ယူကရိန်း၌ အပစ်အခတ်ရပ်စဲရန် အရေးကြီးကြောင်း အမေရိကန် သမ္မတက အလေးပေးပြောဆိုထားကြောင်း နိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ တမ်မီဘရုစ် က ထောက်ပြပြောကြားခဲ့ပါသည်။

ယူကရိန်း၌ အပစ်အခတ်ရပ်စဲရေး မရှိပါက အမေရိကန်-ရုရှား ဆက်ဆံရေး တွင် မည်သည့်အပြုသဘောဆောင်သော တိုးတက်မှုမျှ  မျှော်လင့်ရန် မဖြစ်နိုင်ကြောင်း အမေရိကန်က ယူဆထားပါသည်ဟု ၎င်းက ပြောကြား ခဲ့ပါသည်။

"သမ္မတ ဒေါ်နယ်ထရမ့် က ရုရှားနှင့်ဆက်ဆံရေးတွင် လက်ရှိ အရေးအကြီး ဆုံးအချက်မှာ ယူကရိန်းတွင် အပစ်အခတ်ရပ်စဲရေးသာ ဖြစ်ကြောင်း ရှင်းရှင်း လင်းလင်းဖော်ပြခဲ့ပါတယ်။ဤကိစ္စမဖြေရှင်းမချင်း အခြားမည်သည့်ကိစ္စကိုမှ ဆွေးနွေးမည်မဟုတ်ပါ"ဟု အမေရိကန်နိုင်ငံခြားရေးဝန်ကြီးဌာန၏ ပြောရေး ဆိုခွင့်ရှိသူ တမ်မီဘရုစ် က မီဒီယာများအား ရှင်းလင်းပြောကြားခဲ့ပါသည်။

ကိုးကား - Tass

အီရန်နိုင်ငံကို တိုက်ခိုက်ရမည်ဆိုပါက အစ္စရေးနိုင်ငံသည် ထိုသို့သော တိုက်ခိုက်မှုကို ဦးဆောင်ရလိမ့်မည်ဟု အမေရိကန် သမ္မတဒေါ်နယ်ထရမ့်က ဧပြီလ ၅ ရက်တွင်ပြောသည်။ အီရန်အနေဖြင့် ၎င်းတို့၏ နျူကလီးယား လက်နက်အစီအစဉ်ကို ရုပ်သိမ်းခြင်း မရှိပါက တိုက်ခိုက်ခံရမည်ဖြစ်ကြောင်း ထရမ့်ကပြောထားသည်။

အိုမန်နိုင်ငံ၌ အမေရိကန်နှင့် အီရန်တို့မှ တာဝန်ရှိသူများကြား တွေ့ဆုံဆွေးနွေးရန် စီစဉ်ထားပြီး ထိုတွေ့ဆုံမှုမတိုင်မီ ထရမ့်က ယခုကဲ့သို့ သတိပေးခြင်းဖြစ်သည်။ ထိုတွေ့ဆုံမှုသည် နှစ်နိုင်ငံကြားတိုက်ရိုက် ဆွေးနွေးမှုဖြစ်သည်ဟု အမေရိကန်ဘက်ကပြောထားသော်လည်း အီရန်ကထိုဆွေးနွေးမှုက တိုက်ရိုက်ဆွေးနွေးမှု မဟုတ်ဟု ဆိုထားသည်။

အကယ်၍ အီရန်အနေဖြင့် စစ်ကိုလိုလားပါက အမေရိကန်က အီရန်လိုလားသောစစ်ကို ပို့ဆောင်ပေးသွားမည်ဖြစ်ပြီး ထိုသို့သောစစ်ပွဲတွင် အစ္စရေးသည်လည်း ပါဝင်ရမည်ဖြစ်ကာ ဦးဆောင်သွားရမည်ဖြစ်ကြောင်း ထရမ့်ကပြောထားခြင်းဖြစ်သည်။

