မှတ်ပုံတင် စမတ်ကတ် (e-ID/UID) စစ်ဆေး၊ ထုတ်ပေးသည့် လုပ်ငန်းကို ယနေ့ (ဇူလိုင် ၄ ရက်)ကစပြီး ယာယီရပ်နားထားမည်ဟု လူဝင်မှုကြီးကြပ်ရေးနှင့်  ပြည်သူ့အင်အားဌာနက ထုတ်ပြန်ထားသည်။

e-ID စနစ်ဆိုင်ရာလုပ်ငန်းများ အဆင့်မြှင့်တင်ရန်နှင့် ဝန်ဆောင်မှုအရည်အသွေး ပိုမိုတိုးတက် ကောင်းမွန်စေရန် အတွက် Server Maintenance လုပ်ငန်းများ ယနေ့မှစ လူပ်ဆောင်ရမည် ဖြစ်သောကြောင့် ထိုသို့ရပ်နားထားခြင်း ဖြစ်ကြောင်းလည်း ထုတ်ပြန်သည်။

ထိုသို့ ဆောင်ရွက်နေသည့် ကာလအတွင်း မြို့နယ်ရုံးများ၌ UID နံပါတ်ရယူခြင်း၊ အွန်လိုင်းမှကိုယ်ရေး အချက်အလက် တိုက်ဆိုင်စစ်ဆေးခြင်းစသည့် လုပ်ငန်းများလည်း ယာယီရပ်ဆိုင်းထားမည် ဖြစ်ကြောင်းလည်း သိရသည်။

ထို့ကြောင့် e-ID ဆိုင်ရာလုပ်ငန်းများ မြန်ဆုံးပြန်လည်အသုံးပြုနိုင်ရန်အတွက် အစွမ်းကုန် ကြိုးပမ်းဆောင်ရွက်သွားမည်ဖြစ်ကာ အသုံးပြုနိုင်မည့်အချိန်ကို ထပ်မံကြေညာသွားမည်ဟုလည်း လူဝင်မှုကြီးကြပ်ရေးနှင့်  ပြည်သူ့အင်အားဌာနက ထုတ်ပြန်ထားသည်။

Popular Myanmar

၁။     ယနေ့မြန်မာစံတော်ချိန် ၁၆:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းနေခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှ ရွေ့လျား လာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညနေမှ ၇-၇-၂၀၂၅ ရက်နေ့အတွင်း မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ကယား ပြည်နယ်တို့တွင် နေရာကျဲကျဲနှင့် နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ၁၁ ပေမှ ၁၃ ပေခန့်ရှိနိုင်ပါသည်။

အကြုံပြုချက်

၂။       သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။

မိုး/ဇလ 
 

အင်ဒိုနီးရှားနိုင်ငံ၊ ဘာလီကျွန်းအနီးတွင် ဗုဒ္ဓဟူးနေ့ (ဇူလိုင် ၂) ညဉ့်နက်ပိုင်း က လူ ၆၅ ဦးတင်ဆောင်ထားသည့် ရေယာဉ်နစ်မြုပ်မှုဖြစ်ပွားခဲ့ပြီးအနည်းဆုံး လူလေးဦး သေဆုံးခဲ့သည်။ နိုင်ငံ၏ ရှာဖွေ ကယ်ဆယ်ရေး အေဂျင်စီအဆိုအရ လူ ၃၀ ကျော် ပျောက်ဆုံးနေဆဲဖြစ်သည်။

