တရုတ်တပ်မတော်က မျက်မှောက် ခေတ်စစ်ဆင်ရေးမှာ အရေးပါလာတဲ့ ဒရုန်းများ၊ အနိမ့်ပျံဗုံးသီးများ၊ ဒုံးကျည်များ၊ ရဟတ်ယာဉ်များကို ပစ်ခတ်နိုင်ဖို့ အတွက် ကမ္ဘာ့ပထမဆုံးသော လက်နက် စနစ်တစ်မျိုးကို ဖန်တီးထုတ်လုပ်လိုက်ပါတယ်။ အဲဒီစနစ်ကတော့ ပြောင်း ၁၆ ခု ပါဝင်တဲ့ ၁၆ လုံးပြူးသေနတ်ပါပဲ။

အဓိကအားဖြင့် သူ့ကိုလေကြောင်းရန် ကာကွယ်ရေးမှာ အသုံးပြုသွားမှာဖြစ်တဲ့အတွက် ဒရုန်းအုပ်ဖျက်နဲ့ ဒုံးကျည်ဖျက် လက်နက်စနစ်ဆိုပြီး ခေါ်ပါတယ်။ သူ့မှာ တပ်ဆင်ထားတဲ့ ပြောင်းများက တစ်စက္ကန့်ကိုကျည်ဘယ်လောက်နှုန်းထွက်တယ်ဆိုတာမပြောထားပေမယ့် ဒရုန်းအုပ်ကိုတော့ ကျည်ဆန်မိုးရွာပြီး ကောင်းကောင်းကြီး ချေမှုန်းနိုင်တယ်လို့ ဆိုပါတယ်။

သူ့ကိုထရပ်ကားများပေါ်တင်၍ဖြစ်စေ၊ သံချပ်ကာယာဉ်များပေါ်တင်၍ဖြစ်စေ၊ စစ်သင်္ဘောများပေါ်တင်၍ဖြစ်စေ အသုံးပြုနိုင်တယ်လို့လည်း ထုတ်လုပ်သူများက ပြောထားပါတယ်။   

Source: https://myawady.net.mm/

ဂျာမနီအစိုးရသည် ရုရှား၏ခြိမ်းခြောက်မှုများကို တုံ့ပြန်ရန်အတွက် ၎င်း၏တပ်ဖွဲ့များအား အဆင့်မြှင့်တင်မှုများ တိုးမြှင့်ဆောင်ရွက်နေမှုနှင့် အတူ ပထမဆုံးအကြိမ်အဖြစ် အဆင်မြင့်ဒရုန်းများကို ဝယ်ယူသွားမည် ဖြစ်ကြောင်း ဂျာမနီအစိုးရက ထုတ်ပြန်ပြောကြားခဲ့ပါသည်။ ဂျာမနီ အစိုးရသည် အသေခံဒရုန်းများကို ဝယ်ယူရန်အတွက် စာချုပ်နှစ်ခုကို လက်မှတ်ရေးထိုးခဲ့ကြောင်း ဂျာမနီကာကွယ်ရေးဝန်ကြီးဌာန ပြောရေး ဆိုခွင့်ရှိသူ မစ်ကိုမူလာက ပြောကြားခဲ့ပါသည်။ အနောက်အုပ်စုနိုင်ငံ များသည် စစ်ပွဲအတွင်း ဒရုန်းများ၏အရေးပါရှိမှုကို ယူကရိန်းစစ်ပွဲတွင် တွေ့ကြုံခဲ့ပြီးနောက် ဒရုန်းနှင့်ပတ်သက်သည့် တိုးမြှင့်မှုများ ထွက်ပေါ် လာခြင်းလည်းဖြစ်ပါသည်။ ရုရှားနှင့်ယူကရိန်းတို့သည် ထောက်လှမ်းရေး အတွက် ဒရုန်းများကို အသုံးပြုခဲ့ကြပြီး အသေခံဒရုန်းများဖြင့် တိုက်ခိုက်မှုများကိုလည်း လုပ်ဆောင်လျက်ရှိပါသည်။ ထို့အပြင် အဆိုပါ ဒရုန်းများသည် ပစ်မှတ်ကို တိကျစွာတိုက်ခိုက်နိုင်ကြောင်းလည်း သိရ ပါသည်။ ဂျာမနီအစိုးရသည် ၎င်း၏ ဒရုန်းစွမ်းရည်များ တိုးတက်စေရန် အတွက် အဆက်မပြတ်လုပ်ဆောင်နေကြောင်းလည်း မစ်ကိုမူလာက ပြောကြားခဲ့ပါသည်။ ဂျာမနီကာကွယ်ရေးဝန်ကြီးဌာနသည် ဒရုန်းများကို စမ်းသပ်မှုများလုပ်ဆောင်ရန်အတွက် တပ်ဖွဲ့များဆီသို့ တိုက်ရိုက် ပို့ဆောင်ရန် အမိန့်ပေးခဲ့ကြောင်းလည်း ၎င်းကပြောကြားခဲ့ပါသည်။

