ဂျာမဏီ မော်တော်ကားကုမ္ပဏီ Volkswagen ၏ ၂၀၂၄ ခုနှစ် ကမ္ဘာလုံးဆိုင်ရာရောင်းအား ကျဆင်းသွားခဲ့ပြီး ၎င်း၏ပြိုင်ဖက် ဂျပန်ကားကုမ္ပဏီ Toyota Motor က ၅ နှစ်ဆက်တိုက် ထိပ်ဆုံးနေရာကို ရယူရန်ရှိနေကြောင်း သိရှိရပါသည်။

ယမန်နှစ်က ကမ္ဘာတစ်ဝန်း၌ ကားအစီးရေ ၉.၀၂ သန်း ရောင်းချခဲ့ရကြောင်း Volkswagen ကားကုမ္ပဏီက ဇန်နဝါရီ ၁၄ ရက်နေ့တွင် ကြေညာခဲ့ပါသည်။ အချက်အလက်များအရ ၂၀၂၃ ခုနှစ်ကထက် ၂.၃ % ကျဆင်းသွားခဲ့ရခြင်းဖြစ်ပါသည်။

မော်စကိုသည် ဗီယက်နမ်နိုင်ငံသို့ သဘာဝဓာတ်ငွေ့ရည် (LNG)နှင့်ရေနံများထောက်ပံ့ပေးရန် ဆန္ဒရှိပြီး ဗီယက်နမ်၏ နျူကလီးယားစွမ်းအင်ကဏ္ဍ ဖွံ့ဖြိုးတိုးတက်စေရန် အာရှမိတ်ဖက်နှင့် စွမ်းအင်ပူးပေါင်းဆောင်ရွက်မှုတိုးချဲ့နိုင်ရေးကြိုးပမ်းနေကြောင်း ရုရှားဝန်ကြီးချုပ် Mikhail Mishustin က ဇန်နဝါရီ ၁၅ ရက်နေ့တွင်ပြောကြားခဲ့သည်။

ရုရှားနှင့်ဗီယက်နမ်တို့သည် ရေနံနှင့်သဘာဝဓာတ်ငွေ့ စီမံကိန်းများအား အပြန်အလှန် ထောက်ပံ့ကူညီရန် သဘောတူညီခဲ့ကြောင်း Mishustin ၏ ဟနွိုင်းသို့ နှစ်ရက်ကြာ ခရီးစဉ်အတွင်းထုတ်ပြန်ခဲ့သည့် ပူးတွဲ ကြေညာချက်အရသိရသည်။

UAE ၏ ကြားဝင်စေ့စပ်မှုဖြင့် ရုရှားစစ်သည် ၂၅ ဦးအား ယူကရိန်းကလွှတ်ပေးခဲ့ပြီး ရုရှားကလည်း ယူကရိန်းစစ်သည် ၂၅ ဦးကို ပြန်လည်လွှတ်ပေးခဲ့ကြောင်း ရုရှားကာကွယ်ရေးဝန်ကြီးဌာနက ထုတ်ပြန်ခဲ့သည်။

ယူကရိန်းမှ ဖမ်းဆီးထိန်းသိမ်းခဲ့သော ရုရှားစစ်သည်များကို ဘယ်လာရုစ်နိုင်ငံမှတစ်ဆင့် လွှဲပြောင်းပေးခဲ့ခြင်းဖြစ်ပြီး ၎င်းတို့အား ကျန်းမာရေးစစ်ဆေးပေးခြင်း၊စိတ်ဓာတ်ပိုင်းဆိုင်ရာအားပေးကူညီမှုများအပြင် မိသားစု၊ ချစ်ခင်ရသူများနှင့် ဆက်သွယ်နိုင်စေရန်ဆောင်ရွက်ပေးခဲ့ကြောင်း ရုရှားကာကွယ်ရေးဝန်ကြီးဌာနမှ ထုတ်ပြန်ထားပါသည်။

ဖိလစ်ပိုင်နိုင်ငံ၏ သီးသန့်စီးပွားရေးဇုန် (EEZ)အတွင်း တရုတ်၏ အကြီးဆုံးကမ်းခြေစောင့်သင်္ဘော ဖြန့်ကျက်ချထားမှုသည် စိုးရိမ်စရာကိစ္စတစ်ခုဖြစ်ပြီး တောင်တရုတ်ပင်လယ်အတွင်းရှိ အငြင်းပွားကျွန်းအနီး ငါးဖမ်းနေသော ငါးဖမ်းသင်္ဘောများကို ခြိမ်းခြောက်ရန် ရည်ရွယ်ချက်သည် သိသာကြောင်း ဖိလစ်ပိုင်အစိုးရက ထုတ်ဖော်ပြောဆိုခဲ့ပါသည်။