KMP Tunu Pratama Jaya ရေယာဉ်သည် အရှေ့ဂျာဗားရှိ Ketapang မှ ဘာလီကျွန်းရှိ Gilimanuk သို့ ခရီးနှင်နေစဉ် အဆိုပါ မတော်တဆမှု ဖြစ်ပွားခဲ့သည်ဟု အေဂျင်စီမှ ကြာသပတေးနေ့ (ဇူလိုင် ၃) တွင် ထုတ်ပြန်ခဲ့သည်။ ရေယာဉ်သည် ဒေသစံတော်ချိန် ည ၁၁:၂၀ ခန့်တွင် ထွက်ခွာ ခဲ့ပြီး မိနစ် ၃၀ ခန့်အကြာတွင် နစ်မြုပ်ခဲ့သည်။ ထိုအချိန်က ပင်လယ်ပြင် တွင် လှိုင်းအမြင့် ၂.၅ မီတာအထိ မြင့်တက်နေပြီး မိုးသက်လေပြင်းများ ကျရောက်ခဲ့သည်ဟု သိရှိရသည်။

ကယ်ဆယ်ရေးအဖွဲ့များသည် နံနက်ပိုင်းအချိန်ထိ လူ ၃၁ ဦးကို ကယ်တင် နိုင်ခဲ့ပြီး လူလေးဦး၏ အလောင်းများကို ရှာဖွေတွေ့ရှိခဲ့သည်။ မီဒီယာ သတင်းများအရ အချို့သော အသက်ရှင်သူများသည် ရေထဲတွင် နာရီပေါင်းများစွာ မျောပါပြီးနောက် သတိလစ်နေသည့်အနေအထားဖြင့် တွေ့ရှိ ခဲ့ကြောင်း သိရသည်။ ကျန်ရှိနေသော လူ ၃၀ ကို ရှာဖွေရန် ကြိုးပမ်း မှုများ ဆက်လက်ပြုလုပ်နေပြီး လှေကိုးစီးနှင့် ဒေသခံငါးဖမ်းသမားများ ပါဝင်ကူညီလျက်ရှိသည်။

Surabaya ကယ်ဆယ်ရေးအေဂျင်စီ၏ ပြောကြားချက်အရ အသက်ရှင် သူ လေးဦးသည် ရေယာဉ်၏ အရေးပေါ်လှေဖြင့် ထွက်ခွာနိုင်ခဲ့ပြီး ကြာသပတေးနေ့ (ဇူလိုင် ၃) နံနက်စောစောတွင် ရေထဲ၌ တွေ့ရှိခဲ့ကြောင်း သိရသည်။

အင်ဒိုနီးရှားသမ္မတ ပရာဘိုဝိုက အဆိုပါဘေးအန္တရာယ်ကို အရေးပေါ် တုံ့ပြန်ရန် အမိန့်ပေးခဲ့ပြီး ကယ်ဆယ်ရေးအေဂျင်စီသည် ရှာဖွေရေး လုပ်ငန်းများကို အရှိန်မြှင့်တင်နိုင်ရန် အခြားဝန်ထမ်းများနှင့် စက်ပစ္စည်း များ ထပ်မံပေးပို့ခဲ့သည်။

နစ်မြုပ်ခဲ့သော ရေယာဉ်သည် ခရီးသည် ၅၃ ဦး၊ သင်္ဘောသား ၁၂ ဦးနှင့် ကုန်တင်ကား ၁၄ စီးအပါအဝင် ယာဉ် ၂၂ စီး တင်ဆောင်လာခဲ့သည်။ Ketapang နှင့် Gilimanuk အကြားလမ်းကြောင်းသည် အင်ဒိုနီးရှား၏ သွားလာမှုအများဆုံး ရေကြောင်းလမ်းတစ်ခုဖြစ်ပြီး ဒေသခံများနှင့် ကုန်စည်သယ်ယူသူများ မကြာခဏအသုံးပြုလေ့ရှိသည်။

ကျွန်းပေါင်း ၁၇,၀၀၀ ကျော်ပါဝင်သော အင်ဒိုနီးရှားနိုင်ငံတွင် ရေယာဉ်မတော် တဆမှုများ မကြာခဏဖြစ်ပွားလေ့ရှိပြီး ရေယာဉ်များသည် အဓိက သယ်ယူပို့ဆောင်ရေးအတွက် အားအထားရဆုံးဖြစ်ကာ ဘေးကင်းရေး စည်းမျဉ်းများလိုက်နာမှု အားနည်းခြင်းကြောင့် ဘေးအန္တရာယ်များ ဖြစ်ပေါ်စေခဲ့ကြောင်း သိရှိရပါသည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

