ပွင့်ဖြူ   ဖေဖော်ဝါရီ   ၂

      မကွေးတိုင်းဒေသကြီး    ပွင့်ဖြူမြို့နယ်၌    ယခုဆောင်းသီးနှံ စိုက်ပျိုးရာသီတွင် စိုက်ပျိုးထားသည့်  ဖူးစားပြောင်း ၂၀၀၈ ဧက ရိတ်သိမ်းပြီးစီးပြီဖြစ်ကြောင်း ပွင့်ဖြူမြို့နယ်စိုက်ပျိုးရေးဦးစီးဌာနမှ သိရသည်။

ကနေဒါ၊ တရုတ်နှင့် မက္ကဆီကိုနိုင်ငံတို့သည် ဖေဖော်ဝါရီ ၁ ရက်နေ့တွင် စတင်ကောက်ခံမည့် ဝါရှင်တန်၏ သွင်းခွန်နှုန်းထားအသစ်များကို ရှောင်လွှဲ၍ရနိုင်မည် မဟုတ်ကြောင်း အမေရိကန်သမ္မတ ဒေါ်နယ်ထရမ့်က သတင်းထောက်များအား ပြောကြားခဲ့သည်။

၂၀၂၀ ပြည့်နှစ် အမေရိကန်သမ္မတ ရွေးကောက်ပွဲတွင် လက်ရှိသမ္မတ ဒေါ်နယ်ထရမ့်က သမ္မတဟောင်း ဂျိုးဘိုင်ဒင်အား ရှုံးနိမ့်ခဲ့ပြီးနောက် ထရမ့်အား ထောက်ခံ ခဲ့သည် သိန်းနှင့်ချီသော ထောက်ခံသူများက ဝါရှင်တန် ဒီစီရှိ လွှတ်တော်အဆောက်အဦအတွင်း အဓိကရုဏ်း တစ်ရပ်ဖြစ်ပွားခဲ့သည်။ ဝင်ရောက် အကြမ်းဖက်သူ ၁၅၀၀ ခန့် ထိန်းသိမ်းခံခဲ့ရပြီး အဆိုပါ ဖြစ်စဉ်တွင် အကြမ်းဖက်သူများကို ဖမ်းဆီးအရေးယူခဲ့သည့် FBI မှ အေးဂျင့်များနှင့် တရားစွဲခဲ့သည့် ရှေ့နေများကို ထရမ့်က အလုပ်ဖြုတ်ပစ်လိုက်ကြောင်း သိရှိရပါသည်။ 

ထိုင်းတရားရုံးသည် ထိုင်းဝန်ကြီးချုပ်ဟောင်း သက်ဆင်ကို မလေးရှားနိုင်ငံသို့ သွားရောက်ရန်ခွင့်ပြုပေးလိုက်ကြောင်း သိရသည်။ သက်ဆင်သည် လက်ရှိအချိန်တွင် အာဆီယံအလှည့်ကျဥက္ကဋ္ဌဖြစ်သူ မလေးရှားနိုင်ငံ ဝန်ကြီးချုပ် အန်ဝါအီဘရာဟင်၏ အာဆီယံအဖွဲ့နှင့်ပတ်သက်ပြီး ပုဂ္ဂိုလ်ရေးဆိုင်ရာအကြံပေးအဖြစ် ခန့်အပ်ခံထားရကြောင်း သိရသည်။ သက်ဆင်ကို မလေးရှားနိုင်ငံသို့သွားရောက်ခွင့် ပေး၊ မပေး ဆိုသည့်အချက်နှင့် ပတ်သက်ပြီး တရားရုံးဆုံးဖြတ်ချက်ကြားနာပွဲသို့ ထိုင်းနိုင်ငံခြားရေးဝန်ကြီးလည်း တက်ရောက်ခဲ့ကြောင်း သိရသည်။

အီဂျစ်နိုင်ငံနှင့် နယ်စပ်မြို့ဖြစ်သည့် ဂါဇာ၏ တောင်ဘက် အစွန်ဆုံး ရာဖာမြို့ရှိ နာမကျန်းဖြစ်ပြီး ထိခိုက်ဒဏ်ရာ ရရှိထားသော ပါလက်စတိုင်း ကလေး ၅၀ ကျော်ကို ဆေးကုသရန်အတွက် အီဂျစ်ဘက်မှ နယ်စပ်ဂိတ်ကို ဖွင့်ပေးလိုက်ကြောင်း သိရပါသည်။ အီဂျစ်ရုပ်သံလိုင်းတစ်ခု၌ လူနာတင်ကားများစွာ နယ်စပ်ဂိတ်မှတစ်ဆင့် အီဂျစ်နိုင်ငံထဲသို့ ဝင်လာခြင်းကို ပြသခဲ့ပါသည်။

02 February 2025

အီတလီနိုင်ငံက တရုတ် AI Deep Seek အသုံးပြုမှုကို ပထမဆုံး ပိတ်ပင်တားဆီးလိုက်သည့်နိုင်ငံဖြစ်သည်ဟု သိရှိရပါသည်။ 

အီတလီနိုင်ငံသည် နိုင်ငံ၏ အရေးကြီးအချက်အလက်များနှင့်ပတ်သက်၍ စိုးရိမ်ပူပန်မှုများကို အကြောင်းပြကာ အဆိုပါ App ကို ပိတ်ပင်တားဆီးလိုက်ခြင်းဖြစ်သည်။ 

02 February 2025

You Gov သုတေသန စစ်တမ်းကောက်ယူရေးအဖွဲ့မှ ဒိန်းမတ်နိုင်ငံသားများကို အမေရိကန်က ဒိန်းမတ်နိုင်ငံ၏ အစိတ်အပိုင်းတစ်ခုဖြစ်သော ဂရင်းလန်းကျွန်းကို ဝယ်ယူရန်ကိစ္စနှင့်ပတ်သက်၍ စစ်တမ်းကောက်ယူရာတွင် ထက်ဝက်ကျော်ခန့်က အမေရိကန်၏ ခြိမ်းခြောက်မှုသည် ၎င်းတို့တိုင်းပြည်အတွက် မြောက်ကိုရီးယား၊ အီရန်တို့ထက် များစွာပိုနေကြောင်း တုန့်ပြန်ကြပါသည်။ 

ရုရှားအစိုးရသည် ဒုံးကျည်ကာကွယ်ရေးစခန်းအသစ်တည်ဆောက်ရန် စီစဉ်နေသည်ဆိုသည့် အမေရိကန် သမ္မတ ဒေါ်နယ်ထရမ့်၏အမိန့်ကို ဝေဖန်ပြစ်တင်လိုက် ကြောင်း သိရပါသည်။

ရုရှားအစိုးရက အမေရိကန်အစိုးရသည် ကမ္ဘာလုံးဆိုင်ရာ နျူကလီးယားချိန်ခွင်လျှာကို မညီမျှအောင် လုပ်ဆောင်နေပြီး စစ်ရေးထိပ်တိုက်တွေ့ဆုံမှုများဖြစ်စေရန် ဖန်တီး နေခြင်းဖြစ်သည်ဟု ဆိုပါသည်။