ကိုးကား-NP News

အမေရိကန်နိုင်ငံမှ ကာကွယ်ရေးနှင့် အမျိုးသားလုံခြုံရေးဆိုင်ရာ အချက် အလက်များကို ဖော်ပြလေ့ရှိသည့် 1945 သတင်းဌာနပါ အချက်အလက် များအရ လာမည့်လများတွင် ထိုင်ဝမ်ကို တရုတ်ကကျူးကျော်မှု ပြုလုပ် နိုင်ကြောင်း သိရှိရပါသည်။

စစ်ဆင်ရေးကို အမျိုးအစား ၃ မျိုးဖြင့်ပြုလုပ်နိုင်ကြောင်း သိရှိရပါသည်။

(၁)   ပိတ်ဆို့တားဆီးမှုပြုလုပ်ခြင်းမှ ငြိမ်းချမ်းစွာ ပေါင်းစည်းခြင်း။        (ထိုင်ဝမ်သည် သွင်းကုန်ပစ္စည်းများအပေါ် မှီခိုရပါသည်။)

(၂)     အငိုက်ဖမ်း တိုက်ခိုက်မှု ပြုလုပ်ခြင်း။ (ဒုံးကျည်တိုက်ခိုက်မှုများ၊       UAV များ၊ စစ်သား ၁၀၀,၀၀၀ လေထီးဖြင့် ဆင်းသက်၍ တိုက်ခိုက်  ခြင်း။)

(၃)    ဂျပန်၊ ဖိလစ်ပိုင်နှင့် ဂူအမ်၊ ထိုင်ဝမ်တို့ရှိ ပစိဖိတ်သမုဒ္ဒရာရှိ         အမေရိကန်အခြေစိုက်စခန်းများကို ဖယ်ရှားရန် တိုက်ခိုက်ခြင်း။

မကြာသေးမီလများအတွင်း တရုတ်နိုင်ငံသည် တစ်စုံတစ်ခုအတွက် ပြင်ဆင် နေကြောင်းနှင့် ယင်းပြင်ဆင်မှုသည် ကမ္ဘာပေါ်တွင် လက်ရှိ အစီ အစဥ်ကို လုံးဝပြောင်းလဲသွားစေနိုင်ကြောင်း ကျွမ်းကျင်သူအချို့က မှတ်ချက် ပြုခဲ့သည်ဟု သတင်းစာက ရေးသားထားပါသည်။

အီရန်နျူကလီးယားပြဿနာကို ဖြေရှင်းရန် ရုရှား-တရုတ်-အီရန် ကျွမ်းကျင်သူအဆင့် အစည်းအဝေးတစ်ရပ် ကျင်းပရန် တရုတ်နှင့် ရုရှား တို့ သဘောတူခဲ့ကြောင်း တရုတ်နိုင်ငံခြားရေးဌာနပြောရေးဆိုခွင့်ရှိသူ Lin Jian က ပြောကြားလိုက်ပါသည်။ 

“သုံးနိုင်ငံ ကျွမ်းကျင်သူဆွေးနွေးပွဲကို ရုရှားတွင် ကျင်းပရန် တရုတ်က ထောက်ခံထားပါကြောင်း၊ အီရန်နျူကလီးယားပြဿနာကို သံတမန် နည်းလမ်းအရ ပြေလည်စေရေးအတွက် နောက်ထပ်ကြိုးစား လုပ်ဆောင် သွားမည်ဖြစ်ပါကြောင်း” Lin Jian က ထပ်လောင်းပြောကြားထားပါသည်။ 