အစ္စရေးဝန်ကြီးချုပ် ဘင်ဂျမင်နေတန်ယာဟုက အီရန်နှင့်ပြေလည်မှု ရရှိစေရေးအတွက် အမေရိကန်၏ သံတမန်ရေးနည်းအရဖြေရှင်းမှုကို သဘောတူညီ ထောက်ခံကြောင်း ယခုလအစောပိုင်းတွင် ပြောထားသည်။

ထို့ပြင် အီရန်အနေဖြင့် နျူကလီးယား လက်နက်မပိုင်ဆိုင်နိုင်ရေးသည်လည်း အမေရိကန်နှင့် အစ္စရေးတို့၏ တူညီသော ရည်မှန်းချက်ဖြစ်ကြောင်း ၎င်းကဆက် ပြောထားသည်။

Source: https://myawady.net.mm/

ဗြိတိန်နှင့် နော်ဝေးတို့သည် ယူကရိန်းအား စစ်ရေးအကူအညီအဖြစ် အမေရိကန်ဒေါ်လာ သန်း ၅၈၀ ခွဲဝေထောက်ပံ့ပေးမည်ဟု ရိုက်တာ သတင်းက ဖော်ပြထားသည်။

ထိုရန်ပုံငွေများမှာ ယူကရိန်းစစ်တပ်အတွက် ဒရုန်းရာချီ ထောက်ပံ့နိုင်ရန်၊ ယာဉ်နှင့်စက်ကိရိယာများ ပြုပြင်ထိန်းသိမ်းရန်၊ ရေဒါစနစ်များ၊ တင့်ကားဖျက်မိုင်းများနှင့် တန်ပြန်ဒရုန်းနည်းပညာတို့အတွက် လိုအပ်သည်များ ဝယ်ယူရန် အသုံးပြုမည်ဖြစ်ကြောင်း သိရပါသည်။

ဧပြီ ၁၁ ရက် (သောကြာနေ့) တွင် ကျင်းပမည့် ယူကရိန်းနိုင်ငံသို့ စစ်ဘက် ဆိုင်ရာ ထောက်ပံ့မှုများဆိုင်ရာ အစည်းအဝေးမတိုင်မီ   ထိုကြေညာချက် ထွက်ပေါ်လာခြင်းဖြစ်သည်။ 

ကိုးကား- TASS / Reuters

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ယူကရိန်းနိုင်ငံအနေဖြင့် အမေရိကန်မှ ပေးအပ်သော အကူအညီအထောက်အပံ့ရမှသာလျှင်  ရုရှားကို အနိုင်တိုက်နိုင်မည်ဖြစ်ကြောင်း၊  အမေရိကန်၏ ထောက်ပံ့မှုမရလျှင် စစ်ရှုံးမည်မှာ အမှန်ပင်ဖြစ်ကြောင်း ယူကရိန်းသမ္မတ ဇီလန်စကီက    အလည်အပတ်ရောက်လာသော       အမေရိကန် လွှတ်တော်အမတ်ကို ပြောသည်။

ထို့ပြင် လက်ရှိအချိန်တွင်  ယူကရိန်းနိုင်ငံသည်    စစ်ပွဲကိုရှုံးနိမ့်နေကြောင်း ဇီလန်စကီက အမေရိကန် အထက်လွှတ်တော်အမတ် ချက်ရှူးမားကို သတိပေးထားသည်။

ကျွန်တော်တို့နဲ့တွေ့ဆုံခဲ့တဲ့  သမ္မတဇီလန်စကီနဲ့ တာဝန်ရှိသူတွေ  တညီတညာတည်းပြောကြတာက  ယူကရိန်းက အကူအညီအထောက်အပံ့ရရင် ရုရှားကို အနိုင်တိုက်နိုင်မယ်။ အကူအညီအထောက်အပံ့မရရင် စစ်ပွဲကိုရှုံး နိမ့်မယ်ဆိုတဲ့ အချက်ပါပဲဟု ချက်ရှူးမားကပြောသည်။

