ရုရှားပစိဖိတ်ရေတပ် (Pacific Fleet) နှင့် ဘင်္ဂလားဒေ့ရှ် ရေတပ်တို့သည် ပူးတွဲရေတပ်စစ်ရေးလေ့ကျင့်မှု (PASSEX) ကို အိန္ဒိယသမုဒ္ဒရာတွင် အောင်မြင်စွာ ပြုလုပ်နိုင်ခဲ့ကြောင်း ရုရှားရေတပ်က ဧပြီ ၂၁ ရက်က သတင်းထုတ်ပြန်ထားပါသည်။

ထိုပူးတွဲစစ်ရေးလေ့ကျင့်မှုတွင် ရုရှားဘက်က Rezky စစ်သင်္ဘော၊ Hero of the Russian Federation စစ်သင်္ဘော ၊ Alder Tsydenzhapov စစ် သင်္ဘောနှင့် Pechenga ရေနံတင် သင်္ဘောနှင့် ဘင်္ဂလားဒေ့ရှ်ဘက်က စစ် သင်္ဘောများဖြစ်သည့် BNS Umar Farooq၊   BNS Prottoy၊ BNS Durjoy တို့ ပါဝင်ပါသည်။

ဆက်သွယ်ရေးလေ့ကျင့်မှု၊ ပူးပေါင်းဗျူဟာမြောက် ရွေ့လျားမှုနှင့် ရေနံတင် သင်္ဘောမှ ရေနှင့်လောင်စာဖြည့်တင်းခြင်း ဆိုင်ရာ အပြုသဘော လေ့ကျင့်မှု များ ပြုလုပ်ခဲ့ကြသည်။

ကိုးကား- TASS

Photo: Al Mayadeen English

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

အမေရိကန်နှင့်ဖိလစ်ပိုင်တို့က စစ်သည် အင်အား ၁၄၀၀၀ ကျော်ဖြင့် ပူးတွဲတိုက်ပွဲဝင် စစ်ရေးလေ့ကျင့်ခန်းကြီးကို   ဧပြီလ ၂၁ ရက်တွင် ဆောင်ရွက်ကြောင်း   သိရသည်။

အဆိုပါစစ်ရေး လေ့ကျင့်ခန်းကို နှစ်စဉ် ဆောင်ရွက်လေ့ရှိပြီး ယခုလေ့ကျင့်ခန်းကို မေလ ၉ ရက်အထိ သီတင်းပတ်သုံးပတ်ကြာ ဆောင်ရွက်သွားမည်ဖြစ်သည်။ ထို လေ့ကျင့်ခန်းတွင် အမေရိကန်မှ NMESIS သင်္ဘောဖျက်ဒုံးကျည်စနစ်နှင့် HIMARS ဒုံးပစ်လောင်ချာတို့ကဲ့သို့သော စစ်လက်နက်ပစ္စည်းများ၏ စွမ်းရည်များကိုပါပြသ သွားမည်ဖြစ်သည်။

ထို့ပြင် စစ်ရေးလေ့ကျင့်ခန်းတွင်ပါဝင်သည့် ကျည်စစ်ကျည်မှန် အသုံးပြုပစ်ခတ် လေ့ကျင့်ခန်းတွင် ဖိလစ်ပိုင်က ၎င်းတို့၏ ပြည်တွင်းဖြစ် ခေတ်မီဒုံးကျည်များကို စမ်းသပ်သွားမည်ဖြစ်ကြောင်း တာဝန်ရှိသူများက  သတင်းစာရှင်းလင်းပွဲတွင် ပြောသည်။

