ရုရှားသမ္မတ ဗလာဒီမာပူတင်နှင့် တူရကီသမ္မတ အာဒိုဂန် တို့သည် တယ်လီဖုန်းဖြင့် စကားပြောဆိုခဲ့ကြပြီး နှစ်နိုင်ငံအကြား ကုန်သွယ်မှုနှင့် စီးပွားရေးပူးပေါင်း ဆောင်ရွက်မှုများ ပိုမိုကောင်းမွန်လာစေရန် နည်းလမ်းများကို ဆွေးနွေးခဲ့ကြကြောင်း ကရင်မလင်က ထုတ်ပြန်ချက်တွင် ဖော်ပြထားသည်။

ပူတင်နှင့် အာဒိုဂန်တို့သည် အောက်တိုဘာ ၂၃ ရက်က ရုရှားနိုင်ငံ၊ Kazan ၌ ကျင်းပသည့် BRICS ထိပ်သီးအစည်းအဝေးပြင်ပတွင် အလွတ်သဘော တွေ့ဆုံခဲ့ကြပြီး ကုန်သွယ်ရေးနှင့် စီးပွားရေးဆိုင်ရာဆက်ဆံရေးများ ဖွံ့ဖြိုးတိုးတက်လာမည့် အလားအလာများအပြင် တူရကီတွင် နိုင်ငံတကာဓာတ်ငွေ့ဗဟိုချက်မ တစ်ခု ဖန်တီးမည့် စီမံကိန်းကိုလည်း ဆွေးနွေးခဲ့ကြကြောင်း သိရှိရပါသည်။ 

ကိုးကား -  TASS (Russia New Agency)

ရုရှားသမ္မတဗလာဒီမာပူတင်သည်  ယူကရိန်း စစ်ပွဲဆင်နွှဲရန်  ဝင်ရောက်လာသည့်  တပ်သားသစ်များကို ကျေးဇူးတင်ရှိသည့်အနေဖြင့်  ရုရှားရူဘယ် ၁၀ သန်း  ( ဒေါ်လာ  ၉၅,၈၃၅ ) စီ ပေးရန် ဥပဒေတစ်ရပ်ကို စနေနေ့က လက်မှတ်ရေးထိုး ထုတ်ပြန်လိုက်ပါသည်။ 

ထိုတပ်သားသစ်များအနေဖြင့် လာမည့် ဒီဇင်ဘာလ ၁ ရက်မှစ၍ ယူကရိန်းစစ်ပွဲတွင် အနည်းဆုံး တစ်နှစ်ထမ်းဆောင်ရန် ကာကွယ်ရေးဝန်ကြီးဌာနနှင့် သဘောတူစာချုပ် လက်မှတ်ရေးထိုးရမည်ဟု အဆိုပါဥပဒေတွင်  ဖော်ပြထားပါသည်။ 

ကိုးကား - ရိုက်တာ(မော်စကို)

ရုရှားတပ်ဖွဲ့များသည် ယူကရိန်းနိုင်ငံအရှေ့ပိုင်း ဒွန်နက်စ်ခ်ဒေသရှိ နိုဗိုဒမီထရစ်ကာ နယ်မြေကိုသိမ်းပိုက်နိုင်ခဲ့ကြောင်း ရုရှားကာကွယ်ရေးဝန်ကြီးဌာနက ကြေညာခဲ့ပြီး ရုရှားကာကွယ်ရေးဝန်ကြီးဌာန ဝန်ကြီးအန်ဒရီ ဗျဲလူးဆော့ဗ်က အဆိုပါသိမ်းပိုက်နိုင်မှုသည် ရုရှားတပ်မတော်၏ စစ်မြေပြင်အရှိန်မြှင့် တိုးတက်မှု၏ နောက်ဆုံး ရလဒ်ဖြစ်ကြောင်း ပြောကြားခဲ့ပါသည်။

ကိုးကား - Reuters

ရုရှားလေကြောင်းရန်ကာကွယ်ရေးစနစ်များ အဆိုပါ တိုက်ခိုက်မှုကိုဟန့်တားရန် ဆောင်ရွက်ခဲ့ကြောင်း Kursk ဒေသ အစိုးရအဖွဲ့အကြီးအကဲ က ပြောကြားခဲ့ ပါသည်။ 