သုံးနိုင်ငံကျွမ်းကျင်သူများအဆင့် ဆွေးနွေးပွဲကို မော်စကိုမှာ ဧပြီ ၈ ရက် တွင် ကျင်းပသွားမည်ဟု ရုရှားနိုင်ငံခြားရေးပြောရေးဆိုခွင့်ရှိသူ Maria Zakharova က အစောပိုင်းက ပြောကြားထားပါသည်။ 

ကိုးကား- TASS

ရုရှားစစ်တပ်အတွက် ယခုနှစ်တွင် စစ်မြေပြင်သုံးစက်ရုပ်များ သိသိသာသာ ပိုမိုရရှိလာမည်ဖြစ်ကြောင်း ကာကွယ်ရေးဝန်ကြီး Andrey Belousov က ပြောကြားလိုက်ပါသည်။ 

ဧပြီလ ၈ ရက်နေ့တွင် ရုရှားကာကွယ်ရေးဝန်ကြီးဌာနသည် အထူးစစ်ရေး လေ့ကျင့်မှုအတွေ့အကြုံကို ထည့်သွင်းတီထွင်ထားသော စစ်မြေပြင်သုံး စက်ရုပ်များအသုံးပြုနေမှုနှင့် ဖွံ့ဖြိုးတိုးတက်ရေးနှင့်စပ်လျဉ်း၍ သိပ္ပံနှင့် နည်းပညာဆိုင်ရာ ဆွေးနွေးပွဲတစ်ရပ်ကို ကျင်းပခဲ့သည်။ 

ပြီးခဲ့သောနှစ်က ကာကွယ်ရေးလုပ်ငန်းနှင့် အခြားစေတနာရှင် အဖွဲ့ အစည်းများက  ရုရှားစစ်တပ်သို့ စစ်မြေပြင်သုံး စက်ရုပ် ရာပေါင်းများစွာ ပေးအပ်ခဲ့ကြောင်း၊ ယခုနှစ်မှာ အများကြီး ထပ်ထုတ်လုပ်ရန် စီစဉ်ထား ပါကြောင်း” ကာကွယ်ရေးဝန်ကြီးက ဆိုထားပါသည်။          

ကိုးကား- TASS 

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

တရုတ်နိုင်ငံအနေဖြင့် ယူကရိန်းပဋိပက္ခတွင် စစ်တပ်များ ပေးပို့ခဲ့ခြင်း မရှိခဲ့ပါကြောင်း၊ မိမိနိုင်ငံသားများအား စစ်ပွဲများတွင် ပါဝင်ခြင်း မရှိစေရန်အမြဲတစေ ညွှန်ကြားထားပါကြောင်း တရုတ်နိုင်ငံခြားရေးဝန်ကြီးဌာန ပြောခွင့်ရှိသူ Lin Jian က ပြောကြားထားပါသည်။

“တရုတ်အစိုးရက ယူကရိန်းရှိ စစ်ပွဲပဋိပက္ခဖြစ်ပွားရာနေရာများကို   မိမိ နိုင်ငံသားများ ရှောင်ကြည်ကြရန်နှင့် မည်သည့်ဘက်ကမျှ ပါဝင်ခြင်း မရှိ စေရန် အမြဲတစေ ညွှန်ကြားလျက်ရှိပါကြောင်း၊ ယခု တရုတ်နိုင်ငံသားများ ရုရှား၏ အထူးစစ်ဆင်ရေးလှုပ်ရှားမှုတွင် ပါဝင်နေကြောင်း ထွက်ပေါ်နေ သည့်သတင်းများအပေါ် စုံစမ်းစစ်ဆေးမှုများ ပြုလုပ်နေပါကြောင်း”တရုတ် သံတမန်က ယူကရိန်းသတင်းထောက် မေးမြန်းချက်အပေါ် ပြန်လည် ဖြေကြားထားပါသည်။                                                 

