တရုတ်နိုင်ငံမှာ ဆိုလာပြားတွေကိုတပ်ဆင်ထားတဲ့ ငါးမွေးမြူရေးကန်တစ်ခုရှိပါတယ်။ အခု အဲဒီကန်မှာရှိတဲ့ ဆိုလာပြားတွေကနေ ဓာတ်အားလိုင်းဆီကို လျှပ်စစ်ဓာတ်အားတွေ ပို့လွှတ်နိုင်နေပါပြီ။ အဲဒီကနေထွက်ရှိတဲ့ လျှပ်စစ်ဓာတ်အားပမာဏက မဂ္ဂါဝပ် ၂၅၀ ရှိပါတယ်။   ဒါကြောင့် အဲဒီကန်ဟာ ကမ္ဘာ့အကြီးဆုံးသော ဆိုလာပြားတပ်ငါးမွေးမြူရေးကန်ဖြစ်လာပါပြီ။

ပေကျင်းမြို့အခြေစိုက် Dajin Heavy Industry က အဆိုပါစီမံကိန်းကို အကောင်အထည်ဖော်တာဖြစ်ပြီး ဒီစီမံကိန်းက ရရှိတဲ့မြေနေရာကို အကောင်းဆုံး အကျိုးရှိစွာအသုံးချခြင်းအတွက် ပြယုဂ်တစ်ခုဖြစ်တယ်လို့ဆိုပါတယ်။

အခုဆိုလာပြားတွေတပ်ဆင်ပြီး လျှပ်စစ်ဓာတ်အားထုတ်လုပ်ပေးနေတဲ့ ငါးကန်က အကျယ်အားဖြင့် ၃၅၃ ဟက်တာရှိပါတယ်။ တပ်ဆင်ထားတဲ့ ဆိုလာပြားအချပ်ရေ ၃၇၀၀၀၀ က ကျောချင်းကပ်ဖြစ်တာကြောင့် အပေါ်ပိုင်း ဆိုလာပြားက နေရောင်ခြည်စွမ်းအင်ကို တိုက်ရိုက်ရယူပြီး အောက်ပိုင်းရှိဆိုလာပြားက ရေမှအလင်းပြန်လာတဲ့ နေရောင်ခြည်မှ စွမ်းအင်ရယူတာဖြစ်တယ်လို့ ဆိုပါတယ်။

MWD Web Portal

Jeep ဆိုတာက လမ်းကြမ်းသုံးကားတွေကို ထုတ်လုပ်ရာမှာ နာမည်ကြီးလှပါတယ်။ ဒါဟာ သူ့ရဲ့ဂုဏ်ပုဒ်တစ်ခုဆိုရင် လည်းမမှားပါဘူး။ မကြာသေးခင်က ထွက်ပေါ်လာတဲ့ သူတို့ရဲ့နောက်ဆုံးထုတ်ကားဖြစ်တဲ့ Jeep Compass မှာတော့ အပြင် ပိုင်းကိုအကြမ်းခံနိုင်အောင် လုပ်ဆောင်ထားသလို အတွင်းပိုင်းလည်း အကြမ်းခံ မယ့်ပုံစံနဲ့မြင်တွေ့လိုက်ရပါတယ်။

လမ်းကြမ်းမောင်းတဲ့ကားတွေတော်တော်များများက အတွင်းပိုင်းမှာ ညစ်ပတ်လေ့ရှိပါတယ်။ ဒီအချက်ကို Jeep Com-pass က ပြောင်းပြန်လှန်လိုက်တာပါ။

အင်ဂျင်နီယာများက အတွင်းပိုင်းမှာတော်ရုံ အားဖြင့်ညစ်ပတ် စွန်းထင်းမှုမရှိစေမယ့် ကုန်ကြမ်းတွေကို အသုံးပြုထားပါတယ်။ ခုံတွေဆိုရင်လည်း သူတို့ကို အလွယ်တကူ သန့်ရှင်းရေးလုပ်နိုင်စေဖို့ ဖန်တီးထားတာ ဖြစ်ပါတယ်။     