ချက်ရှူးမားသည် ဒီမိုကရက်အမတ်များနှင့်အတူ ယူကရိန်းနိုင်ငံသို့ အလည်အပတ်ရောက်လာခြင်း ဖြစ်သည်။  ၎င်းခရီးစဉ်၏ ရည်ရွယ်ချက်မှာ   ယူကရိန်းနိုင်ငံ၏ စစ်ပွဲအတွင်း လိုအပ်ချက်များကို    လွှတ်တော် အမတ်များအနေဖြင့်  စဉ်းစားသုံးသပ်နိုင်ရန်ဖြစ်သည်။

ယခုအခါ ယူကရိန်းအနေဖြင့် စစ်ပွဲကိုရှုံးနိမ့်နေပြီဖြစ်သောကြောင့် အမေရိကန်မှ ကူညီထောက်ပံ့မှုများ  မဖြစ်မနေရရှိရေးအတွက်ကို လွှတ်တော်တွင် ဆွေးနွေးပေးသွားမည် ဖြစ်ကြောင်း  ချက်ရှူးမားကပြောသည်။

အမေရိကန်သမ္မတဂျိုးဘိုင်ဒင်၏ အစိုးရအဖွဲ့က ယူကရိန်းသို့ ဒေါ်လာဘီလီယံ ၆၀ တန်ဖိုးရှိ အကူအညီ အထောက်အပံ့များပေးရန်   ဥပဒေကို အထက်လွှတ်တော်က အတည်ပြုလိုက်သော်လည်း     အောက်လွှတ်တော်မှ ရီပတ်ဘလစ်ကန်အမတ်များ၏ ဆန့်ကျင်မှုကြောင့် အတည်မဖြစ်သေးပေ။

ရုရှားနှင့်ယူကရိန်းတို့ကြား   ပဋိပက္ခဖြစ်ပွားပြီးကတည်းက    အမေရိကန်က ယူကရိန်းဘက်မှ အဓိက ထောက်ပံ့ပေးသူအဖြစ် ရပ်တည်လာသော်လည်း ယခုအချိန်တွင် ထိုကဲ့သို့ ထောက်ပံ့မှုများမှာ  အရှိန်ကျဆင်းလာပြီဖြစ်သည်။

အထူးသဖြင့်  ယူကရိန်းတို့က ရုရှားအပေါ် တန်ပြန်တိုက်စစ်ဆင်နွှဲမှု မအောင်မြင်မှုကြောင့် အနောက်အုပ်စု၏ ထောက်ပံ့မှုက လျော့ကျလာခြင်းဖြစ်သည်။

ယူကရိန်းက စစ်မြေပြင်တွင်  ရှုံးနိမ့်မှုများနှင့် ရင်ဆိုင်နေရသော်လည်း    ရှေ့တန်းရောက်စစ်သည်များအနေဖြင့် အမြောက်များ၊ တာဝေးပစ်လက်နက်ကြီးများ၊လေယာဉ်များနှင့်   အခြားသော စစ်လက်နက်ပစ္စည်းများ လိုအပ်နေကြောင်း   ယူကရိန်းတာဝန်ရှိသူများက ပြောထားသည်ဟု သိရသည်။

Ref: RT

Source: https://myawady.net.mm/

ယူကရိန်းသမ္မတ Zelensky သည် ပထမဆုံးဖမ်းဆီးရမိသော တရုတ် နိုင်ငံသားနှစ်ဦးအား ယူကရိန်းစစ်ဆေးရေးအရာရှိများ၏ စစ်ဆေး မေးမြန်းမှု ဗီဒီယိုကိုထုတ်ပြန်ခဲ့ပါသည်။

အဆိုပါ ဗီဒီယို ဖိုင်ထဲတွင် တရုတ်နိုင်ငံသား ၂ ဦး၏ တရုတ် ပက်စပို့များ အပါအဝင် အထောက်အထားများကို ထုတ်ပြခဲ့ပါသည်။

ကိုးကား-အင်တာနက်စာမျက်နှာများ

ရုရှားစစ်တပ်၏ အစိတ်အပိုင်းတစ်ခုအနေဖြင့် ယူကရိန်းကို တိုက်ခိုက် နေသည့် အနည်းဆုံး တရုတ်နိုင်ငံသား ၁၅၅ ဦး ရှိကြောင်း ယူကရိန်း သမ္မတ Zelensky သည် သတင်းထောက်များနှင့် တွေ့ဆုံစဉ် ပြောကြား ခဲ့ပါသည်။