အလားတူ ယခုစစ်ရေးလေ့ကျင့်ခန်း သည် အပြည့်အဝ တိုက်ပွဲဝင်စမ်းသပ်မှု ဖြစ်ကြောင်း၊ နှစ်နိုင်ငံတပ်ဖွဲ့များ၏ စွမ်းရည်များကို ဘက်ပေါင်းစုံမှ တိုင်းတာသွားမည်ဖြစ်ကြောင်း  အမေရိကန်တပ်မတော်မှ စစ်ရေး လေ့ကျင့်ခန်းဆိုင်ရာ ညွှန်ကြားရေးမှူး  ဒုတိယဗိုလ်ချုပ်ကြီး ဂျိမ်းဂလင်းကပြောသည်။

ထိုစစ်ရေး လေ့ကျင့်ခန်းတွင် ဒုံးကျည်ရန်စွယ် ကာကွယ်ရေး၊ ကျူးကျော်လာမှုကို ဟန့်တားရေး၊    ဖိလစ်ပိုင်စစ်ရေယာဉ် တစ်စင်းကို   ပစ်ခတ်နှစ်မြှုပ်ရေးတို့ ပါဝင်ကာ  အမေရိကန်ဘက်က  စစ်သည် ၉၀၀၀ ဝန်းကျင်နှင့်   ဖိလစ်ပိုင်ဘက်က စစ်သည် ၅၀၀၀ ကျော်က လေ့ကျင့်သွားမည် ဖြစ်ကြောင်း သိရသည်။   

Source: https://myawady.net.mm/

ရီပတ်ဘလီကန် ဆီးနိတ်အမတ် Ron Johnson က ၂၀၀၁ ခုနှစ်၊ စက်တင်ဘာ ၁၁ တိုက်ခိုက်မှုနှင့်ပတ်သက်သည့် ဖြစ်စဉ်အမှန်အပေါ် အစိုးရ၏ရှင်းလင်းချက်များနှင့် သက်သေအထောက်အထားများနှင့် ပတ်သက်ပြီး ဖြေရှင်းနိုင်ခဲ့ခြင်းမရှိသည့် မေးခွန်းများကို ကိုးကား၍ အမေရိကန်ကွန်ဂရက်လွှတ်တော်မှ နောက်ထပ်စုံစမ်းစစ်ဆေးမှုများ ပြုလုပ်နိုင်ရန် အကြံပြုခဲ့သည်။

၂၀၀၁ ခုနှစ်၊ စက်တင်ဘာ ၁၁ တွင် အယ်လ်ကိုင်ဒါ အကြမ်းဖက်သမား များသည် ခရီးသည်တင်လေယာဉ် ၄ စီး ကို ပြန်ပေးဆွဲခဲ့ပြီး ၎င်းတို့ အနက် ၂ စီးသည် နယူးယောက်မြို့ရှိ World Trade Center မျှော်စင် နှစ်ခုသို့ ဝင်ရောက်တိုက်ခိုက်ခဲ့သည်။ တတိယလေယာဉ်သည် ပင်တဂွန် (အမေရိကန်ကာကွယ်ရေးဝန်ကြီးဌာန) ကို တိုက်ခိုက်ခဲ့ပြီး၊ စတုတ္ထမြောက် လေယာဉ်မှာ ပဲန်ဆယ်ဗေးနီးယား ပြည်နယ်ရှိ လယ်ကွင်းတစ်ခုအတွင်း ပျက်ကျခဲ့သည်။ National Institute of Standards and Technology (NIST) ၏ အဆိုအရ၊ World Trade Center Building 7 သည် အနီးရှိ အခြားမျှော်စင်မှ ပြိုကျသည့် အမှိုက်သရိုက်များကြောင့် မီးလောင်ပြီး ပြိုလဲခဲ့သည်ဟု ဖော်ပြခဲ့သည်။

ဆီးနိတ်အမတ် Johnson သည် ဧပြီ ၂၂ ရက်(တနင်္လာနေ့) တွင် ထုတ်လွှင့်ခဲ့သည့် အမွန်ခံမှုဝါဒီ Benny Johnson ၏ တွေ့ဆုံမေးမြန်းချက်တစ်ခုအတွင်း Building 7 ၏ ပြိုလဲမှုအပါအဝင် ၉/၁၁ စုံစမ်းစစ်ဆေးမှု၏ အချို့သောအချက်များကို မေးခွန်းထုတ်ခဲ့သည်။

