အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေးထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေးပစ္စည်းကိရိယာများ အသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက်ရှိပါသည်။

Tik Tok ကို တရုတ်နိုင်ငံသားမဟုတ်သည့် ကုမ္ပဏီထံရောင်းချရမည်ဆိုပါက အီလွန်မတ်စ်ထံ ရောင်းချပေးလိုကြောင်း တရုတ်အရာရှိကြီးများက ပြောကြား လိုက်ပါသည်။

တရုတ်နိုင်ငံအနေဖြင့်မူ Tik Tok ကို တရုတ်ကုမ္ပဏီ ByteDance လက်အောက်တွင် ဆက်လက်ထားရှိလိုပြီး ကုမ္ပဏီအနေဖြင့်လည်း အမေရိကန်က TikTok ပိတ်သိမ်းရန်ထုတ်ပြန်ထားသည့် ဥပဒေအပေါ် အမေရိကန်တရားလွှတ်တော်ချုပ်သို့ အယူခံတင်သွင်းရန် ဆောင်ရွက်နေကြပါသည်။ သို့သော် ဇန်နဝါရီ လ ၁၀ ရက်နေ့တွင်ကြားနာမှုများအရ တရားလွှတ်တော်ချုပ်သည်အမေရိကန်တွင် Tik Tok ပိတ်ပင်မည့်ဥပဒေကို အတည်ပြုရန် အလားအလာများနေပါသည်။

အိန္ဒိယနိုင်ငံ Uttara Paradash ပြည်နယ်၊ Prayagraj မြို့မြောက်ပိုင်းတွင် ကျင်းပပြုလုပ်သည့် Mahakumbh Mela ပွဲတော်တွင် ပါဝင်ဆင်နွှဲရန် သန်းနဲ့ချီသော ဘုရားဖူးများ စုဝေး‌ရောက်ရှိနေကြပါသည်။

ဟိန္ဒူဘာသာဝင်များ အထွတ်အမြတ်ထားသည့် ဂင်္ဂါမြစ်၊ Yamuna မြစ်နှင့် ဒဏ္ဍာရီလာ Saraswati မြစ်တို့ပေါင်းဆုံရာ Sangam တွင် ရေချိုးရန်အတွက် ၆ ပတ်တာကာလအတွင်း ကမ္ဘာတစ်ဝှမ်းလုံးမှ ဟိန္ဒူဘာသာဝင်များ ဘုရားဖူးလာရောက်ကြခြင်းဖြစ်သည်။

ဟိန္ဒူဘာသာဝင်များသည် မြင့်မြတ်သော ရေကိုချိုးခြင်းဖြင့် အပြစ်များကိုသန့်စင်စေသည်ဟု ယုံကြည်ကြသည်။

မြောက်ကိုရီးယားသည် ဇန်နဝါရီ ၁၃ ရက်နေ့က ဂျပန်ပင်လယ်ထဲသို့ အမျိုးအစား ခွဲခြားမရနိုင်သော ဒုံးကျည်တစ်စင်း ပစ်လွှတ်ခဲ့ကြောင်း၊ အဆိုပါ ဒုံးကျည် သည် ပဲ့ထိန်းဒုံးကျည်အမျိုးအစားဖြစ်နိုင်ကြောင်း တောင်ကိုးရီးယားနိုင်ငံက ထုတ်ပြန်ထားသည်။

မြောက်ကိုရီးယားသည် ပြီးခဲ့သည့် ဇန်နဝါရီ ၆ ရက်က အသံထက်မြန်သည့် ပဲ့ထိန်းဒုံးကျည်တစ်စင်းကို ပစ်လွှတ်ခဲ့ပြီး အဆိုပါဒုံးကျည်မှာ မိမိနိုင်ငံကို ကာကွယ်ရန်တီထွင်ခဲ့ခြင်းဖြစ်ကြောင်း မြောက်ကိုရီးယားခေါင်းဆောင် Kim Jong Un က ပြောကြားခဲ့သည်။

ပြင်ဦးလွင်မြို့ အမျိုးသားကန်တော်ကြီးဥယျာဉ် နှစ် (၁၀၀) ပြည့် အထိမ်းအမှတ် (၁၇) ကြိမ်မြောက် ပန်းပွဲတော်ကို ရက်တိုးဖွင့်လှစ်ထားကြောင်း နိုင်ငံတော်စီမံအုပ်ချုပ်ရေး ကောင်စီ၏ သတင်းထုတ်ပြန်ချက်အရသိရသည်။