တောင်ကိုရီးယားနိုင်ငံ၏ လူဦးရေသည် လာမည့်နှစ်ပေါင်း ၁၀၀ အတွင်း ၈၅ ရာခိုင်နှုန်းအထိ ကျဆင်းလာနိုင်ကြောင်း ပုဂ္ဂလိက လေ့လာရေး အဖွဲ့အစည်းတစ်ခုဖြစ်သည့် ကိုရီးယား ကျွန်းဆွယ် လူဦးရေဆိုင်ရာ အဖွဲ့အစည်းက ဇူလိုင်လ ၂ ရက်တွင် ထုတ်ပြန်သည်။

တောင်ကိုရီးယားနိုင်ငံ၏ လက်ရှိအခြေအနေများအရ လာမည့် ၂၁၂၅ ခုနှစ်တွင် နိုင်ငံအတွင်းရှိ လူဦးရေသည် ယခုလက်ရှိလူဦးရေ ၅၁ ဒသမ ၆၈ သန်းမှ  ၇ ဒသမ ၅၃ သန်းခန့် ကျဆင်းသွားနိုင်ကြောင်း အဆိုပါအဖွဲ့ကြီးက ထုတ်ပြန်ထားသည်။ ကျဆင်းလာမည့် အဆိုပါလူဦးရေပမာဏသည်  ယနေ့ကာလ  ဆိုးမြို့တော်ရှိ  လူဦးရေထက်ကျဆင်းသွားမည်ဖြစ်သည်။ လက်ရှိတွင်  ဆိုးမြို့တော်၏ လူဦးရေ သည် ၉ ဒသမ ၃ သန်းရှိကြောင်း သိရသည်။

ကိုရီးယားကျွန်းဆွယ် လူဦးရေဆိုင်ရာ အဖွဲ့အစည်းက ထုတ်ပြန်သည့်အစီရင်ခံစာတွင်  အရှိန်အဟုန်ဖြင့်  မြင့်တက်လာသည့်နိုင်ငံ လူဦးရေကျဆင်းမှုကို ဖော်ပြထားပြီး လာမည့် ၂၀၇၅ ခုနှစ်တွင် လက်ရှိလူဦးရေ၏ ၃၀ ရာခိုင်နှုန်း ကျဆင်းသွားမည်ဖြစ်ကြောင်း သိရသည်။

တောင်ကိုရီးယားနိုင်ငံတွင် လူဦးရေ ကျဆင်းလာရခြင်း၏ အဓိက အကြောင်းရင်းများတွင်  နိုင်ငံအတွင်း ကလေးသူငယ်မွေးဖွားနှုန်း ကျဆင်းလာခြင်း ပါဝင်လျက်ရှိကြောင်း သိရသည်။

MWD Web Portal

၁။ နိုင်ငံသားတစ်ဦးသည် ဖွဲ့စည်းပုံအခြခံဥပဒေပါ နိုင်ငံသားများ၏ မူလအခွင့်အရေးနှင့် ဥပဒေပါအခွင့်အရေးများ၊ နိုင်ငံတော်က လက်ခံထားသည့် လူ့အခွင့်အရေးနှင့် သက်ဆိုင်သော အပြည်ပြည်ဆိုင်ရာနှင့် ဒေသဆိုင်ရာသဘောတူစာချုပ်များတွင်ပါရှိသည့် လူ့အခွင့်အရေးများကို ဖောက်ဖျက်ခြင်းခံရပါက မြန်မာနိုင်ငံအမျိုးသားလူ့အခွင့်အရေးကော်မရှင်ဥပဒေပုဒ်မ ၃၀ အရ ကိုယ်တိုင်အတွက်သော်လည်းကောင်း၊ အခြားသူတစ်ဦးအတွက်သော်လည်းကောင်း၊ လူတစ်စုကို ကိုယ်စားပြု၍သော်လည်းကောင်း ကော်မရှင်သို့ တိုင်ကြားနိုင်ပါသည်။

