၂၀၂၅ ခုနှစ်၊ ဇန်နဝါရီလ ၂၅ ရက်နေ့တွင် စီမံကိန်းရေးဆွဲကာ စတင် တည်ထောင်ခဲ့သည့် တရုတ်နိုင်ငံ၏ သစ်တောနှင့် သစ်ပင်မျိုးစိတ်များ ထိန်းသိမ်းရေးဘဏ်သည် ကမ္ဘာ့အကြီးဆုံး ဖြစ်လာမည်ဖြစ်ပြီး ၂၀၂၈ ခုနှစ်တွင် အပြီးသတ်တည်ဆောက်နိုင်မည်ဖြစ်ကြောင်း သိရှိရပါသည်။ တရုတ်နိုင်ငံ Xiongan ပြည်နယ်တွင် တည်ဆောက်မည်ဖြစ်ပြီး ဇီဝမျိုး စိတ်ပေါင်း ၁.၈ သန်းခန့် ကို စုစည်းထိန်းသိမ်းထားနိုင်မည်ဟု မျှော်မှန်း ထားကြောင်း သိရှိရပါသည်။ 

လာမည့် ဧပြီ ၂၀ ရက်တွင် ကျင်းပမည့် အီစတာနေ့ မတိုင်မီ ယူကရိန်း အပစ်အခတ်ရပ်စဲရေး မျှော်လင့်ထားကြောင်းဒေါ်နယ်ထရမ့် အစိုးရအဖွဲ့ က ဥရောပအရာရှိများကို ပြောကြားခဲ့သည်ဟု Bloomberg က ဖော်ပြ ထားပါသည်။ 

ဆော်ဒီအာရေးဗီးယား၌ ယူကရိန်းအရေး ဆွေးနွေးရန် ပြင်ဆင်နေကြသည့် အရာရှိအများစုက ပဋိပက္ခဖြေရှင်းရေးဆိုင်ရာ အချိန်ဇယားသည်ရည်မှန်းချက် ကြီးမားသော်လည်း လက်တွေ့ မဖြစ်နိုင်ကြောင်း ပြောကြား နေကြသည်။ 

ယူကရိန်းသမ္မတရွေးကောက်ပွဲကို ၂၀၂၅ ခုနှစ်၊ အောက်တိုဘာ ၂၆ ရက် တွင် ကျင်းပမည်ဖြစ်ကြောင်း ယခင်ယူကရိန်းသမ္မတဟောင်း Pyotr Poroshenko က Strana မီဒီယာသို့ ပြောကြားလိုက်ပါသည်။

၎င်း၏အဆိုအရ ယူကရိန်း ဗဟိုရွေးကောက်ပွဲကော်မရှင်သည် ရွေးကောက်ပွဲ မတိုင်မီ မဲဆန္ဒရှင်စာရင်းများကို စတင်ညှိနှိုင်းလုပ်ဆောင်နေပြီဟု သိရပါသည်။ 

ကိုးကား- TASS

Photo: Britannica

တောင်ကိုရီးယားအစိုးရသည် နိုင်ငံအတွင်း တရုတ်ပိုင် chatbot တစ်ခု ဖြစ်သည့် DeepSeek အသုံးပြုမှုကို ယာယီ ပိတ်ပင်ရန် ဆုံးဖြတ်လိုက်ကြောင်း ကိုယ်ရေးအချက်အလက် ကာကွယ်ရေးကော်မရှင်က ဖေဖော်ဝါရီ ၁၇ ရက်တွင် သတင်းထုတ်ပြန်လိုက်ပါသည်။

 chatbot ဖန်တီးသူများအနေဖြင့် DeepSeek ကို တောင်ကိုရီးယား ဥပဒေနှင့်အညီ လုပ်ဆောင်ချက်ကို အပြောင်းအလဲများပြုလုပ်ပြီးမှသာ အဆိုပါပိတ်ပင်မှုကို ရုတ်သိမ်းသွားမည်ဖြစ်ကြောင်း ပြောကြားထား ပါသည်။

ရုရှားနိုင်ငံခြားရေးဝန်ကြီး ဆာဂေးလာဗရော့ဗ်နှင့် သမ္မတ ဗလာဒီမာ ပူတင်၏ နိုင်ငံခြားရေးမူဝါဒ အကြံပေးဖြစ်သူ ယူရီအူရှာကော့ဗ်တို့သည် ရုရှားသမ္မတနှင့် အမေရိကန်သမ္မတ ဒေါ်နယ်ထရမ့်တို့ လာမည့်အစည်းအဝေး အတွက် အခြေအနေများပြင်ဆင်ရန် ဆော်ဒီအာရေးဗီးယားသို့ ဖေဖော်ဝါရီ ၁၇ ရက်နေ့တွင် သွားရောက်မည်ဖြစ်ကြောင်း ကရင်မလင်၏ ပြောရေးဆိုခွင့်ရှိသူ ဒီမီထရီပက်စကော့က ကြေညာခဲ့သည်။

