အမေရိကန်နိုင်ငံသည် ၎င်း၏ပြည်မကြီး လုံခြုံရေးနှင့်ပတ်သက်၍ စိုးရိမ်မှုများရှိခဲ့မည်ဆိုပါက စစ်ရေးခြိမ်းခြောက်မှုများကို စွန့်လွှတ်သင့်သည်ဟု မြောက်ကိုရီးယားအစိုးရက ဖေဖော်ဝါရီ ၁၅ ရက်တွင် ထုတ်ဖော်ပြောကြားခဲ့ကြောင်း သိရှိရပါသည်။
မြောက်ကိုရီးယား ကာကွယ်ရေးဝန်ကြီးဌာန အရာရှိတစ်ဦး၏ ပြောကြားချက်များကို ကိုးကားပြီး နိုင်ငံပိုင်သတင်းအေဂျင်စီ KCNA ယခုကဲ့သို့ ရေးသားဖော်ပြထားခြင်းဖြစ်ပါသည်။
အမေရိကန် လူမှုဖူလုံရေးအုပ်ချုပ်ရေးအဖွဲ့ (SSA) ကို အစိုးရ စွမ်းဆောင်ရည်ဌာန (DOGE) ဦးဆောင်သူ ဘီလီယံနာ Elon Musk မှ ထပ်မံ စစ်ဆေးမှု များ ပြုလုပ်လျက်ရှိပြီး X နှင့် SpaceX ၏ CEO ဖြစ်သူက ယင်း အေဂျင်စီသည် ကြီးမားသော လိမ်လည်မှုများ ပြုလုပ်နေသည်ဟု စွပ်စွဲခဲ့သည်။
အမေရိကန်ပြည်ထောင်စုမှ ပြည်နှင်ဒဏ်ပေးခံထားရသည့် အိန္ဒိယနိုင်ငံသားများ တတိယအသုတ်ကို သယ်ဆောင်လာသည့် လေယာဉ်တစ်စင်းသည် ဖေဖော်ဝါရီ ၁၇ ရက်နေ့တွင် အိန္ဒိယနိုင်ငံမြောက်ပိုင်း ပန်ဂျပ် ပြည်နယ်၊ အမ်ရစ်ဆာမြို့သို့ ဆင်းသက်လာခဲ့သည်။ အိန္ဒိယဝန်ကြီးချုပ် မိုဒီနှင့် အမေရိကန်သမ္မတ ဒေါ်နယ်ထရမ့်တို့ ဝါရှင်တန်တွင် တွေ့ဆုံခဲ့ပြီးနောက် ရက်ပိုင်းအတွင်း ဆောင်ရွက်မှုဖြစ်သည်။
ဗလာဒီမာ ဇီလန်စကီးအား လူထုထောက်ခံမှု အနိမ့်ဆုံး (၄% သာ) ရှိကြောင်းကို အမေရိကန်သမ္မတဒေါ်နယ်ထရမ့်က ထုတ်ဖော်ပြောကြား ခဲ့ပါသည်။
အမေရိကန်သမ္မတ ဒေါ်နယ်ထရမ့်က ယူကရိန်းတွင် ရွေးကောက်ပွဲကျင်းပရန် လိုအပ်ကြောင်းကိုလည်း ထောက်ခံခဲ့ပြီး၊ ယူကရိန်းတွင် ရွေးကောက်ပွဲပြုလုပ်ရေးကိစ္စသည် ရုရှား၏ တောင်းဆိုမှုမဟုတ်ဘဲ “နိုင်ငံများစွာ၏ စိုးရိမ်မှု” ဖြစ်ကြောင်း ဖြည့်စွက်ပြောကြားခဲ့ပါသည်။
ကိုးကား - TASS
အမေရိကန်သမ္မတ ဒေါ်နယ်ထရမ့်သည် ယူကရိန်းနိုင်ငံအတွင်းရှိ မြေရှားသတ္တု အားလုံး၏ ၅၀ ရာခိုင်နှုန်းကို ထိန်းချုပ်ရန် ဆန္ဒရှိနေပြီး အဆိုပါအရင်းအမြစ်များအား ကာကွယ်စောင့်ရှောက်ရန်အတွက် အမေရိကန်တပ်ဖွဲ့ဝင်များကို ယူကရိန်းနိုင်ငံ အတွင်း၌ တပ်ဖြန့်နိုင်ဖွယ်ရှိသည်ဟု အမည်မဖော်လိုသူ အမေရိကန်အရာရှိ များ၏ ပြောဆိုချက်ကိုကိုးကား၍ NBC သတင်းဌာနက ဖော်ပြသည်။
