ယနေ့ခေတ်နည်းပညာမြင့်ကားများမှာ စကားပြန်ပြောနိုင်စွမ်းရှိတဲ့ အသံ လက်ထောက်စနစ်တွေ များစွာပါဝင်လာပါတယ်။ အဲဒီကားတွေထဲမှာ မာစီဒီးကား တွေလည်း အပါအဝင်ဖြစ်ပါတယ်။ အသုံးပြုပေးထားတဲ့စနစ်က MBUX စနစ်ပါ။

အရင်တုန်းက အဲဒီစနစ်ဟာ စက်ရုပ် တစ်ရုပ်လိုမျိုးပဲ ကြိုတင်ထည့်သွင်းထား တဲ့အသံဖိုင်တွေကို ဖွင့်ပြတဲ့ပုံစံမျိုးနဲ့သာ အလုပ်လုပ်တာပါ။ ဒါပေမဲ့ အခုအဲဒီလို မဟုတ်တော့ပါဘူး။အဆင့်မြှင့်တင်လိုက်တဲ့ အဲဒီစနစ်မှာ ယာဉ်မောင်းသူက  တကယ့်ကိုလူအစစ် တစ်ယောက်နဲ့အပြန်အလှန်စကားပြောနေရသလိုမျိုး ခံစားချက်ကိုရရှိအောင်လို့ ဖန်တီးထားတာဖြစ်ပါတယ်။ အဓိကက AI နဲ့ပေါင်းစပ်ပြီး တီထွင်ဆန်းသစ်ထားတာပါ။ ဒါကြောင့် MBUX စနစ်အသုံးပြုနိုင်တဲ့ မာစီဒီးကားပိုင်ရှင်များက အဲဒီစနစ်ကို အဆင့်မြှင့်တင်နိုင်ပါတယ်။

ကိုးကား - Myawady Web Portal
 

အစ္စလာမ္မာဘတ်   ဒီဇင်ဘာ ၁၉

ပါကစ္စတန်နိုင်ငံ၌ လူကုန်ကူးမှုတိုက်ဖျက်ရေးအတွက် ထိရောက်သည့်နည်းလမ်းများဖြင့် ဆောင်ရွက်ရန် တာဝန်ရှိသူများအား ဝန်ကြီးချုပ်ရှာဘတ်ရှာရစ်က ညွှန်ကြားခဲ့သည်။

လူကုန်ကူးမှုများအား ပါကစ္စတန်နိုင်ငံသားများက ကျူးလွန်နေကြသဖြင့် အရှက်ရမိကြောင်း ၎င်းက ထပ်လောင်းပြောကြားသည်။

ထိရာက်စွာအရေးယူဆောင်ရွက်

မကြာသေးမီက ဂရိနိုင်ငံတွင်ဖြစ်ပွားခဲ့သည့်ရေယာဉ်တိမ်း‌မှောက်မှုတွင် လူကုန်ကူးခံရသည့်ပါကစ္စတန်နိုင်ငံသားများ သေဆုံးခဲ့ရမှုနှင့်စပ်လျဉ်း၍ ပါကစ္စတန်နိုင်ငံသားများအား အခြားနိုင်ငံများသို့ လူကုန်ကူးခဲ့သူများအပေါ် ထိ‌ရောက်စွာအရေးယူဆောင်ရွက်ရန် တာဝန်ရှိသူများအား ၎င်းကထပ်လောင်း ညွှန်ကြားခဲ့သည်။

ပြီးခဲ့သည့်လများအတွင်း လူကုန်ကူးမှုကျူးလွန်သူ ၁၇၄ ဦးကို ဖမ်းဆီးအရေးယူခဲ့ကြောင်း သိရသည်။

လူကုန်ကူးမှုပပျောက်ရေးအတွက် နယ်စပ်များတွင် စောင့်ကြည့်ရေးစနစ်များကို မြှင့်တင်ရန်လိုအပ်ကြောင်း ၎င်းက ပြောကြားသည်။

