ဂျာမနီနိုင်ငံမှ ဘဏ်သူခိုးများသည် နိုင်ငံမြောက်ပိုင်း လူဘက်မြို့ရှိ လုံခြုံရေးလျော့ရဲသည့် Deutsche Bank ဘဏ်ခွဲတစ်ခုမှ ယူရို ၁၀ သန်းခန့် ခိုးယူလွတ်မြောက်သွားခဲ့ကြောင်း Bild သတင်းစာ၏ ဖော်ပြချက်ကို ကိုးကား၍ မီဒီယာတစ်ခုက ဖော်ပြသည်။

အီလွန်မက်ဦးဆောင်သည့် ရင်းနှီးမြှုပ်နှံသူအဖွဲ့တစ်ဖွဲ့က ChatGPT chatbot ကို   ထုတ်လုပ်ခဲ့သည့် OpenAI ကုမ္ပဏီကို ဒေါ်လာ ၉၇ ဒသမ၄  ဘီလီယံဖြင့်ဝယ်ယူရန် ကမ်းလှမ်းချက်အား အဆိုပါကုမ္ပဏီက တရားဝင်ပယ်ချလိုက်ကြောင်း သိရသည်။

အီလွန်မက်နှင့် ရင်းနှီးမြှုပ်နှံသူများပါဝင်သော   အဖွဲ့တစ်ဖွဲ့သည် OpenAI ကုမ္ပဏီကို ဒေါ်လာ ၉၇ ဒသမ ၄ ဘီလီယံဖြင့်ဝယ်ယူရန် ကမ်းလှမ်းခဲ့ကြောင်းကို    The  Wall Street Journal က ပြီးခဲ့သည့် ရက်သတ္တပတ်အတွင်းက ဖော်ပြခဲ့သည်။

အစ္စရေးနှင့် ပါလက်စတိုင်း ဟားမက်အဖွဲ့တို့ကြား ချမှတ်ခဲ့သည့် အပစ်အခတ်ရပ်စဲရေးသဘောတူညီချက်အရ ဟားမက်အဖွဲ့က ပြန်လွှတ်ပေးလိုက်သည့် ဓားစာခံ၃ ဦးမှာ ဖေဖော်ဝါရီလ ၁၅ရက်တွင် အစ္စရေးနိုင်ငံအတွင်းသို့ ပြန်လည်ရောက်ရှိလာပြီဖြစ်ကြောင်း အစ္စရေးတပ်မတော်က ထုတ်ပြန်သည်။

In order to cause injuries to both peaceable civilians and administrative authorities who are striving to restore the rule of law, extreme terrorists provide financial assistance and instigate destructive activities, such as detonating explosive devices and remote blasting, against public roads, railways, government offices and houses.

အမေရိကန်အစိုးရက မက္ကဆီကိုရှိ မူးယစ်ဂိုဏ်းအဖွဲ့များကို အကြမ်းဖက်အုပ်စုများအဖြစ် သတ်မှတ်ပါက အမေရိကန်လက်နက် ထုတ်လုပ်သူများအား မက္ကဆီကိုနိုင်ငံတွင် ဖြစ်ပွားသည့် ရာဇဝတ်မှုများတွင် ပါဝင်သူများ အဖြစ် တရားစွဲဆိုသွားမည်ဖြစ်ကြောင်း မက္ကဆီကိုသမ္မတ Claudia Shein က ဖေဖော်ဝါရီ ၁၄ ရက်တွင် ပြုလုပ်သည့် နေ့စဉ် သတင်းစာ ရှင်းလင်းပွဲတွင် ပြောကြားခဲ့သည်။

မက္ကဆီကိုရှိ ရာဇဝတ်မှုကျူးလွန်သူအဖွဲ့များ အသုံးပြုသော လက်နက် များ၏ ၇၄% သည် နယ်စပ်ဒေသမြောက်ပိုင်းမှလာသည်ကို အမေရိကန် တရားရေးဌာနကပင် တရားဝင်အသိ အမှတ်ပြုထားကြောင်း သူမက ဆက်လက်ပြောကြားထားပါသည်။

