစနစ်ကိုလေ့ကျင့် သင်ကြားပေးနိုင်ပါတယ်။

ဒါ့အပြင် အခုလိုမျိုး RTX နဲ့ Shield AI တို့ရဲ့ပူးပေါင်းမှုက အလိုအလျောက်စနစ် အသုံးပြု   စစ်လက်နက်နည်းပညာကို တစ်ခေတ်ဆန်းသစ်လာစေမှာပါ။ Shield AI က သူတို့ရဲ့ Hivemind စွမ်းဆောင်ရည် တချို့ကို မကြာသေးခင်က ထုတ်ဖော်ပြသထားရာ တခြားသောလက်နက်စနစ်များကိုလည်း အလိုအလျောက် ထိန်းချုပ်နိုင်စွမ်း ရှိတာတွေ့ရပါတယ်။

MWD Web Portal

တရုတ်နိုင်ငံမှ XPeng ကုမ္ပဏီက G7 SUV ကို တရားဝင် မိတ်ဆက်လိုက်ပါပြီ။ လျှပ်စစ်စွမ်းအင်သုံး ကားဖြစ်တာနဲ့အညီ အဆင့်မြင့်နည်းပညာတွေကို ထည့်သွင်း ပေးထားပေမယ့် ဈေးနှုန်းကတော့ သူ့ရဲ့ အဓိကပြိုင်ဘက်ဖြစ်တဲ့ Tesla Model Y ထက်နည်းပါးပါတယ်။ G7 ရဲ့တန်ဖိုးက ယွမ် ၁၉၅၈၀၀ သာရှိတဲ့အတွက် Tesla Model Y ထက် ၂၆ ရာခိုင်နှုန်းဈေးသက်သာပါတယ်။

အရွယ်အစားကလည်း Tesla Model Y ထက်ပိုကြီးသလို အတွင်းပိုင်းကလည်း ပိုကျယ်ပါတယ်။ ဒါကြောင့် မိသားစုစီး ကားအဖြစ်ရွေးချယ်ကြတဲ့အတွက် မိတ်ဆက်ပြီး တစ်မိနစ်အတွင်းမှာပင် အစီးရေ ၁၀၀၀ ရောင်းထွက်သွားပါတယ်။ ဒါဟာ XPeng အတွက်အောင်မြင်မှုတစ်ခုဖြစ်လာ တယ်လို့ဆိုနိုင်ပါတယ်။  

MWD Web Portal

တရုတ်နိုင်ငံမှာ ဆိုလာပြားတွေကိုတပ်ဆင်ထားတဲ့ ငါးမွေးမြူရေးကန်တစ်ခုရှိပါတယ်။ အခု အဲဒီကန်မှာရှိတဲ့ ဆိုလာပြားတွေကနေ ဓာတ်အားလိုင်းဆီကို လျှပ်စစ်ဓာတ်အားတွေ ပို့လွှတ်နိုင်နေပါပြီ။ အဲဒီကနေထွက်ရှိတဲ့ လျှပ်စစ်ဓာတ်အားပမာဏက မဂ္ဂါဝပ် ၂၅၀ ရှိပါတယ်။   ဒါကြောင့် အဲဒီကန်ဟာ ကမ္ဘာ့အကြီးဆုံးသော ဆိုလာပြားတပ်ငါးမွေးမြူရေးကန်ဖြစ်လာပါပြီ။

ပေကျင်းမြို့အခြေစိုက် Dajin Heavy Industry က အဆိုပါစီမံကိန်းကို အကောင်အထည်ဖော်တာဖြစ်ပြီး ဒီစီမံကိန်းက ရရှိတဲ့မြေနေရာကို အကောင်းဆုံး အကျိုးရှိစွာအသုံးချခြင်းအတွက် ပြယုဂ်တစ်ခုဖြစ်တယ်လို့ဆိုပါတယ်။