ကိုးကား- ဆင်ဟွာ၊ ဘာသာပြန်- စိုးသူရ

Source: ကြေးမုံသတင်းစာ

ဒီဇင်ဘာ ၁၉ ရက်နေ့ ညနေ ၄ နာရီခွဲ တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့မှ လေနွေးများနှင့် တရုတ်ပြည်မကြီးပေါ်ရှိ လေဖိအားနည်းရပ်ဝန်းဒေသမှ ရွေ့လျားလာသော လေအေးများ တွေ့ဆုံမှုကြောင့်လည်းကောင်း၊ ဘင်္ဂလားပင်လယ်အော် အနောက်တောင်ပိုင်းနှင့် ယင်းနှင့်ဆက်စပ်လျက်ရှိသော ဘင်္ဂလားပင်လယ်အော် အနောက်အလယ်ပိုင်းတို့တွင် ဖြစ်ပေါ်နေသော အားကောင်းသော လေဖိအားနည်းရပ်ဝန်းမှ ပြတ်ထွက်လာသော တိမ်တိုက်များကြောင့် လည်းကောင်း၊ ဒီဇင်ဘာ ၂၀ ရက်မှ ၂၃ ရက်အတွင်း မန္တလေးတိုင်းဒေသကြီး၊ မကွေးတိုင်းဒေသကြီးနှင့် ရခိုင်ပြည်နယ်တို့တွင် နေရာကွက်ကျားမှ နေရာကျဲကျဲ၊ စစ်ကိုင်းတိုင်းဒေသကြီး၊ ကချင်ပြည်နယ်၊ ချင်းပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး အချို့ဒေသများတွင် နေရာကွက်၍ မိုးကြီးခြင်းများ ဖြစ်ပေါ်လာနိုင်သည်။

အကြံပြုချက်

သို့ဖြစ်ပါ၍ မိုးသည်းထန်စွာ ရွာသွန်းခြင်းနှင့်အတူ လေပြင်းတိုက်ခတ်ခင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် ကုန်းမြင့်ဒေသအနီးတွင် နေထိုင်ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြု ရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုနိုင်ပါရန် သတိပေးနှိုးဆော်အပ်ပါသည်။

မိုး/ဇလ

Waymo ဆိုတာက မောင်းသူမဲ့စက်ရုပ် တက္ကစီများကို တီထွင်ဖန်တီးထုတ်လုပ်ပြီး ကမ္ဘာ့မြို့ကြီးတွေမှာ အသုံးပြုနေသည့်  ကုမ္ပဏီတစ်ခု ဖြစ်ပါသည်။  

ယခု၎င်းတို့၏ စက်ရုပ်တက္ကစီများက စည်းကမ်းအရာမှာတင်းကျပ်လှပါသည် ဆိုသော ဂျပန်နိုင်ငံ တိုကျိုမြို့၏လမ်းမများထက်ဆီ ဝင်လာတော့မည်ဖြစ်ပါသည်။

Waymo က ဂျပန်နိုင်ငံ၏နာမည်ကြီး အငှားယာဉ်ကုမ္ပဏီဖြစ်သည့် နီဟွန်ကော့ဆု နှင့်ပူးပေါင်းပြီး Jaguar I-PACE အမျိုးအစားလျှပ်စစ်သုံး စက်ရုပ်တက္ကစီများကို ၂၀၂၅ ခုနှစ်အစောပိုင်းမှာ စတင်အသုံးပြု သွားတော့မည်ဖြစ်ပါသည်။ ယခု   အကောင်အထည်ဖော်မှာက ပထမအဆင့်ဖြစ်တာကြောင့် ယင်းတက္ကစီများတွင် ယာဉ်မောင်းသူတွေက လိုက်ပါ ထိန်းကျောင်းနေရဦးမည်ဖြစ်ပါသည်။  

ကိုးကား - Myawady Web Portal  

ဂါဇာစီးတီး  ဒီဇင်ဘာ ၁၉

ပါလက်စတိုင်းသမ္မတ မာမွန်အဘတ်စ်သည် အီဂျစ်နိုင်ငံ ကိုင်ရိုမြို့တော်သို့ သွားရောက်မည်ဖြစ်ကြောင်း ပါလက်စတိုင်း သံတမန်တစ်ဦးက ယမန်နေ့တွင် ပြောကြားသည်။

အဆိုပါ ခရီးစဉ်သည် ရလဒ်ကောင်းများထွက်ပေါ်ရန် အလားအလာရှိနေသည့် ဟားမက်စ်နှင့် အစ္စရေးတို့ကြားယာယီ အပစ်အခတ်ရပ်စဲရေး ဆွေးနွေးမှုများ လုပ်ဆောင်လျက်ရှိစဉ် ထွက်ပေါ်လာြခင်း ဖြစ်သည်။