ယူကရိန်းပဋိပက္ခအဆုံးသတ်‌ရေးနှင့်ပတ်သက်၍ ဥရောပကို စေ့စပ်ညှိနှိုင်း‌ဆွေးနွေးပွဲများမှ ချန်လှပ်ထားမည်ဆိုပါက ဥရောပနှင့် အမေရိကန်တို့၏ ဆက်ဆံရေးမှာ ပြောင်းလဲသွားနိုင်ပြီး သမိုင်းတွင်မည့် ပြောင်းလဲမှုတစ်ခုဖြစ်နိုင်ကြောင်း ဂျာမနီ ကာကွယ်ရေးဝန်ကြီး Boris Pistorius က ပြောကြားလိုက်ပါသည်။

အမေရိကန်သမ္မတဒေါ်နယ်ထရမ့်က ရုရှားကို G8 အဖွဲ့သို့ ပြန်လည်ဝင်ရောက်ရန် ပြောကြားမှုမှာ ရုရှားနှင့် ၂၁ ရာစု မဟာစီးပွားရေး ပြိုင်ဘက် တရုတ်တို့၏ မိတ်ဖက်ဆက်ဆံရေးကို အားပျော့သွားစေရန် ရည်ရွယ် ထားခြင်းဖြစ်ကြောင်း ရုရှားဆီးနိတ်အမတ် Alexey Pushkov က ပြောကြားလိုက်ပါသည်။

ဥရောပနိုင်ငံများ၏ အဓိကခြိမ်းခြောက်မှုမှာ တရုတ်နှင့် ရုရှားတို့ မဟုတ်ဘဲ ဥရောပနိုင်ငံများထဲမှသာ ဖြစ်လာလိမ့်မည်ဟု ယုံကြည်နေကြောင်း ဂျာမနီနိုင်ငံတွင် ကျင်းပလျက်ရှိသည့် မြူးနစ်လုံခြုံရေး ညီလာခံတက်ရောက်နေသူ အမေရိကန်ဒုတိယသမ္မတ JD Vance က ဖေဖော်ဝါရီ ၁၄ ရက်တွင် သတိပေးပြောကြားလိုက်ပါသည်။

ရုရှားနိုင်ငံအပေါ် ဂျပန်နိုင်ငံက အရေးယူပိတ်ဆို့ထားသော စီးပွားရေး လုပ်ငန်းများနှင့် လူပုဂ္ဂိုလ်များကို အဆိုပါအရေးယူပိတ်ဆို့မှုမှ ဖယ်ရှားသင့်ကြောင်း ဂျပန်ပါလီမန်အထက်လွှတ်တော်အမတ် မူနီအိုဆူဇူကီက သတင်းထောက်များအား ပြောကြားလိုက်ပါသည်။ 

ဒေါ်နယ်ထရမ့်နှင့် ဗလာဒီမာပူတင်တို့ တယ်လီဖုန်းဆက်သွယ် ပြောဆိုမှုအပြီးတွင် မူနီအိုဆူဇူကီက ယင်းသို့ ပြောကြားလိုက်ခြင်းဖြစ်ပါသည်။

ယူကရိန်းသည် နေတိုးအဖွဲ့ဝင် ဖြစ်မလာပါက ယူကရိန်းစစ်တပ်ကို ၁.၅ သန်းအထိ တိုးချဲ့ဖွဲ့စည်းသွားရမည်ဖြစ်ကြောင်း ဖေဖော်ဝါရီ ၁၄ ရက် တွင် မြူးနစ်မြို့၌ ယူကရိန်းသမ္မတဇီလန်စကီးက သတင်းထောက်များ နှင့်တွေ့ဆုံချိန် ပြောကြားလိုက်ခြင်းဖြစ်ပါသည်။

လက်ရှိယူကရိန်းစစ်တပ်အင်အားမှာ ၎င်း၏ တစ်ဝက်ခန့်သာရှိကြောင်း ၊ ထိုသို့အင်အားတိုးချဲ့မည်ဆိုပါက ကုန်ကျစရိတ် ဒေါ်လာ ၆၀ ဘီလီယံ လိုအပ်မည်ဖြစ်ကြောင်း ၎င်းက ထပ်မံပြောကြားထားပါသည်။