သမ္မတ၏ အဆိုအရ ရုရှားသည် TikTok မှတစ်ဆင့် တရုတ်နိုင်ငံသား များကို အဓိကထား၍ စစ်သားအဖြစ်စုဆောင်းနေကြောင်း သိရပါသည်။

ကိုးကား-အင်တာနက်စာမျက်နှာများ

အမေရိကန်သမ္မတ ဒေါ်နယ်ထရမ့်က အီရန်နိုင်ငံအား လိုအပ်ပါက စစ်ရေးအရ တုံ့ပြန်မှုပြုလုပ်ရန် အသင့်ရှိကြောင်း ဧပြီ ၉ ရက် (ဗုဒ္ဓဟူးနေ့) တွင် အိမ်ဖြူတော်၌ ကျင်းပသော သတင်းထောက်များနှင့် တွေ့ဆုံမှုတွင် ထုတ်ဖော်ပြောကြားခဲ့သည်။ 

အိုမန်၌အီရန်နှင့် ပြုလုပ်မည့်ဆွေးနွေးပွဲများသည် ကြာရှည်မည့် လုပ်ငန်းစဉ်၏အစသာဖြစ်ကြောင်း အမေရိကန်သမ္မတ ဒေါ်နယ်ထရမ့် က မှတ်ချက်ပြုပြောကြားခဲ့သည်။ “မိမိတို့တွင် အချိန်အနည်းငယ်သာရှိကြောင်း၊ အကြောင်းမှာ မိမိတို့အနေဖြင့် ၎င်းတို့ကို နျူကလီးယားလက်နက်ရရှိရန် ခွင့်မပြုနိုင်သည့်အတွက် ဖြစ်ပါကြောင်း” အမေရိကန်သမ္မတက ပြောကြားခဲ့သည်။ “မိမိအနေဖြင့် အများကြီးမတောင်းဆိုပါ။ ၎င်းတို့မှာ နျူကလီးယား လက်နက်ရှိ၍ မရပါ” ဟု ထရမ့်က ထပ်ခါတလဲလဲ ပြောကြားခဲ့ပါသည်။ “သို့သော် အီရန်နှင့်ပတ်သက်၍ စစ်ရေးဆိုင်ရာလုပ်ဆောင်မှုလိုအပ်ပါက မိမိတို့က လုပ်ဆောင်မည်ဖြစ်ကြောင်း၊ အစ္စရေး နိုင်ငံက ထိုအရာ၌ အကြီး အကျယ်ပါဝင်ပတ်သက်နေမည်မှာ ထင်ရှားကြောင်း၊ အစ္စရေးက အဆိုပါ ကိစ္စတွင် ဦးဆောင်သူဖြစ်လိမ့်မည်ဖြစ်ကြောင်း” အမေရိကန်သမ္မတ ဒေါ်နယ် ထရမ့်က ပြောကြားခဲ့ပါသည်။ “သို့သော် မည်သူကမျှ မိမိတို့ကို ဦးဆောင်ခြင်း မရှိကြောင်း၊ မိမိတို့က မိမိတို့ဆန္ဒရှိသည်ကိုသာ လုပ်ဆောင်ခြင်း ဖြစ်ကြောင်း” အမေရိကန်သမ္မတက အကျဉ်းချုပ်ပြောကြားခဲ့သည်။ 

ဧပြီ ၁၂ ရက်တွင် အိုမန်နိုင်ငံ၌ အမေရိကန်-အီရန် နျူကလီးယားအရေး ဆွေးနွေးပွဲ ကျင်းပမည်ဖြစ်ပြီး အမေရိကန်ဘက်မှ သမ္မတ၏ အထူး ကိုယ်စားလှယ် စတီဗင် ဝှစ်ကော့ဖ်နှင့် အီရန်ဘက်မှ နိုင်ငံခြားရေးဝန်ကြီး အဘ်ဘာစ် အရာချီ တို့ ဦးဆောင်မည်ဖြစ်ပါသည်။ အိမ်ဖြူတော်က “တိုက်ရိုက် ဆွေးနွေးမည်” ဟု ဆိုသော်လည်း၊ အီရန်က “ကြားခံများမှတစ်ဆင့်သာ” ဆောင်ရွက်မည်ဟု ငြင်းဆိုခဲ့ပါသည်။ 

