An-24 ခရီးသည်တင်လေယာဉ် ပျက်ကျမှုအတွင်း ပါဝင်ခဲ့သည့် ရုရှား နိုင်ငံ Amur ဒေသနှင့် Khabarovsk နယ်စပ်ဒေသတို့မှ သေဆုံးသူများ အတွက် ဇူလိုင် ၂၅ ရက် မှစ၍ ဝမ်းနည်းခြင်းအထိမ်းအမှတ် ၃ ရက်ကြာ လုပ်ဆောင်မည်ဟု ဇူလိုင် ၂၄ ရက်က ကြေညာခဲ့သည်။ 

ထိုင်းနိုင်ငံတွင် လက်ရှိဖြစ်ပျက်နေသည့်ကိစ္စရပ်သည် ကမ္ဘောဒီးယား နိုင်ငံဘက်က လာရောက် ထိပါးခြင်းဖြစ်ပြီး ပြည်သူများ သေဆုံး၊ ဒဏ်ရာ ရမှု ဖြစ်ပွားခဲ့ကြောင်း၊ ထိုင်းနိုင်ငံအနေဖြင့် နိုင်ငံတော် အချုပ်အခြာအာဏာကို အစွမ်းကုန် ကာကွယ်လျက်ရှိကြောင်း၊ ကိစ္စရပ်အခြေအနေသည် စစ်ပွဲအဖြစ် အဆင့်မြင့်တက်သွားနိုင်ကြောင်း ထိုင်းနိုင်ငံ ယာယီဝန်ကြီးချုပ် Phumtham Wechayachai က ဇူလိုင် ၂၅ ရက်တွင် ထိုင်း-ကမ္ဘောဒီးယား နယ်စပ်ပဋိပက္ခ အခြေအနေနှင့်စပ်လျဉ်း၍ မီဒီယာတွေ့ဆုံမေးမြန်းမှုကို ဖြေကြားရာ၌ ပြောကြားခဲ့သည်။

ကိုးကား- Xinhua

နှစ်နိုင်ငံ အပြန်အလှန်ပစ်ခတ်တိုက်ခိုက်မှုများ မြင့်တက်နေစဉ် ကာလအတွင်း ဇူလိုင် ၂၄ ရက်တွင် ထိုင်းစစ်တပ်က နှစ်နိုင်ငံနယ်စပ်အနီး Phu Makhueaဒေသရှိ ကမ္ဘောဒီးယား လက်နက်သိုလှောင်ရုံကို အထူးတပ်ဖွဲ့ များနှင့် ဒရုန်းသုံး၍ တိုက်ခိုက်သည့် ဗီဒီယိုကို လူမှုကွန်ရက်ပေါ်တွင် ဖြန်ဝေခဲ့သည်။

ထိုင်းမီဒီယာများက ဒရုန်းအချို့၏ ပျံသန်းမှုသည် လွန်စွာနိမ့်လွန်းပြီး ဒရုန်းတစ်စင်းသည် ကမ္ဘောဒီးယား စစ်တပ်မှု တုံ့ပြန်တိုက်ခိုက်မှုကြောင့် ပျက်ကျသွားခဲ့ကြောင်း ဖော်ပြခဲ့ကြသည်။

ကမ္ဘောဒီးယားနှင့် ထိုင်းနိုင်ငံတို့၏ တပ်များသည် နယ်စပ်တစ်လျှောက် လက်နက်ကြီးများဖြင့် အပြန်အလှန် ဆက်လက်တိုက်ခိုက်နေကြောင်း နှစ်နိုင်ငံမှထုတ်ပြန်ခဲ့သည်။ ထိုင်းကာကွယ်ရေးဝန်ကြီးဌာနက ဇူလိုင် ၂၅ ရက် ထုတ်ပြန်ချက်တွင် "ကမ္ဘောဒီးယားတပ်များသည် ဟောင်ဝစ်ဇာ အမြောက် များ၊ BM-21 ဒုံးကျည်များအပါအဝင် လက်နက်ကြီးများဖြင့် အဆက် မပြတ် ပစ်ခတ်နေပြီး ထိုင်းတပ်မတော်မှလည်း မဟာဗျူဟာမြောက် တုံ့ပြန် ပစ်ခတ်မှုများ ပြုလုပ်ခဲ့သည်" ဟု ဖော်ပြခဲ့သည်။ ထိုင်းစစ်တပ်အဆိုအရ Ubon Ratchathani နှင့် Surin စီရင်စုများတွင် နံနက် အစောပိုင်း ကတည်းက တိုက်ပွဲများ စတင်ဖြစ်ပွားခဲ့သည်ဟု ဆိုသည်။

ဂျာမနီနိုင်ငံခြားရေးဝန်ကြီး Johann Wadephul က ဗုဒ္ဓဟူးနေ့ (ဇူလိုင် ၂၃) တွင် “ယူကရိန်းသည် ရုရှားနိုင်ငံအတွင်းရှိ ပစ်မှတ်များကို မကြာမီ တိုက်ခိုက် နိုင်စွမ်းရှိလာမည်” ဟု ပြောကြားခဲ့ပြီး “ရုရှားက ပဋိပက္ခကို ပိုမို ဆိုးရွား သွားစေနိုင်သည်ဟု သတိပေးထားသည့်” တာဝေးပစ်လက်နက်များ ထောက်ပံ့ပေးနိုင်သည့် အလားအလာကို ထုတ်ဖော်ပြောဆိုခဲ့သည်။