ကိုးကား- TASS

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

အမေရိကန်နှင့်အီရန်တို့သည် နျူကလီးယားသဘောတူညီချက်အတွက် တိုက်ရိုက်ဆွေးနွေးမှုများကို လုပ်ဆောင်သွားမည်ဟု အမေရိကန် သမ္မတ ဒေါ်နယ်ထရမ့်က ထုတ်ဖော်ပြောဆိုခဲ့ပါသည်။ ဒေါ်နယ်ထရမ့်သည် အစ္စရေး ဝန်ကြီးချုပ်နေတန်ရာဟုနှင့် အိမ်ဖြူတော်၌ တွေ့ဆုံစဉ် အချိန် အတွင်း ယခုကဲ့သို့ထုတ်ဖော်ပြောဆိုခဲ့ခြင်းဖြစ်ကြောင်းလည်း သိရပါသည်။ ထို့အပြင် အီရန်နှင့် အမေရိကန်ကြား အဆင့်မြင့် တွေ့ဆုံဆွေးနွေးမှုတစ်ခု ကို လာမည့်ဧပြီလ(၁၂)ရက်နေ့တွင် အိုမန်နိုင်ငံ၌ ကျင်းပသွားမည်ဟုလည်း ဒေါ်နယ်ထရမ့်က‌ ပြောကြားခဲ့ပါသည်။ ဒေါ်နယ်ထရမ့်က “မိမိတို့ အနေ ဖြင့် အလွန်ကြီးမားသည့် ဆွေးနွေးမှုတစ်ခု လုပ်ဆောင်ရန်ရှိကြောင်း၊ ဖြစ်လာနိုင်မည့် ရလဒ်ကို မြင်တွေ့ရမည်ဖြစ်ကြောင်း၊ သဘောတူညီချက် လုပ်ဆောင်ခြင်းက ပိုကောင်းမည်ဆိုသည်ကို အားလုံးက သဘောတူညီ မည်ဟု မိမိထင်မြင်မိကြောင်း” ပြောဆိုခဲ့ပါသည်။ ထို့အပြင် ဆွေးနွေးမှုများ မအောင်မြင်ခဲ့ပါက အီရန်အနေဖြင့် ကြီးမားသည့်အန္တရာယ်နှင့် ကြုံတွေ့ ရနိုင်သည်ဟု ထင်မိကြောင်းလည်း ဒေါ်နယ်ထရမ့်က ပြောကြားခဲ့ပါသည်။ဒေါ်နယ်ထရမ့်သည် အီရန်၏နျူကလီးယားအစီအစဉ်နှင့်ပတ်သက်၍ သဘောတူညီချက်တစ်ခုလုပ်ဆောင်ရန် စာတစ်စောင်ကို လွန်ခဲ့သော မတ်လ (၇) ရက်နေ့က အီရန်ခေါင်းဆောင် အလီခါမေနီထံ ပေးပို့ခဲ့ခြင်း လည်းဖြစ်ပါသည်။ ဒေါ်နယ်ထရမ့်၏ တောင်းဆိုချက်ကို အီရန်အစိုးရက အစောပိုင်း၌ ငြင်းဆန်ပယ်ချခဲ့သော်လည်း နောက်ပိုင်းတွင် ဆွေး‌နွေးမှု များ လုပ်ဆောင်ရန် သဘောတူညီခဲ့ခြင်းဖြစ်ကြောင်းလည်း သိရပါသည်။

ကိုးကား-NP News

ဂျပန်နိုင်ငံ၏ သံတမန်ရေးရာ နှစ်ပတ်လည်အစီရင်ခံစာ၌ ရုရှားနှင့် မြောက်ကိုရီးယားတို့အကြား စစ်ရေးဆိုင်ရာပူးပေါင်းဆောင်ရွက်မှု တိုးမြင့် လာခြင်းသည် ယူကရိန်း၏အခြေအနေကို ပိုမိုဆိုးရွားစေရုံသာမက ဂျပန် ပတ်ဝန်းကျင်ရှိ ဒေသန္တရလုံခြုံရေးအရလည်း အလွန်အလေးထားသင့် ကြောင်း ထောက်ပြထားသည်။

ဧပြီ ၈ ရက် (အင်္ဂါနေ့) ကပြုလုပ်သည့် အစိုးရအဖွဲ့အစည်းအဝေးတွင် တင်ပြခဲ့သော Diplomatic Bluebook သည် လွန်ခဲ့သောနှစ်အတွင်း နိုင်ငံတကာအခြေအနေနှင့် ဂျပန်နိုင်ငံ၏ သံတမန်ရေးရာ အကျဉ်းချုပ် ဖြစ်ပါသည်။

ရုရှား-ယူကရိန်း ပဋိပက္ခနှင့် အရှေ့အလယ်ပိုင်းပဋိပက္ခများအကြား ကုလသမဂ္ဂ လုံခြုံရေးကောင်စီသည် မျှော်လင့်ထားသည့်အခန်းကဏ္ဍမှ ပါဝင်ခဲ့ခြင်းမရှိကြောင်း အဆိုပါအစီရင်ခံစာ၌ ဖော်ပြထားပါသည်။