အခုဆိုလာပြားတွေတပ်ဆင်ပြီး လျှပ်စစ်ဓာတ်အားထုတ်လုပ်ပေးနေတဲ့ ငါးကန်က အကျယ်အားဖြင့် ၃၅၃ ဟက်တာရှိပါတယ်။ တပ်ဆင်ထားတဲ့ ဆိုလာပြားအချပ်ရေ ၃၇၀၀၀၀ က ကျောချင်းကပ်ဖြစ်တာကြောင့် အပေါ်ပိုင်း ဆိုလာပြားက နေရောင်ခြည်စွမ်းအင်ကို တိုက်ရိုက်ရယူပြီး အောက်ပိုင်းရှိဆိုလာပြားက ရေမှအလင်းပြန်လာတဲ့ နေရောင်ခြည်မှ စွမ်းအင်ရယူတာဖြစ်တယ်လို့ ဆိုပါတယ်။

MWD Web Portal

Jeep ဆိုတာက လမ်းကြမ်းသုံးကားတွေကို ထုတ်လုပ်ရာမှာ နာမည်ကြီးလှပါတယ်။ ဒါဟာ သူ့ရဲ့ဂုဏ်ပုဒ်တစ်ခုဆိုရင် လည်းမမှားပါဘူး။ မကြာသေးခင်က ထွက်ပေါ်လာတဲ့ သူတို့ရဲ့နောက်ဆုံးထုတ်ကားဖြစ်တဲ့ Jeep Compass မှာတော့ အပြင် ပိုင်းကိုအကြမ်းခံနိုင်အောင် လုပ်ဆောင်ထားသလို အတွင်းပိုင်းလည်း အကြမ်းခံ မယ့်ပုံစံနဲ့မြင်တွေ့လိုက်ရပါတယ်။

လမ်းကြမ်းမောင်းတဲ့ကားတွေတော်တော်များများက အတွင်းပိုင်းမှာ ညစ်ပတ်လေ့ရှိပါတယ်။ ဒီအချက်ကို Jeep Com-pass က ပြောင်းပြန်လှန်လိုက်တာပါ။

အင်ဂျင်နီယာများက အတွင်းပိုင်းမှာတော်ရုံ အားဖြင့်ညစ်ပတ် စွန်းထင်းမှုမရှိစေမယ့် ကုန်ကြမ်းတွေကို အသုံးပြုထားပါတယ်။ ခုံတွေဆိုရင်လည်း သူတို့ကို အလွယ်တကူ သန့်ရှင်းရေးလုပ်နိုင်စေဖို့ ဖန်တီးထားတာ ဖြစ်ပါတယ်။     

MWD Web Portal

Porsche ဆိုတဲ့ကုမ္ပဏီက မော်တော်ကားလောကမှာတော့   တကယ့်ကိုထိပ်ခေါင်တင်ပါပဲ။ သူထုတ်လုပ်လိုက်သမျှ ကားတွေမှာ အားနည်းချက် ဆိုလို့အနည်း ငယ်မျှသာ ရှိတယ်လို့ဆိုနိုင်ပါတယ်။ အခုလည်း လျှပ်စစ်စွမ်းအင်သုံး ကားတစ်စီးကို တရားဝင် မထုတ်လုပ်ရသေးဘဲ ရှေ့ပြေး ပုံစံအဆင့်မှာတင် စံချိန်တွေကိုချိုးသွား တာတွေ့ရပါတယ်။

အခုစမ်းသပ်လိုက်တဲ့ရှေ့ပြေးပုံစံအရ ဆိုရင် SUV အမျိုးအစား လျှပ်စစ်စွမ်းအင်သုံး Cayenne ဖြစ်ပြီး သူ့ကိုသမားရိုးကျလမ်းမများထက်မှာ စမ်းသပ်မှုလုပ်တာ မဟုတ်ဘဲ တောတွင်းလမ်းကြမ်းနေရာမှာ စမ်းသပ်မှု လုပ်ခဲ့တာပါ။

အဲဒီစမ်းသပ်မှုထဲမှာ ၉၁၄ မီတာအရှည် ရှိတဲ့ တောင်တက်လမ်းတစ်ခုကို ၃၁ ဒသမ၂၈ စက္ကန့်နဲ့  အရောက်မောင်းနှင်နိုင်တာ တွေ့ရပါတယ်။ ဒါဟာ ယခင် SUV ကတင်ထားတဲ့ စံချိန်ထက် လေးစက္ကန့်ပိုများပါတယ်။