ဂါဇာကမ်းမြောင်ဒေသတွင် အစ္စရေး၏ တိုက်ခိုက်မှုများကြောင့် ၂၀၂၃ ခုနှစ်၊ အောက်တိုဘာလမှစပြီး ပါလက်စတိုင်း ၄၆,၇၀၀ ကျော် သေဆုံးခဲ့ကြောင်း ပါလက်စတိုင်း ကျန်းမာရေးဝန်ကြီးဌာနက ၎င်း၏ Telegram တွင် ဖော်ပြခဲ့သည်။

ကိဗ်ယက်သည် နိုင်ငံတကာမှ လက်နက်ခဲယမ်းများ ပိုမိုထောက်ပံ့မှသာ စစ်မှုထမ်းသက်လျှော့ရန်ကိစ္စအား ဆောင်ရွက်နိုင်မည်ဖြစ်ကြောင်း ယူကရိန်းသမ္မတ ဇဲလန်းစကီးက ပြောသည်။

ဇန်နဝါရီ ၁၄ ရက်နေ့က ဂျာမန်ကာကွယ်ရေးဝန်ကြီး ဘောရစ်ပရစ်တိုးရီးယက်စ်နှင့်တွေ့ဆုံစဉ် ယူကရိန်း သမ္မတ ဇဲလန်းစကီးက ယူကရိန်းစစ်တပ်တွင် သံချပ်ကာယာဉ်များနှင့် အမြောက်များအပါအဝင် မရှိမဖြစ်လိုအပ်သော လက်နက်ခဲယမ်းများ ပြတ်တောက်မှုနှင့် ရင်ဆိုင်နေရကြောင်း အလေးပေးပြောကြားခဲ့သည်။

NATO အဖွဲ့ဝင်နိုင်ငံများအကြား ပင်လယ်ရေအောက်ကေဘယ်ကြိုးများ ပြတ်တောက်မှုနှင့် ပျက်စီးမှုများကြောင့် ပင်လယ်ရေအောက်အခြေခံအဆောက် အအုံများကို ကာကွယ်ခြင်းအတွက် ရည်ရွယ်သည့် စစ်ရေးလှုပ်ရှားမှုအသစ်တစ်ခုစတင်ခြင်းဖြင့် ဘောလ်တစ်ပင်လယ်တွင် NATO ၏ စိုးမိုးမှုကို တိုးမြှင့်မည်ဖြစ်ကြောင်း ဇန်နဝါရီ ၁၄ ရက်နေ့က ကြေညာခဲ့သည်။

ရုရှားသည် ၎င်း၏ရေတပ်စစ်ဆင်ရေးနှင့် စွမ်းအင်တင်ပို့မှုအတွက် ဘောလ်တစ်ပင်လယ်ကို မဟာဗျူဟာမြောက်နယ်မြေအဖြစ် ရှုမြင်ကာအသုံးပြုလျက်ရှိသည်။

လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ချတိုက်ခိုက်ခြင်းများအား လုပ်ဆောင်လျက်ရှိပါသည်။

တိုင်းဒေသကြီးနှင့် ပြည်နယ်များရှိ မြို့နယ်အချို့တွင် နိုင်ငံ့ဝန်ထမ်းများနှင့် အပြစ်မဲ့အရပ်သားပြည်သူများအား ပြည်သူလူထုအတွင်း အကြောက်တရားလွှမ်းမိုးစေရန်လည်းကောင်း၊ ၎င်းတို့နှင့် အမြင်အယူအဆမတူသူ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့် မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင် အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။

ဖိလစ်ပိုင်သမ္မတဟောင်း ရိုဒရီဂိုဒူတာတေလက်ထက်တွင် အစိုးရကလုပ်ဆောင်သည့် မူးယစ်ဆေးဝါး တိုက်ဖျက်မှုများအား စုံစမ်းစစ်ဆေးရန် နိုင်ငံတကာရာဇဝတ်မှု ဆိုင်ရာတရားရုံး (ICC)တွင် လုပ်ပိုင်ခွင့် အာဏာမရှိကြောင်း ဖိလစ်ပိုင်သမ္မတရုံးက ထုတ်ပြန်သည်။