MWD Web Portal

Porsche ဆိုတဲ့ကုမ္ပဏီက မော်တော်ကားလောကမှာတော့   တကယ့်ကိုထိပ်ခေါင်တင်ပါပဲ။ သူထုတ်လုပ်လိုက်သမျှ ကားတွေမှာ အားနည်းချက် ဆိုလို့အနည်း ငယ်မျှသာ ရှိတယ်လို့ဆိုနိုင်ပါတယ်။ အခုလည်း လျှပ်စစ်စွမ်းအင်သုံး ကားတစ်စီးကို တရားဝင် မထုတ်လုပ်ရသေးဘဲ ရှေ့ပြေး ပုံစံအဆင့်မှာတင် စံချိန်တွေကိုချိုးသွား တာတွေ့ရပါတယ်။

အခုစမ်းသပ်လိုက်တဲ့ရှေ့ပြေးပုံစံအရ ဆိုရင် SUV အမျိုးအစား လျှပ်စစ်စွမ်းအင်သုံး Cayenne ဖြစ်ပြီး သူ့ကိုသမားရိုးကျလမ်းမများထက်မှာ စမ်းသပ်မှုလုပ်တာ မဟုတ်ဘဲ တောတွင်းလမ်းကြမ်းနေရာမှာ စမ်းသပ်မှု လုပ်ခဲ့တာပါ။

အဲဒီစမ်းသပ်မှုထဲမှာ ၉၁၄ မီတာအရှည် ရှိတဲ့ တောင်တက်လမ်းတစ်ခုကို ၃၁ ဒသမ၂၈ စက္ကန့်နဲ့  အရောက်မောင်းနှင်နိုင်တာ တွေ့ရပါတယ်။ ဒါဟာ ယခင် SUV ကတင်ထားတဲ့ စံချိန်ထက် လေးစက္ကန့်ပိုများပါတယ်။

Porsche က အခုရှေ့ပြေးပုံစံကားမှာ Porsche Active Ride ဆိုတဲ့အောက်ပိုင်း စနစ်ကိုအသုံးပြုထားတာဖြစ်ပါတယ်။

ဒီစနစ်က ကားကိုရုတ်တရက် ဘရိတ်အုပ်တဲ့အချိန်တွေ၊ အရှိန်တင်တဲ့အချိန်တွေ၊ ကွေ့တဲ့အချိန်တွေမှာ ကားရဲ့အမြင့်ကိုတစ်ပြေးညီတည်းရှိစေဖို့ အကောင်းဆုံး ထောက်ပံ့ပေးတာဖြစ်ပါတယ်။

MWD Web Portal

နေပြည်တော် ဇူလိုင် ၈

ဒစ်ဂျစ်တယ်စီးပွားရေးဖွံ့ဖြိုးတိုးတက်မှုကော်မတီ၊ ဆန်းသစ်တီထွင်မှုနှင့် ဒစ်ဂျစ်တယ်အတတ်ပညာမြှင့်တင်ရေးလုပ်ငန်းကော်မတီက ရန်ကုန်ရှိ အစိုးရနည်းပညာကောလိပ်(တောင်ဒဂုံ) တွင် AI ကျင့်ဝတ်နှင့် ဆိုက်ဘာလုံခြုံရေးဆိုင်ရာ အသိပညာပေးဆွေးနွေးပွဲ (၁/၂၀၂၅) ကို ယနေ့ မွန်းလွဲပိုင်းတွင် Hybrid စနစ်ဖြင့် ကျင်းပရာ လုပ်ငန်းကော်မတီဥက္ကဋ္ဌ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျ တက်ရောက်သည်။