၂။ တိုင်ကြားမှုကို ဥက္ကဋ္ဌ၊ မြန်မာနိုင်ငံ အမျိုးသားလူ့အခွင့်အရေးကော်မရှင်၊ အမှတ် (၂၇)၊ (၆) မိုင်ခွဲ၊ ပြည်လမ်း၊ လှိုင်မြို့နယ်၊ ရန်ကုန်မြို့သို့လည်းကောင်း၊ မြန်မာနိုင်ငံအမျိုးသားလူ့အခွင့်အရေးကော်မရှင်(ရုံးခွဲ) နေပြည်တော်၊ မန္တလေး၊ စစ်တွေ၊ ပုသိမ်မြို့တို့သို့လည်းကောင်း လိပ်မူ၍ စာတိုက်မှဖြစ်စေ၊ သက်ဆိုင်ရာကော်မရှင်ရုံးသို့ လူကိုယ်တိုင်ဖြစ်စေ၊ ဖက်စ် ၀၁၈-၆၅၄၆၇၈၊ ကော်မရှင် e-mail လိပ်စာဖြစ်သော info@mnhrc.org.mm တို့မှတစ်ဆင့်ဖြစ်စေ ပြုလုပ်နိုင်ပါသည်။

၃။ တိုင်ကြားရာတွင် အောက်ပါအချက်များ ပြည့်စုံစွာဖော်ပြရမည် ဖြစ်ပါသည်-

(က) တိုင်ကြားသူ၏ အမည်၊ အမြဲတမ်းနေရပ်လိပ်စာနှင့် ဆက်သွယ်ရန်လိပ်စာ အပြည့်အစုံ (ဆက်သွယ်ရန် ဖုန်း၊ ဖက်စ်နှင့် e-mail တို့ရှိလျှင် ထည့်သွင်းဖော်ပြရန်)

(ခ) တိုင်ကြားသူသည် မည်ကဲ့သို့လူ့အခွင့်အရေးဖောက်ဖျက်ခံရပြီး နစ်နာဆုံးရှုံးကြောင်း ပြည့်စုံစွာဖော်ပြချက်၊ လိုအပ်ပါက မှတ်တမ်းဓာတ်ပုံနှင့် အထောက်အထားမိတ္တူများ ပူးတွဲလျက်ပေးပို့ရန်၊

(ဂ) တိုင်ကြားသူ၏ နိုင်ငံသားစိစစ်ရေးကတ်ပြားမိတ္တူ မဖြစ်မနေပူးတွဲပေးပို့ရန်၊

(ဃ) တိုင်ကြားချက်ပါ အကြောင်းအရာများမှန်ကန်ကြောင်း တိုင်ကြားသူမှ လက်မှတ်ရေးထိုးပေးပို့ရန်။

၄။ ကော်မရှင်သည် ယင်းတိုင်ကြားချက်များကိုစိစစ်၍ ကော်မရှင်ဥပဒေ၊ လုပ်ထုံးလုပ်နည်းများနှင့်အညီ စုံစမ်းစစ်‌ဆေးပြီး သက်ဆိုင်ရာဌာန၊ အဖွဲ့အစည်းများနှင့် ဆက်သွယ်ညှိနှိုင်း ပူးပေါင်းဆောင်ရွက်ပေးသွားမည်ဖြစ်ပါသည်။

မြန်မာနိုင်ငံအမျိုးသားလူ့အခွင့်အ‌ရေးကော်မရှင်

ကိုင်ရို ဇူလိုင် ၂

အီဂျစ်နိုင်ငံ စူးအက်ပင်လယ်ကွေ့၌ ရေနံတူးဖော်ရေးသင်္ဘောတစ်စီး တိမ်းမှောက်ခဲ့ရာ အနည်းဆုံး လေးဦးသေဆုံး၍ သုံးဦးပျောက်ဆုံးနေကြောင်း အီဂျစ် ရေနံဝန်ကြီးဌာနက ယနေ့တွင် သတင်းထုတ်ပြန်ထားသည်။