အဆိုပါအစီရင်ခံစာတွင် ဂျပန်ဝန်ကြီးချုပ် Ishiba Shigeru နှင့် အမေရိကန် သမ္မတ Donald Trump တို့ကြား ဖေဖော်ဝါရီလအတွင်း ပြုလုပ်ခဲ့သည့် ထိပ်သီးဆွေးနွေးပွဲကို ကိုးကားပြီး နှစ်နိုင်ငံဆက်ဆံရေးကို နက်ရှိုင်းအောင် လုပ်ဆောင်ရန် ဂျပန်နိုင်ငံက ပြဋ္ဌာန်းထားကြောင်း အလေးပေးဖော်ပြ ထားပါသည်။

ဥရောပ၊ အရှေ့အလယ်ပိုင်းနှင့် အင်ဒို-ပစိဖိတ်ဒေသ လုံခြုံရေးတို့ နီးကပ်စွာ ဆက်စပ်နေကြောင်း အဆိုပါ bluebook ၌ ဖော်ပြထားပါသည်။ တရား ဥပဒေစိုးမိုးမှုအပေါ် အခြေခံသော လွတ်လပ်ပွင့်လင်းသည့် နိုင်ငံတကာ ကျင့်ထုံးကို ထိန်းသိမ်းရေးနှင့် ခိုင်ခံ့စေရေးအတွက် ဂျပန်သည် G7၊ စိတ်သဘောထားတူနိုင်ငံများနှင့် ပူးပေါင်းဆောင်ရွက်သွားမည်ဖြစ်ကြောင်း ကတိပြုထားပါသည်။

ကိုးကား-NHK World

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

အမေရိကန်ကာကွယ်ရေးဝန်ကြီး ပီတီဟတ်ဆတ်သည် ယီမင်အခြေစိုက် ဟူသီလက်နက်ကိုင်အဖွဲ့အတွက် သတိ‌ပေးချက်တစ်ခုကို ထုတ်ပြန်ခဲ့ပြီး အမေရိကန်၏ဗုံးကြဲတိုက်ခိုက်မှုများက ပိုမိုဆိုးရွားလာလိမ့်မည် ဖြစ်ကြောင်း ထုတ်ပြန်ကြေညာခဲ့ပါသည်။ ပင်လယ်နီအတွင်း ရေကြောင်းသွားလာမှု များကို ပစ်မှတ်ထားတိုက်ခိုက်မှုများ လုပ်ဆောင်နေသည့် ဟူသီ လက်နက်ကိုင်အဖွဲ့၏ တိုက်ခိုက်မှုများကို လက်တုံ့ပြန်သည့်အနေဖြင့် အမေရိကန်က ဟူသီလက်နက်ကိုင်အဖွဲ့အပေါ် ဗုံးကြဲတိုက်ခိုက်မှုများကို သီတင်းပတ်သုံးပတ်ကြာ လုပ်ဆောင်ခဲ့ပြီးနောက် ယခုကဲ့သို့ သတိပေး ချက်များ ထွက်ပေါ်လာခြင်းဖြစ်ပါသည်။ ထို့အပြင် ပီတီဟတ်ဆတ်သည် ဆော်ဒီအာရေဗျကာကွယ်ရေးဝန်ကြီး Khalid bin Salman နှင့် နှစ်နိုင်ငံ ကြား ကာကွယ်ရေးဆိုင်ရာဆက်ဆံမှုများ အားကောင်းလာစေရန်ကြိုးပမ်းမှုများနှင့် ဆက်လက်လုပ်ဆောင်နေသည့် စစ်ဆင်ရေးများအကြောင်းကို ပြောဆိုဆွေးနွေးခဲ့ကြကြောင်းလည်း သိရပါသည်။ အဆိုပါ ဆွေးနွေးမှုများကို Khalid bin Salman က အတည်ပြုခဲ့ပြီး ၎င်းတို့ နှစ်ဦးသည် ဒေသတွင်းဖွံ့ဖြိုးတိုးတက်မှုများကို ဆွေးနွေးခဲ့ကြပြီး ဒေသတွင်း နှင့်နိုင်ငံတကာလုံခြုံရေးနှင့် တည်ငြိမ်ရေးတို့ကို မြှင့်တင်ရန် အမြင်များ ကို မျှဝေခဲ့ကြသည်ဟု ပြောကြားခဲ့ပါသည်။ ပီတီဟတ်ဆတ်နှင့် Khalid bin Salmanတို့သည် ဟူသီလက်နက်ကိုင်အဖွဲ့၏ စစ်ရေးစွမ်းရည်များကို ကျဆင်းစေရန် လုပ်ဆောင်နေသည့် အမေရိကန်၏စစ်ဆင်ရေး တိုးတက် မှုများ၊ ပင်လယ်နီအတွင်း ရေကြောင်းလွတ်လပ်စွာသွားလာခွင့်များ အပါ အဝင် ဒေသတွင်းလုံခြုံရေးနှင့်ပတ်သက်ပြီး အမြင်များကို ဖလှယ်ခဲ့ကြ ကြောင်း အမေရိကန်စစ်ဌာနချုပ်ပင်တဂွန်၏ ပြောရေးဆိုခွင့်ရှိသူ တစ်ဦး ကပြောကြားခဲ့ပါသည်။