တိုက်တွန်းပြောကြား

ဦးစွာ ဒုတိယဝန်ကြီးက နိုင်ငံ့ရေရှည်အကျိုးစီးပွားကို လွှမ်းခြုံဖော်ဆောင်ပေးနိုင်မည့် ဒစ်ဂျစ်တယ်လူ့အဖွဲ့အစည်း ဖြစ်ထွန်း လာစေရေးအတွက် ဒစ်ဂျစ်တယ် ကျင့်ဝတ်လိုက်နာစောင့်ထိန်းမှုနှင့် ဆိုက်ဘာလုံခြုံရေးထိန်းချုပ်ဆောင်ရွက်မှုတို့ဆိုင်ရာ အသိပညာများ၊ နည်းပညာများ မြှင့်တင်ဆောင်ရွက်မှု၊ စံအရည်အသွေးပြည့်မီသည့် IT နည်းပညာရှင်များ စဉ်ဆက်မပြတ် ပျိုးထောင်ပေးမှုတို့ကို အလေးထားဆောင်ရွက်ရန် လိုအပ်ကြောင်း တိုက်တွန်းပြောကြားသည်။

ထို့နောက် စကားဝိုင်းဆွေးနွေးပွဲကို ကျင်းပရာ မြန်မာနိုင်ငံ လေကြောင်းနှင့်အာကာသပညာ တက္ကသိုလ်မှ တွဲဖက်ပါမောက္ခ ဒေါက်တာအောင်ဝင်းထွဋ်၊ အစိုးရနည်းပညာကောလိပ် (တောင်ဒဂုံ) ကျောင်းအုပ်ကြီး ဒေါက်တာသန်းထိုက်၊ စက်မှုနည်းပညာ လေ့ကျင့်သင်ကြားရေး သင်တန်း ကျောင်းမှ ကထိက ဦးအောင်ခိုင်၊ Myanmar Digital Economy Association (MDEA) အမှုဆောင် ဒါရိုက်တာ ဦးအောင်ကိုကိုဦးနှင့် Nex Bridge Global ကုမ္ပဏီ အမှုဆောင်အရာရှိချုပ် ဦးသက် နောင်စိုးတို့က MSME ဆိုင်ရာ AI မော်ဒယ်များ အသုံးပြုမှု၊ AI ကျင့်ဝတ်နှင့် ဆိုက်ဘာလုံခြုံရေးဆိုင်ရာ အသိပညာများနှင့် နည်းပညာဗဟုသုတများကို ဆွေးနွေးကြပြီး အစိုးရနည်းပညာအထက်တန်းကျောင်း (ရွာမ) ကျောင်းအုပ်ကြီး ဦးဇေယျာအောင်က ဆွေးနွေးပွဲကို ပံ့ပိုးဆောင်ရွက် ပေးသည်။

ယင်းနောက် ဒုတိယဝန်ကြီးက လိုအပ်သည်များ ဖြည့်စွက်ဆွေးနွေးပြီး သုတေသနနှင့်တီထွင် ဆန်းသစ်မှုဦးစီးဌာနရှိ သတင်းအချက်အလက်နှင့်ဆက်သွယ်ရေးနည်းပညာသုတေသနဌာန ဒုတိယ ညွှန်ကြားရေးမှူးချုပ်နှင့် ကျောင်းသားများက သိလိုသည်များကို ရင်းနှီးပွင့်လင်းစွာ အပြန်အလှန် မေးမြန်းဆွေးနွေးကြကာ MDEA အမှုဆောင်ဒါရိုက်တာက Open Academy ၏ Cloud Computing သင်တန်းအတွက် Scholarship ပေးအပ်မည့်အစီအစဉ် ကို မိတ်ဆက်ပြောကြားပြီးဒုတိယဝန်ကြီးက ဆွေးနွေးကြသူများထံ ဂုဏ်ပြုမှတ်တမ်းလွှာများ နှင့် ကျောင်းသားများထံ IT နည်းပညာ၊ သုတနှင့် ရသစာအုပ်များ ပေးအပ်ချီးမြှင့်သည်။

ဆွေးနွေးပွဲသို့ လုပ်ငန်းကော်မတီအတွင်းရေးမှူး၊ နည်းပညာ၊ သက်မွေးပညာနှင့်လေ့ကျင့်ရေးဦးစီးဌာနနှင့် အခြားသောဦးစီးဌာနများမှ တာဝန်ရှိသူများ၊ အစိုးရနည်းပညာကောလိပ်များ၊ အစိုးရစက်မှုလက်မှုသိပ္ပံများနှင့် အစိုးရနည်းပညာအထက်တန်းကျောင်းများမှ ဆရာများနှင့် ကျောင်းသားများ၊ တောင်ဒဂုံရှိစက်မှုဇုန် ခြောက်ခုမှ ဇုန်ဥက္ကဋ္ဌများ၊ MSME လုပ်ငန်းရှင်များ၊ ကျောင်းသားမိဘများနှင့် ဒေသခံပြည်သူများက စိတ်ပါဝင်စားစွာ တက်‌ရောက်ဆွေးနွေးကြကြောင်း သိရသည်။

