အီရန်နိုင်ငံခြားရေးဝန်ကြီးက အမေရိကန်၏ လေကြောင်း တိုက်ခိုက်မှု များကြောင့် အဏုမြူစက်ရုံများ ပြင်းထန်စွာပျက်စီးခဲ့သော်လည်း ယူရေ နီယမ် ထပ်တိုးသန့်စင်ခြင်းလုပ်ငန်းကို မရပ်ဆိုင်းဟု ပြောကြားခဲ့သည်။
အီရန်နိုင်ငံခြားရေးဝန်ကြီး အဘတ် အာရက်ချီက ဇူလိုင် ၂၂ ရက်တွင် Fox News သို့ပြောကြားရာတွင် ဇွန်လအတွင်း အမေရိကန်မှ ဘန်ကာဖျက် ဗုံးများနှင့် ဒုံးကျည်များဖြင့် တိုက်ခိုက်မှုများကြောင့် နိုင်ငံ၏ အဓိက အဏုမြူစက်ရုံသုံးခုဖြစ်သည့် ဖော်ဒိုး၊ နတန်ဇ်နှင့် အစ္စဖာဟန်စက်ရုံများ ပြင်းထန်စွာပျက်စီးခဲ့သည်ဟု ဖွင့်ဟခဲ့သည်။
"အီရန်၏ အဏုမြူစွမ်းအင်အဖွဲ့အစည်းက စက်ရုံများ၏ ပျက်စီးမှုအတိုင်းအတာကို သုံးသပ်နေဆဲဖြစ်သော်လည်း စက်ရုံများသည် ပြင်းထန် စွာ ပျက်စီးခဲ့ပါသည်" ဟု အာရက်ချီက ပြောကြားခဲ့ပြီး ယင်းပျက်စီးမှုများ ကြောင့် အီရန်၏ ယူရေနီယမ် ထပ်တိုးသန့်စင်မှုစွမ်းရည်အားလုံး ယာယီ ရပ်ဆိုင်းသွားခဲ့ကြောင်း ဖြည့်စွက်ပြောဆိုခဲ့သည်။
သို့သော် အဆိုပါလေကြောင်းတိုက်ခိုက်မှုတွင် အီရန်၏ ယူရေနီယမ် သန့်စင်ရေးစက်ကိရိယာများ ပြင်းထန်စွာပျက်စီးခဲ့မှု ရှိ၊ မရှိ ကိုမူ ၎င်းက တိကျစွာဖော်ပြခဲ့ခြင်းမရှိပေ။ အမေရိကန်ဘက်မှ "Night Hammer" စစ်ဆင်ရေးဖြင့် အီရန်၏အဏုမြူစက်ရုံများကို "အပြီးတိုင် ဖျက်ဆီးနိုင် ခဲ့ပြီး" ၎င်း၏အဏုမြူအစီအစဉ်ကို နှစ်ပေါင်းများစွာ နောက်ပြန်ဆုတ်သွား စေခဲ့သည်ဟု အခိုင်အမာဆိုထားသည်။
အာရက်ချီက က အီရန်တွင် အဏုမြူစက်ရုံများကို ပြန်လည် တည်ဆောက် နိုင်စွမ်းရှိပြီး ယူရေနီယမ် ထပ်တိုးသန့်စင်ခြင်းလုပ်ငန်းကို ရပ်တန့်မည် မဟုတ်ကြောင်း အတည်ပြုပြောဆိုခဲ့သည်။
ဇွန်လ ၂၂ ရက်နံနက်တွင် အမေရိကန်လေတပ်သည် B-2 ကိုယ်ပျောက် ဗုံးကြဲလေယာဉ် ၇ စီးပါဝင်သော လေယာဉ်အုပ်တစ်ခုကို အသုံးပြုကာ GBU-57 ဗုံး ၁၄ လုံးကို အီရန်ရှိ ပစ်မှတ်များပေါ်သို့ ကြဲချခဲ့သည်။ ထိုဗုံး များအနက် ၁၂ လုံးကို အီရန်၏ "အဏုမြူခံတပ်"ဟု သတ်မှတ် ခံထား ရသော ဖော်ဒိုးယူရေနီယမ်ထပ်တိုးသန့်စင်ရေးစက်ရုံသို့ ဦးတည် တိုက်ခိုက် ခဲ့ပြီးကျန်ဗုံး ၂ လုံးသည် နတန်ဇ်အဏုမြူစက်ရုံရှိ မြေအောက် အဆောက် အဦများကို ထိမှန်ခဲ့သည်။
လေကြောင်းတိုက်ခိုက်မှုအပြီး ရိုက်ကူးထားသော ဂြိုဟ်တု ဓာတ်ပုံများ တွင် ဖော်ဒိုးနှင့် နတန်ဇ်စက်ရုံအဆောက်အအုံများတွင် ဗုံးကြဲ တိုက်ခိုက်မှု ကြောင့် ဖြစ်ပေါ်ခဲ့သော ကျင်းများကို တွေ့မြင်ရသော်လည်း မည်မျှ ပျက်စီး မှုရှိခဲ့သည်နှင့် GBU-57 ဗုံးများ ထိရောက်မှုရှိမရှိ ရှင်းရှင်းလင်းလင်း မသိရှိရပေ။
လွန်ခဲ့သောသီတင်းပတ်အတွင်း အမေရိကန်မီဒီယာများက ထုတ်ပြန်သော ထောက်လှမ်းရေး သုံးသပ်ချက်အသစ်အရ ဖော်ဒိုးအဏုမြူစက်ရုံသည် အမေရိကန်ဗုံးများဖြင့် တိုက်ခိုက်မှုကြောင့် ပျက်စီးခဲ့သော်လည်း နတန်ဇ်နှင့် အစ္စဖာဟန်စက်ရုံများတွင် ယူရေနီယမ်ထပ်တိုးသန့်စင်မှုကို ဆက်လက်လုပ်ဆောင်နိုင်စွမ်း ရှိနေဆဲဖြစ်သည်ဟု ဖော်ပြခဲ့သည်။
ကိုးကား- VN Express
ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