ကိုးကား-NP News

အိန္ဒိယနိုင်ငံသည် လာမည့်နှစ်တွင် ၎င်း၏အရှေ့တောင်ဘက်ကမ်းရိုးတန်းရှိ နျူကလီးယားရေငုပ်သင်္ဘောများနှင့် အခြား စစ်သင်္ဘောများအတွက် မဟာဗျူဟာမြောက် ရေတပ်စခန်းသစ်တစ်ခု လာမည့်နှစ်တွင် စတင်ဖွင့်လှစ်ရန် စီစဉ် နေကြောင်း Times of India သတင်းဌာန၏ အစီရင်ခံစာအရ သိရှိရပါသည်။ (Visakhapatnam) ဗီဆာခါပါတနမ်ရှိ အရှေ့ပိုင်းရေတပ်ဌာနချုပ်၏ တောင်ဘက် ကီလိုမီတာ ၅၀ (မိုင် ၃၁) အကွာ ရမ်ဘီလီကျေးရွာအနီးတွင် တည်ဆောက်မည့် အဆိုပါစခန်းသည် နျူကလီးယားရေငုပ်သင်္ဘောများကို ဝင်ရောက်ထားရှိရန် မြေအောက်လှိုဏ်ခေါင်းများနှင့် တူးမြောင်း ကွန်ရက်များ ပါဝင်မည်ဖြစ်ပါသည်။ ရမ်ဘီလီ စခန်း၏ ပထမအဆင့်တည်ဆောက်မှုမှာ ပြီးစီးလုနီးပါးဖြစ်နေပြီဖြစ်ပြီး ၂၀၂၆ ခုနှစ်တွင် ဖွင့်လှစ်ပြီးနောက် ကာနာတာကပြည်နယ်ရှိ ကာရ်ဝါစခန်းကဲ့သို့ပင် အဆင့်ဆင့် တိုးချဲ့ အဆင့်မြှင့်တင် သွားမည်ဖြစ်ပါသည်။ နျူကလီးယားရေငုပ်သင်္ဘောစခန်း တည်ဆောက်မှုလုပ်ငန်းကို လွန်ခဲ့သည့် ဆယ်စုနှစ်ကျော် ကတည်းက စတင်ခဲ့ပြီး နည်းပညာဆိုင်ရာ၊ သဘာဝပတ်ဝန်းကျင်ဆိုင်ရာ စိန်ခေါ်မှုများကို ကျော်လွှားနိုင်ခဲ့သည်။ အဆိုပါအခြေစိုက်စခန်းကြောင့် အိန္ဒိယ၏ အဏုမြူရေငုပ်သင်္ဘောများသည် ဂြိုဟ်တုများမှ မထောက်လှမ်းမိစေဘဲ ဘင်္ဂလားပင်လယ်အော်ထဲသို့ တိတ်တဆိတ်ဝင်ရောက်နိုင်မည် ဖြစ်ပြီး၊ မလက်ကာ ရေလက်ကြားနှင့် အခြားအရေး ပါသော နယ်မြေများဆီသို့ ခြိမ်းခြောက်မှုကာကွယ်ရေး စောင့်ကြည့်ခရီးများအတွက် လျင်မြန်စွာ ထွက်ခွာနိုင်မည် ဖြစ်ပါသည်။ 

ကိုးကား - RT