ဒီဇင်ဘာ ၁၉ ရက်တွင် ကိုင်ရိုမြို့တော်၌ ကျင်းပမည့် D-8 အဖွဲ့၏ (၁၁)ကြိမ်မြောက် စီးပွားရေးပူးပေါင်းဆောင်ရွက်မှုဆိုင်ရာ ထိပ်သီးအစည်းအဝေးသို့ ပါလက်စတိုင်းသမ္မတ မာမွတ်အဘတ်စ် တက်ရောက်မည်ဖြစ်ကြောင်း ပြောကြားသည်။

အီဂျစ်နိုင်ငံဆိုင်ရာ ပါလက်စတိုင်းသံအမတ်ကြီး ဒီရယ်အယ်လ်လော့က အဆိုပါ ထိပ်သီးအစည်းအဝေးသို့ တက်ရောက်ရန် အီဂျစ်သမ္မတ အယ်လ်စီစီက ပါလက်စတိုင်းသမ္မတ မာမွတ်အဘတ်စ်အား ဖိတ်ကြားခဲ့ခြင်းဖြစ်သည်။

ပါလက်စတိုင်း-အီဂျစ်တို့၏ ပူးပေါင်းကြိုးပမ်းမှုများတွင် ပါလက်စတိုင်းပြည်သူများအား စာနာထောက်ထားသောအားဖြင့် စစ်ပွဲများအဆုံးသတ်ရန်၊ အီဂျစ်နိုင်ငံ၏ အကာအကွယ်ကို သေချာစွာရရှိစေရန်၊ အကူအညီများပေးအပ်ရန်နှင့် လက်ရှိဖြစ်ပွားနေသော ပဋိပက္ခကြောင့် ပျက်စီးဆုံးရှုံးမှုများကို ပြန်လည်တည်ဆောက်ရန် ဆွေးနွေးမည်ဖြစ်ကြောင်း အီဂျစ်နိုင်ငံဆိုင်ရာ ပါလက်စတိုင်းသံအမတ်ကြီး ဒီရယ်အယ်လ်လော့က ပြောကြားသည်။

ပါလက်စတိုင်းနယ်မြေများကို အစ္စရေးက သိမ်းပိုက်ခြင်းအား အဆုံးသတ်ရန်နှင့် အပြည့်အဝ အချုပ်အခြာအာဏာပိုင်၊ ပထဝီဝင်အနေအထားအရ တစ်ဆက်တည်းရှိပြီး လွတ်လပ်သော ပါလက်စတိုင်းနိုင်ငံကို ထူထောင်မည်ဖြစ်ပြီး အရှေ့ဂျေရုဆလင်ကို ၎င်း၏ မြို့တော်အဖြစ်သတ်မှတ်ရန် ကြိုးပမ်းမှုများကိုလည်း ပါလက်စတိုင်းသမ္မတ မာမွတ်အဘတ်စ်က ၎င်း၏မိန့်ခွန်းတွင် ထည့်သွင်းပြောကြားမည်ဖြစ်ကြောင်း သိရသည်။

D-8 အဖွဲ့ကို ၁၉၉၇ ခုနှစ်တွင် စတင်တည်ထောင်ခဲ့ပြီး ဖွံ့ဖြိုးဆဲနိုင်ငံများ၏ စီးပွားရေးမဟာမိတ်အဖွဲ့ဖြစ်သည်။ ၎င်း၏ အဖွဲ့ဝင်များသည် ဘင်္ဂလားဒေ့ရှ်၊ အီဂျစ်၊ အင်ဒိုနီးရှား၊ အီရန်၊ မလေးရှား၊ နိုင်ဂျီးရီးယား၊ ပါကစ္စတန်နှင့် တူကီယဲတို့ ပါဝင်သည်။

