အမေရိကန်ပြည်ထောင်စုသည် ဂရင်းလန်းတွင် နျူကလီးယားထိပ်ဖူးများ သယ်ဆောင်နိုင်သည့် လေယာဉ်များ ဆင်းသက်ရန်အတွက် လေဆိပ်အဆောက်အအုံတစ်ခု တည်ဆောက်လျက်ရှိကြောင်း  ရုရှားသံအမတ်တစ်ဦးက ပြောကြားလိုက်ကြောင်းသိရသည်။

ပြင်သစ်နိုင်ငံအရှေ့ပိုင်းရှိ စထရာဘာ့ဂ်မြို့၌ ဖြစ်တောင့်ဖြစ်ခဲ ဓာတ်ရထားနှစ်စင်း တိုက်မိခဲ့ရာ အများအပြား ဒဏ်ရာရရှိသွားကြောင်း    အာဏာပိုင်အဖွဲ့က ထုတ်ပြန်သည်။

ကမ္ဘာကြီး၏အပူချိန်သည် ၂၀၂၄ ခုနှစ်တစ်နှစ်လုံးတွင် ၁ ဒသမ ၅ ဒီဂရီစင်တီဂရိတ်ထက်ကျော်လွန်ခဲ့ကြောင်း သိပ္ပံပညာရှင်များက သတိပေးသည်။

၂၀၂၄ ခုနှစ်၏ လစဉ်လတိုင်းသည် ကမ္ဘာကြီးတွင် စက်မှုမထွန်းကားမီ ၁၈၅၀- ၁၉၀၀ ပြည့်နှစ် အချိန်ကာလက အပူချိန်ထက်ပူနွေးလာခြင်းကြောင့် မျက်မှောက်ခေတ် လူသားများသည် ယခင်ကမကြုံခဲ့ဖူးသော အပူချိန်နှင့် ကြုံတွေ့ခဲ့ရကြောင်း ဥရောပသမဂ္ဂ၏ ရာသီဥတုပြောင်းလဲမှုစောင့်ကြည့်ရေးအဖွဲ့Copernicus Climate Change Service (C3S) မှ ပညာရှင်များကဇန်နဝါရီလ ၁၀ ရက်တွင်ပြောသည်။

အမေရိကန်နိုင်ငံ ကယ်လီဖိုးနီးယားပြည်နယ်တောင်ပိုင်း လော့စ်အိန်ဂျလိစ်ဒေသ နေရာအများအပြားတွင် ဇန်နဝါရီ ၉ ရက်က တောမီးဆက်တိုက် လောင်ကျွမ်း ခဲ့ရာ လက်ရှိတွင် အနည်းဆုံး လူ ၅ ဦးသေဆုံး၊ ဒေသခံ ပြည်သူ ၁၈၀,၀၀၀ ခန့်ကို ဘေးကင်းရာသို့ ပြောင်းရွှေ့ ပေးခဲ့ရသလို အဆောက်အအုံ ထောင်နှင့်ချီ ပျက်စီးခဲ့ရသည်။ လက်ရှိတွင် လော့စ်အိန်ဂျလိစ် ဒေသ ၅ နေရာ ၌ အန္တရာယ်ရှိသော တောမီးလောင်မှုများ ပျံ့နှံ့လျက်ရှိရာ မီးလောင်ကျွမ်းမှု စုစုပေါင်းဧရိယာမှာ ၁၁၇ စတုရန်း ကီလိုမီတာကျော်ရှိကြောင်း၊ ၎င်းအနက် မီးလောင်ကျွမ်းမှု အကြီးဆုံးနေရာ ၂ ခုမှာ လော့စ်အိန်ဂျလိစ်ခရိုင် အနောက်ပိုင်းရှိ ကမ်းရိုးတန်းရပ်ကွက် Pacifi

ရှားသမ္မတပူတင်က ၎င်းနှင့်တွေ့ဆုံလိုရာ သက်ဆိုင်ရာ အစီအစဉ်များကို ဆောင်ရွက်နေသည်ဟု အမေရိကန် ရွေးကောက်ခံသမ္မတ ထရမ့်က ဇန်နဝါရီ ၉ ရက်တွင် ပြောကြားခဲ့သည်။ ထရမ့်သည် ယင်းနေ့က ဖလော်ရီဒါ ပြည်နယ်ရှိ မာအာလာဂိုနေအိမ်၌ ရီပက်ဘလစ်ကန် ပါတီ ပြည်နယ်အုပ်ချုပ်ရေးမှူးများနှင့် အစည်းအဝေး မထိုင်မီ အထက်ပါအတိုင်းပြောကြားခဲ့ခြင်းဖြစ်ကြောင်း အမေရိကန်မီဒီယာများက ဖော်ပြခဲ့သည်။

