ဥရောပသမဂ္ဂအဖွဲ့သည် တရုတ်နိုင်ငံ၏ ပူးပေါင်းဆောင်ရွက်မှုတွင်   ယုံကြည်အားထားနိုင်သည့် လုပ်ဖော်ကိုင်ဖက်အဖွဲ့အစည်း တစ်ရပ်ဖြစ်မည်ဟု မျှော်လင့်ကြောင်း တရုတ်သမ္မတ ရှီကျင့်ဖျင်က ဇန်နဝါရီလ၁၄ ရက်တွင် ပြောကြားလိုက်သည်။

ရုရှားနိုင်ငံ    ယာရိုဆလပ်ဒေသရှိ ကာကွယ်ရေး စီမံကိန်းတစ်ခုတွင် တာဝန်ထမ်းဆောင်နေသည့် ဝန်ထမ်းများအား အဆိပ်အတောက်ဖြစ်စေသည့် ဓာတုဗေဒပစ္စည်းများနှင့် တိုက်ခိုက်ရန် ကြံစည်မှု တစ်ရပ်ကို ရုရှားပြည်ထောင်စု လုံခြုံရေးအဖွဲ့က တားဆီးနိုင်ခဲ့ကြောင်း ရုရှားမီဒီယာ တစ်ခုတွင် ဇန်နဝါရီလ ၁၄ ရက်က ဖော်ပြသည်။

အမေရိကန်ပြည်ထောင်စုက  AI အဆင့်မြင့်နည်းပညာသုံး ကွန်ပျူတာ Chip များအား ဥရောပသမဂ္ဂ အဖွဲ့ဝင်နိုင်ငံများသို့ တင်ပို့ခြင်းအား ကန့်သတ်သည့် လုပ်ဆောင်ချက်နှင့်စပ်လျဉ်း၍  စိုးရိမ်မကင်းဖြစ်မိကြောင်း ဥရောပကော်မရှင်မှ တာဝန်ရှိသူများက ပြောသည်။

အင်ဒိုနီးရှားနိုင်ငံက BRICS အဖွဲ့သို့ တင်းပြည့်အဖွဲ့ဝင်နိုင်ငံအဖြစ် ဝင်ရောက်ပြီး နောက်ပိုင်းတွင် နိုင်ငံအတွင်း၌ BRICS အဖွဲ့ဝင်နိုင်ငံများမှ  ဝင်ရောက်လာသည့် ရင်းနှီးမြှုပ်နှံမှုပမာဏသည်   မြင့်တက်လာမည့် အလားအလာရှိကြောင်း  သိရသည်။

တရုတ်နိုင်ငံအရှေ့ပိုင်း၊ ဆန်းတုန်းပြည်နယ်မှ Smart Dragon-3 ဒုံးပျံတစ်စင်းကို လွှတ်တင်ခဲ့ကာ ၎င်းဒုံးပျံမှာ CentiSpace 01 ဂြိုဟ်တုအစုအဝေးအား သတ်မှတ် ဂြိုဟ်ပတ်လမ်းထဲသို့ ပို့ဆောင်ပေးခဲ့ကြောင်း သိရသည်။

အဆိုပါ ဒုံးပျံအား ဟိုင်ရန်မြို့အနီးရှိ ပင်လယ်ပြင်မှ ပေကျင်းစံတော်ချိန် နံနက် ၁၁ နာရီ၌ လွှတ်တင်ခဲ့ခြင်းဖြစ်ကာ ထိုက်ယွမ် ဂြိုဟ်တုလွှတ်တင်ရေးစင်တာက ကမ်းလွန်၌ ဒုံးပျံလွှတ်တင်မှုမစ်ရှင်ကို လုပ်ဆောင်ခဲ့ခြင်း ဖြစ်ကြောင်း သိရသည်။ 

ကိုးကား-ဆင်ဟွာ

(၁၂-၁-၂၀၂၅ ရက်နေ့ နောက်ဆက်တွဲ သတင်း) 

ဒိန်းမတ်ပိုင်နက် ဂရင်းလန်းကို စစ်အင်အားဖြင့် ရယူမည်မဟုတ်ကြောင်း ဒေါ်နယ်ထရမ့်က ပြောကြားလိုက်ပြီးနောက်တွင် ရုရှားက ဂရင်းလန်းကိစ္စအပေါ် အနီးကပ်စောင့်ကြည့်နေကြောင်း ကရင်မလင်ပြောရေးဆိုခွင့်ရှိသူ   Dmitry Peskov  က ပြောကြားလိုက်ပါသည်။ 

ဇန်နဝါရီ ၁၃ ရက်က ဖိလစ်ပိုင်နိုင်ငံတွင်ကြီးမား‌သော လူထုဆန္ဒပြပွဲကြီးတစ်ခုကိုတွေ့မြင်ခဲ့ရပြီး ဒုတိယသမ္မတ ဆာရာဒူတာတေးအပေါ် စွပ်စွဲပြစ်တင်သည့် အမှုများကို မကျေနပ်သည့်အတွက် ဘာသာရေးအရ ဩဇာလွှမ်းမိုးမှုရှိသော ခရစ်ယာန်အဖွဲ့ Iglesia ni Cristo (INC) ၏ အဖွဲ့ဝင် ၁.၈ သန်းနီးပါးက  မြို့တော် မနီလာရှိ သမိုင်းဝင် Quirino Grandstand နှင့် အနီးတစ်ဝိုက်ရှိ လမ်းမများပေါ်တွင် စုဝေးဆန္ဒပြကြခြင်း ဖြစ် သည်။

တာလီဘန်တို့မြို့တော် ကဘူးလ်ကို ဩဂုတ်လ ၂၀၂၁ ခုနှစ်တွင် သိမ်းပိုက်ခဲ့စဉ်က "၂၀၀၁ ခုနှစ်မှစ၍ ပထမဆုံးအကြိမ် အာဏာပြန်လည်ရရှိပြီး ကျွန်ဘဝမှ လွတ်မြောက်ခဲ့ပြီ" ဟု ပါကစ္စတန်ဝန်ကြီးချုပ် အီရန်ခန်က ပြောကြားခဲ့ပါသည်။ 

လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။

ဘရာဇီးရှိ အခြေခံပညာကျောင်းများအားလုံးတွင် စမတ်ဖုန်းအသုံးပြုမှုကို ကန့်သတ်သည့် ဥပဒေကြမ်းတစ်ရပ်ကို ဇန်နဝါရီ ၁၃ ရက်နေ့တွင် ဘရာဇီးသမ္မတ Luiz Inácio Lula da Silva က လက်မှတ်ရေးထိုးလိုက်ပါသည်။