အက်ဒ်မရိန်း - ၁၂ အမည်ရှိအဆိုပါ ရေနံတူးသင်္ဘောသည် ဇူလိုင် ၁ ရက်တွင် ဂါဘယ်လ်အယ် ဇိတ်အမည်ရှိ အီဂျစ်ကမ်းလွန် ရေနံတူးဖော်ရေးလုပ်ကွက်အတွင်း တိမ်းမှောက်ခဲ့ခြင်း ဖြစ်ကြောင်း သိရသည်။

အက်ဒ်မရိန်း-၁၂ ရေနံတူး သင်္ဘောနစ်မြုပ်မှုကြောင့် ရေယာဉ် ဝန်ထမ်း အနည်းဆုံး လေးဦး သေဆုံးခဲ့ရပြီး ပျောက်ဆုံးနေသူ သုံးဦးကို အီဂျစ်ရေတပ်က ရှာဖွေ

နေဆဲဖြစ်သည်။ 
အက်ဒ်မရိန်း-၁၂ ရေနံတူး သင်္ဘောပေါ်တွင် လူပေါင်း ၃ဝ လိုက်ပါသွားရာ ၂၃ ဦးကို အီဂျစ် ရေတပ်က ကယ်တင်နိုင်ခဲ့ကြောင်း ရေနံ၀န်ကြီးဌာန ကြေညာချက်၌ ဖော်ပြထားသည်။

အီဂျစ်မီဒီယာများ၏အဆိုအရ အက်ဒ်မရိန်း ၁၂ ရေနံတူးသင်္ဘောသည် ဆွဲသင်္ဘောများအကူအညီဖြင့် နေရာရွှေ့ပြောင်းနေစဉ် တိမ်းမှောက်ခဲ့ခြင်း ဖြစ်ကြောင်း သိရသည်။

လက်ရှိအချိန်တွင် အက်ဒ်မရိန်း  - ၁၂ရေနံတူးသင်္ဘော တိမ်းမှောက်မှု နောက်ခံအကြောင်းရင်းကို အီဂျစ် တာဝန်ရှိသူများက စုံစမ်းစစ်ဆေး လျက်ရှိကြောင်း သိရသည်။

Ref: Xinhua

Trs : KKO

Photo- Euronews

နယူးယောက် ဇူလိုင် ၂
အမေရိကန်သမ္မတ ဒေါ်နယ်ထရမ့်သည် ဇူလိုင် ၁ ရက်တွင် တရားမပဝင်ရွှေ့ပြောင်းဝင်ရောက် သူများကို ယာယီထိန်းသိမ်းရေး အတွက် တည်ဆောက်ထားသော ထိန်းသိမ်းရေးစခန်းသစ်သို့ သွား ရောက်ခဲ့ကြောင်း သိရသည်။

အယ်လီဂေတာအယ်လ်ထရက်ဇ် အမည်ရှိ အဆိုပါထိန်းသိမ်းရေး စခန်းကို ဖလော်ရီဒါပြည်နယ် အတွင်းရှိ မိကျောင်းနှင့် စပါးကြီး မြွေပေါများသော အဲဗားဂလိတ် ဒေသ၌ တည်ဆောက်ထားခြင်း ဖြစ်သည်။ 

အမေရိကန် နိုင်ငံအတွင်းသို့တရားမဝင် ရွှေ့ပြောင်းဝင်ရောက် လာသူများအား နှင်ထုတ်မှုလုပ်ငန်း ကို အရှိန်မြှင့်တင်ပေးမည့် ဥပဒေ ကြမ်းတစ်ရပ်အား အထက် လွှတ်တော်က မဲခွဲအတည်ပြုရန် စီစဉ်နေစဉ်  အယ်လ်ထရက်ဇ် ထိန်းသိမ်းရေး စခန်းသို့ သမ္မတဒေါ်နယ်ထရမ့် သွားရောက်ခဲ့ခြင်း ဖြစ်ကြောင်း သိရသည်။

