တရုတ်သမ္မတ ရှီကျင့်ဖျင်နှင့် အမေရိကန် ရွေးကောက်ခံ သမ္မတ ဒေါ်နယ်ထရမ့်တို့သည် ဇန်နဝါရီ ၁၇ ရက် (သောကြာနေ့)က ဖုန်းဆက်သွယ်ပြောကြားခဲ့ပါသည်။ ထိုဖုန်းပြောဆိုမှုသည် ၎င်းတို့နှစ်ဦး၏ ၂၀၂၁ ခုနှစ် နောက်ပိုင်းတွင် ပထမဆုံးအကြိမ် ဖုန်းတိုက်ရိုက် ပြောဆိုကြခြင်း ဖြစ်ပါသည်။ 

ဒေါ်နယ်ထရမ့် သမ္မတကျမ်းသစ္စာဆိုပွဲမတိုင်မီ ရက်အနည်းငယ်အလိုတွင် ထရမ့်နှင့် ရှီတို့က TikTok ကိစ္စ၊ fentanyl နှင့် Taiwan ကိစ္စတို့ကို ဆွေးနွေးခဲ့ကြကြောင်း သိရပါသည်။ 

ဒေါ်နယ်ထရမ့်သည် ၎င်း၏သမ္မတ ကျမ်းသစ္စာဆိုပွဲ မကျင်းပမီ ရက်ပိုင်းအလိုတွင် Meme ခရစ်တို ငွေကြေးပုံစံအသစ်ကို မိတ်ဆက်လိုက်ပါသည်။ 

ပြီးခဲ့သည့် ဇန်နဝါရီ ၁၈ ရက်(စနေနေ့)က နိုင်ဂျီးရီးယား နိုင်ငံမြောက်ပိုင်း နိုင်ဂျာပြည်နယ်တွင် ဓာတ်ဆီ လီတာ ၆၀၀၀၀ သယ်ဆောင်လာသော ဓာတ်ဆီတင်ကား တစ်စီးတိမ်းမှောက်ပြီး လောင်စာဆီများ ယိုဖိတ်ကာ ပေါက်ကွဲမီးလောင်သွားသဖြင့် အနည်းဆုံး လူ ၇၀ သေဆုံးသွားခဲ့ကာ ထိခိုက်ဒဏ်ရာရရှိသူများ များပြား ကြောင်း နိုင်ဂျီးရီးယား အမျိုးသားအရေးပေါ် အေဂျင်စီ က ကြေညာထားပါသည်။ 

လွန်ခဲ့သည့် အောက်တိုဘာကလည်း ဂျီဂါဝါ ပြည်နယ်တွင် အလားတူပေါက်ကွဲမှုဖြစ်ပွားခဲ့ပြီး လူ ၁၅၃ ဦး သေဆုံးခဲ့ရကာ နိုင်ဂျီးရီးယားတွင် အဆိုးရွားဆုံး ဖြစ်ရပ် ဖြစ်ခဲ့ရသည်။ 

Apple အမှုဆောင်အရာရှိချုပ် Tim Cook က မိမိတို့ ကုမ္ပဏီအနေဖြင့် အမေရိကန်စီးပွားရေးအတွက် ရင်းနှီး မြှုပ်နှံမှုများ ပြုလုပ်သွားမည် ဟု ကတိပြုခဲ့ကြောင်း အမေရိကန် သမ္မတ ဒေါ်နယ်ထရမ့်က ပြောကြားလိုက် ပါသည်။

“Tim Cook အနေဖြင့် မိမိ၏ အမေရိကန်ရွေးကောက်ပွဲ ရလဒ်ကြောင့် အမေရိကန်၌ ၎င်းတို့၏ ကုန်ပစ္စည်း ထုတ်လုပ်မှုများအတွက် ရင်းနှီးမြှုပ်နှံမှုများ ထပ်မံ ဆောင်ရွက်မည် ဖြစ်ကြောင်း” ဝါရှင်တန်ရှိ Capital One အားကစားကွင်း၌ ပြုလုပ်သည့် လူထုအစည်း အဝေးတွင် ဒေါ်နယ်ထရမ့်က ပြောကြားလိုက်ခြင်း ဖြစ်သည်။ 

ပြီးခဲ့သည့် ဇန်နဝါရီ ၁၇ ရက် ရုရှားသမ္မတ ဗလာဒီမာ ပူတင်နှင့် အီရန်နိုင်ငံသမ္မတ တို့သည် ကရင်မလင် နန်းတော်၌ နှစ်နိုင်ငံအကြား ဘက်စုံမဟာဗျူဟာမြောက်မိတ်ဖက်သဘောတူစာချုပ်ကို လက်မှတ်ရေးထိုးခဲ့ကြပါသည်။ ထိုစာချုပ်မှာ နှစ်နိုင်ငံပူးပေါင်းဆောင်ရွက်မှုနယ်ပယ်အားလုံးကို အကျုံးဝင်ပြီး ကာကွယ်ရေး၊အကြမ်းဖက်မှုတိုက်ဖျက်ရေး၊ စွမ်းအင်၊ ဘဏ္ဍာရေး၊ သယ်ယူပို့ဆောင်ရေး၊ စက်မှုလုပ်ငန်း၊ စိုက်ပျိုးရေး၊ ယဉ်ကျေးမှု၊ သိပ္ပံနည်းပညာတို့အပါအဝင် ပူးပေါင်း ဆောင်ရွက်မှု နယ်ပယ်အသီးသီးအတွက် အလားအလာ ကောင်းများ ရရှိလာစေရန်  ဖြစ်ပါသည်။

အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲရေးနှင့်ပတ်သက်၍ သဘာဝဘေးအန္တရာယ်ကျရောက်မှုတွင် ပါဝင်သည့် အကြမ်းဖက်သမားများ၏ တိုက်ခိုက်မှုများကြောင့် ယာယီနေရပ် စွန့်ခွာနေကြရသည့် ပြည်သူများအတွက်လည်း အမျိုးသားသဘာဝဘေးအန္တရာယ်ဆိုင်ရာ စီမံခန့်ခွဲရေးရန်ပုံငွေမှ လိုအပ်သည့် ထောက်ပံ့မှုများဆောင်ရွက်ပေးရန် စီစဉ်ဆောင်ရွက်လျက်ရှိကြောင်း၊ တိုင်းဒေသကြီးနှင့် ပြည်နယ်များအလိုက် စာရင်းကောက်ယူ၍ ဆောင်ရွက်လျက်ရှိကြောင်း နိုင်ငံတော် စီမံအုပ်ချုပ်ရေးကောင်စီ ဥက္ကဋ္ဌ က ၁၇-၁-၂၀၂၅ ရက်တွင် ကျင်းပခဲ့သည့် ပြည်ထောင်စု အစိုးရအဖွဲ့ အစည်းအဝေးတွင် ထည့်သွင်းမှာကြား ခဲ့သည်။

ယူကရိန်းဘဏ်မှ အကြီးတန်းအရာရှိတစ်ဦးအား ရုရှားအား ကူညီထောက်ပံ့မှုဖြင့် ဖမ်းဆီးလိုက်ကြောင်း ယူကရိန်းလုံခြုံရေးဝန်ဆောင်မှုဌာန(SBU)က ဇန်နဝါရီ ၁၈ ရက်နေ့တွင် တယ်လီဂရမ်၌ ထုတ်ပြန်ခဲ့သည်။ အဆိုပါအမျိုးသားသည် crypto လဲလှယ်မှုမှတစ်ဆင့် ရုရှားစစ်တပ်သို့ ငွေကြေးထောက်ပံ့လှူဒါန်းမှုများ ပြုလုပ်ခဲ့သည်ဟု စွပ်စွဲချက်တွင် ဖော်ပြထားသည်။ 

ChatGPT ထုတ်လုပ်သူ OpenAI သည် လူသား များကဲ့သို့ ကျိုးကြောင်းဆင်ခြင်နိုင်စွမ်းရှိသော AI မော်ဒယ်အသစ်ဖြစ်သည့်  o3 mini ဗားရှင်းအသစ်ကို ဇန်နဝါရီလ ကုန်ပိုင်းခန့်တွင် စတင်ဖြန့်ချိမည်ဖြစ်ကြောင်း  CEO Sam Altman ကပြောကြားထားသည်။

သုံးစွဲသူများ၏ တုံ့ပြန်ချက်များကို ထည့်သွင်းစဉ်းစားပြီး အကျိုးဆက်အနေဖြင့် ကြားခံဆက်သွယ်ပေးနိုင်မည့် ကွန်ပျူတာနည်းစနစ်များဖြစ်သည့်  (API)နှင့်ChatGPT ကိုလည်း  တစ်ပြိုင်နက် မိတ်ဆက်ရန်  စီစဉ်နေကြောင်း Altman က ဆိုရှယ်မီဒီယာ ပလက်ဖောင်း X  တွင် ပြောကြားထားပါသည်။

ယူကရိန်း ပဋိပက္ခကို ဖြေရှင်းရန် ဇီလန်စကီးနှင့် သဘောတူညီချက်တစ်ခု ရရှိထားကြောင်း ဒေါ်နယ်ထရမ့် က ပြောကြားခဲ့ပါသည်။

ရုရှားသမ္မတပူတင်နှင့် စကားပြောဆိုပြီးမှသာ ယူကရိန်း ပဋိပက္ခအဆုံးသတ်ရန် ဖြစ်နိုင်ခြေရှိသော အချိန်အတိုင်းအတာကို နားလည်နိုင်မည်ဖြစ်ကြောင်း အမေရိကန် သမ္မတ ဒေါ်နယ်ထရမ့်က ပြောကြားခဲ့ပါသည်။

ထို့အပြင် သမ္မတ ဒေါ်နယ်ထရမ့်က ရုရှား သမ္မတ ဗလာဒီမာ ပူတင်နှင့် တွေ့ဆုံရန် စီစဉ်ထားကြောင်း ပြောကြားခဲ့သော်လည်း ရက်အတိအကျ မသတ်မှတ်ရ သေးကြောင်း ပြောကြားခဲ့ပါသည်။

ကိုးကား-The White House

ယူကရိန်းနှင့်ပတ်သက်သည့် ငြိမ်းချမ်းရေးဆွေးနွေးပွဲများကို တူရကီတွင် ကျင်းပမည်ဖြစ်ကြောင်း ဆလိုဗက်ကီးယား ဝန်ကြီးချုပ် ဖီကို က ဖွင့်ဟ ပြောကြား လိုက်ပါသည်။

တူရကီသမ္မတ Recep Tayyip Erdogan နှင့် Ankara ၌ တွေ့ဆုံပြီးနောက် ဆလိုဗက်ကီးယားဝန်ကြီးချုပ် Robert Fico က တူရကီသည် ၎င်း၏ ပိုင်နက် နယ်မြေ၌ ပဋိပက္ခတွင် အဓိက ပါဝင်ပတ်သက်သူများကြား ဆွေးနွေးပွဲများကို လက်ခံကျင်းပနိုင်ပြီး ယူကရိန်းပဋိပက္ခကို အဆုံးသတ်နိုင်မည်ဖြစ်ကြောင်း ပြောကြားခဲ့ပါသည်။