ကိုးကား-RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

သံချပ်ကာယာဉ်များ၊ လေကြောင်းရန်ကာကွယ်ရေးဒုံးကျည်များ၊ ဟောင်ဝစ်ဇာအမြောက်များနှင့် အခြားစစ်လက်နက်ပစ္စည်းများအပါအဝင် ယူကရိန်းအတွက် စစ်ရေးအကူအညီအသစ်များကို ဂျာမနီအစိုးရက ထုတ်ပြန် ကြေညာခဲ့ကြောင်း သိရပါသည်။

ဂျာမန်အဓိပတိဖြစ်လာခဲ့သည် Chancellor Friedrich Merz က ယူကရိန်း ကို တာဝေးပစ်ဒုံးကျည်များ ထောက်ပံ့ပေးခြင်းနှင့်ပတ်သက်ပြီး ဂျာမနီက ကိုယ်တိုင်ချမှတ်ထားသော တားမြစ်ချက်များကို ၎င်းကချိုးဖောက် နိုင်သည်ဟု ယခုလအစောပိုင်း၌ ပြောကြားခဲ့ပါသည်။ ထို့အပြင် ၎င်း၏ ပြောဆိုချက်များနှင့်ပတ်သက်ပြီး ရုရှားဘက်မှ ပြင်းပြင်းထန်ထန် သတိပေးမှုများ လုပ်ဆောင်ခဲ့ကြောင်းလည်း သိရပါသည်။ ဂျာမနီအစိုးရ သည် ယူကရိန်းသို့ပေးပို့ခဲ့သည့် စစ်ဘက်ဆိုင်ရာ ပစ္စည်းစာရင်းများနှင့် ပတ်သက်ပြီး ပြင်ဆင်ထားသည့်စာရင်းအသစ်ကို လွန်ခဲ့သော ရက်ပိုင်းတွင် ထုတ်ပြန်ခဲ့ကြောင်းလည်း သိရပါသည်။

ထုတ်ပြန်ချက်၌ “ဂျာမနီအစိုးရသည် လာမည့်နှစ်များအတွင်း ယူရို (၂၈) ဘီလီယံ တန်ဖိုးရှိ စစ်‌ရေးအကူအညီများ ယူကရိန်းကိုပေးအပ်ရန် ကတိပြု ထားပြီး ယူရို (၅ ဒသမ ၂) ဘီလီယံ ဝန်းကျင်တန်ဖိုးရှိ စစ်ရေးအကူအညီများသည် ဂျာမနီစစ်တပ်၏ ကိုယ်ပိုင်သိုလှောင်မှုများထဲမှဖြစ်သည်” ဟု ပါရှိသည်။ ထို့အပြင် ဂျာမနီသည် ယူကရိန်းစစ်သား(၁၀,၀၀၀) ကျော်အား ရုရှား-ယူကရိန်းစစ်ပွဲ ဖြစ်ပွားချိန်မှစတင်ပြီး စစ်ရေးလေ့ကျင့်ပေးမှုများပြုလုပ်ပေးခဲ့သည်ဟု ဂျာမနီအစိုးရက ထပ်မံပြောကြားခဲ့ပါသည်။

ကိုးကား-NP News

အီစတာပွဲတော်အတွက် ရုရှား၏ ယာယီအပစ်အခတ်ရပ်စဲရေး အဆိုပြုချက်ကို ယူကရိန်းဘက်က အစပိုင်းတွင် လက်မခံခဲ့သော်လည်း နောက်ပိုင်းတွင် နိုင်ငံခြားတိုက်ရိုက်ဖိအားကြောင့် ထိုဆုံးဖြတ်ချက် ပြောင်းလဲခဲ့ကြောင်း ရုရှားသမ္မတ ဗလာဒီမာ ပူတင်က ဧပြီ ၂၁ ရက်တွင် ထုတ်ဖော် ပြောကြား လိုက်ပါသည်။ 

