တရုတ်အစိုးရက ကမ္ဘာကျော်ချောက်သုံးလုံးတမံထက် လျှပ်စစ်ဓာတ်အားပမာဏသုံးဆပိုမိုထုတ်လုပ်နိုင်မည့် ရေအားလျှပ်စစ်စက်ရုံကြီးတစ်ခုကိုတည်ဆောက်သွားရန် အတည်ပြုလိုက်ပြီဖြစ်ကြောင်း သိရသည်။

အဆိုပါရေအားလျှပ်စစ်စက်ရုံကြီးကို တိဗက်ကိုယ်ပိုင်အုပ်ချုပ်ခွင့်ရဒေသရှိ ယာလန်းဆန်းပိုမြစ်ကြီးပေါ်၌ တည်ဆောက်သွားမည်ဖြစ်သည်။ အင်ဂျင်နီယာပညာပိုင်းအရစိန်ခေါ်မှုများစွာရှိမည့် ထိုရေအားလျှပ်စစ်စက်ရုံစီမံကိန်းကြီးကို ယွမ် ၁ ထရီ လီယံအထိရင်းနှီးမြှုပ်နှံသွားမည်ဖြစ်သောကြောင့် ကမ္ဘာပေါ်တွင်ကုန်ကျစရိတ်အများဆုံးသော အခြေခံအဆောက်အအုံစီမံကိန်းတစ်ခုဖြစ်လာမည်ဖြစ်သည်။

ရုရှားသိပ္ပံပညာရှင်များသည် လာမည့်နှစ်တွင် ထွက်ရှိမည့် ကင်ဆာရောဂါကာကွယ်ဆေးအသစ်အတွက် အပြီးသတ်လုပ်ဆောင်နေကြောင်း ဂမီလီယာသုတေသနတက္ကသိုလ်၏ ကူးစက်ရောဂါနှင့် အဏုဇီဝဌာန အကြီးအကဲ အလက်ဇန်ဒါး ဂျင်ဘာဂ်က ပြောကြားလိုက်သည်။ ဂမီလီယာဌာနသည် ကိုဗစ်ကာကွယ်ဆေး Sputnik V ကို ၂၀၂၀ သြဂုတ်လက ဖန်တီးခဲ့ပြီး၊ ကမ္ဘာပေါ်တွင် ပထမဆုံး တီထွင်ခဲ့သော ကိုဗစ်ကာကွယ်ဆေးတစ်ခုဖြစ်သည်။

ယူကရိန်းသည် ၎င်း၏လူဦးရေစာရင်း အကျပ်အတည်းကို ကိုင်တွယ်ဖြေရှင်းရန် ကြိုးပမ်းမှုတွင် နိုင်ငံသား ၁၀ သန်းအထိ ပြန်လာရန် ကြိုးပမ်းနေပြီး အစုအဖွဲ့တွင် နေထိုင်သော ယူကရိန်းနိုင်ငံသားများကို ဖိအားပေးသည့် နည်းလမ်းအဖြစ် အကူအညီဖြတ်တောက်ရန် အီးယူကို တွန်းအားပေးနေကြောင်း El Pais က ဖော်ပြသည်။

အိန္ဒိယအနေဖြင့် အာဏာဖြုတ်ချခံခဲ့ရသည် ဘင်္ဂလားဒေ့ရှ်၀န်ကြီးချုပ် Sheikh Hasina ကို လွှဲပြောင်း ပေးရန် ဘင်္ဂလားဒေ့ရှ် ကြားဖြတ်အစိုးရက တောင်းဆို လိုက်ပါသည်။ ကျောင်းသားများ ဦးဆောင်သော ဆန္ဒ ပြပွဲကြီးများ ရက်သတ္တပတ်များစွာ ဖြစ်ပွားခဲ့ပြီးနောက် ဝန်ကြီးချုပ် Hasina သည် ဩဂုတ်လက အိမ်နီးချင်း အိန္ဒိယနိုင်ငံဘက်ကို ထွက်ပြေးခဲ့သည်။ တရားခံလွှဲ ပြောင်းရေး တောင်းဆိုချက်ကို အိန္ဒိယအစိုးရထံ ပေးပို့ ထားသည်ဟု ဘင်္ဂလားဒေ့ရှ် အစိုးရ၏ နိုင်ငံခြားရေးရာ အကြံပေးပုဂ္ဂိုလ်က ဒီဇင်ဘာ ၂၃ တွင် ဒေသတွင်း မီဒီယာများကို ပြောကြားခဲ့ပါသည်။

 အီရန် Supreme Cyberspace Council သည် Whats App messenger နှင့် Google Play app များ ပိတ်ပင် ထားရှိမှုကို ရုတ်သိမ်းရန် မဲခွဲဆုံးဖြတ်ခဲ့ကြောင်း နိုင်ငံပိုင် မီဒီယာက ဖော်ပြခဲ့သည်။

Supreme Cyberspace Council သည် WhatsApp နှင့် Google Play အပါအဝင် နိုင်ငံခြားပိုင် အပလီကေးရှင်း အချို့အပေါ် ကန့်သတ်ချက်များကို ရုတ်သိမ်းရန် ဒီဇင်ဘာ ၂၄ ရက်က ပြုလုပ်သည့် အစည်းအဝေးတစ်ခု အတွင်း ဆုံးဖြတ်ခဲ့ကြောင်း နိုင်ငံပိုင်သတင်းအေဂျင်စီ IRNA က ထုတ်ပြန်ခဲ့သည်။