ကိုးကား- ဆင်ဟွာ၊ ဘာသာပြန်- အောင်ကျော်ကျော်

Source: ကြေးမုံသတင်းစာ

Honda Motor နှင့် Nissan Motor တို့သည် မကြာမီကာလအတွင်း လုပ်ငန်းပေါင်းစည်းရေးသဘောတူညီချက်လက်မှတ်ရေးထိုးမည်ဟု မျှော်လင့်ရကြောင်း သတင်းရင်းမြစ်များတွင် ဖော်ပြလျက်ရှိသည်။ ဂျပန်နိုင်ငံ၏ မော်တော်ကားထုတ်လုပ်မှုတွင် ဒုတိယနှင့် တတိယအကြီးဆုံးဖြစ်ကြသည့် ၎င်းကုမ္ပဏီများသည် နည်းပညာနှင့်ကုန်ကျစရိတ်များကို မျှဝေခြင်းအားဖြင့် ယှဉ်ပြိုင်နိုင်စွမ်းကိုမြှင့်တင်ရန် အစုရှယ်ယာပိုင် ကုမ္ပဏီတစ်ခု ဖွဲ့စည်းရန် စဉ်းစားနေကြောင်းဖော်ပြကြသည်။

၎င်းကုမ္ပဏီနှစ်ခုသည် တူညီသည့် Software Platform များ တီထွင်ဖန်တီးရန်နှင့် မော်ဒယ်သတ်မှတ်ချက်၊ယာဉ်အစိတ်အပိုင်း ဖြည့်တင်းရေးများကို မျှဝေခြင်း အပါအဝင် လျှပ်စစ်မော်တော်ယာဉ် (EV) များအတွက် ယာဉ်အစိတ်အပိုင်းများကို စံနှုန်းတူစွာလုပ်ဆောင်ရန် သြဂုတ်လတွင် သဘောတူခဲ့ကြသည်။

လျှပ်စစ်မော်တော်ယာဉ် အသွင်ကူးပြောင်းရေးကဲ့သို့သော နယ်ပယ်များတွင် မဟာဗျူဟာမြောက် ပူးပေါင်းဆောင်ရွက်မှုဆိုင်ရာ ဆွေးနွေးမှုများကို မတ်လ အစောပိုင်းက ကြေညာခဲ့သည်။

၎င်းမော်တော်ကားထုတ်လုပ်သည့် ကုမ္ပဏီများအနေဖြင့် နိုင်ငံခြားမှ ပြိုင်ဘက်များ၏ ပြင်းထန်သော ယှဉ်ပြိုင်မှု များနှင့် ရင်ဆိုင်နေရသည်။ အမေရိက၏ Tesla နှင့် တရုတ်၏ BYD ကုမ္ပဏီများသည် လျှပ်စစ်မော်တော်ယာဉ်၊ အလိုအလျောက်မောင်းနှင်မှုနှင့် Software တီထွင်မှုများတွင် ဦးဆောင်လျက်ရှိသည်။

စက်တင်ဘာလအထိ ၆ လအတွင်း Nissan ၏ အသားတင်အမြတ်သည် ယခင်နှစ်အလားတူကာလထက် ၉၄ ရာခိုင်နှုန်းနီးပါး ကျဆင်းခဲ့ပြီး တစ်စိတ်တစ်ပိုင်း အားဖြင့် အမေရိကတွင် အရောင်းကျဆင်းခဲ့ခြင်းကြောင့် ဖြစ်သည်။

Nissan က ၎င်း၏ ကမ္ဘာ့တစ်ဝန်း ထုတ်လုပ်မှု ပမာဏကို ၂၀ ရာခိုင်နှုန်းလျှော့ချမည်ဖြစ်ပြီး ၂၀၂၇ ခုနှစ်၊ မတ်လနောက်ဆုံးထား၍ အလုပ်သမား ၉,၀၀၀ လျှော့ချမည်ဟု နိုဝင်ဘာလက ပြောခဲ့သည်။ ၎င်းကုမ္ပဏီသည် ဘဏ္ဍာရေးအရာရှိချုပ်အသစ်တစ်ဦး ခန့်အပ်ခြင်းအပါအဝင် စီမံခန့်ခွဲမှုအပြောင်းအလဲများကို  ပြီးခဲ့သည့်သီတင်းပတ်က ထုတ်ပြန်ကြေညာခဲ့သည်။