အဆိုပါ ပန်းပွဲတော်ကို ၂၀၂၄ ခုနှစ်၊ ဒီဇင်ဘာလ ၁၄ ရက်မှ ၂၀၂၅ ခုနှစ်၊ ဇန်နဝါရီလ ၁၂ ရက်၊နံနက် (၈) နာရီမှ ညနေ (၅) နာရီအထိ ကျင်းပရန်သတ်မှတ်ခဲ့ရာမှ လာမည့် ဇန်နဝါရီလ ၁၉ ရက်အထိ ထပ်မံတိုးမြှင့် ဖွင့်လှစ်ပေးထားခြင်းဖြစ်ကြောင်းသိရသည်။

တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားလွှမ်းမိုးစေရန်လည်းကောင်း၊ ၎င်းတို့နှင့် အမြင်အယူအဆမတူသူ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့် မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များ အသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။

တောင်ကိုရီးယားသမ္မတ Yoon Suk Yeol ၏ ဦးစီးအရာရှိချုပ်က မစ္စတာ Yoon ကို ဖမ်းဆီးထိန်းသိမ်းရေးဝရမ်းအရ ထိန်းသိမ်းရန်ကြိုးပမ်းနေသော ရဲတပ်ဖွဲ့နှင့် သမ္မတလုံခြုံရေးအစောင့်များအကြား ရုန်းရင်းဆန်ခတ်မှု ဖြစ်မလာစေရန် ကြိုးပမ်းသွားမည်ဖြစ်ကြောင်း ကတိပြု ပြောဆိုလိုက်ပါသည်။

အစ္စရေးနှင့်အစ္စလာမစ်အဖွဲ့ ဟားမတ်စ်တို့သည် အပစ်အခတ်ရပ်စဲရေးနှင့် ဓားစာခံများလွှတ်ပေးရေး သဘောတူညီချက်တစ်ရပ်ကို အစောဆုံးအနေဖြင့် ယခု သီတင်းပတ်တွင်ရရှိမည်ဟု မျှော်လင့်ကြောင်း အမေရိကန်အစိုးရ အကြီးတန်းအရာရှိတစ်ဦးက ပြောကြားခဲ့ပါသည်။ ဇန်နဝါရီ ၁၃ ရက်နေ့တွင် သတင်းထောက်များကို ပြောဆိုရာ၌ အမေရိကန်နိုင်ငံလုံခြုံရေးအကြံပေး Jake Sullivan က သဘောတူညီချက်တစ်ခုရရှိရန် နီးစပ်နေပြီဖြစ်ပြီး ယခုတစ်ပတ်အတွင်း ဖြစ်နိုင်ကြောင်း ပြောကြားခဲ့ပါသည်။

သို့သော် ၎င်းက ကတိတစ်ခုပေးခြင်းမဟုတ်ဘဲ ဖြစ်မြောက်အောင် ဆောင်ရွက်သွားမည်ဖြစ်ကြောင်း ဆက်လက်ပြောကြားခဲ့ပါသည်။

ပြင်သစ်နိုင်ငံရေးပါတီ The Ecologists ခေါင်းဆောင် Marine Tondelier က Elon Musk ၏ X Social Media Platform ကို ဥရောပသမဂ္ဂနိုင်ငံများ၌ ပိတ်ပင်ရန် တောင်းဆိုလိုက်ပါသည်။ ၎င်း၏တောင်းဆိုမှုအကြောင်းပြချက်တစ်ခုမှာ ဒီမိုကရေစီဖော်ဆောင်မှုလမ်းစဉ်ကို အနှောင့်အယှက်ဖြစ်စေခြင်းကြောင့်ဟု ပြောဆိုထားပြီး အထူးသဖြင့် ရွေးကောက်ပွဲကာလများတွင် ပိတ်ပင်ရန် ပြောကြားခဲ့သည်။

အမေရိကန်နိုင်ငံ၊ ကယ်လီဖိုးနီးယားပြည်နယ် လော့စ်အိန်ဂျလိစ်မြို့ဝန်းကျင်တွင် လောင်ကျွမ်းလျက်ရှိသော တောမီးသည် လွန်ခဲ့သော သီတင်းပတ် ဇန်နဝါရီ ၇ ရက်နေ့ညနေမှ စတင်လောင်ကျွမ်းခဲ့ ပါသည်။