Porsche က အခုရှေ့ပြေးပုံစံကားမှာ Porsche Active Ride ဆိုတဲ့အောက်ပိုင်း စနစ်ကိုအသုံးပြုထားတာဖြစ်ပါတယ်။

ဒီစနစ်က ကားကိုရုတ်တရက် ဘရိတ်အုပ်တဲ့အချိန်တွေ၊ အရှိန်တင်တဲ့အချိန်တွေ၊ ကွေ့တဲ့အချိန်တွေမှာ ကားရဲ့အမြင့်ကိုတစ်ပြေးညီတည်းရှိစေဖို့ အကောင်းဆုံး ထောက်ပံ့ပေးတာဖြစ်ပါတယ်။

MWD Web Portal

ကယ်လီဖိုးနီးယားပြည်နယ် အခြေစိုက် MightyFly ကုမ္ပဏီက ကုန်တင်လေယာဉ် အမျိုးအစားတစ်မျိုးကို   အောင်မြင်စွာ စမ်းသပ်ပြလိုက်နိုင်ပါတယ်။ ဒီကုန်တင်ယာဉ်က သမားရိုးကျကုန်တင်ယာဉ် မဟုတ်ပါဘူး။

လျှပ်စစ်စွမ်းအင်အသုံးပြုပြီး  ဒေါင်လိုက် အတက်အဆင်း လုပ်နိုင်တဲ့  မောင်းသူမဲ့ လေယာဉ်တစ်မျိုးဖြစ်ပါတယ်။

MightyFly ကုမ္ပဏီက အမေရိကန်လေတပ်အတွက် ဖန်တီးပေးထားတဲ့ အဲဒီလေယာဉ်က မိုင်ပေါင်း ၆၀၀ အထိကိုသွားနိုင်ပြီး ကုန်ပစ္စည်း အထုပ်အပိုးတွေကိုလည်း သတ်မှတ်ထားတဲ့ နေရာအရောက် အလိုအလျောက် ထားရှိပေးနိုင်မှာပါ။ ဒီစနစ်က ဘေးကင်းစိတ်ချရမှုရှိပြီး   တစ်ခေတ်ဆန်းသစ်စေမယ့် သယ်ယူပို့ဆောင်ရေး စနစ်ကို အာမခံချက်ပေးနိုင်မှာဖြစ်တယ်လို့ဆိုပါတယ်။      

MWD Web Portal

လူသားတွေဖြစ်ဖြစ်၊ တိရစ္ဆာန်တွေဖြစ်ဖြစ် ကိုယ်လက်အင်္ဂါတွေကို ဖြတ်လိုက်ရခြင်း ဒါမှမဟုတ် ပြတ်တောက်သွားခြင်း တို့ကြောင့် ကြီးစွာသော ဆုံးရှုံးမှုများဖြစ်ရပါတယ်။ အဲဒီဆုံးရှုံးမှုဟာ ဘယ်လိုမှပြန်မရနိုင်တဲ့ ဆုံးရှုံးမှုကြီးလည်းဖြစ်ပါတယ်။

အခုတော့ အဲဒီဆုံးရှုံးမှုဆိုတာကြီးက မရှိလာနိုင်တော့ပါဘူး။ အကြောင်းရင်းက သုတေသနပညာရှင်များဟာ မျိုးရိုးဗီဇ ပြောင်းလဲခြင်းအားဖြင့် ပျက်စီးဆုံးရှုံးသွားတဲ့ ကိုယ်လက်အင်္ဂါတွေကို ပြန်ပေါက်စေမယ့်နည်းလမ်းကို ရှာဖွေတွေ့ရှိလိုက်လို့ပဲ ဖြစ်ပါတယ်။

တရုတ်နိုင်ငံ‌ ပေကျင်းမြို့ရှိ အမျိုးသား ဇီဝသိပ္ပံဌာနမှ သုတေသန ပညာရှင်များက ကြွက်တစ်ကောင်ရဲ့ ပျက်စီးသွားတဲ့ နားတစ်ဖက်ကို ပြန်ထွက်လာစေအောင် လုပ်ဆောင်နိုင်ခဲ့တာပါ။ ဒါကြောင့် ဆုံးရှုံးလိုက်ရတဲ့ ကိုယ်လက် အင်္ဂါတွေကို ပြန်ပေါက်စေမယ့်နည်းလမ်းက  အမှန်တကယ်ရှိတယ် ဆိုတာကို သူတို့ကသက်သေပြနိုင်ခဲ့တာ တွေ့ရပါတယ်။

