မြောက်ကိုရီးယား နိုင်ငံခြားရေးဝန်ကြီးဌာနသည် အမေရိကန် နိုင်ငံခြားရေးဝန်ကြီး Marco Rubio က ၎င်းတို့၏နိုင်ငံအား “ဆိုးသွမ်းနိုင်ငံ” အဖြစ် ရည်ညွှန်းမှု ကို အပြစ်တင်ဝေဖန်လိုက်ပါသည်။
ဤသည်မှာ မြောက်ကိုရီးယားအစိုးရက သမ္မတ Donald Trump ၏ အစိုးရအဖွဲ့သစ်ဝင်တစ်ဦးအား ပထမဆုံးအကြိမ် အမည်တပ်၍ အပြစ်တင် ဝေဖန်ခဲ့ခြင်း ဖြစ်ပါသည်။
Rubio သည် ဇန်နဝါရီ ၃၀ ရက်က မီဒီယာအင်တာဗျူးတစ်ခု၌ “ကိုင်တွယ်ဆောင်ရွက်ရန်လိုသည့် အီရန်နှင့် မြောက်ကိုရီးယားတို့ကဲ့သို့သော ဆိုးသွမ်းသည့်နိုင်ငံများ ရှိသည်” ဟု ပြောဆိုခဲ့ပါသည်။
ရုရှားနိုင်ငံမှ ကုန်သွယ်ရေး ကိုယ်စားလှယ် အဖွဲ့နှစ်ဖွဲ့အား ယခုနှစ်အတွင်း မက္ကဆီကိုနိုင်ငံသို့ စေလွှတ်မည်ဖြစ်ကြောင်း ရုရှားနိုင်ငံရှိ မက္ကဆီကိုသံရုံးက ထုတ်ပြန်သည်။
ရုရှားနှင့် မက္ကဆီကို နှစ်နိုင်ငံစလုံးရှိ ကုန်သည်ကြီးများ အသင်းများသည် နှစ်နိုင်ငံကြား ပူးပေါင်းဆောင်ရွက်မှုကို တိုးမြှင့်ရန် ကြိုးပမ်းလျက်ရှိပြီး ရုရှားကုန်သွယ်ရေး ကိုယ်စားလှယ်အဖွဲ့ကြီး နှစ်ဖွဲ့အား ၂၀၂၅ခုနှစ်အတွင်း မက္ကဆီကိုနိုင်ငံသို့ စေလွှတ်ရန်စီစဉ်ထားကြောင်းသံရုံးမှ တာဝန်ရှိသူတစ်ဦးက ပြောသည်။
ဆီးရီးယားနိုင်ငံ၏ ယာယီသမ္မတ Ahmed al-Sharaa သည် ဆော်ဒီအာရေးဗီးယား အိမ်ရှေ့မင်းသား Mohammed bin Salman နှင့် အကြောင်းအရာများစွာ ဆွေးနွေးခဲ့သည်ဟု ဆီးရီးယားသမ္မတရုံးက ပြောပါသည်။
နိုင်ငံ၏အနာဂတ်တည်ဆောက်ရေး ကြိုးပမ်းအားထုတ်မှုများကို ပံ့ပိုးကူညီလိုသည့် ဆော်ဒီအာရေးဗီးယား၏ စစ်မှန်သည့်ဆန္ဒကို Sharaa က သိမြင်ခံစားခဲ့ရသည်ဟု အဆိုပါရုံးက ပြောကြားခဲ့ပါသည်။
ထိုင်း-မြန်မာ နယ်စပ်တစ်လျှောက်က အွန်လိုင်းလိမ်လည်မှု တရုတ်ကျားဖြန့်ဂိုဏ်းများထံ ပေးထားသည့်လျှပ်စစ်ဓာတ်အား ပြန်လည်ဖြတ်တောက်မှု လုပ်ဆောင်ရန်အတွက် ဖေဖော်ဝါရီ ၃ ရက်တွင် အဓိက ကျသည့် အစည်းအဝေးကို ထိုင်းနိုင်ငံ အမျိုးသားလုံခြုံရေးကောင်စီ အထွေထွေအတွင်းရေးမှူးချုပ်က ဦးဆောင်ကျင်းပမည်ဟု သိရပါသည်။