“၎င်းတို့၏ပထမဆုံး တုံ့ပြန်မှုက မိမိတို့၏ အဆိုပြုချက်ကို “လူသားများ၏ အသက်များနှင့် ကစားနေသည့်လှည့်ကွက်” ဟု စွပ်စွဲပြီး အပြည့်အဝ ငြင်းပယ်ခဲ့သည်ကို အားလုံးမြင်ခဲ့ကြရပါကြောင်း” ပူတင်က ရှင်းပြခဲ့သည်။ 

“သို့သော် အမြော်အမြင်ကြီးသူများနှင့် ထင်ရှားသည့် နိုင်ငံတကာ အကြီးအကဲများက ယခုလိုငြင်းပယ်မှုများက ယူကရိန်းအစိုးရအတွက် နိုင်ငံရေးအရ အရှုံးကြီးရှုံးစေမည်ဟု သတိပေးသည့်အခါကျတော့ ချက်ချင်းဆိုသလို သဘောထားပြောင်းလဲသွားခဲ့ပါကြောင်း” ၎င်းက ဖြည့်စွက် ပြောကြားခဲ့သည်။ 

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ရုရှားနိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ မာရီယာ ဇာခါရိုဗာ က ရုရှား-ယူကရိန်းအကြား အီစတာစစ်ရပ်နားရေးကို တိုးချဲ့နိုင်ရန်မျှော်လင့်ကြောင်း ထုတ်ပြန်ချက်ကို ပြန်လည်တုံ့ပြန်ရင်း ယူကရိန်း အစိုးရသည် အမေရိကန်ထုတ် HIMARS ဒုံးစနစ်များဖြင့် အပစ်အခတ် ယာယီရပ်စဲရေးကို ချိုးဖောက်တိုက်ခိုက်ခဲ့သည် ဟု ပြောကြားလိုက် ပါသည်။ 

ယူကရိန်းအာဏာပိုင်များသည် အီစတာပွဲတော်ကာလတစ်လျှောက် စစ်ရပ်နားရေးကို လိုက်နာခြင်းမရှိဘဲ အထူးသဖြင့် အမေရိကန်လုပ် HIMARS ဒုံးပစ်စနစ်များကို အသုံးပြု၍ ချိုးဖောက်ခဲ့သည် ဟု မာရီယာ ဇာခါရိုဗာ က သူမ၏ Telegram တွင် ရေးသားထုတ်ပြန်ခဲ့ပါသည်။

ဇီလန်စကီးသည် စွမ်းအင်အဆောက်အအုံများကို ပစ်ခတ်မှုရပ်စဲရန် သဘောတူထားသော်လည်း အရပ်သားစွမ်းအင်လိုင်းများကို ရည်ရွယ်တိုက်ခိုက်ခဲ့ကြောင်း၊ အမေရိကန်သည် စစ်ရပ်နားရေးတိုးချဲ့ရေးကို မျှော်လင့်ကြောင်းပြောသော်လည်း HIMARS ကဲ့သို့ လက်နက်များကို ယူကရိန်းထောက်ပံ့ခြင်းဖြင့် ပဋိပက္ခကို မီးမွှေးနေသည်ဟု ဇာခါရိုဗာက ဝေဖန်ထားပါသည်။ 

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

တက္ကဆက်အခြေစိုက် ဆာရိုးနစ်နည်းပညာဆိုတဲ့ကုမ္ပဏီကြီးက Marauder ဆိုတဲ့ မောင်းသူမဲ့အလတ်စားရေယာဉ်တစ်စင်းကို ဖန်တီးထုတ်လုပ်လိုက်ပါတယ်။ ရေယာဉ်ရဲ့အလျားက ပေ ၁၅၀ ပါ။