သုတေသနပညာရှင်များက အရေးပါတဲ့ မော်လီကျူးတစ်ခုဖြစ်တဲ့ ရက်တီနိုးအစ်အက်စစ်ကို  အဓိကပစ်မှတ်ထားပြီး လေ့လာမှု လုပ်ခဲ့တာပါ။ သူတို့ရဲ့လေ့လာချက်အရ အဲဒီ ရက်တီနိုးအစ်အက်စစ် ပြတ်လပ်မှုက ကြွက်ရဲ့နားကိုပြန်ပေါက်နိုင်ခြင်း မရှိစေဖို့ တားမြစ်ထားတယ် ဆိုတာကိုတွေ့ရှိရပါတယ်။ ရက်တီနိုးအစ်အက်စစ် ဆိုတာ ကလာပ်စည်းတွေ ဖွံ့ဖြိုးတိုးတက်မှုနဲ့ တစ်သျှူးတွေကိုပြုပြင်မှုအတွက်  အရေးပါတဲ့ မော်လီကျူး ဖြစ်ပါတယ်။    

MWD Web Portal

Ocean Infinity ဆိုတဲ့ ကုမ္ပဏီက ပင်လယ်ပြင်ရှာဖွေရေးမှာ နာမည်ကြီးလှပါတယ်။ အခုအဲဒီကုမ္ပဏီက မြန်နှုန်းမြင့်လှတဲ့ အလိုအလျောက် ကင်းလှည့်ရေယာဉ်တစ်စင်းကို ထုတ်ဖော်ပြသခြင်းအားဖြင့် နယ်ပယ်အသစ်ထဲကို ဝင်ရောက်လာပါပြီ။

ကုမ္ပဏီက Needlefish ဆိုတဲ့ရေယာဉ်ကို  ထုတ်ဖော်ပြသလိုက်တာပါ။  အဲဒီရေယာဉ်စီမံကိန်းကို ကုမ္ပဏီကလျှို့ဝှက်စွာ အကောင်အထည်ဖော်နေတာဖြစ်ပါတယ်။ မောင်းသူမဲ့ အလိုအလျောက်ရေပေါ်သွား အမြန်ယာဉ်တစ်မျိုး ဖြစ်တဲ့ Needlefish က အလျား ၄၆ ပေရှိပြီး ကူဝိတ်ကမ်းခြေစောင့်တပ်ဖွဲ့က   နှစ်စင်း မှာယူထားတာ တွေ့ရပါတယ်။

Needlefish က သူ့ချည်းသက်သက်သာ အသုံးဝင်တဲ့ ရေယာဉ်တစ်စင်း မဟုတ်ပါဘူး။ ဘက်ပေါင်းစုံကနေ တွေ့ကြုံလာနေရတဲ့ အန္တရာယ်တွေကနေ   ကာကွယ်နိုင်စေဖို့အတွက် ကွန်ရက်ချိတ်ဆက်မှုကနေ တစ်ဆင့်လုပ်ငန်းကို အောင်မြင်စွာ ဆောင်ရွက်နိုင်တဲ့ ရေယာဉ်တစ်စင်းဖြစ်ပါတယ်။

သူ့မှာ အမျိုးစုံလှစွာသော  ပင်လယ်ရေကြောင်း ကင်းထောက်အာရုံခံကိရိယာ များစွာတပ်ဆင်ထားပြီး  လူမဲ့ကင်းလှည့်ခြင်း၊ ကင်းထောက်ခြင်း၊ မြေပုံရေးဆွဲခြင်းနဲ့တိုင်းတာခြင်း လုပ်ငန်းများအပါအဝင် တာဝန်မျိုးစုံကို  ထမ်းဆောင်နိုင်စွမ်း ရှိတယ်လို့ ဆိုပါတယ်။

MWD Web Portal