MOI

ခြင်တွေဆိုတာ တစ်ကမ္ဘာလုံးရဲ့ ရန်သူလို့တောင် တင်စားရတဲ့အထိပါပဲ။ သူတို့ကိုချေမှုန်းနိုင်ဖို့    နည်းလမ်းများစွာနဲ့ ကြိုးပမ်းပေမယ့်လည်း ခြင်တွေကအခုချိန် အထိရှင်သန်နိုင်နေဆဲ ဖြစ်ပါတယ်။ အဲဒီ နည်းလမ်းတွေထဲမှာ ခြင်တွေသားမပေါက်နိုင်အောင်လုပ်တဲ့နည်းမှသည် ခြင်ဆေးခွေတွေလိုမျိုး ခြင်တွေကိုပြေးစေတဲ့နည်းလမ်းအထိပါဝင်ပါတယ်။ အခုတရုတ်နိုင်ငံမှ ပညာရှင်များရဲ့ တီထွင်မှုတစ်ခုကတော့ ခြင်တွေကိုချေမှုန်းမယ့် လေဆာလက်နက် ဖြစ်ပါတယ်။

အဲဒီလေဆာလက်နက်ကို  Photon Matrix လို့ အမည်ပေးထားပါတယ်။ သူက အမျိုးအစားခွဲခြားမှု အလွန်မြင့်မားလှတဲ့ LiDar နည်းပညာကိုအသုံးပြုထားတာပါ။ ဒီနည်းပညာကိုအသုံးပြုထားတဲ့အတွက် ခြင်ရန်ကာကွယ်ရေး လေဆာလက်နက်ဟာ   လူတွေနဲ့တခြားအိမ်မွေး တိရစ္ဆာန်တွေကို ထိခိုက်မှုမရှိစေဘူးလို့ ဂျင်ဝေါင်းကုမ္ပဏီက ထုတ်ပြန်ထားပါတယ်။ ဒါ့အပြင် သူ့ရဲ့စွမ်းဆောင်ရည်က တစ်စက္ကန့်တိုင်း မှာ ခြင်အကောင် ၃၀ ကိုချေမှုန်းနိုင်စွမ်း ရှိတာကြောင့် ထိရောက်တဲ့ ခြင်ရန်ကာကွယ်ရေး လက်နက်ဖြစ်ပါတယ်။  

MWD Web Portal

နေပြည်တော် ဇူလိုင် ၇

EV (Electric Vehicle) ပြုပြင်ထိန်းသိမ်းမှုသင်တန်း (၂/၂၀၂၅) ဖွင့်ပွဲအခမ်းအနားကို ယနေ့နံနက်ပိုင်းတွင် အစိုးရစက်မှုလက်မှုသိပ္ပံ(အင်းစိန်)၌ ကျင်းပသည်။