နျူကလီးယားသဘောတူညီချက် (JCPOA) မှနုတ်ထွက်မည့်အဖွဲ့အပေါ် ပိတ်ဆို့အရေးယူမှုများချမှတ်ရန် ဖြစ်နိုင်ခြေကို စာရွက်စာတမ်းတွင် အတည်ပြုပေးခြင်းနှင့် ပူးတွဲဘက်ပေါင်းစုံ လုပ်ဆောင်မှုအစီအစဉ်များပါဝင်သည့် JCPOA သဘောတူညီချက်ကို ပြန်လည် ပြင်ဆင် ရေးအတွက် အီရန်က တောင်းဆိုလျက်ရှိပါသည်။ အမေရိကန်ကမူ အီရန် နျူကလီးယားအစီအစဉ်၏ စစ်ရေးဆိုင်ရာဖွံ့ဖြိုးတိုးတက်မှုကို တားဆီးခြင်း အပြင် အီရန်၏ နျူကလီးယားဆိုင်ရာနေရာများအားလုံးကို အပြီးအပိုင် ဖျက်သိမ်းရန် တောင်းဆိုလျက်ရှိသည်။ ထို့ပြင် ဝါရှင်တန်က အရှေ့ အလယ်ပိုင်း၌ အီရန်၏ မဟာမိတ်များကို ထောက်ခံအားပေးမှုကို ရပ်တန့် စေရန်နှင့် ဒုံးပျံပစ်လွှတ်ခြင်းနှင့်ပတ်သက်၍ အီရန်၏အစီအစဉ်ကို ကန့်သတ်ရန် တောင်းဆိုလျက်ရှိပါသည်။ အီရန်က ၎င်း၏နိုင်ငံခြားရေး မူဝါဒဆိုင်ရာနှင့် ကာကွယ်ရေးဆိုင်ရာအခွင့်အရေးများကို ကန့်သတ်ရန် မည်သည့်ကြိုးပမ်းမှုကိုမဆို လုံးဝငြင်းဆန်ခဲ့ပြီး ငြိမ်းချမ်းသော နျူကလီးယားစွမ်းအင်ကို ဖွံ့ဖြိုးတိုးတက်စေရန်အတွက် ၎င်း၏ အခွင့်အရေး ကို အလေးအနက်ထားပြောဆိုခဲ့သည်။

ကိုးကား - Tass

ရုရှားဒုတိယကာကွယ်ရေးဝန်ကြီး Alexander Fomin နှင့် ဘင်္ဂလားဒေ့ရှ် တပ်မတော်ဦးစီးချုပ် ဗိုလ်ချုပ်ကြီး Waker-Uz-Zaman တို့သည် ၂၀၂၅ ခုနှစ်၊ ဧပြီ ၇ ရက်တွင် မော်စကိုမြို့၌ တွေ့ဆုံခဲ့ကြောင်း သိရပါသည်။

ထိုသို့တွေ့ဆုံချိန် နှစ်နိုင်ငံအကြား ကာကွယ်ရေးနယ်ပယ်၌ ပိုမို ပူးပေါင်း ဆောင်ရွက်နိုင်မည့်အခွင့်အလမ်းများ ဆွေးနွေးခဲ့ကြပြီး နှစ်နိုင်ငံ တပ်မတော်များနှင့်ပြည်သူများအကြား ခင်မင်ရင်းနှီးသော ဆက်ဆံရေး ပိုမိုခိုင်မာ စေရန် အတူတကွ ဆန္ဒပြုကြောင်း ရုရှားကာကွယ်ရေးဝန်ကြီးဌာန၏ သတင်းထုတ်ပြန်ချက်တွင် ဖော်ပြထားပါသည်။