မိုင်ယာမီမြို့နှင့် ၃၇ မိုင်အကွာတွင်တည်ရှိသော အယ်လီဂေတာ အယ်လ်ထရက်ဇ် ထိန်းသိမ်းရေးစခန်းသည် တရားမဝင်ရွှေ့ပြောင်း ဝင်ရောက်သူ ၅၀၀၀ထိ လက်ခံနေရာပေးထားနိုင်သည်။

အယ်လီဂေတာအယ်လ်ထရက်ဇ် ထိန်းသိမ်းရေးစခန်းအတွက် အမေရိကန်အစိုးရအနေဖြင့် တစ်နှစ်လျှင် အမေရိကန်ဒေါ်လာ သန်း ၄၅၀ထိ သုံးစွဲရဖွယ်ရှိသည်။ 
အယ်လီဂေတာ အယ်လ်ထရက်ဇ် ထိန်းသိမ်းရေးစခန်း လုံခြုံရေး အတွက် ယင်းစခန်းသို့ အမျိုးသား အစောင့်တပ်ဖွဲ့ဝင် ၁၀၀ စေလွှတ် ရန် ဖလော်ရီဒါပြည်နယ် အုပ်ချုပ်ရေးမှူးက စီစဉ်ထားကြောင်း သိရသည်။

Ref: Xinhua

Trs: KKO

YDNB Newspaper
 

အမေရိကန်အခြေစိုက် နည်းပညာကုမ္ပဏီကြီးတစ်ခုဖြစ်သည့် Microsoft ကုမ္ပဏီက ယခုနှစ်အတွင်း ဒုတိယအကြိမ်အဖြစ် ဝန်ထမ်း ၉,၀၀၀ ခန့်ကို အလုပ်မှ ထုတ်ပယ်မည်ဟု ကြေညာလိုက်သည်။ ကုမ္ပဏီအနေဖြင့် ဉာဏ်ရည်တု (AI) နည်းပညာဖွံ့ဖြိုးရေးနှင့် လုပ်ငန်းလည်ပတ်ရာတွင် ပိုမိုထိရောက်စေရေး အဓိကထားဆောင်ရွက်နေသည်ဟု ယူဆရသည်။ 

Microsoft ကုမ္ပဏီက ကုမ္ပဏီ စုစုပေါင်းဝန်ထမ်းအင်အား၏ ၄% နီးပါး (ခန့်မှန်းခြေ ၉,၀၀၀) ကို လျှော့ချမည်ဖြစ်ကြောင်း ဇူလိုင် ၂ ရက်နေ့တွင် ပြောကြားခဲ့သည်။ ၂၀၂၄ ခုနှစ် ဇွန်လ ၃၀ ရက်နေ့အထိ Microsoft တွင် ဝန်ထမ်းအင်အား ၂၂၈,၀၀၀ ခန့်ရှိခဲ့သည်။

ပထမအကြိမ်ဝန်ထမ်းအင်အားလျှော့ချမှုကို ပြီးခဲ့သည့် မေလတွင် ပြုလုပ် ခဲ့ပြီး ဝန်ထမ်း အင်အား ၆,၀၀၀ ခန့်အား အလုပ်မှ ထုတ်ပယ်ခဲ့ခြင်း ဖြစ်သည်။ ထိုသို့ဝန်ထမ်းအင်အား လျှော့ချခြင်းဖြင့် လုပ်ငန်းလည်ပတ် ရာတွင် ပိုမိုထိရောက်မှုရှိပြီး လုပ်ငန်းစွမ်းဆောင်ရည် မြင့်မားစေရန် ရည်ရွယ်ကြောင်း Microsoft က ပြောကြားထားသည်။ 