ဦးစွာ လျှပ်စစ်သုံးယာဉ်နှင့်ဆက်စပ်ပစ္စည်းများ သုတေသနဖွံ့ဖြိုးရေးနှင့် နည်းပညာပြန့်ပွားရေးလုပ်ငန်းကော်မတီဥက္ကဋ္ဌ သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာ အောင်ဇေယျက EV သုံးစွဲမှုမှ လေထုနှင့်အသံညစ်ညမ်းမှုများ လျှော့ချနိုင်ကာ ကျန်းမာရေးဆုလာဘ်များရရှိခြင်း၊ စက်သုံးဆီနှင့် အင်ဂျင်ပြုပြင်ထိန်းသိမ်းရမှုအတွက် ကုန်ကျစရိတ်လျှော့ချနိုင်ခြင်း၊ ဂေဟစနစ်နှင့် ကိုက်ညီစေခြင်း၊ အဆင့်မြင့် Smart Transportation System ဖြစ်ကာ Smart City များ ဖြစ်ထွန်းလာစေခြင်း စသောအကျိုးကျေးဇူးများအပြင် ရေရှည်စဉ်ဆက်မပြတ် ဖွံ့ဖြိုးတိုးတက်မှုကို EV ကဏ္ဍဖွံ့ဖြိုးလာပါက ဖြစ်ထွန်းစေနိုင်သဖြင့် သင်တန်းသားများသည် EV သုံးစွဲသူပြည်သူများအတွက် အမှန်တကယ်အကျိုးပြုနိုင်မည့် နည်းပညာရှင်များဖြစ်စေရေး သင်တန်းကာလအတွင်း စိတ်ရောကိုယ်ပါနစ်မြှုပ်ကာ ကြိုးပမ်းလေ့ကျင့်ကြရန် လိုအပ်ကြောင်း တိုက်တွန်းမှာကြားသည်။

ယင်းနောက် ဒုတိယဝန်ကြီးသည် EV အလုပ်ရုံသို့သွားရောက်ကာ သင်တန်းသားများ၏ လက်တွေ့လုပ်ငန်းများကို အဆင့်မြင့်သင်ထောက်ကူမော်ကျူးများဖြင့် လေ့ကျင့်သင်ကြားနေမှုများကို လှည့်လည်ကြည့်ရှုအားပေးကာ လိုအပ်သည်များကို မှာကြားသည်။

အခမ်းအနားသို့ သုတေသနနှင့် တီထွင်ဆန်းသစ်မှုဦးစီးဌာန ဒုတိယညွှန်ကြားရေးမှူးချုပ်၊ နည်းပညာတက္ကသိုလ်များနှင့် ကွန်ပျူတာတက္ကသိုလ်များမှ ဒုတိယပါမောက္ခချုပ်များ၊ အစိုးရစက်မှုလက်မှုသိပ္ပံ (အင်းစိန်)နှင့် ရန်ကုန်မြို့ရှိ နည်းပညာ၊ သက်မွေးပညာနှင့်လေ့ကျင့်ရေးဦးစီးဌာနမှ ကျောင်းအုပ်ကြီးများနှင့် တာဝန်ရှိသူများ တက်ရောက်ကြပြီး သင်တန်းသို့ ပြင်ပ EV လုပ်ငန်းများမှ သင်တန်းသား ၁၉ ဦးနှင့် ဌာနဆိုင်ရာများမှ သင်တန်းသားခြောက်ဦး တက်ရောက်ကြကြောင်း သိရသည်။

MOI

လူသားတွေဖြစ်ဖြစ်၊ တိရစ္ဆာန်တွေဖြစ်ဖြစ် ကိုယ်လက်အင်္ဂါတွေကို ဖြတ်လိုက်ရခြင်း ဒါမှမဟုတ် ပြတ်တောက်သွားခြင်း တို့ကြောင့် ကြီးစွာသော ဆုံးရှုံးမှုများဖြစ်ရပါတယ်။ အဲဒီဆုံးရှုံးမှုဟာ ဘယ်လိုမှပြန်မရနိုင်တဲ့ ဆုံးရှုံးမှုကြီးလည်းဖြစ်ပါတယ်။

အခုတော့ အဲဒီဆုံးရှုံးမှုဆိုတာကြီးက မရှိလာနိုင်တော့ပါဘူး။ အကြောင်းရင်းက သုတေသနပညာရှင်များဟာ မျိုးရိုးဗီဇ ပြောင်းလဲခြင်းအားဖြင့် ပျက်စီးဆုံးရှုံးသွားတဲ့ ကိုယ်လက်အင်္ဂါတွေကို ပြန်ပေါက်စေမယ့်နည်းလမ်းကို ရှာဖွေတွေ့ရှိလိုက်လို့ပဲ ဖြစ်ပါတယ်။