ကိုးကား-NHK World

လေဆာစွမ်းအင်ဆိုတာ အင်မတန်မှ  ပြင်းထန်ပါတယ်။ သူ့အတွက်စွမ်းအင် လိုအပ်ချက်ကလည်း  မြင့်မားပါတယ်။ အဲဒီလိုလေဆာတွေထဲမှာမှ သတ္တုတွေကို ဖြတ်တောက်နိုင်တဲ့ လေဆာဆိုတာက စွမ်းအင်လိုအပ်ချက် ပိုမိုမြင့်မားပါတယ်။

ဒီလိုမျိုးလေဆာကို သာမန်ဒရုန်းတစ်စင်းမှာ တပ်ဆင်ဖို့ဆိုတာ  ဘယ်လိုမှမဖြစ်နိုင်ဘူးလို့ အားလုံးပဲထင်မိကြမှာပါ။ဒါပေမဲ့ အားလုံးကမဖြစ်လာနိုင်ဘူးလို့ ထင်နေတဲ့ အရာတစ်ခုက လက်တွေ့မှာ ဖြစ်လာနိုင်တယ်ဆိုတာကို တရုတ်နိုင်ငံမှ လေဆာကျွမ်းကျင်ပညာရှင်   ခရေဇီလီ ဦးဆောင်တဲ့ သုတေသနအဖွဲ့တစ်ဖွဲ့က စိန်ခေါ်မှုနဲ့အတူ သက်သေပြလိုက်နိုင်ပါပြီ။

ခရေဇီလီနဲ့အဖွဲ့ဟာ စိန်ခေါ်မှုကိုဖြတ်ကျော်နိုင်စေဖို့အတွက် ကျစ်လျစ်ပေါ့ပါးတဲ့ ကိရိယာတစ်မျိုးကို တီထွင်လိုက်ပါတယ်။ အဲဒီကိရိယာက မြေပြင်မှစွမ်းအားပြင်းလှတဲ့လေဆာလှိုင်းများကို လက်ခံရယူပြီး ပစ်မှတ်ဆီလမ်းကြောင်း    ပြောင်းပေးနိုင်တဲ့ ကိရိယာဖြစ်ပါတယ်။ ဆိုလိုတာက လေဆာထုတ်လုပ်ပေးနိုင်တဲ့ စက်ကြီးတစ်ခုလုံးကို    ဒရုန်းမှာ တပ်ဆင်ပေးလိုက်တာမျိုး မဟုတ်ဘဲ အဲဒီကိရိယာလေးကိုပဲ တပ်ဆင်ပေးလိုက်တာပါ။ သူကအရေးကြုံလာတဲ့အခါ မြေပြင်ဆီကနေလေဆာကို လှမ်းတောင်းပြီး ပစ်မှတ်ဆီပစ်လိုက်တာဖြစ်ပါတယ်။     

Source: Myawady Webportal

ရန်ကုန်မြို့ရှိ ရွှေတိဂုံစေတီတော်နှင့်ပြည်သူ့ရင်ပြင်သို့ ဖြတ်သန်းသွားလာသူများ ယာဉ်အန္တရာယ်၊ လမ်းအန္တရာယ်ကင်းရှင်းစေပြီး သက်သောင့်သက်သာဖြစ်စေရန်ဆောက်လုပ်နေသည့် မြေအောက်လမ်းကူးလူသွားဥမင် Underpass ၏အချောသတ်လုပ်ငန်းများဆောင်ရွက်လျက်ရှိကြောင်း သိရသည်။

အဆိုပါ မြေအောက်လမ်းကူးလူသွားဥမင် Underpass အား ဒဂုံမြို့နယ်၊ ဦးဝိစာရလမ်းရှိ ရွှေတိဂုံစေတီတော်အနောက်ဘက်မုခ်နှင့် ပြည်သူ့ရင်ပြင်ပန်းခြံကြားတွင်တည်ဆောက်လျက်ရှိခြင်းဖြစ်သည်။

ထိုသို့တည်ဆောက်ခဲ့ရာမှလက်ရှိအချိန်တွင်အချောသတ်လုပ်ငန်းများဆောင်ရွက်လျက်ရှိခြင်းအားရန်ကုန်တိုင်းဝန်ကြီးချုပ်ဦးစိုးသိန်းမှ ဒီဇင်ဘာ ၁၅ ရက် နံနက်ပိုင်းက ကြည့်ရှုစစ်ဆေးခဲ့သည်။