ရုရှား၏ အရှေ့ဖျားဒေသတွင် ခရီးသည်တင် လေယာဉ်တစ်စင်း ပျက်ကျခဲ့ပြီး လေယာဉ်ပေါ်ရှိ လူ ၄၉ ဦးစလုံး သေဆုံးခဲ့ကြောင်း ကြာသပတေးနေ့ (ဇူလိုင် ၂၄) တွင် အရေးပေါ်ဝန်ဆောင်မှုအဖွဲ့များက အတည်ပြုခဲ့သည်။

Angara Airlines ၏ Antonov An-24 အင်ဂျင်နှစ်လုံးတပ် တာဘိုပရော့ လေယာဉ်သည် Amur ဒေသ၊ Tynda မြို့အနီးတွင် ဒေသစံတော်ချိန် နေ့လယ် ၁ နာရီခန့်က ပျက်ကျခဲ့သည်။ လေယာဉ်သည် Khabarovsk မှ Blagoveshchensk ၊ ထိုမှတစ်ဆင့် Tynda အထိ ပြည်တွင်းခရီးစဉ်ကို ပျံသန်းနေခြင်းဖြစ်သည်။

ဝေါလ်လ်စထရိတ်ဂျာနယ် (WSJ) ၏ သတင်းတစ်ရပ်အရ အမေရိကန် သမ္မတဟောင်း ဘီကလင်တန်သည် ကျော်ကြားသည့် ငွေကြေးအရှုပ်တော်ပုံနှင့် သက်ငယ်လိင်အဓမ္မခိုင်းစေမှု ကျူးလွန်သူအဖြစ်စွပ်စွဲကာ အကျဉ်းချခံခဲ့ရသူ ဂျက်ဖရီ အပ်စတိန်း၏ ၂၀၀၃ ခုနှစ် မွေးနေ့အထိမ်းအမှတ် မှတ်တမ်းတွင် ကိုယ်တိုင်ရေးမှတ်စုတစ်စောင် ရေးသားခဲ့ကြောင်း ဖော်ပြခဲ့သည်။

ပြင်သစ်နိုင်ငံအနေဖြင့် ဒေသတွင်း တရားမျှတ၍ ရေရှည်တည်တံ့သော ငြိမ်းချမ်းရေးအတွက် သမိုင်းဝင်ကတိကဝတ်ကို ဖော်ဆောင်ရန်အတွက် ပါလက်စတိုင်းနိုင်ငံကို အသိအမှတ်ပြုမည်ဟု သမ္မတ အီမန်နျူရယ်လ် မက်ခရွန်က ကြေညာခဲ့သည်။

အစ္စရေး ယဉ်ကျေးမှုအမွေအနှစ်ဝန်ကြီး (Heritage Minister) Amichai Eliyahu သည် ပိတ်ဆို့ခံထားရသည့် ဂါဇာတွင် ငတ်မွတ်ခေါင်းပါးမှုနှင့် ပတ်သက်၍ အစ္စရေးအနေဖြင့် စိုးရိမ်စရာမလိုဟု ပြောဆိုခဲ့ပြီး ၎င်း၏ ထုတ်ဖော်ပြောဆိုမှုများအား နိုင်ငံရေးအစုအဖွဲ့အားလုံးက ပြင်းထန်စွာ ရှုတ်ချခဲ့သည်။

Otzma Yehudit အစွန်းရောက်ပါတီမှ အဆိုပါဝန်ကြီးသည် ကုလသမဂ္ဂ ၏ "လူသားဖန်တီးသည့် အငတ်ဘေးဆိုက်ရောက်နိုင်ကြောင်း" သတိပေးချက်များကို ပယ်ချကာ အစ္စရေးအစိုးရသည် "ဂါဇာကမ်းမြောင်ကို သိမ်းပိုက်ရန် အလျင်အမြန်လုပ်ဆောင်နေသည်" ဟု ပြောဆိုခဲ့သည်။

ယူကရိန်းဒရုန်းတစ်စင်းက ရုရှားတောင်ပိုင်းတွင် ခရီးသည်တင် ရထားတစ်စင်းကို တိုက်ခိုက်ခဲ့ပြီး လူနှစ်ဦး အနည်းငယ်ဒဏ်ရာရရှိခဲ့ကြောင်း ဒေသဆိုင်ရာ အုပ်ချုပ်ရေးမှူးတစ်ဦးက ပြောကြားခဲ့သည်။ ရုရှား Krasnodar ဒေသအုပ်ချုပ်ရေးမှူး Veniamin Kondratyev က ဒရုန်းအစိတ်အပိုင်းများသည် သောကြာနေ့ (ဇူလိုင် ၂၅) နံနက်စောစောက Timashevsk မြို့ရှိ ရထားဘူတာရုံတစ်ခုပေါ်သို့ ကျရောက်ခဲ့ပြီး ဖြတ်သန်းသွားသော ရထားတစ်စင်းကို ပျက်စီးစေခဲ့ကြောင်း Telegram တွင် ဖော်ပြခဲ့သည်။