တရုတ်နိုင်ငံ‌ ပေကျင်းမြို့ရှိ အမျိုးသား ဇီဝသိပ္ပံဌာနမှ သုတေသန ပညာရှင်များက ကြွက်တစ်ကောင်ရဲ့ ပျက်စီးသွားတဲ့ နားတစ်ဖက်ကို ပြန်ထွက်လာစေအောင် လုပ်ဆောင်နိုင်ခဲ့တာပါ။ ဒါကြောင့် ဆုံးရှုံးလိုက်ရတဲ့ ကိုယ်လက် အင်္ဂါတွေကို ပြန်ပေါက်စေမယ့်နည်းလမ်းက  အမှန်တကယ်ရှိတယ် ဆိုတာကို သူတို့ကသက်သေပြနိုင်ခဲ့တာ တွေ့ရပါတယ်။

သုတေသနပညာရှင်များက အရေးပါတဲ့ မော်လီကျူးတစ်ခုဖြစ်တဲ့ ရက်တီနိုးအစ်အက်စစ်ကို  အဓိကပစ်မှတ်ထားပြီး လေ့လာမှု လုပ်ခဲ့တာပါ။ သူတို့ရဲ့လေ့လာချက်အရ အဲဒီ ရက်တီနိုးအစ်အက်စစ် ပြတ်လပ်မှုက ကြွက်ရဲ့နားကိုပြန်ပေါက်နိုင်ခြင်း မရှိစေဖို့ တားမြစ်ထားတယ် ဆိုတာကိုတွေ့ရှိရပါတယ်။ ရက်တီနိုးအစ်အက်စစ် ဆိုတာ ကလာပ်စည်းတွေ ဖွံ့ဖြိုးတိုးတက်မှုနဲ့ တစ်သျှူးတွေကိုပြုပြင်မှုအတွက်  အရေးပါတဲ့ မော်လီကျူး ဖြစ်ပါတယ်။    

MWD Web Portal

Ocean Infinity ဆိုတဲ့ ကုမ္ပဏီက ပင်လယ်ပြင်ရှာဖွေရေးမှာ နာမည်ကြီးလှပါတယ်။ အခုအဲဒီကုမ္ပဏီက မြန်နှုန်းမြင့်လှတဲ့ အလိုအလျောက် ကင်းလှည့်ရေယာဉ်တစ်စင်းကို ထုတ်ဖော်ပြသခြင်းအားဖြင့် နယ်ပယ်အသစ်ထဲကို ဝင်ရောက်လာပါပြီ။

ကုမ္ပဏီက Needlefish ဆိုတဲ့ရေယာဉ်ကို  ထုတ်ဖော်ပြသလိုက်တာပါ။  အဲဒီရေယာဉ်စီမံကိန်းကို ကုမ္ပဏီကလျှို့ဝှက်စွာ အကောင်အထည်ဖော်နေတာဖြစ်ပါတယ်။ မောင်းသူမဲ့ အလိုအလျောက်ရေပေါ်သွား အမြန်ယာဉ်တစ်မျိုး ဖြစ်တဲ့ Needlefish က အလျား ၄၆ ပေရှိပြီး ကူဝိတ်ကမ်းခြေစောင့်တပ်ဖွဲ့က   နှစ်စင်း မှာယူထားတာ တွေ့ရပါတယ်။

Needlefish က သူ့ချည်းသက်သက်သာ အသုံးဝင်တဲ့ ရေယာဉ်တစ်စင်း မဟုတ်ပါဘူး။ ဘက်ပေါင်းစုံကနေ တွေ့ကြုံလာနေရတဲ့ အန္တရာယ်တွေကနေ   ကာကွယ်နိုင်စေဖို့အတွက် ကွန်ရက်ချိတ်ဆက်မှုကနေ တစ်ဆင့်လုပ်ငန်းကို အောင်မြင်စွာ ဆောင်ရွက်နိုင်တဲ့ ရေယာဉ်တစ်စင်းဖြစ်ပါတယ်။