အယ်ဂျီးရီးယားနိုင်ငံသည် ရုရှားနိုင်ငံ၏ ပဉ္စမမျိုးဆက် Su-57 တိုက်လေယာဉ်များကို လက်ခံရရှိသည့် ပထမဆုံးနိုင်ငံ ဖြစ်လာမည့် အလားအလာရှိသည်။
ရုရှားနိုင်ငံသည် ၎င်းတို့၏ Su-57 တိုက်လေယာဉ်များအနက် ပထမဆုံးအသုတ်အဖြစ် တိုက်လေယာဉ် ခြောက်စင်းကို ၂၀၂၅ ခုနှစ် မကုန်မီ အယ်ဂျီးရီးယားသို့ လွှဲပြောင်းမည်ဖြစ်သည်။
ယခုအခါ အယ်ဂျီးရီးယားနိုင်ငံမှ လေယာဉ်မှူးများသည် ရုရှားနိုင်ငံတွင် တိုက်လေယာဉ် မောင်းနှင်နိုင်ရေးအတွက် လေ့ကျင့်မှုများ ပြုလုပ်လျက်ရှိသည်။
ရုရှားရေတပ်မှ အကြီးစားကမ်းထိုးရေ ယာဉ်တစ်စင်းဖြစ်သည့် Admiral Nevelskoy သည် အရှေ့ပင်လယ် သို့မဟုတ် ဂျပန် ပင်လယ်အတွင်း၌ အမြောက်ပစ်လေ့ကျင့်မှုတစ်ရပ်ကိုလုပ်ဆောင်ခဲ့ကြောင်း Interfax သတင်းအေဂျင်စီက ဖေဖော်ဝါရီလ ၁၇ ရက်တွင် ဖော်ပြသည်။
အဆိုပါစစ်ရေး လေ့ကျင့်မှုအတွင်း ရုရှား စစ်ရေယာဉ်သည် ၎င်း၏လေကြောင်း ကာကွယ်ရေး စွမ်းဆောင်ရည်ကို စမ်းသပ်ရန်အတွက် သရုပ်သကန် အမှန်ဖန်တီးထားသည့် လေကြောင်းပစ်မှတ်များကို အမြောက်ဖြင့်ပစ်ခတ်၍ လေ့ကျင့်ခဲ့ခြင်းဖြစ်သည်။
17 February 2025
၂၀၂၅ ခုနှစ်၊ ဖေဖော်ဝါရီ ၁၃ ရက် နံနက် ၉ နာရီ ၃၀ မိနစ်၌ မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့ဝင်များ ပါဝင်သောပူးပေါင်းအဖွဲ့သည် ရှမ်းပြည်နယ်၊ တာချီလိတ်မြို့၊ ပါဆတ်ရပ်ကွက်တွင် လီထေ့(ခ)လီထောင်း မောင်းနှင်လာသည့် မော်တော်ဆိုင်ကယ်ကို ရပ်တန့်စစ်ဆေးရှာဖွေရာ ၎င်းလွယ်ထားသည့် လွယ်အိတ်အတွင်းမှ စိတ်ကြွရူးသွပ်ဆေးပြား ၁၀,၀၀၀ ပြား (တစ်ပြားလျှင် ၇၀၀ ကျပ် နှုန်းဖြင့် ၎င်းဒေသတန်ဖိုးငွေ ၇၀ သိန်း) သိမ်းဆည်းရမိခဲ့သဖြင့် လီထေ့(ခ)လီထောင်းအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။
17 February 2025
17 February 2025