အမေရိကန်သမ္မတဒေါ်နယ်ထရမ့်က တရုတ်ပိုင်ဆိုရှယ်မီဒီယာအက်ပ် TikTok အက်ပ်ပိတ်ပင်မှုကို ရွှေ့ဆိုင်းလိုက်ပြီးနောက် TikTok အက်ပ်သည် ကြာသပတေးနေ့ (ဖေဖော်ဝါရီ ၁၃ ရက်) မှစတင်၍ အမေရိကန် အက်ပ်စတိုးများတွင် ပြန်လည်ဒေါင်းလုဒ်ရယူနိုင်ပြီဖြစ်သည်ဟု သိရပါသည်။

အစ္စရေးစစ်တပ်က ဟားမက်စ်လက်နက်ကိုင်အဖွဲ့အနေဖြင့် သတ်မှတ်ထားသည့် ဖေဖော်ဝါရီ ၁၅ ရက်အထိ ဖမ်းဆီးထားသည့် အစ္စရေးဓားစာခံများကို ပြန်မလွှတ်ပေးပါက တိုက်ပွဲများ ပြန်လည်ဖြစ်ပွားဖွယ် ရှိနေသည့်အတွက် အရန်တပ်ဖွဲ့ဝင်များ ပြန်လည်ခေါ်ယူသွားမည်ဖြစ်ကြောင်း ထုတ်ဖော်ပြောဆိုလိုက်သည်။

အစ္စရေးနှင့် ဟားမက်စ်လက်နက်ကိုင်အဖွဲ့ကြား တစ်လနီးပါးကြာ အပစ်အခတ်ရပ်စဲရေးရယူနိုင်ခဲ့သော်လည်း လက်ရှိအချိန်တွင် ဟားမက်စ် အဖွဲ့က ဖမ်းဆီးထားသည့် အစ္စရေးဓားစာခံများကို ပြန်လွှတ်ပေးရန် နှောင့်နှေးနေကြောင်း သိရသည်။

အမေရိကန်အမျိုးသားလုံခြုံရေးအကြံပေး မိုက်ကယ်ဝေါ့ဇ်က ယူကရိန်း အနေဖြင့်အမေရိကန်ပြည်သူများ၏အခွန်နှင့် တည်ဆောက်ထားသည့် အနာဂတ်အကူအညီများကို ရယူလိုပါက အနည်းဆုံး အလျော်အစား ၂ ခု လုပ်ဆောင်ပေးရန်လိုအပ်မည်ဟု ပြောလိုက်ပါသည်။ 

ဗြိတိန်ဝန်ကြီးချုပ် Sir Keir Starmer က ရုရှားနှင့် စစ်ပြေငြိမ်းရေးသဘောတူညီချက်ရရှိပါက ယူကေသည် Kiev အတွက် လုံခြုံရေးအာမခံချက်ပေးရာတွင် ဦးဆောင်နေရာမှပါဝင်ရန် အသင့်ရှိကြောင်း ကြေညာခဲ့ပါသည်။ ထို့အပြင် ငြိမ်းချမ်းရေးတပ်ဖွဲ့၏ တစ်စိတ်တစ်ပိုင်းအနေဖြင့် ယူကရိန်း၌ တပ်စွဲထားရန်လည်း အသင့်ရှိသည်ဟု ဆိုပါသည်။

Starmer ၏ ကြေညာချက်သည် ဥရောပ၏ ပထဝီနိုင်ငံရေးအတွက် အရေးကြီးသော အချိန်ကာလတွင် ဥရောပခေါင်းဆောင်များက ပါရီမြို့တွင် အရေးပေါ်အစည်းအဝေးအတွက် စုဝေးရန် ပြင်ဆင်နေကြချိန် ထွက်ပေါ်လာခြင်းဖြစ်သည်။

ဂျပန်၊ အမေရိကန်နှင့် တောင်ကိုရီးယားနိုင်ငံခြားရေးဝန်ကြီးများသည် လုံခြုံရေးဆိုင်ရာပြဿနာများကို အတူတကွ ကိုင်တွယ်ဖြေရှင်းရန်အတွက် သုံးနိုင်ငံဆက်ဆံရေး ပိုအားကောင်းလာစေရေး ဆောင်ရွက်ရန် သဘောတူခဲ့ကြပါသည်။

ဂျပန်နိုင်ငံခြားရေးဝန်ကြီး Iwaya Takeshi ၊ အမေရိကန်နိုင်ငံခြားရေး ဝန်ကြီး Marco Rubio နှင့် တောင်ကိုရီးယားနိုင်ငံခြားရေးဝန်ကြီး Cho Tae-yul တို့ ဂျာမနီ၌ တွေ့ဆုံခဲ့ပြီး အမေရိကန်သမ္မတ Donald Trump ဒုတိယသက်တမ်း စတင်တာဝန်ယူပြီးနောက်ပိုင်း ၎င်းတို့၏ ပထမဆုံး တွေ့ဆုံမှု ဖြစ်ပါသည်။