အလျင်အမြန် တိုးတက်ပြောင်းလဲနေသော ဈေးကွက်တွင် ကုမ္ပဏီ အနေဖြင့် အောင်မြင်စွာ ရပ်တည်နိုင်ရန်အတွက် လိုအပ်သော ဝန်ထမ်း ဖွဲ့စည်းပုံဆိုင်ရာအပြောင်းအလဲများကို ဆက်လက်ဆောင်ရွက်ခြင်း ဖြစ်ကြောင်း ကုမ္ပဏီ၏တာဝန်ရှိသူတစ်ဦးက ပြောကြားထားသည်။ 

Microsoft အနေဖြင့် AI ဖွံ့ဖြိုးရေးနှင့်ဆက်စပ်သော ကုန်ကျစရိတ်များ တိုးလာနေခြင်းကြောင့် ၎င်း၏အရင်းအမြစ်များကို အဓိကကျသည့် နေရာ များတွင် အသုံးပြုရန် လိုအပ်နေကြောင်း အမေရိကန်မီဒီယာများတွင် ဖော်ပြကြသည်။ ထို့ပြင် AI ကိရိယာများအား အသုံးပြုခြင်းဖြင့် လုပ်ငန်း လည်ပတ်မှု ပိုမိုထိရောက်လာသည့်အတွက် ယခုလိုဝန်ထမ်း အင်အား လျှော့ချသည့်အစီအစဉ်ကို ဆောင်ရွက်ခြင်းဖြစ်နိုင်ကြောင်း သုံးသပ် ထားသည်။

ကိုးကား -NHK

ဘာသာပြန်ဆိုသူ-ဒေါ်မေသူခိုင်၊ လက်ထောက်ညွှန်ကြားရေးမှူး၊နစက-၃

လီဗာပူးလ်နှင့် ပေါ်တူဂီ အသင်းတို့၏ ၂၈ နှစ်အရွယ် တိုက်စစ် ကစား သမား Diogo Jota နှင့် ၎င်း၏ညီတို့သည် ယနေ့ (ဇူလိုင် ၃) Zamora ခရိုင်၌ ယာဉ်မတော်တဆမှုဖြင့် သေဆုံးသွားခဲ့သည်။ စပိန်အနောက်ပိုင်း ၊Zamora ခရိုင်၊ Cernadilla မြို့ A-52 မော်တော်ကားလမ်းမပေါ်ရှိ လမ်းကွေ့တစ်နေရာတွင် ယာဉ်မတော်တဆမှု ဖြစ်ပွားခဲ့ကြောင်း သိရှိ ရပြီး Jota နှင့် ၎င်း၏ ညီတို့စီးနင်းလာသော ကားသည် ကားဘီးပေါက်ကာ ထိန်းချုပ်နိုင်ခြင်းမရှိတော့ဘဲ လူးလိမ့်သွားပြီး မီးလောင်ကျွမ်းခဲ့သည်ဟု ဆိုသည်။

ခရိုင် ယာဉ်စည်းကမ်းထိန်းသိမ်းရေးရဲတပ်ဖွဲ့၊ မီးသတ်တပ်ဖွဲ့၊ UME လူနာတင်ယာဉ်ဝန်ဆောင်မှုနှင့် Mombuey ကျန်းမာရေးစင်တာမှ ဝန်ထမ်း များက ဝိုင်းဝန်းကူညီခဲ့ကြသော်လည်း Jota နှင့် ပေါ်တူဂီ ဒုတိယတန်း ကလပ် Penafiel မှ ကစားသမားဖြစ်သည့် ၎င်း၏ညီ Silva တို့နှစ်ဦး စလုံးသည် အခင်းဖြစ်ရာနေရာတွင် အသက်ဆုံးရှုံးသွားခဲ့သည်။