ယူကရိန်းကို အမေရိကန်၏ ကူညီထောက်ပံ့မှု ကန်ဒေါ်လာ ဘီလီယံ ၂၀၀ (သန်းပေါင်း ၂ သိန်း) ကျော်နေပြီဟူသော သတင်းများနှင့်ပတ်သက်၍ အမေရိကန်က ၎င်းတို့ကို ပေးအပ်ခဲ့သည့် စစ်လက်နက်နှင့် အခြားထောက်ပံ့ရေး အကူအညီသည် ၇၅ ဘီလီယံကျော်သာ ရှိကြောင်းနှင့် ဘီလီယံ ၂၀၀ ကျော်ဆိုသည်မှာ မဟုတ်မှန်ကြောင်း ယူကရိန်းသမ္မတ ဇီလန်စကီးက ပြောဆိုထားပါသည်။
ဒေသတွင်းစိုက်ပျိုးရေးအခန်းကဏ္ဍ၌ ဓာတ်မြေဩဇာနှင့်ပတ်သက်၍ အခက်အခဲဖြစ်နေချိန်တွင် ဥရောပကော်မရှင်ကို အီးယူနိုင်ငံအချို့မှ ဓာတ်မြေဩဇာထုတ်လုပ်သည့်ကုမ္ပဏီကြီးများက ရုရှားမှ တင်သွင်းနေသော ဓာတ်မြေဩဇာများအပေါ် အခွန်စည်းကြပ်နှုန်း ပိုမိုမြှင့်တင်ရန်အတွက် တောင်းဆိုမှုများ ပြုလုပ်နေကြကြောင်းသိရှိရသည်။
အမေရိကန်နိုင်ငံအတွင်း တရားမဝင်ရွှေ့ပြောင်းအခြေချ နေထိုင်သူများနှင့်မူးယစ်ဆေးဝါး စီးဝင်လာမှုကို ကိုင်တွယ်ဖြေရှင်းရန် လိုအပ်သည်ဟုဆိုကာ အမေရိကန်သမ္မတ Donald Trump က ကနေဒါ၊ မက္ကဆီကိုနှင့်တရုတ်တို့အပေါ် အခွန်စည်းကြပ်သတ်မှတ်မည် ဖြစ်ကြောင်း အိမ်ဖြူတော်က ကြေညာခဲ့ပါသည်။ ကနေဒါနှင့် တရုတ်အပေါ် အခွန်စည်းကြပ်မှုသည် ဖေဖော်ဝါရီ ၄ ရက်နေ့မှ စတင်အသက်ဝင်မည်ဖြစ်သည်ဟု အိမ်ဖြူတော်က ပြောပါသည်။
အမေရိကန်သမ္မတ ဒေါ်နယ်ထရမ့်သည် ယူကရိန်းအား အမေရိကန်၏ အကူအညီအတွက် ယူကရိန်း၏ အဖိုးတန်ရှားပါးသတ္တုများနှင့်ဖလှယ်ရန် သဘော တူညီမှုကို မျက်စိကျလျက်ရှိပါသည်။
သမ္မတ ဒေါ်နယ်ထရမ့်က ဖေဖော်ဝါရီ ၃ ရက် (တနင်္လာနေ့) တွင် ယူကရိန်းနှင့် သဘောတူညီချက်တစ်ရပ်ကို ညှိနှိုင်းလိုကြောင်း ပြောကြားခဲ့သည်။ ထို သဘောတူညီချက်အရ ယူကရိန်းမှ အီလက်ထရွန်းနစ် နှင့်နည်းပညာများတွင် အဓိကအသုံးပြုသည့် အဖိုးတန် ရှားပါးသတ္တု များ (rare earth metals) ထောက်ပံ့ရန် အာမခံပြီး အမေရိကန်မှ အကူအညီနှင့် ဖလှယ်ရန် ရည်ရွယ်ထားပါသည်။
ဒေါ်နယ်ထရမ့်အစိုးရသည် အစ္စရေးနိုင်ငံအတွက် ဒေါ်လာ ၁ ဘီလီယံခန့်တန်ကြေးရှိသော စစ်ရေး အကူ အညီအစီအစဉ်ကြီးကို ပြင်ဆင်လျက်ရှိကြောင်း သိရှိရ ပါသည်။
ယင်းစစ်ရေးအကူအညီတွင် ပေါင် ၂,၀၀၀ အလေးချိန် ရှိသည့် ဗုံးပေါင်း ၄,၇၀၀ အပါအဝင်စစ်လက်နက်ပစ္စည်းများ ပါဝင်မည်ဖြစ်ပါသည်။