ယူကရိန်းတပ်မတော်က အသုံးပြုသည့် ဒုံးကျည်အမျိုးအစားကို မသိရသေးကြောင်းနှင့် ကနဦး သတင်းများအရ ယူကရိန်းတို့သည် အမေရိကန်နိုင်ငံထုတ် ATACMS ဒုံးကျည် ၅ စီး ကို အသုံးပြုခဲ့ကြောင်း သိရှိရပါသည်။

ကိုးကား - Kursk ဒေသအစိုးရအဖွဲ့

ရုရှားနိုင်ငံ၊ Kursk ဒေသသို့ တိုက်ခိုက်လာသော ယူကရိန်းစစ်တပ်၏ ဒုံးကျည်နှစ်စင်းနှင့် ဒရုန်း ၂၇ စင်း တို့ကို ရုရှားလေကြောင်းရန် ကာကွယ်ရေးစနစ်များက ဖျက်ဆီးနိုင်ခဲ့ကြောင်း ဒေသတွင်းအစိုးရအဖွဲ့အကြီးအကဲ Smirnov က ပြောကြားခဲ့ပါသည်။

ကိုးကား - Kursk ဒေသတွင်းအစိုးရအဖွဲ့

အမေရိကန် ရွေးကောက်ခံသမ္မတသစ် ဒေါ်နယ်ထရမ့်သည် ရုရှား-ယူကရိန်းပဋိပက္ခအတွက် အထူးသံတမန်အဖြစ် ၎င်း၏ထောက်လှမ်းရေးအကြီးအကဲဟောင်း Richard Grenell ကိုရွေးချယ်ရန်စဉ်းစားနေကြောင်း ယုံကြည်ရသည့် သတင်းရင်းမြစ်လေးခုမှ ကိုးကား၍ Sputnik သတင်းအေဂျင်စီက ဖော်ပြထားပါသည်။

“Richard Grenell သည် ဂျာမနီနိုင်ငံဆိုင်ရာ ထရမ့်၏ သံအမတ်အဖြစ်တာဝန်ထမ်းဆောင်ခဲ့ပြီး၊ ထရမ့်၏ ၂၀၁၇-၂၀၂၁ခုနှစ် သမ္မတသက်တမ်းအတွင်း အမျိုးသားထောက်လှမ်းရေးဌာန၏ အမှုဆောင်ဒါရိုက်တာအဖြစ် တာဝန်ထမ်းဆောင်ခဲ့သော Richard Grenell သည် အဆိုပါရာထူးအတွက် ရွေးချယ်ခံရပါက စစ်ပွဲကိုရပ်တန့်ရန် ထရမ့်၏ ကြိုးပမ်းမှုတွင် အဓိကအခန်းကဏ္ဍမှပါဝင်မည်ဖြစ်ကြောင်း၊ ရုရှား-ယူကရိန်းပဋိပက္ခကို ဖြေရှင်းရန်အတွက် သီးသန့် အထူးသံတမန်မရှိသေးသော်လည်း ရွေးကောက်ခံသမ္မတ ဒေါ်နယ်ထရမ့်သည် ထိုကဏ္ဍကိုဖန်တီးရန်စဉ်းစားနေကြောင်း အတွင်းရေးဆွေးနွေးမှုများအရ သိရှိရကြောင်း”အမည်မဖော်လိုသော သတင်းရင်းမြစ်လေးခုမှ ပြောကြားခဲ့ကြောင်း သိရှိရပါသည်။

ကိုးကား - Sputnik သတင်းအေဂျင်စီ

ရုရှားတပ်မတော်သည် ယူကရိန်းတို့၏ ၂၀၂၅ ခုနှစ် အတွက် ရန်သူ၏စစ်ဆင်ရေးတစ်ခုလုံးကို အောင်မြင်စွာ ဟန့်တားနိုင်ခဲ့ကြောင်း ရုရှားကာကွယ်ရေးဝန်ကြီး Andrey Belousov က ပြောကြားခဲ့ပါသည်။

ကိုးကား - Tass

အမေရိကန်နိုင်ငံနှင့် အိန္ဒိယနိုင်ငံ စီးပွားရေးလုပ်ငန်းများ ၏တရားဝင် websiteများ အသွင်ဆောင်ကာ မြောက် ကိုးရီးယား နျူကလီးယားတပ်ဖွဲ့လုပ်ငန်းအတွက် ငွေကြေး ရှာဖွေပေးနေသည်ဟု ယူဆဖွယ်ရာရှိသော မြောက်ကို ရီးယား နိုင်ငံသားများ၏  website အမြောက်အမြားကို FBI က ဖမ်းဆီးလိုက်ကြောင်း အဆိုပါကိစ္စကို ဖော်ထုတ် စစ်ဆေးခဲ့သည့် လုံခြုံရေးဆိုင်ရာ သုတေသနပညာရှင် များ၏ဝက်ဆိုက်တွင် ထုတ်ပြန်ထားသည့်ကြေညာချက် အရ သိရှိရပါကြောင်း CNN က ဖော်ပြထားပါသည်။