တရုတ်-နိုင်ဂျီးရီးယား ဘက်ပေါင်းစုံ မဟာဗျူဟာမြောက် မိတ်ဖက်ဆက်ဆံရေး ခိုင်မာအားကောင်းစေရေးအတွက် နိုင်ဂျီးရီးယားသမ္မတ ဘိုလာအာမက်တီနူဘူက တရုတ်နိုင်ငံခြားရေးဝန်ကြီး ဝမ်ရိအား နိုင်ဂျီးရီးယား နိုင်ငံ၏မြို့တော် အဘူဂျာတွင် ဇန်နဝါရီ ၉ ရက်၌ လက်ခံ တွေ့ဆုံခဲ့သည်။

ဥရောပတွင် အကြီးမားဆုံး နေတိုးကာကွယ်ရေးစစ်စခန်းဖြစ်လာမည့် ရိုမေးနီးယားနိုင်ငံအရှေ့တောင်ပိုင်း၌ တည်ရှိသည့် Mihail Kogalniceanu အခြေစိုက်စခန်းတွင် ရုရှားကို စစ်ပွဲစတင်ရန် အဓိကနေရာတစ်ခုအဖြစ် အသုံးပြုလာမည်ဟု ယုံကြည်နေကြောင်း ရိုမေးနီးယား တစ်သီးပုဂ္ဂလက သမ္မတလောင်း Calin Georgescu က ပြောကြားလိုက်သည်။ 

ရှားသမ္မတဗလာဒီမာပူတင်နှင့် အမေရိကန်ရွေးကောက်ခံ သမ္မတဒေါ်နယ်ထရမ့်တို့ တွေ့ဆုံဖွယ်ရှိသည့်အပေါ် အိမ်ရှင်နိုင်ငံအဖြစ် တာဝန်ယူရန် အဆင်သင့် ဖြစ်နေကြောင်း၊ ယူကရိန်း၊ ရုရှားနှင့်အမေရိကန်တို့အကြား ငြိမ်းချမ်းရေးတည်ဆောက်နိုင်ရေးအတွက် မည်သည့်သံတမန်ရေးရာ ကြိုးပမ်းမှုကိုမဆို ဆောင်ရွက်ပေးနိုင်ကြောင်း ဆွစ်ဇာလန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Nicolas Bideau  ကို ကိုးကား၍ ဆွစ်ဇာလန် နေ့စဉ်ထုတ်သတင်းစာ Le Temps က ဇန်နဝါရီ ၁၂ ရက်နေ့တွင်  ဖော်ပြထားပါသည်။

CIA အပါအဝင် အမေရိကန် အစိုးရအာဏာပိုင်များက WhatsApp ကို အသုံးပြုသူများပြောသည့် သတင်းစကားများကို အဝေးမှထိန်းချုပ်ပြီး ဝင်ရောက်ကြည့်ရှု နိုင်ကြောင်း Meta ပိုင်ရှင် မက်ခ်ဇူကာဘာဂ်က ထုတ်ဖော်ပြောကြားခဲ့ပါသည်။ အာဏာပိုင်အဖွဲ့အစည်းများက WhatsApp ၏ end-to-end encryption ကို ထိထိရောက်ရောက် ကျော်လွှားနိုင်ခဲ့ကြောင်းကိုလည်း ပြောပါသည်။ 

Nvidia က Consumer Electronics Show (CES) 2025 တွင် Project DIGITS အမည်ရှိ ကမ္ဘာ့အသေးဆုံး AI စူပါကွန်ပြူတာကို ပြသလိုက်ပါသည်။ ဒီဇိုင်းသည် Apple Mac Mini နှင့်တူညီပြီး ဒေါ်လာ ၃,၀၀၀ သတ်မှတ်ထား ပါသည်။ 

AI စူပါကွန်ပြူတာသည် 200 Billion AI Model များကို Run နိုင်ပါသည်။ AI ဝါသနာရှင်များ၊ AI Researcher များနှင့် ဒေတာ Scientist များအတွက် ရည်ရွယ်ထုတ် လုပ်ထားခြင်းဖြစ်ပါသည်။ Project Digits တွင် AI Model များကို ဖန်တီးနိုင်၊ စမ်းသပ်နိုင်ပြီး Cloud Server ကို တင်နိုင်ပါသည်။