အီရန်သမ္မတဟောင်း Bashar al-Assad ဖြုတ်ချခံရပြီးနောက် ပေါ်ပေါက်လာသော အာမက်အယ်လ်ရှာရာ အစိုးရကို တွန်းလှန်ရန် ဆီးရီးယားပြည်သူများအား အီရန်၏ ထိပ်တန်းခေါင်းဆောင် အယာတိုလာအလာခါမေနီက တောင်းဆိုထားပြီး အာဆတ်အစိုးရ တိုက်ခိုက်ခံရမှုသည် အနောက်နိုင်ငံများ၏ ကြိုးကိုင်မှု ဖြစ်သည်ဟု ပြောကြားခဲ့သည်။

ဒီဇင်ဘာ ၂၂ ရက် မိန့်ခွန်းတွင် ခါမေနီက ဆီးရီးယားနိုင်ငံသားများ အထူးသဖြင့် နိုင်ငံအတွင်းရှိ လူငယ်များသည် “ကြိုးကိုင်သူများနှင့် ဆီးရီးယားနိုင်ငံပြိုကွဲရန် အကောင်အထည်ဖော်နေသူများကို ပြင်းထန်စွာ ဆန့်ကျင်သင့်သည်” ဟု ပြောကြားခဲ့သည်။

ထိုင်းနိုင်ငံသည် BRICS မိတ်ဖက်နိုင်ငံဖြစ်လာရန် ရုရှားနိုင်ငံထံမှ တရားဝင်ဖိတ်ကြားမှုကို လက်ခံရရှိခဲ့ပါသည်။ ဒီဇင်ဘာ ၂၄ ရက်က အစိုးရအဖွဲ့ အစည်းအဝေးတစ်ရပ် ကျင်းပခဲ့ပြီးထိုင်းနိုင်ငံက ယင်းဖိတ်ကြားချက်ကို အပြုသဘောဖြင့်တုံ့ပြန်မည်ဟု ဆုံးဖြတ်ခဲ့ပြီး အဆိုပါနေ့တွင် ထိုင်းနိုင်ငံခြားရေးဝန်ကြီးက BRICS ကို မိတ်ဖက်နိုင်ငံအဖြစ် ပူးပေါင်းရန် ထိုင်းနိုင်ငံ၏ သဘောတူညီချက်ကို အတည်ပြုကြောင်း ရုရှားနိုင်ငံခြားရေးဝန်ကြီးထံ စာတစ်စောင် ပေးပို့ခဲ့ကြောင်း သိရှိရပါသည်။

ကိုးကား - TASS

အိန္ဒိယဝန်ကြီးချုပ်ဟောင်း မန်မိုဟန်ဆင်းသည် အသက် ၉၂ နှစ်အရွယ်တွင် ကွယ်လွန်သွားကြောင်း ဒေသတွင်းသတင်းမီဒီယာများကဖော်ပြခဲ့ကြပါသည်။ မန်မိုဟန်ဆင်းသည် အိန္ဒိယ၏ သက်တမ်းအရှည်ဆုံးဝန်ကြီးချုပ်များအနက်မှ တစ်ဦးဖြစ်ခဲ့ပြီး လက်ရှိအိန္ဒိယ၏ဝန်ကြီးချုပ် နာရိန္ဒရာမိုဒီက အိန္ဒိယသည်၎င်းတို့၏ "အထင်ရှားဆုံးခေါင်းဆောင်တစ်ဦး"ကို ဆုံးရှုံးခဲ့သည့်အတွက် ဝမ်းနည်းကြောင်း ပြောကြားခဲ့ပါသည်။

ကိုးကား - Sputnik

Photo- CNN

အိန္ဒိယ ဝန်ကြီးချုပ်ဟောင်း မန်မိုဟန်ဆင်း အကြောင်း ဖတ်ရှုရန်

အီရန်သမ္မတ Masoud Pezeshkian သည် လာမည့် ဇန်နဝါရီ ၁၇ ရက်တွင် မော်စကိုသို့ အလုပ်သဘောခရီးစဉ်အဖြစ်လာရောက်ရန် စီစဉ်ထားကြောင်း ရုရှားနိုင်ငံဆိုင်ရာ အီရန်သံအမတ်ကြီး Kazem Jalali က ကြေညာခဲ့ပါသည်။ အဆိုပါခရီးစဉ်အတွင်း Pezeshkian သည် ရုရှားသမ္မတ ဗလာဒီမာပူတင်နှင့် တီဟီရန်နှင့် မော်စကိုတို့အကြား ပူးပေါင်းဆောင်ရွက်ရေးသဘောတူစာချုပ်ကို လက်မှတ်ရေးထိုးရန် မျှော်လင့်ထားကြောင်း သိရှိရပါသည်။

ကိုးကား - ဒေသတွင်းမီဒီယာ

Photo- President of Russia

တရုတ်နိုင်ငံ၏ ဆဋ္ဌမမျိုးဆက် တိုက်လေယာဉ်ဖြစ်သည့် (White Emperor) သည် ၎င်း၏ ပထမဆုံးပျံသန်းမှုကို ဒီဇင်ဘာလ ၂၆ ရက်နေ့တွင် ပြုလုပ်ခဲ့ကြောင်း သိရှိရပါသည်။၂၀၂၄ခုနှစ် Zhuhai Airshow တွင် ပထမဆုံး ထုတ်ဖော်ပြသခဲ့သည့် ကိုယ်ပျောက်ဂျက်လေယာဉ်သည် အသံထက်မြန်သော အမြန်နှုန်း၊ လက်နက်စနစ်သစ်များနှင့်အတူ ရေဒါလျှော့ချနိုင်သော မျက်နှာပြင်များပါရှိကြောင်း သိရှိရပါသည်။

ကိုးကား - RT News

Photo- The National Interest