သူ့မှာ အမျိုးစုံလှစွာသော  ပင်လယ်ရေကြောင်း ကင်းထောက်အာရုံခံကိရိယာ များစွာတပ်ဆင်ထားပြီး  လူမဲ့ကင်းလှည့်ခြင်း၊ ကင်းထောက်ခြင်း၊ မြေပုံရေးဆွဲခြင်းနဲ့တိုင်းတာခြင်း လုပ်ငန်းများအပါအဝင် တာဝန်မျိုးစုံကို  ထမ်းဆောင်နိုင်စွမ်း ရှိတယ်လို့ ဆိုပါတယ်။

MWD Web Portal

ဒုံးကျည်ကို ဖျက်ဆီးလိုက်နိုင်တဲ့ လေယာဉ်သုံး လေဆာလက်နက် တူကီယဲနိုင်ငံက ကျည်စစ်ကျည်မှန်ကို အသုံးပြုတဲ့ လက်တွေ့စမ်းသပ်မှုတစ်ခုကို အောင်မြင်စွာ လုပ်ဆောင်လိုက်နိုင်ပါတယ်။ တူကီယဲနိုင်ငံရဲ့ ဦးဆောင်ကာကွယ်ရေး ပစ္စည်းထုတ်လုပ်မှု ကုမ္ပဏီဖြစ်တဲ့ အာဆဲဆန်ကုမ္ပဏီက တိုက်ပွဲနယ်မြေထဲအတွင်း အနီအောက်ရောင်ခြည် လမ်းညွှန်စနစ်သုံး ဒုံးကျည်များကို ထိရောက်စွာပစ်ချနိုင်တဲ့ လေဆာလက်နက်စနစ်တစ်မျိုးကို အောင်မြင်စွာ စမ်းသပ်လိုက်နိုင်တာပါ။ အဲဒီလေဆာလက်နက်စနစ်ကို တိုက်လေယာဉ်များ၊ တိုက်ခိုက်ရေး ရဟတ်ယာဉ်များမှာ တပ်ဆင်အသုံးပြုနိုင်မှာဖြစ်တာကြောင့် ဒါကလေကြောင်းရန် ကာကွယ်ရေးမှာ အရေးပါတဲ့အလွှာ တစ်ခုဖြစ်လာစေမှာဖြစ်ပါတယ်။ YILDIRIM-100 လို့ အမည်ရတဲ့ အဲဒီစနစ်က ပစ်မှတ်ကိုအလို အလျောက်သိရှိကာ ချေမှုန်းနိုင်စွမ်းရှိတယ် လို့လည်း ဆိုပါတယ်။

MWD Web Portal

ကယ်လီဖိုးနီးယားပြည်နယ် အခြေစိုက် MightyFly ကုမ္ပဏီက ကုန်တင်လေယာဉ် အမျိုးအစားတစ်မျိုးကို   အောင်မြင်စွာ စမ်းသပ်ပြလိုက်နိုင်ပါတယ်။ ဒီကုန်တင်ယာဉ်က သမားရိုးကျကုန်တင်ယာဉ် မဟုတ်ပါဘူး။

လျှပ်စစ်စွမ်းအင်အသုံးပြုပြီး  ဒေါင်လိုက် အတက်အဆင်း လုပ်နိုင်တဲ့  မောင်းသူမဲ့ လေယာဉ်တစ်မျိုးဖြစ်ပါတယ်။

MightyFly ကုမ္ပဏီက အမေရိကန်လေတပ်အတွက် ဖန်တီးပေးထားတဲ့ အဲဒီလေယာဉ်က မိုင်ပေါင်း ၆၀၀ အထိကိုသွားနိုင်ပြီး ကုန်ပစ္စည်း အထုပ်အပိုးတွေကိုလည်း သတ်မှတ်ထားတဲ့ နေရာအရောက် အလိုအလျောက် ထားရှိပေးနိုင်မှာပါ။ ဒီစနစ်က ဘေးကင်းစိတ်ချရမှုရှိပြီး   တစ်ခေတ်ဆန်းသစ်စေမယ့် သယ်ယူပို့ဆောင်ရေး စနစ်ကို အာမခံချက်ပေးနိုင်မှာဖြစ်တယ်လို့ဆိုပါတယ်။      

MWD Web Portal