Jota ညီအစ်ကိုများသည် အားလပ်ရက် ခရီးသွားနေစဉ် အဆိုပါ မတော်တဆမှုဖြစ်ပွားခဲ့သည်ဟု ယူဆရသည်။ Jota သည် ၎င်း၏ ကာလကြာရှည်စွာကပင် ချစ်ခင်ခဲ့သော အတူနေချစ်သူ Rute Cardoso နှင့် ကလေး ၃ ယောက် ရှိပြီး လက်ထပ်ထိမ်းမြားခဲ့သည်မှာ ၁၀ ရက်သာ ကြာမြင့်သေးသည်။

၁၉၉၆ ခုနှစ် ဒီဇင်ဘာ ၄ ရက်တွင် မွေးဖွားခဲ့သော Jota သည် ပေါ်တူဂီ ကလပ် Pacos Ferreira  အကယ်ဒမီတွင် ကြီးပြင်းခဲ့ပြီး Atletico Madrid မှ ခေါ်ယူခြင်းခံရကာ Porto သို့ အငှားစားချုပ်ဖြင့် သွားရောက် ကစား ခဲ့သည်။ ၂၀၁၇ နွေရာသီတွင် ၎င်းသည် Wolves အသင်းသို့ ဒေါ်လာ ၁၆.၆ သန်း တန်ဖိုးရှိ အငှားစာချုပ်ဖြင့် ရောက်ရှိခဲ့ပြီး တစ်နှစ်ခွဲအကြာ တွင် အသင်းမှ အပြီးသတ်ဝယ်ယူခဲ့သည်။ Wolves နှင့် ပထမဆုံး ရာသီတွင်ပင် Jota သည် First Division လိဂ်တွင် ၁၇ ဂိုးရရှိခဲ့ကာ အသင်းအား Premier League သို့ တက်ရောက်နိုင်ရန် အဓိက အထောက်အကူပြုခဲ့သည်။

၂၀၂၀ ပြည့်နှစ်တွင် Jota သည် ဒေါ်လာ ၅၈ သန်းဖြင့် Liverpool အသင်းသို့ ပြောင်းရွှေ့ခဲ့ပြီး Anfield အသင်းအတွက် ၁၈၂ ပွဲကစားကာ ၆၅ ဂိုးသွင်းယူပြီး ၂၆ ဂိုးအတွက်ထောက်ပံ့မှုပြုခဲ့သည်။ Liverpool တွင် ၎င်းသည် ၂၀၂၄-၂၀၂၅ Premier League ချန်ပီယံဆု၊ ၂၀၂၁-၂၀၂၂ ရာသီတွင် FA Cup နှင့် League Cup ဆုများ ရရှိခဲ့သည်။

အဆိုပါဝမ်းနည်းဖွယ်အဖြစ်အပျက်သည် Jota ၏ ကလပ်နှင့် နိုင်ငံ့ လက်ရွေးစင်အဆင့် အောင်မြင်မှုများအပြီးတွင် ဖြစ်ပွားခဲ့ခြင်းဖြစ်ကာ Premier League နှင့် UEFA Nations League ဆုများကို ရရှိခဲ့သည်။ Jota သည် ပေါ်တူဂီ လက်ရွေးစင်အသင်းအတွက် ပွဲ ၄၉ ပွဲကစားခဲ့ပြီး၁၄ ဂိုး သွင်းယူခဲ့ကာ ၂၀၁၈-၂၀၁၉ နှင့် ၂၀၂၄-၂၀၂၅ ရာသီများတွင် Nations League ချန်ပီယံဆု နှစ်ကြိမ်ရရှိခဲ့သည်။

ကိုးကား- VN Express

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

၁။    ယနေ့မြန်မာစံတော်ချိန် ၁၆:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေ အားကောင်းနေခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှ ရွေ့လျား လာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညနေမှ 6-7-၂၀၂၅ ရက်နေ့အတွင်း မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ကယား ပြည်နယ်တို့တွင် နေရာကျဲကျဲနှင့် နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန် ပင်လယ်ပြင်တို့တွင် ၁၁ ပေမှ ၁၃ ပေခန့်ရှိနိုင်ပါသည်။

အကြုံပြုချက်

၂။       သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။

 မိုး/ဇလ