သူ့ကိုထုတ်လုပ်ထားတာက အမေရိကန်တပ်မတော်နဲ့ သူ့ရဲ့မဟာမိတ်နိုင်ငံတွေအတွက် ဘက်စုံအသုံးပြုနိုင်ဖို့ ထုတ်လုပ်ထားတာပါ။ သူ့ရဲ့ထင်ရှားတဲ့စွမ်း ဆောင်ရည်တွေက အလေးချိန်အနေနဲ့ ပေါင်ချိန် ၉၀၀၀၀ ကိုသယ်ဆောင်နိုင်ခြင်း၊ မိုင် ၄၀၀၀ အထိခရီးသွားနိုင်ခြင်းနဲ့ ရက် ပေါင်း ၃၀ ကျော်ကြာအောင် ကင်းလှည့် ခြင်းမျိုးတို့ကို လုပ်ဆောင်နိုင်ခြင်းဖြစ်ပါတယ်။

သွားနိုင်တဲ့အမြန်နှုန်းကတော့ ခရီးဝေး နှင်တဲ့အခါမှာ ရေမိုင် ၁၂ မိုင်နှုန်းနဲ့ အမြန်သွားတဲ့အခါမှာ ရေမိုင် ၁၈ မိုင်နှုန်းတို့နဲ့ သွားလာနိုင်မှာဖြစ်တယ်လို့ ကုမ္ပဏီက ထုတ်ပြန်ထားပါတယ်။    

Ref: IE

K.H

Source: https://myawady.net.mm/

အစ္စရေးတပ်မတော်က ဂါဇာစစ်မြေပြင်၌ လူမဲ့ဘူဒိုဇာများကို အမြောက်အမြား အသုံးပြုလျက်ရှိကြောင်း သိရသည်။ ထိုဘူဒိုဇာများကို စစ်သည်များကအဝေးတစ်နေရာမှထိန်းချုပ်နေခြင်းဖြစ်သည်။ ရော့ ဒိုဇာဟုအမည်ပေးထားသည့် D9 အမျိုးအစား လူမဲ့ဘူဒိုဇာများက အလိုအလျောက် တိုက်ခိုက်မှုလုပ်ဆောင်မည့်   အနာဂတ်စစ်ပွဲအတွက် ရှေ့ပြေးပုံစံဖြစ်ကြောင်း စစ်ဘက်အင်ဂျင်နီယာများနှင့် ကျွမ်းကျင်သူများကပြောသည်။

အစ္စရေးတပ်မတော်သည် အဆိုပါ D9 ဘူဒိုဇာများကို  လွန်ခဲ့သောနှစ်များစွာကတည်းက ရှေ့တန်းနေရာများ၌ အသုံးပြုနေခြင်းဖြစ်ပြီး ဂါဇာစစ်ပွဲစတင်ဖြစ်ပွားသည့် ၂၀၂၃ ခုနှစ်တွင် အရေအတွက်တိုးမြှင့် အသုံးပြုလာခြင်း ဖြစ်သည်။

ယင်းကဲ့သို့ ရော့ဒိုဇာများကိုအသုံးပြုရခြင်းသည် ယာဉ်မောင်းစစ်သည်ကို အသုံးပြုရန် မလိုအပ်ဘဲ အန္တရာယ်များလှသည့် လုပ်ငန်းများကို အောင်မြင်စွာ ထမ်းဆောင်နိုင်ရေးဖြစ်ကြောင်း၊ ရှေ့တန်းစစ်မြေပြင်တွင် အပျက်အစီးများကို ဖယ်ရှားခြင်းနှင့် လမ်းဖောက်ခြင်းများတွင် အသုံးပြုကြောင်းသိရသည်။                              