ရန်ကုန်တိုင်းဝန်ကြီးချုပ်အား အပိုင်း(၁)လမ်းလယ်ကျွန်းလုပ်ငန်းပြီးစီးမှု၊ အပိုင်း(၂)ဘုရားဘက်ခြမ်းလုပ်ငန်းပြီးစီးမှု၊ အပိုင်း(၃)ပြည်သူ့ရင်ပြင်ဘက်ခြမ်းလုပ်ငန်းပြီးစီးမှု၊ မီးလုပ်ငန်း၊ ရေလုပ်ငန်း၊ လေသန့်လုပ်ငန်း၊ Automation လုပ်ငန်းများပြီးစီးဖြစ်၍ လုပ်ငန်းတစ်ရပ်လုံး၏ အချောသပ်လုပ်ငန်းဆောင်ရွက်နေမှုများကို တာဝန်ရှိသူများက ရှင်းလင်းတင်ပြခဲ့ကြသည်။

မြေအောက်လမ်းကူးလူသွားဥမင် Underpass သည် ၂၃ ပေအကျယ်ရှိ မြေအောက်လမ်းကူးလူသွားဥမင်ဖြစ်ကာ တစ်နာရီလျှင် လူဦးရေ (၁၄၀၀၀)ဦးဖြတ်သန်းသွားလာနိုင်မည်ဖြစ်ပြီး ရွေ့လျားစက်လှေကား(၄)စင်း၊ သက်ကြီးရွယ်အိုများ၊ မသန်စွမ်းသူများအသုံးပြုရန် ဓာတ်လှေကား(၁၀)ယောက်စီး(၂)စင်းပါရှိပြီး မကြာမီ ဖွင့်လှစ်သွားမည်ဖြစ်သည်။

Source- Popular Journal

တိုကျို  ဒီဇင်ဘာ ၁၇

ဂျပန်နိုင်ငံ တိုကျိုဒေသမြောက်ပိုင်း တိုမီအိုကာမြို့တွင် ကာဗွန်ဓာတ်ငွေ့ထုတ်လွှတ်မှု လျှော့ချသည့်အနေဖြင့် လေထုထဲမှရေငွေ့ကို သောက်သုံးရေအဖြစ် ပြန်လည်ထုတ်လုပ်သည့် ကိရိယာကို စတင်စမ်းသပ်သုံးစွဲခဲ့ကြောင်း ယနေ့အင်န်အိတ်ချ်ကေသတင်းအရ သိရသည်။

ယင်းမြို့၏ မြို့တော်ခန်းမနှင့် အားကစားရုံတစ်ခုတွင် အဆိုပါကိရိယာငါးခုစီကို တပ်ဆင်ခဲ့သည်။ ကိရိယာသည် တစ်နေ့လျှင် သောက်ရေသန့် ၃၃ လီတာကို ထုတ်လုပ်နိုင်သည်။ ထိုကိရိယာ အသုံးပြုခြင်းဖြင့် ကာဗွန်ဓာတ်ငွေ့ထုတ်လွှတ်မှု မည်မျှလျှော့ချနိုင်သည်ကို တာဝန်ရှိသူများက လေ့လာမည်ဖြစ်သည်။

ယင်းကိရိယာဖြင့်‌ ရေသန့်ထုတ်လုပ်ပါက တစ်နေ့လျှင် ရေသန့် လီတာ ၆၀၀ ထုတ်လုပ်နိုင်မည်ဖြစ်သည်။ ယခုကိရိယာကို သဘာဝဘေးကျရောက်သည့်အချိန်တွင် သုံးစွဲနိုင်ရန် ရည်ရွယ်သည်။

ကိုးကား- အင်န်အိတ်ချ်ကေ၊ ဘာသာပြန်- စိုးသူရ

Source- ကြေးမုံသတင်းစာ

ပြင်သစ်ပိုင် စီးပွားရေးလုပ်ငန်းများ၊ ပြင်သစ်လူမျိုးများနှင့်စည်ကားနေသည့်အတွက် ဆီနီဂေါနိုင်ငံ၏ သမ္မတ Bassirou Diomaye Fayeu က မိမိတို့အချုပ်အခြာပိုက်နက်အတွင်းရှိ ပြင်သစ်နိုင်ငံ၏အခြေစိုက်စစ်စခန်း များရုတ်သိမ်းရန် ကြေညာလိုက်ပါသည်။ ထိုကြေညာချက် သည်အားလုံးအတွက် အံ့အားသင့်စရာအချက်ဖြစ်နေပြီး အဆိုပါအခြေအနေမှာ ဆီနီဂေါနှင့် ပြင်သစ်အကြား မျှော်လင့်ထားပြီးဖြစ်သည့် နိုင်ငံရေးအခင်းအကျင်း တစ်ခုဖြစ်ကြောင်း နိုင်ငံရေးလေ့လာသူများကဆိုကြပါသည်။