ကိုးကား-CNN  

ရုရှား-ယူကရိန်းစစ်ပွဲသည် မည်မျှအန္တရာယ်ကြီးကြောင်း ရှင်းရှင်းလင်းလင်း သိသာထင်ရှားလာပြီ ဖြစ်ကြောင်း၊ သမ္မတ ပူတင်က ယူကရိန်းပိုင်နက်ကို တိုက်ခိုက်ရန် တာလတ်ပစ် ဒုံးကျည်များကို အသုံးပြုခဲ့ခြင်းသည် ကြောက်စရာကောင်းသည့် စစ်ရေးတိုးမြင့်လာမှု ဖြစ်ကြောင်း၊ တစ်ချိန်တည်းတွင် ဂျာမနီသည် ယူကရိန်း အား တာဝေးပစ် Taurus ဒုံးကျည်များ ထောက်ပံ့ ပေးမည်မဟုတ်ကြောင်း၊ ရုရှားပိုင်နက်ရှိ နေရာများကို ပစ်မှတ်ထားရန် ဂျာမန်လက်နက်များ အသုံးပြုရန် ယူကရိန်းကို ခွင့်မပြုထားကြောင်း ဂျာမနီ ဝန်ကြီးချုပ် Scholzက ၎င်း၏ရပ်တည်ချက်နှင့်ပက်သတ်၍ ထပ်လောင်း ပြောကြားခဲ့ကြောင်း သိရှိရသည်။

ကိုးကား - RIA Novasti သတင်းဌာန

အမေရိကန်သမ္မတရာထူးကို တာဝန်ယူမည့် ဒေါ်နယ် ထရန့်သည် ၎င်း၏ ပထမအကြိမ် သမ္မတ တာဝန်ယူစဉ် က ယာယီရှေ့နေချုပ်တာဝန်ထမ်းဆောင်ခဲ့ဖူးသူ Matthew Whitaker ကို နေတိုးဆိုင်ရာ အမေရိကန်သံအမတ်ကြီး ရာထူးအတွက် ရွေးချယ်လိုက်ပါသည်။

“Matt က ရဲရင့်သည့်စစ်သားတစ်ဦးဖြစ်သကဲ့သို့ သစ္စာရှိ သောမျိုးချစ်စိတ်ဓာတ်ရှိသူတစ်ဦးလည်း ဖြစ်ကြောင်း၊ အမေရိကန်၏ အမျိုးသားအကျိုးစီးပွားကို စွမ်းစွမ်းတမံ ကာကွယ်ပေးပြီး ပိုမိုတိုးတက်အောင် လုပ်ပေးနိုင်မည် ဖြစ်ကြောင်း” ထရန့်က ဗုဒ္ဓဟူးနေ့ က ပြောကြားလိုက် သည်။ 

ထို့ပြင် “ Matt က မိတ်ဖက် နေတိုးအဖွဲ့နှင့် ဆက်ဆံရေး ပိုမိုခိုင်မာစေရန်နှင့် ကမ္ဘာကြီးငြိမ်းချမ်းရေးကို ခြိမ်းခြောက် လာမှုများကို မားမားမတ်မတ်ရပ်တည် ရင်ဆိုင်သွား လိမ့်မည်ဖြစ်ကြောင်း” ဆက်လက်ပြောကြားလိုက်ပါ သည်။ ယခုအချိန်တွင် အမေရိကန်သည် ရုရှား-ယူကရိန်း စစ်ပွဲနှင့်စပ်လျဉ်း၍  ထရန့်လက်ထက်တွင် မဟာမိတ်ယူကရိန်းကို မည်သို့ဆက်လက်ပံ့ပိုးကာကွယ် ပေးသွားမည်ဆိုသည့် ကြီးမားသော စိန်ခေါ်မှုတစ်ခု ရင်ဆိုင်ကြုံတွေ့နေရသည့်ကာလဖြစ်နေကြောင်း CNN တွင် ဖော်ပြထားပါသည်။

ကိုးကား - CNN