Ref: TST

Source: https://myawady.net.mm/

ရုရှားနှင့် ယူကရိန်းတို့ကြား စစ်သုံ့ပန်းလဲလှယ်မှုကြီး တစ်ခုကို ဧပြီလ ၁၉ ရက်တွင် ပြုလုပ်ခဲ့ကြပြီး တစ်ဖက်နှင့်တစ်ဖက် စစ်သုံ့ပန်း ၂၄၆ ဦး လဲလှယ်ခဲ့ကြကြောင်း၊ ရုရှားက ဒဏ်ရာအပြင်းအထန်ရရှိထားသည့် ယူကရိန်းစစ်သား ၃၁ ဦးကို လွှဲပြောင်းပေးခဲ့ပြီး ယူကရိန်းဘက်ကလည်း ဒဏ်ရာရရှိသူ ရုရှားစစ်သား ၁၅ ဦးကို လွှဲပေးခဲ့ကြောင်း ရုရှား ကာကွယ်ရေးဝန်ကြီးဌာနက ကြေညာထားပါသည်။ 

အဆိုပါစစ်သုံ့ပန်းလဲလှယ်ရေးကို အာရပ်စော်ဘွားများနိုင်ငံ (ယူအေအီး) က ကြားဝင်စေ့စပ် ညှိနှိုင်းဆောင်ရွက်ခဲ့သည်ဟု ဝန်ကြီးဌာနက ပြောထား ပါသည်။ ယခုအခါ လွတ်မြောက်လာသော ရုရှားစစ်သားများကိုဘယ်လာရုစ် နိုင်ငံက လိုအပ်သည့် ဆေးကုသမှုခံယူပြုလုပ်ပေးနေပြီး အခြေအနေကောင်းမွန်လာပါက ရုရှားသို့ ဆက်လက်လွှဲပြောင်းပေးမည် ဟု သိရပါသည်။

အီစတာပွဲတော်အတွက် ဗလာဒီမာပူတင်၏ နာရီ ၃၀ ကြာ အပစ်အခတ် ရပ်စဲရေးကြေညာပြီး မရှေးမနှောင်းမှာပင် ထိုကြေညာချက် ထွက်ပေါ် လာခြင်းဖြစ်ပါသည်။

ကိုးကား- RT

Photo: Daily Sun

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

ရုရှားသမ္မတဗလာဒီမာပူတင်သည် ရုရှားနိုင်ငံ အီစတာပွဲတော် အထိမ်းအမှတ်အဖြစ် စစ်မြေပြင်တွင် စစ်ဆင်ရေးပြုလုပ်နေမှုများအားလုံးကိုမော်စကိုစံတော်ချိန် ဧပြီလ ၁၉ ရက် ၁၈ ၀၀ အချိန်မှ ဧပြီလ ၂၁ ရက် ၀၀ ၀၀ အချိန်အထိ စုစုပေါင်း နာရီ ၃၀ ကြာ အပစ်အခတ်ရပ်စဲမည်ဖြစ်ကြောင်း ဧပြီ ၁၉ ရက်တွင် ၎င်း၏ စစ်ဦးစီးချုပ်နှင့် ပြုလုပ်သော အစည်းအဝေး အပြီး ကြေညာလိုက်ပါသည်။

ယခုအပစ်အခတ်ရပ်စဲရေးကို ယူကရိန်းအနေဖြင့် လေးစားလိုက်နာမည်ဟု ယုံကြည်ပါကြောင်း၊ ယူကရိန်း၏ တုံ့ပြန်မှုသည် ငြိမ်းချမ်းရေးဆွေးနွေးပွဲများတွင် ပါဝင်လိုသည့် စစ်မှန်သောဆန္ဒနှင့် စွမ်းဆောင်နိုင်မှု ကိုထပ်ဟပ်စေမည်ဟု ဗလာဒီမာပူတင်က ထပ်လောင်း ပြောကြားလိုက်ပါသည်။

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