ကိုးကား- TASS/ New Age

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

အမေရိကန်သမ္မတဒေါ်နယ်ထရမ့်၏ အီရန်အပေါ် စစ်ရေးအရေးယူ ခြိမ်းခြောက်မှုများမှာ ငြိမ်းချမ်းရေး မရရှိနိုင်ကြောင်း၊ ဗုံးကြဲ တိုက်ခိုက် ခြင်းမှာ ပြဿနာကို မဖြေရှင်းနိုင်ကြောင်း ရုရှားနိုင်ငံခြားရေးဝန်ကြီးဌာန ပြောခွင့်ရှိသူ Maria Zakharova က ဧပြီလ ၉ ရက်နေ့တွင် ထုတ်ဖော် ပြောကြားလိုက်ပါသည်။

အမေရိကန်နှင့်အီရန်အကြား စစ်ရေးအရေးယူမှုများ မဖြစ်စေရန် ရုရှား အနေဖြင့် သံတမန်ဆက်ဆံရေးဖြင့် ဖြေရှင်းရန် အားပေးနေကြောင်း၊ အမေရိကန်နှင့် အီရန်အကြား ဆွေးနွေးမှုများကို ထောက်ခံကြောင်း၊ သမ္မတထရမ့်၏ အီရန်အပေါ် စစ်ရေးအရေးယူ ခြိမ်းခြောက်မှုများကို တရားမဝင်ကြောင်းနှင့် လက်ခံနိုင်ဖွယ်မရှိကြောင်း ထိုခြိမ်းခြောက်မှုက ကမ္ဘာ့ငြိမ်းချမ်းရေးကို အန္တရာယ်ကျရောက်နိုင်ကြောင်း Zakharova က ထပ်လောင်းပြောကြားထားပါသည်။     

ထိုသို့ခြိမ်းခြောက်နေမှုမှာ တင်းမာမှုများကို ပိုမိုတိုးလာစေပြီး အီရန် အနေဖြင့် မတည်ငြိမ်မှုများကို ရှောင်ရှားရန် ကြိုတင်အရေးယူမှုများ ပြုလုပ်နေကြောင်း ကရင်မလင်ပြောခွင့်ရ ဒီထရီပက်စကိုဗ်ကလည်း ပြောကြားထားပါသည်။

ကိုးကား- Reuters

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ပြင်သစ်နှင့် ဗြိတိန်တို့က Odessa မြို့တွင် စစ်ရေးလုပ်ဆောင်ရန် စီစဉ် ဆောင်ရွက်နေကြောင်း ရုရှားနိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် Maria Zakharova က ဧပြီ ၉ ရက်နေ့တွင် ပြုလုပ်သော သတင်းစာ ရှင်းလင်းပွဲတွင်ပြောကြားလိုက်သည်။

ဧပြီ ၄ မှ ၅ ရက်အတွင်း ကီဗ်မြို့၌ ယူကရိန်း၊ ဗြိတိန် နှင့် ပြင်သစ် စစ်တပ် အရာရှိများသည် နိုင်ငံတကာငြိမ်းချမ်းရေးထိန်းသိမ်းရေးတပ်ဖွဲ့” ဟု ခေါ်သော စစ်ရေးစီမံချက်အတွက် တွေ့ဆုံဆွေးနွေးခဲ့ကြသည်ဟု ၄င်းက ပြောကြားထားပါသည်။ 

အမှန်တကယ်အားဖြင့် ထိုဆွေးနွေးမှုများမှာ ပြင်သစ်-ဗြိတိန် တပ်ဖွဲ့များ က ယူကရိန်း၏ ပင်လယ်နက်ရှိ ဆိပ်ကမ်းများ—အထူးသဖြင့် Odessa မြို့ ကို ဦးတည်၍ စစ်ရေးလုပ်ဆောင်ရန်အတွက် ဖြစ်ကြောင်း အဓိက အချက်အဖြစ် အလေးထားပေးပြောကြားခဲ့သည်။

ကိုးကား- TASS/ apa

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