ဆီနီဂေါသမ္မတ Faye  သည် ဆီနီဂေါနိုင်ငံအတွင်း တပ်စွဲထားသည့် ပြင်သစ်တပ်ဖွဲ့ ၃၅၀ ခန့်ကို ဖယ်ရှားပေးရန် ပြင်သစ်အစိုးရထံ နိုဝင်ဘာလကတည်းက တောင်းဆိုထားပါသည်။ ထိုတောင်းဆိုချက်မှာ ဆယ်စုနှစ်များစွာ တည်ရှိခဲ့သော စစ်ပြေငြိမ်းရေးဆိုင်ရာ စာချုပ်အဆုံးသတ်စေသည့်သဘော သက်ရောက် နေပြီးယခင်ကခိုင်မာစွာတည်ရှိခဲ့သည့် ပြင်သစ်နှင့်အနောက်အာဖရိကနိုင်ငံတို့အကြား ဆက်ဆံရေးကိုဖြတ်တောက်လိုက်သည့်သဘောလည်း  သက်ရောက် နေပါသည်။ (ပြင်သစ်) ပါရီနှင့်(ဆီနီဂေါ) ဒါကာတို့၏ ဆက်ဆံရေးကိုလည်း ပြန်လည်သုံးသပ်သွားမည်ဖြစ်ပြီး နိုင်ငံအတွင်း ပြင်သစ်စစ်တပ်များ အခြေစိုက်တပ်စွဲနေခြင်းသည် ဆီနီဂေါနိုင်ငံ အချုပ်အခြာအာဏာနှင့် သင့်တော်မှု လုံးဝမရှိကြောင်း ယခုနှစ်အစောပိုင်းတွင် ရွေးကောက်တင်မြှောက်ခံထားရသူ ဆီနီဂေါသမ္မတFaye က AFP သတင်းဌာနကို ပြောကြားထားသည်။ သို့ရာတွင် ပြင်သစ်တပ်ဖွဲ့ဝင်များအနေဖြင့် မည်သည့်အချိန်တွင်ထွက်ခွာသွားမည်ကို Faye က အတိအကျ ပြောကြားထားခြင်းမရှိချေ။ ၁၉၄၄ ခုနှစ်၊ ဒီဇင်ဘာလ ၁ ရက်တွင် ပြင်သစ်တပ်သားများက အာဖရိကတပ်သား အမြောက်အမြားကို သတ်ဖြတ်ခဲ့ကြပြီး ထိုဖြစ်စဉ်ကို ၂၀၁၂ ခုနှစ်တွင်မှ ပြင်သစ်က ဝန်ခံခဲ့သည်။ အနောက်အာဖရိကန်နိုင်ငံ ဆီနီဂေါအနေဖြင့် လွတ်လပ်ရေးရရှိသည့် ၁၉၆၀ ပြည့်နှစ်မှစ၍ ပြင်သစ်နှင့်ဆက်ဆံရေး ကောင်းမွန်စွာ တည်ဆောက်နိုင်ခဲ့သော်လည်း  အဆိုပါအတိတ်အဖြစ်အပျက်များက နှစ်နိုင်ငံအကြားဆက်ဆံရေးတွင် ဆက်လက်၍ အနှောက်အယှက်အတားအဆီး ဖြစ်နေပါသည်။ လက်ရှိဆီနီဂေါသမ္မတ Faye က ပြင်သစ်မြေတွင် ဆီနီဂေါစစ်တပ် တပ်စွဲ၍မရသလို ပြင်သစ်တပ်များလည်း ဆီနီဂေါမြေတွင် တပ်စွဲခွင့်မပြုလိုကြောင်း သိရှိရသည်။

ကိုးကား  - ALJAEERA